茶木‧台式休閒餐廳 (MOSTown) (裝修中)

上次來食牛肉面，幾好食。今次來食吐司，真係好難食，個面包粒燒到成塊炭咁，食到口都痛。個面包因為燒得太勁，上台個時暖暖地，但無左水分保溫，好快就凍左。熱吐司加雪糕本來係絕配，但依家又硬又凍吐司，加雪糕，真係好難食。呢度個環境的確好好，下午茶三點三，同一大班朋友來食，hea 下都幾寫意。員工服務態度都唔錯，如果可以係甜品上面改善下會更加好，話晒佢都係以甜品休閒點係香港比較有名，做唔好甜品就真係覺得差左點。

放工後已經很晚，隨便選了茶木，去這類連鎖餐廳通常只為填飽肚子，沒想到今次有意外驚喜友人點了每次必吃的牛肉麵我則點了新品，香辣蛤蜊手作麵還有SHARE一份芝心雞翼雞翼去了骨，是我這種懶人的最愛哈哈哈，表皮香脆原本以為裡面的芝心餡只是普通的mozzarella 但好像不是呢，芝士意外地香濃值得一試！反而這款手作麵完全失水準蛤蜊太鹹，手作麵煮OVER了，太軟身，而且醬汁很HEA，水汪汪，沒有一點香辣的味道

難得和父母一齊去街街，呀媽就一向好鍾意台灣和掃街文化，呀爸就紳士病發作唔多願係夜市邊行邊食，所以襯呢個機會和佢地一齊回憶台灣好味道呀媽由細到大鍾意麵食，所以一睇餐牌就睇中左佢的手工麵，點了雞排和排骨各一。首先，佢的湯底好濃、手工闊條麵好合我呀媽口味，麵略少，但是肉有兩層滿滿，食肉獸好滿足。原本驚排骨會瘦和薄，點知比雞排更有驚喜，排骨皮薄外脆內鬆有肉汁。其實個辣豬耳辣得好過癮，不過真係好辣，要呀爸呢d嗜辣的人先定得順，只是食開普通辣度的人就咪亂試啦!我要過水先食得到，食完仲要即飲水!呀爸叫嘢食睇樣既，佢見絲狀整成球狀咁幾靚~我自己本身鍾意食薯仔既，成個配搭幾得意的，脆著裡面係蝦膠，再入面係完隻蝦肉，我連蝦尾d殼都就咁吞埋。係略嫌計起黎1隻都幾貴。

自從食過呢間既牛肉麵之後, 就愛上左呢度既湯底, 耐唔耐就會心陏陏想黎食之前試過辣既牛肉麵, 但感覺好多油, 飲唔到湯底, 所以都係叫返原味紅燒牛肉麵 $74有4大舊牛肉, 牛肉淋, 湯底正有配菜白蘿蔔,紅蘿蔔, 都好淋同入味香酥炸雞扒麵: 好酥脆, 幾中意呢度既炸物黑糖珍珠奶茶 $30珍珠甜甜地, 好好食其實我平時一食野就好少飲得晒成杯, 但呢間既就好好飲, 點都飲晒先埋單😄

Very bad service Seat arrangement very bad Lack of tables for 5-6 or above personsNever consider to have better seat assignment Attitudes of Waiters are bad and unfriendly

朋友聚餐，人人黎都食佢個吐司，但因為減肥關係，點左個沙律比自己。凱撒沙律開頭諗住會中伏多，因為點會有人黎食沙律，d 菜可能會放左好耐。但估唔到又出奇地新鮮，而且面包粒好脆，加埋碎芝士，風乾火腿同凱撒沙律醬，出奇地好食！而且配料都好多，絕對唔吝嗇！如果比朋友局住食茶木而又唔想食佢d 甜品，不仿試下！

