茶木‧台式休閒餐廳 (MOSTown) (裝修中)

茶木真係開到周圍都係，點解我都仲要寫食評呢，就因為真係好食，值得寫下讚下呢間茶木我食的時候，正正係黎開呢頭同我朋友同佢另一半一齊食飯，大家兩PAIR情侶傾下唔同的話題，都幾開心佢地仲分享左好多工作的辛酸，同埋大家相處的趣事傾D咁SWEET的野，起間咁SWEET的餐廳都幾岩FEEL傾左陣先記得要點菜，我就擇左炸雞排肉燥飯 $68無呃秤架，都幾多雞排，而且夠厚，肉質嫩滑，外脆內軟幾好食正式開餐，同朋友都有分享下黎食下食完就又一齊食下甜品啦，見幾靚，味道都OK，不過其實無咁大杯，底度有好多係冰黎架總括黎講，都係好食的間野，值得食

女仔梗係鍾意食甜品㗎啦 *^O^*🍨🍦🍧🍰🍮今日，我同朋友一齊嚟到馬鞍山行街，行到攰攰哋，見到呢間茶木，決定入去試下傳聞中好好味嘅蜜糖磚塊甜品。我哋三個女仔👭👧點咗兩個蜜糖磚塊甜品，一個係草莓香草味🍓，另一個係綠茶紅豆口味。兩個甜品一來到，我哋當然係手機📱先食，個外型真係好靚，好似藝術品。雪糕凍冰冰，配埋暖暖嘅吐司，真係一絕！ 吐司嘅外層十分脆，但內裏鬆軟，好有口感。仲有好濃嘅蜜糖味，配埋啲cream一齊食，真係好好味。我自己就覺得草莓味好食啲，但朋友係綠茶控，緊係鍾意食綠茶味多d。不過要注意一點，就係分量都幾多，我哋三個女仔都食唔曬，有啲浪費。

星期二午飯時間，同事建議試未食過既茶木。到了門外，見有幾個人在等，以為要等好耐，幸好等幾分鐘就有位。我選了Set A, 有三款前菜，但因為太肚餓，所以我食左豆芽才記得唔記得影相，連塊豆腐都係食左一半😅，不過豆芽冇特別驚喜，而豆腐幾鮮味，比想像吸引；滷蛋一樣冇特別。小食黃金排骨，比想像中大份，新鮮鬆脆；相反，牛肉麵卻太細，如果胃口大的，一定唔夠飽。飲品-紅豆薏米水，唔記得影相，比相像中細杯，得少少紅豆及薏米，不過加左薑味，感覺幾醒神。

由開店到現在已有一段時間, 客人仍絡繹不絶, 可見是頗受客人歡迎。雖然是下午, 仍有客人等位, 我們大約等了5分鐘, 經理表示主餐廳已坐滿客人, 請我們到另一邊的外面的座位。下午時段, 不想食太多, 點了一個之前食過覺得好味, 又穏陣 (大多數食店牛腱麵的水準既穩定又好味) 的「紅燒牛肉麵」和 「黃金酥炸排骨」。 「紅燒牛肉麵」      ~      證明我的選擇路線是正確的, 端上枱時看賣相已覺正, 牛腱超厚, 又腍又好味, 份量頗多, 配以清甜的紅蘿蔔、白蘿蔔, 很讚!   而麵條是寛麵, 彈牙煙靭, 湯底濃郁, 大大碗, 好滿意噢!    「黃金酥炸排骨」~    豬排炸得脆脆的, 肉質很腍, 但味道方面似乎有好多味精, 食完會好口喝呢!看見廚窗見到精緻的蛋糕, 鍾情的Blueberry Cheese Cake 已售馨, 而且已經好飽, 下次再品嚐吧! 是次消費 : $140

味探今日中午時段，與友人經過馬鞍山時，四處尋找可以吃，享受下午茶又可以談話的地方。抬頭一看，茶木吸引了我們的眼光。來到茶木，我選擇冰淇淋草莓心太軟，味探身為一個男人，見到這一盤食物，胃口大開，只可惜覺得這盤美食太小，根本填不飽肚子。但是，我小看了。首先雪糕外圍繞著cream, 我使用小挖鏟挖起雪糕，並不太硬，口感順滑。然後是朱古力味的心太軟蛋糕，十分鬆化，一挖向蛋糕，裡面的滿滿的朱古力濃濃地流了出來，十分甜。而圍繞草莓是一粒粒的朱古力曲奇碎及藍莓。由於是甜品關係，曲奇帶苦能夠與甜品帶來一股中和。整體上，這冰淇淋草莓心太軟十分特別。還外配一杯飲品，有幾種選擇，包括紅茶，柚子茶，黑糖珍珠奶茶，而我選擇黑糖珍珠奶茶，味道好濃，適合愛飲濃茶的朋友，是一個不錯的選擇。

係我心目中茶木呢一間餐廳只係食甜品同食一啲粉麵套餐嘅地方，今日晚上朋友帶咗我去試吓佢哋啲小菜，結果令我喜出望外。等左一陣就有位喇，叫咗台式滷味拼盤，酥炸蚵嗲 (即係炸蠔餅) 同沙茶牛柳炒手作麵。台式滷味拼盤份量都幾多，而且滷得幾入味，兩個人食就啱啱好，每人每款都可以食到一至兩件。炸蠔餅份量又係幾大碟，炸得幾鬆化，而且重有兩個漿比大家點，不過漿汁偏咸，建議大家試左先好落。沙茶牛柳炒手作麵賣相同味道都一般。

