茶木‧台式休閒餐廳 (已結業)

尋日同好同事食午餐，台灣癮起，同事就提議食茶木喇!! 茶木之前食過佢午餐，質素都唔錯，滿心歡喜期待台式午餐。餐牌轉左喇，可以試下新嘢!叫左鳳梨豆乳肉排配肉燥麵。茶木自選午餐都幾好，有前菜食，又可以揀配咩飯麵，啱哂想試多啲嘢嘅客人。肉燥麵好味，麵質好似刀削麵，麵質彈牙，不錯不錯! 可惜嘅係鳳梨豆乳肉排個味道真的比較奇怪，鳳梨同豆乳個味唔多夾，好彩肉排肉質都嫩，後悔揀左呢個新口味呢....同事嘅柑橘爐魚柳都比較遜色，柑橘味道比較淡，如果更酸更濃會更好。凍紅豆薏米水真材實料，味道淡淡地，少少甜! 下次要揀排骨先!!!

平日難得阿媽放假，緊係同佢食個豐富既lunch，茶木既lunch set要平日先有，星期六日得散叫，機會難得緊係要食下。我地一人叫左一個set。午市自選套餐$66-前菜包括3樣，芽菜、滷蛋、滷雞腎。芽菜爽口，滷蛋夠入味，雞腎好好食，滷得夠入味之餘仲有咬口。主食要左醬燒汁沙朗(牛)，牛肉好嫩，有啲黑椒味，仲比足3大塊幾足料，有淹蘿蔔做配菜。另外可以揀紅燒牛肉手作麵、肉燥飯或者新竹米粉。我要左牛肉麵，仲有塊牛𦟌手作麵有啲似刀削麵口感，我幾鐘意，湯底夠濃麵彈牙，真係唔錯。同樣係自選套餐，阿媽超鐘意食茶木既炸排骨，見到有二話不說要左黃金酥炸排骨。的確炸得好酥脆，排骨唔韌，但感覺咸左少少。整體嚟講都唔錯，簡唔中都可以食一餐。平時夜晚都見好多人排隊，但平日午餐會少啲人。

平日午飯時間都經常嚟到東港城食飯，眾所週知呢度確實係一個美食沙漠，食茶木都唔係第一次。今次都想講下佢個午飯套餐。我哋叫咗紅燒牛肉麵，台式肉燥飯，兩個餐連珍珠奶茶夾埋$135。講下個前菜拼盤，有芽菜，鴨腎，青瓜，滷水蛋。芽菜稍鹹，鴨腎有啲硬但係入味。三杯雞可以話係麻麻地，用嘅係雞翼，唔係啖啖肉嘅雞肉，所以食起上嚟都幾麻煩。唔算特別有鑊氣，都比較鹹。至於肉燥飯，肉燥冇咩豬油香，但係分量就啱啱好。牛肉麵嘅湯汁唔錯， 醬油味鮮甜。牛展都幾厚，麵質有咬口。整體來講叫做係東港城比較好嘅一間餐廳，食物質素正常但係講唔上係地道。

今日上晝冇返工，同阿仔食埋午餐先走，想食啲有湯嘅嘢，就去咗屋企對面嘅茶木。簡簡單單叫過紅燒牛肉湯麵，鍾意佢個湯夠濃郁，紅燒牛肉炆得夠林，好入味，仲有幾舊蘿蔔，我會改陪新竹米粉，我最鍾意佢個湯味精唔多，飲多幾啖都唔會好口喝。今日我哋貪心啲要左個甜品，草莓多士，我第一次喺呢度食honey toast，阿仔就食過好多次，出乎我意料之外，個麵包覺得好鬆脆，分量亦都好大，中間嘅麵包好鬆軟，出邊嘅麵包皮覺得啱啱好，食入口唔會乾，仲有水果，雪糕。不過份量真係太大，要好有胃口先好叫。

一直念念不忘茶木的雞排和麵，這次又點了酥炸雞排麵($70)和酥炸雞排肉燥飯($68)。雞排外皮炸得十分酥脆，肉質嫩滑多汁，也不算油膩，而且份量足，肉燥的肉燥瘦多肥少，咬起來有嚼勁，味道香口濃郁而不膩，配菜方面，雪菜和青瓜味道普通，但與肉燥飯味道不是太配合，不過滷蛋十分入味。紅燒湯底惹味濃郁，微辣不嗆喉，更帶有濃濃的肉香，不算太過油膩，麵條軟硬恰到好處，口感彈牙煙靭。整體來說，餐廳的食物有質素，不用排隊的話確實是好選擇。

我已經有一段時間沒有去食了,因為坑口開了很多新的食肆,今天和朋友一起去吃晚飯,可能六點鐘,時間尚早,所以不用等位 (平時都要排隊等候) , 我們分別點了鳳梨骨,三杯雞和一個海鮮鍋,另外加HKD30變套餐 (套餐包括白飯,蛋糕和一杯飲品), 我個人覺得值得的,因為蛋糕是我每次必食的.最後我們再叫了一個紅豆綠荼雪糕多士.茶木一直給我的印象是價錢貴一些,不過食物的質素都有保證.無論是飯餐甜品都不會令我失望,今次也不例外,我有一個朋友是第一次食茶木,他亦覺得不錯.能夠令朋友食得開心滿意,我也吃得十分滿意.

