茶木‧台式休閒餐廳 (MOSTown)

营业中

休息中

今日同朋友經過馬鞍山商場嘅時候有啲口癢，所以就入去食左一個下午茶。咁我個朋友就點左一客古法香腸滷肉飯，其實份量都唔係好大碟，但係食落去都好香口同埋啲滷肉好濃郁。咁我就唔係太肚餓，所以就點左一客芒果芋圓仙草，當然啦！佢嘅芋圓唔算太多但係有好多配料，食落呀口感都好豐富架！😂雖然呢間茶木比起市區既會更清幽，又唔嘈，人流都唔算叫做太多，我哋傾計過咗個半鐘頭都冇趕我地走，可能因為係平日下午茶時間啦！😂😂

8號風球老公唔使返工，我們瞓到2點幾好肚餓，揸車出去食嘢，見茶木有開又唔使等位咪入去食。因為我一直都好想食佢嘅雪糕層層疊，所以淨係叫咗一碗香辣牛肉麵兩份食，牛肉超林，超入味，佢係用牛𦟌部位，所以好好味，有紅蘿蔔和白蘿蔔都好甜，麵條好煙un，好有口感，袋底好香濃好鮮味，成碗麵辣辣地真係好正之後叫咗黑糖紅豆綠茶冰淇淋層層疊，一直都好想食，今日終於食到啦！超開心，麵包每一塊都好外脆內軟和有練奶，有吉士cream，綠茶雪糕好香濃的綠茶味，紅豆好甜，有幾粒士多啤梨，真係超級正又勁好味

得知千色店減價，師奶仔梗係要去睇下有咩正野啦！去之前食飽飽先夠力血併！附近有茶木，見好耐無食，又唔太多人等位，就你啦！食物：都算多選擇，但我同花先生一齊揀左紅燒牛肉新竹米粉。落單一陣轉頭碗米粉就到，快得有啲驚⋯⋯ 賣相OK，有4塊牛肉，牛肉好淋入味，湯底濃厚，係米粉份量少，花先生唔夠飽。珍珠奶茶太多奶，無左茶香。環境：被安排坐店外既商場位置，愈食愈熱，熱到出汗！係無乜選擇下既美食沙漠，算是會再回頭之選擇。有得揀千其唔好坐出面，除非你想出汗。

茶木一路都係我久不久會光顧的集團式食肆，因為食物質素吾錯，又坐得舒服。不過奈何成日都好多人等位。今日有幸吾駛等好耐位，就來同老公撐檯腳啦。今天點了個酥炸雞扒麵同豬軟骨麵，好鐘意呢度的湯底，濃濃的牛肉湯加上陣陣莞茜香，令味道更有層次！酥炸雞扒即叫即整，分開上碟，避免卜卜脆的外層被牛肉湯浸淋，入面雞扒肉質嫩滑，好味道。飲品方面，我們點了朱古力火山和檸檬柳丁蘇打。飲品一向都好有保證，吾會求求奇奇。朱古力火山面頭有cream 加朱古力脆脆，甚有咬口。檸檬柳橙蘇打的味道有點像葡萄適，底層有一粒粒的橙和檸檬皮和果肉，味道清新。整體來說，呢間茶木每次都冇令我失望，會再光顧！

茶木出名食蜜糖吐司，而且越開越多分店。試過不同分店都不錯。而且比起剛開業時，食物變得多元化，多左好多選擇！馬鞍山開左，真係食物沙漠既綠洲雞翼新竹米粉-雞翼偏咸，但湯底夠味，米粉夠爽口牛扒肉燥飯-牛扒比較茶餐廳質素，夠林，都夠味，還可以！肉燥就無得輸！蚵仔煎-煎得夠香脆，而且蠔都好多，好味士多啤梨芋圓仙草凍-仲有紅豆、椰果等配料，芋圓超煙靭，好味！呢個真係必叫埋單都係二百幾蚊左右，食物好環境又坐得舒服，推介啦！

聽說茶木推出了芋圓，某天經過便去嚐嚐。下午茶餐牌有多款美食挑選，芋圓當然是必點之選，另加一碗紅燒牛肉麵。$38一碗芋圓再配一杯餐飲，是挺划算的。牛肉麵則是$5x一碗加飲料一杯，比晚餐便宜。芋圓以黑糖冰墊底，略甜，但配有小丸子，咬感十足！吃起來有淡淡的中藥味，可以接受。之前在加拿芬店嚐過牛肉麵，印象深刻，今次也沒令我失望。最愛湯底的甜味。點了少甜少冰的黑糖珍珠奶茶，濃濃的茶味搭配咬感的珍珠，讚！強烈推薦下午茶！