放早同朋友仔去tea time,諗住睇下茶木有咩tea set la，嗯.....感覺選擇多既，小食、主食、甜品set都有，但係份量有點就真係少左d囉🙄🙄兩隻雞亦一個糖心蛋咁就一個set,會唔會有點兒那個😑😑紅油抄手哩個set我覺得叫抵少少，起碼食左都叫有野落下肚，一碟8隻原本我有諗住寫哩個食評嫁，因為我食左一粒發現佢幾好食，餃子肉汁飽滿，辣醬香辣，值得試👍🏻培根手工麵，佢原本果名太長啦，我記唔到，一如往常，汁同麵既比例岩岩好，麵質軟硬適中黑糖薑母茶水果茶

又去馬鞍山搵食 去咗茶木食飯 等左5分鐘就入得環境舒適  人不太多 見到有D新食物 但係無叫到 咁就叫咗個咕嚕肉叫咗個沙朗牛排飯- 咕嚕肉味道都不錯 有好多配料口感不太硬 很好食  都不錯酸酸甜甜 好開胃-沙朗牛排飯好多肉燥 有半隻蛋 牛排勁硬 完全咬唔開之後無食過變咗淨係食肉燥飯 =.=希望下次會再好點. . .

原本諗住去食個下午，一開頭叫人落單都等左好內都冇人理我，之後等五分鐘先有人理，吾緊要我明白下午係忙，但落單男同事態度真係好差！咩叫等下啦.落左嘢食先落嘢飲啦.語氣係好差！我好喇得罪左佢！當我落完單等左15-20分鐘時，我就問一問我啲嘢食有未，佢就答我（語氣好差）等下啦，做緊呀！其實我只想馬鞍山茶木餐廳樓面去檢討員工對客人語氣！！

太興飲食集團旗下的餐廳，主打台灣菜。以牛肉麵、鹵肉飯為招牌。我是這家店的常客，因為小朋友很喜歡吃這裡的鹵肉飯，用了台灣米，粒粒圓润，鹵肉不會太甜，符合香港人的飲食味口。配上松脆的炸雞排或是多汁鮮嫩的牛排便是非常豐富的一個套餐⋯⋯而我則喜歡這裡的牛肉麵。牛肉焖得很軟，而且每塊都是有肉有筋，連湯也非常出色，忍不住喝多幾口😋。餐廳位於馬鞍山綫的馬鞍山站，搭扶手電梯上一層，旁邊有家Lafuma。装修简單，座位也比較寬鬆。11點半正式營業，12點到就得排隊了。门口有取號機，可以上網查詢排號的實時情況，所以如果前面有很多人，也不必擔心在四週圍逛一下的時候錯過了自己的號碼。這在香港的餐廳之中算是少見的贴心之處。

我直情係等入座嘅時間寫嘅攞咗餐牌揀完食咩都仲有成個鐘啲人食完嘢喺出面嗰個area得一條友執嘢執完擺好餐具又唔叫人去坐本身有位都變咗等好耐禮拜四晚要成個鐘好誇張唔建議多人排嗰陣揀食呢間

本身一坐低好快就叫野食點知坐左廿分鐘都唔見有野黎就問下d野點解咁耐耐到連野飲都未上先知連單都冇落真係俾個男職員吹到啤一聲唔通真係貪個位舒服好坐本身想快快手食完就起行真係食咩都唔會再黎等

好耐無寫食評，但今日都要寫下啦，因為經歷確實好麻麻。今日少少趕時間，但我一個人，諗住3張枱應該好快姐，點知都等咗我5個字，係成日有客走又無人去𢴇枱，𢴇完又無人叫客入坐。好啦，入到去叫完嘢食話要等15~20分鐘，原來唔止樓面唔夠人，連廚房都唔夠人。。。最後5分鐘就有嘢食。。。嘢食唔係差，價錢都合理，不過份量就少啲，同埋要好有時間先好幫襯

對九龍灣的Teawood感覺還不錯，今天帶孩子去馬鞍山的這家Teawood嘗試。未料服務人員的態度差得讓人驚訝。桌上的宣傳寫有幾樣甜點限定優惠，我們就和服務小妹點優惠的其中三樣。服務小妹一看我們開始只點了三樣甜點，又在說普通話，臉就一下板了起來，愛理不理的。第三樣甜點來的時候，准備要淋上去的奶油在杯里凍住了，小妹直接拿走就不給了，之後竟然直接說不補了。在我們的要求下，雖然去拿了奶油來，但臉上結霜一樣，白了我們幾眼。孩子也楞了，說這里的服務怎麼這樣。結帳了，更氣人的是，原來優惠是要在手機上先注册的，服務人員并不提醒，直接給下單了。結果當然按原價結的。原以為一個服務人員是這樣，結果經理也這樣，說來說去，認為服務不存在問題，只是就餐前讓我們等得久算問題。就這樣，我們原以充滿樂趣的一餐就被氣得再也不想去這家餐廳了。

今日同朋友經過馬鞍山商場嘅時候有啲口癢，所以就入去食左一個下午茶。咁我個朋友就點左一客古法香腸滷肉飯，其實份量都唔係好大碟，但係食落去都好香口同埋啲滷肉好濃郁。咁我就唔係太肚餓，所以就點左一客芒果芋圓仙草，當然啦！佢嘅芋圓唔算太多但係有好多配料，食落呀口感都好豐富架！😂雖然呢間茶木比起市區既會更清幽，又唔嘈，人流都唔算叫做太多，我哋傾計過咗個半鐘頭都冇趕我地走，可能因為係平日下午茶時間啦！😂😂