Friend’s gathering ， 今日突然好想食台灣野，又好掛住茶木果個鹽酥雞排飯，於是就同友人去左果到食。今日平日唔算多人七點幾入座唔洗等。鹽酥雞排飯就緊係必嗌架啦，另外叫左個新出既麻油雞鍋，因為見佢個餐牌相好吸引，以為會好似啫啫雞咁。但係... 另外叫左個玫瑰甘菊花茶，好似好健康咁。肉燥飯，同雞排，滷蛋，雪菜青瓜係無敵配塔，真係食到想升天🤤花茶都幾香花味，但唔係太甘，要加蜜糖先好飲。之後雞鍋，真係好麻麻。有麻油味既，但係好清淡，無咩味，我地仲要特登拎左個辣椒醬調味😂 個豆卜係酸架，個豬血糕都唔係好識食，淨係覺得個口感好噁心，呢個菜係都幾後悔叫左既新嚐。可能係我食唔慣啦，係麻麻地茶木既新品對我尼講都係一個字 伏.下次叫番正常野😂

今次去咗坑口嗰間茶木食晚飯。夜晚七點半，東港城商場周圍都好多人，最後揀左去茶木排隊，條隊前邊有十幾人，不過好彩等左大約15分鐘就可以入座。我揀咗個蠔仔泡飯，雖然等得比較耐，但味道很好。有蠔仔很多，還加了不少其他配料，同用芫茜吊味，加上熱辣辣嘅濃湯，令我胃口大增。家人因為不喜歡茶木最傳統的粗麵，改了台灣米粉，配料選了雞翼，湯底是牛肉湯，味道也不錯。飲品我選了最愛的水果茶，水果很多亦很甜，果味濃郁，份量也不少，是我的至愛。計埋加一服務費，整餐晚飯每人都係＄100 ,算是抵食的選擇。

"茶木"開業至現在，門外永遠都是有很多食客等候入座，知道等候時間動輒也要三十分鐘，好奇心駒使下不得不加入排隊陣。餐牌若看見有一個牛公仔註在食物旁，代表這款食物有牛肉成份，提點顧客小心揀選美食，認真夠體貼。"茶木"是以台灣美食為主，但餐牌卻尋找到三款火煱可供品嘗，沙茶牛肉，海鲜煱等等。我與家人揀選了蠔仔肉碎泡飯，酥炸雞排麵，古早烤香腸肉燥飯，以上三款似乎味精重，炸雞太油腻，香腸醃料濃，吃了口渴非常。幸好每枱免費送上清水一瓶，而自費點了珍珠奶茶和芒果蜂蜜蘆薈，顿時解決一切。不知這是否做生意的手法呢!味精重，客人自然要多掏一點錢才可解決口渴!!

坑口東港城的茶木員工很好，雖然做野比較慢小小，但呢間茶木也真係好多人排隊每晚。六點半至七點左右就已經要排隊等，我都等咗幾耐。我地一家三口叫咗個紅燒牛肉麵，豬軟骨麵同豆腐煲。紅燒牛肉麵湯汁好香，好似比起平時的茶木好食我覺得。豆腐煲下面有個火熱住，好啱冬天食，而且價錢都係menu上比較平的一樣。豆腐配的汁好香，伴飯一流！環境整體而言都係順服的，只係覺得等位等到有點不耐煩。因為呢間係一定要排，無很攞飛

去開將軍澳但係又未夠鐘上堂本來諗住去Pacific Coffee買杯嘢飲點知撞正人哋Annual dinner冇開門唯有搵個地方坐下結果就去咗茶木啦去到茶木又唔係好肚餓所以嗌咗一個飯同埋三杯嘢飲我哋叫咗一個炸豬扒肉操飯然後仲有黑糖珍珠奶茶同胚芽珍珠奶茶嘢食要等左一陣先至上先講下嗰飯唔係咁特別 同普通連鎖餐廳食嘅差唔多冇話特別好食用嘅粉比較多然後講下啲三杯嘢飲個黑糖珍珠奶茶就太甜啦啲黑糖珍珠細細粒而且黐埋晒咬落去又林治治唔係咁吸引比起出面一啲專賣珍珠奶茶嘅鋪頭失色唔少而個胚芽珍珠奶茶就有少少hea首先賣相唔靚啲胚芽嬸得唔集中而且痴哂係個杯邊見到都唔開胃同飲即沖奶茶冇分別唯一可取嘅係佢比起出面嘅平同埋叫做有得坐下傾吓計如果大家唔介意質素黎呢度坐吓都好嘅