位於馬鞍山新港城中心3樓的茶木，主打的台式料理十分不錯，頗值得介紹，午市套餐約七十多元，味道頗不錯。餐廳內的位置以梳化為主，所以坐很頗舒適。茶木的甜點和多士也不錯，感到高興的就是主食的水準也頗高。點了一客午市A餐客飯，包括前菜皮蛋肉鬆豆腐，古早地瓜三杯雞，一碗古早肉燥飯，和一杯紅豆薏米水。 前菜的豆腐很滑溜，當中的醬汁頗辣，但整體也是美味的。 另外一客為酥炸炸雞排面配熱的黑糖珍珠奶茶。雞排炸得香脆、鹹香鹹香的，略嫌炸粉太厚，雞扒的比例則相對較少。

放假無聊行下市中心, 見餓餓地便去茶木tea 一tea.放假下午4點左右都有人等位, 等咗15分鐘便安排入坐卡位, 自成一角好過坐其他方枱, 無咁迫.  我地今次4個人, 一共叫咗3樣來share, tea time要食得colorful d, 同埋甜甜地嘅嘢令人開心d.542. 黑糖芋圓水果仙草 $42    賣相一般, 原來下面好鬼多冰, 有半碗都係糖水, 好搵笨, 但紅豆真係好味唔會好甜, 咁少料唔怪之得可以賣咁平啦(以連鎖式經營來計)另外叫咗2個蜜糖磚塊 (各$78), 分別係: 451. 石板街巧克力 & 453. 草莓香草, 都係相機先食, 顏色好吸引, 雪糕融咗D嘅效果仲靚, 切開裡面每粒麵包方塊都焗到脆卜卜, 連麵包框嘅內或外都係脆嘅, 點上雪糕同CREAM一齊食, 真係好食到停唔到口, 我地2個人分1份, 其實真係好鬼飽架, 夜晚食飯都無乜胃口添...

今晚好想出街食，諗唔到食咩，見茶木都唔係好多人等，我地一行兩人就等一下。坐底見到有DINNER SET咁就加左30蚊連飲品同甜品，凍飲得兩款，但其中一款賣曬，都係焗飲一款，都少少唔高興，不過紅豆薏米水都正路都算，中菜都唔錯，味道好夾我口味。去到甜品，叫左好大路既BLUEBERRY CHEESECAKE，望落都正常，食落真係想死，好似食一舊膠咁，真係食唔落，忍唔住同職員講，你係唔係放左好多日，佢話日日清，唔會留過夜。我同佢講話口感勁膠，佢答我呢個蛋糕係咁，一個唔好意思既樣，跟住問我要唔要換另一個，咁我當然換，仲叫佢俾一個正常就可以。另一個咖啡蛋糕，望落都好正常，但再一次呆左，個蛋糕底又硬又乾，放左雪櫃兩日既感覺，真係樓下美心都好食好多，早知唔加30蚊......最後都係投降，唔食甜品走。仲以為茶木出名甜品，堅係好好好好好難食

難得放假跟家人外出吃午飯, 今日家人指明想吃茶木。記得以往茶木很受歡迎, 每每未到營業時間, 門外已有食客排隊等候, 實在誇張。今次特意準時到達, 但卻沒人在外輪候!?很冷清的感覺。我們三人被安排卡位座, 坐下後點了3個菜: 紅燒牛肉麵台式滷味拼盤寶島三小碟台式滷味拼盤豬腩肉一如既往的嚡。味道方面, 整體很鹹, 真的非常鹹!寶島三小碟炸墨魚餅彈牙, 澆上少許醬汁, 味道不錯; 香辣炸雞辣得惹味, 配上沙律醬, 好味! 溏心蛋有濃濃蛋味, 不過賣相就麻麻。紅燒牛肉麵 (☆☆☆☆)湯底很濃很香, 牛肉很入味, 麵條軟硬適中, 不錯! 整體而言, 除了滷味拼盤稍為退步外, 其他水準仍不錯; 上菜速度亦令人滿意, 值得再來!