平時夜晚食茶木一定要等好耐,今日lunch time唔洗等就有得入去。點左個自選套餐($65)前菜: 皮蛋肉鬆豆腐,以為係平時食開台式有豉油膏嗰種,但變左係辣椒油。見到咁紅以為會好辣,反而覺得唔夠味,豆腐都無咩豆味。主食:古早地瓜三杯雞,賣相幾好,地瓜有炸過,但略嫌太乾。雞件都嫩滑,加上有蒜頭,薑,紅椒一齊炒,好香,好惹味。紅燒牛肉手作麵,牛肉有兩片,好入味,又夠軟,唔錯。手作麵有少少似刀削麵,加埋湯底一齊食都好夾,但湯底油左少少。餐飲:黑糖冬瓜茶,好香黑糖味,唔係死甜。整體都唔錯,坐得幾舒服,但有六十幾蚊食個lunch有少少貴。

第二次幫襯這店，原因只有兩個，一是在我家附近，二是本人很喜歡食台菜今次去茶木都是吃我最喜愛的蠔仔粥，蠔仔份量沒有上次的多，反而多了些肉碎，但個湯都幾重蠔味！牛肉麵，麵質今次偏厚，牛肉好冧，湯汁很香濃，今次兩個主菜感覺遍另外還叫了鹽酥雞，鹽酥雞也是必吃的小食之一，但炸粉太多，雞肉好細粒，沒有什麼味道，真有點失望今次水準明顯和上次很不一樣，是換了大廚？還是食物品質差了？

朋友似乎在工作上不太順利，所以就決定先看個電影轉換一下心境，再揀間可以讓佢好好放鬆的餐廳。揀餐廳的過程中，揀個戲院附近的餐廳比較方便豬扒燥肉飯，搭配滷蛋+青瓜，非常有嚼勁的絞肉，配合著大量滷汁溫潤但不會感覺到覺得膩。但價位稍微偏高不過豬扒炸得幾好，水準中上，食落唔算太油，值得一讚

同姐姊行街行到累 就決定坐低食個甜品休息下先見到茶木甜品咁正 座位又舒服 所以就決定食茶木啦叫左依個石板街雪糕蜜糖多士之前一路都好想試有三層厚厚的多士 ，多士每一面都擦上左香香甜甜既蜜糖！淨係多士已經好好食！再加埋上層既朱古力雪糕同cream 冰凍既雪糕碰上熱熱的多士粒！依個組合真係完美！雖然好邪惡！但我地都忍唔住食哂

等緊睇戲既同時，去左茶木食個靚tea。去到已經好多人排隊，我地排第八個，去行下街再過去食。原來個排隊飛有二維碼，行緊街scan一scan排隊飛就知道仲要等多幾張檯，真係好方便。差唔多到我就上左去。環境好靚，叫左個芋圓雜果冰。雖然好多人，但唔洗等好耐，雜果冰已經上菜！好正呀，有薏米，珍珠，蕃薯圓，芋圓，士多啤梨，蘆薈，火龍果等等。真係大雜燴呀！個甜品湯底食到有薑汁味，幾養生wor。個味道夹得真係岩岩好。個人認為如果士多啤梨冇擺落去會好d。芋圓一入口，食到芋頭既味道，唔會假，正！鐘意蕃薯圓，因為入口，甜甜的蕃薯味散發出黎，仲要個口感好彈牙，好幸福呀！四十幾蚊，都幾大碗，算ok架啦。最緊要有得坐，檯大座位又舒服，可以坐低吹水，氣氛又好好，值既。下次再黎呢間餐廳hea!

今天晚上打完羽毛球，便順便到附近的新港城食晚飯。雖然是閒日，但晚上7:30是晚餐的高峰期，所以幾乎這裡的所有餐廳都要等位。最後我們選擇了茶木。輪候時間大約15分鐘，新港城這間分店分內外兩種座位，我們被安排坐到外面的座位，這裡比較沒有私隱，但由於很肚餓的關係，我們就沒有再等位。我們點了這裡最出名的兩款菜色：紅燒牛肉麵和多士盒。燒牛肉麵在下單後不用5分4就已經送上，速度比食快餐還要快呢！牛肉麵中有白蘿蔔、紅燒牛肉和麵。白蘿蔔很甜，完全沒有苦澀味；紅燒牛肉炆得非常軟稔，幾乎不用咀嚼，入口即融，而且很入味，再加上肉位和筋位的質地交錯，口感和味道都是一流！芒果蜜糖雪糕多士：這個多士的製作時間要15-20分鐘。它的外表已經很吸引，有三層的蜜糖多士各一球大大的雪糕和忌廉。所用的芒果和士多啤梨都很新鮮香甜，微暖的多士配上冰凍的雪糕，是味蕾的一大衝擊！多士焗得脆脆的，沾上雪糕、忌廉和蜜糖一齊食入口中，確實令人滿足呢！