相信唔少人都試過茶木，但好少飲嘢。今次同朋友一齊食飯，試咗黑糖胚芽奶茶，朋友就試咗黑糖珍珠奶茶！依家冬天可以揀熱嘅，熱立立好舒服，黑糖珍珠會比黑糖胚芽熱好多兩杯奶茶都唔係好甜，啱口味淡嘅人！基本上兩杯味道差唔多，但鐘意有咬口嘅可以揀黑糖珍珠！另外，仲食咗個豬排肉糙飯，豬排好大塊，夠哂足料，細食嘅可以兩個人share!坑口呢間茶木嘅環境好舒服，同其他茶木嘅裝修唔同，色調比較沈，啱傾計！而其他就走青春路線多啲！

同朋友仔係附近學樂器，上堂之前就去茶木食飯。我一向都好鐘意飲台式飲品，茶木呢度既飲品雖然比出面舖貴，但係質素確實好好。我order左一杯黑糖珍珠奶茶，一個酥炸豬排肉燥飯。熱既黑糖珍珠奶茶我係第一次飲，珍珠變得更軟糯，加上黑糖味都幾重，推薦比鐘意飲甜既人。而酥炸豬排飯比餐牌上大份，一個人可能未必食得哂。炸豬排個皮好脆，肉燥都夠入味，可以比得上係台灣本地食既肉燥飯。唯一不足既係旁邊既小菜，食落好似有陣包裝味道。。。得閒又諗唔到食咩，我會pick茶木做首選。

香港人 除咗鍾意食日本嘢之外，台灣嘢都係其中一個好受歡迎的菜式。茶木之所以咁成功，我諗係因為食物賣相吸引，口味又調節左更適合香港人，餐廳環境都好重要，雖然每間茶木裝修都唔太一樣，但都坐得舒適，坑口呢間裝修都幾揼本，風格帶小小歐陸又唔會太奢華， 感覺Cozy。每張枱之間都唔算太迫夾，以香港寸金尺土嘅環境之下已經係好舒適。今次我地已經專登早d去食晚飯，6點20分到，點知都已經出現左人龍了，最後都要排40分鐘先有得入座。囝囝點了香煎沙朗肉燥飯，肉質鬆軟但都不失有咬口， 醃得好入味，肉燥撈飯小朋友最愛，唔使一陣已經清晒成碟飯。我就點左酥炸排骨麵，外皮既粉醬烚到好處，唔會過厚，上枱時脆卜卜，熱辣辣，如果肉質再Juicy d就更美味呢排唔知點解好想食芋圓，捐窿捐罅去搵好食既芋圓。咁啱見到茶木有新出嘅 芋圓糖水就梗係試下， 賣相確實係唔錯， 但係其實份量好少，下面拱起嘅位置全部都係沙冰，個人食唔到太凍既野，餐牌上又冇註明係沙冰，我食左2啖決定打包，拎返屋企整返熱食😅撇除呢點，其實芋圓本身係幾好食，煙韌煙韌，唔會好粉好淋，個糖水如果重dd疆味會更好食。總括黎講， 42蚊食幾粒芋圓（紅豆最多）唔抵食，滿

今日同女友去坑口打波，佢話好鐘意食茶木嘅豬軟骨拉麵，見這商場開了一間，入去試下。環境90分，坐位舒服，乾淨。招呼 60分，不過不失，可能人不多，侍應傾計多，送餐有點耐但哥哥仔好有禮貌，出去比$嘅收銀小姐應學習多微笑及講多謝，$280兩個人的下午茶收費算高檔了，連多謝都無一句，比大快活的收銀還要差。814豬軟骨麵$71，餸麵都偏少，好味嘅，70分。801酥炸排骨麵$71，麵少但排骨算多，但較多粉，60分。595木意綿綿$48，正常無特別，唔值咁嘅價，不推蔫，40分。058愛爾蘭冰咖啡$34，好味，重D咖啡味更好，80分。077薰衣草珍珠奶茶$31，正常，無特別，60分。埋單$280.50(已包加一)，每人平均$14O，下午茶算貴。整體60分，可以一試。