懶洋洋嘅星期六， 除咗同肥媽去飲茶嘅選擇之外，今日就試下呢一間Teawood！ 我們去到已經是下午兩點半，但還要等幾張枱。好精美的餐牌好fresh嘅飯後甜品餐牌內的選擇非常之多，有頭盤小吃，主菜飯麵類，甜品，和特色飲品。 對有選擇困難的朋友，可能要花上十分鐘才點到他們想吃的東西店內的裝修養人感覺非常舒適休閒這個豬軟骨湯麵， 味道適中不會太鹹，麵條煙韌有口感酥炸雞扒滷肉飯， 滷肉份量適中，不會令飯過鹹 酥炸豬扒麵滷肉牛扒飯蘆薈芒果冰感覺非常清新紅豆抹茶冰沙，但過分甜。我今次最想食嘅雪糕多士， 軟綿綿嘅厚多士，再加石板街雪糕。 味道可以但不是十分驚喜！

兩口子在新港城晚膳，到了茶木來個簡單晚餐。麻醬水耕菜沙律 : 菜是否水耕就不得而知了，反正麻麻香香的很是開胃。鳳梨甜酸肉 : 賣相特別，咕嚕肉外皮略脆而內裡肉嫩，做得不錯! 而菠蘿更比咕嚕肉多，酸酸甜甜的，特別醒胃。黑糖薑母鴨湯 : 湯底比起一般的中湯略甜，而且味道濃郁，有點像餸汁，鴨肉就煮得軟腍入味。小茶木劇院 : 蛋糕相對朱古力略嫌太多，個人口味而已。紅豆薏米水 : 清清涼涼的，正好消暑解渴。整體各方面質素平實，價格也合理，適合一家大細或"無飯"夫妻。

今晚同男朋友係屋企附近食飯，因為佢話想食茶木，就去左茶木。我嗌左我最愛嘅雞扒肉燥飯，今日個雞扒比較薄，不過肉燥飯依然有水準。最愛呢個肉燥飯，肉燥份量都幾多，但又唔會好膩。雖然今日塊雞扒比較薄，不過十分香脆。另外嗌左個卡邦尼，呢個都比想像之中好食好多，好有驚喜。啲麵好煙韌，同牛肉麵啲麵好相似，唔知係咪一樣。至於個汁好香，香濃嘅忌廉、奶味。絕對可以西式餐廳媲美。呢個紅油抄手其實幾好食嘅，餡料都幾新鮮，但係係辣到食唔到嘅。如果無咁辣就正喇。最後仲有一杯水果茶，之後飲過幾好飲所以嗌嘅。不過飲完今次應該無下次，因為實在係太太太甜了。整體而言，係呢個馬鞍山沙漠我覺得茶木都算好好食了。而且晚餐黎講，價錢都叫合理。

馬鞍山好似都好少台式餐廳,茶木應該算係係馬鞍山幾特別ge一間餐廳了,之前同班friend黎茶木食lunch,真心好正,係呢度向大家推介一下黎到teawood一定要試下佢地ge招牌菜,牛肉面,本人鐘意食辣野,所以叫左個香辣牛肉面,好正,湯底好香好好味,面ge口感都好好,材料豐富,牛肉香,另外,當然要試下teawood ge甜品la!佢ge香橙pudding好滑,好好味,另外佢ge opera cake都有種令人食完又想再食ge感覺

間唔中出街食下野，都係一件賞心悅目既事。今次去左馬鞍山既茶木食下午茶。無食午餐，直接食下午茶，所以叫左一份重量級既餐 C2 炸雞排肉燥飯 加多杯珍珠奶茶。呢個餐$52，再加一。下午茶黎講都貴架！但如果當午餐既話，價錢都差不多。珍珠奶茶好快就到，之後等多一陣份炸雞排肉燥飯都黎埋。不錯！不錯！有青瓜粒拌飯，清爽清新，但另外既梅菜（？！）就鹹左少少。滷蛋同肉燥都做得好正宗。炸雞排唔肥膩，但略嫌炸皮比較鬆散，一叉就甩出黎。珍珠奶茶比樓下間天仁好味，好有茶香，珍珠亦好Q彈。湊住個女食野真係唔容易，想歎耐啲都難。下次試下早少少試埋佢個午餐先得。