今天放工後慶祝友人生日 到了馬鞍山新港城内的 Teawood。 我們大概晚上七點半到達，大概等了十五分鐘，便可以進去了。我們點了一個柚子南瓜沙律， 一個蔥油麵， 和一個炸豬扒麵。這個沙律很新鮮。菜很多，加上淡淡的醋香和西柚粒粒， 配上南瓜蓉 ，味道清新， 很適合配上 以下油腻的食物。這個是蔥油麵。 真的十分有蔥和油的美味。味道很像手抓餅， 加上花生粒和麵條， 十分惹味， 很特別。這個是炸豬扒麵。 豬扒很大塊，炸得很香脆， 浸在面裏食 ，很好吃。 十分有台灣特色和風味。整體來說食物水準高， 環境舒適， 食物也上得快!

講真，環境舒適，食物質素不錯，之前係其他分店都食得算開心。今次第一次黎馬鞍山茶木食，真係食到一肚氣，比錢買難受。作為一間連鎖式經營既餐廳，無論你食物水準幾高，管理如何統一，但服務態度極奇差劣，等候時間過長真係令人為之卻步，唔敢黎食第二次，更加唔好講推介比朋友啦。話說當晚黎食係唔滿座既，一眼望落去亦有頗多空位，咁我地如常地落單，除左主餐，亦叫左甜品，係茶木主打既磚塊甜品，我地擔心佢上甜品時我地仲食緊正餐，所以叫左後上。咁個侍應就比左張牌，同我地講要上既時候就舉高個牌示意。然後正餐都係落單後十分鐘內送到，我地食左一陣，係差唔多食完，就舉高個甜品牌叫佢上甜品，佢係收左個牌既。就係個甜品黎料喇，佢收左個牌後，過左足足15分鐘都未有甜品上，眼見佢出左3個磚塊，全部都係其他客人既。我地心知不妙，驚佢無叫到廚房準備，於是決定催個侍應，佢經過我地張台，我地只係講到一句話：個甜品15分鐘都未黎，說話都未講完，佢無回答過，只係點左個頭，走左入廚房問，轉頭就出黎同我地講等多5分鐘，FINE諗住比多次機會。係等緊既時候，第2個侍應問我地Last Order有無野需要加，我地就話野食都仲等緊仲點加，佢就好躁咁講

假日同晉豬陪嫲嫲到新港地行街，最次都見到呢間茶木超多人、勁多人排隊等位，原本想扮睇唔到街過，係晉豬一拖二拉既情況下，我地只好乖乖拎飛等位，母愛真係好偉大，哈！排左45分鐘，我地終於都入左去卡位坐，現場坐無虛席，環境休閒舒服，果然好有台灣喫茶風味，晉豬勁開心，可以食到佢最愛既草莓蜜糖吐司。嫲嫲最愛香芋珍珠奶茶，香芋味濃，珍珠夠哂煙韌，次次黎都飲呢款，情有獨鍾菲芒冰沙，香濃新鮮芒果味，賣相好靚，唔會太甜，即製冰沙唔會水流流咁，好正呢個紫芋冰沙，無法抗拒的紫芋味，又香又濃，上面仲有甜甜既紅荳，好好飲，推介草莓香草蜜糖吐司，晉豬至愛，黎親一定要食，份量又大，正個人share一齊食都好夠，上面仲有香濃草莓味既雪糕，吐司又鬆又脆，絕對一贊再贊晉豬開心影返張相笑容絕對表現出，佢想話你知有幾好味😂