茶米 (太古廣場) (已結業)

收工突然提早肚餓！因為金鐘站係我接BB的中途站，決定去到金鐘立即餵飽自己。記得之前睇戲經過茶米，見到一包包KiKi麵，已經吸引到我，但嗰次我冇食到，就今次去食！我點左：•烏蠅頭拌麵。啲烏蠅好好食，我全部清哂一粒不剩！用KiKi麵，麵質煙韌～•松露雜菌撈腸粉。BB食腸粉，我就食松露雜菌😂 腸粉好啱BB食，質地好滑又淋身。而菌菇加埋醬汁真係好好味。我估因爲我點少少醬汁先餵，所以仔仔都追住食👍🏼（平時食普通腸粉唔會追食）下次同朋友黎🙂

黎到太古廣場見到呢間餐廳幾闊落乾淨就入去試下睇下個menu先 每日都set好 粥 粉 麵 飯 素各一款食物是日星期三 就揀咗 B粉類 蔥油牛肉炒河 x2 牛肉炒河偏油 睇落細細碟都幾飽 上面灑咗芝麻 好香再叫一個D飯類 古早豬排飯豬扒雖然薄咗啲 都啖啖肉 唔會太肥膩 唔會炸得太乾 古早醬汁搭埋個飯撈埋一齊酸酸甜甜 唔係咁夾😅每個set 可以選擇一款「小碟」點心拼盤 普通 辛辣牛肉 青瓜雲耳醃得剛剛好 話明辛辣 唔食得辣唔好點啊！呢個小碟係青瓜雞 醃得好入味 醬汁都好好味附送甜品及豆漿幾好味 少少甜 清清地有驚喜整體而言 食物質素👌🏻 職員態度一般 上菜速度👌🏻但係漏咗杯豆漿 到埋單吹佢先上到😅

麻辣川味珍珠？堅果奶蓋？配上全人手曬乾、無添加鹽既KiKi麵，「茶米」其實上年已經殺入金鐘，入面賣主打KiKi麵，終於一試，呢排原來仲同高級潮菜食府「潮廳」合作推出潮州風味菜式。環境位於金鐘太古廣場，餐廳十分之大，門口有KiKi茶飲專區，餐廳環境闊絡舒服，好適合一大班朋友黎聚餐食飯。潮州鹹菜胡椒豬肚湯麵 $98為期間限定款式，即日起供應至8月31日，當胡椒豬肚湯配上KiKi麵會點？湯底果真係酒樓所食到既胡椒豬肚湯，味道濃烈，胡椒味好重以至湯頭比較辣，配上爽脆豬肚同KiKi手工日曬麵既煙韌口感，整體夾，可惜胡椒較嗆辣。潮汕手打三寶湯麵 $98同樣為期間限定款式，即日起供應至8月31日，包括手打魚蛋、牛丸及潮式扎肉，同樣配上KiKi手工日曬麵，呢款更岩我口味，湯底較鹹但可接受，三寶都係彈牙口感，再配有咬口既KiKi麵，層次較多。雪絨川味珍珠冬瓜茶 $36用上KiKi椒麻粉炮製既川味珍珠，辣味珍珠真係第一次試，真係有麻辣味好盞鬼！焦糖堅果奶蓋杏仁茶 $35超大杯！堅果奶蓋好重nuts味道，鹹鹹地配上杏仁奶再加茶底，鍾意nuts既人實岩飲伯爵戚風蛋糕配黑糖珍珠 $68伯爵茶cream唔甜而帶茶

好日都唔會黎金鐘，今日為咗睇戲而嚟到太古廣場，竟然比我發現到呢間Kiki麵店，今次試嘅唔係佢嘅主菜，而係哩度嘅新派台式飲品除咗有經典嘅珍珠奶茶同黑糖珍珠鮮奶等等，呢度嘅珍珠竟然有川味同夏枯草味（限量的）可以選擇抱着好奇嘅決心底下叫左杯夏枯草珍珠白桃烏龍餐廳環境好靚好寬敞，買杯幾十蚊嘅飲品就可以坐得咁舒服，埋邊有部份位置仲有差電位添，性價比高介紹飲品嘅製作，見到製作過程都好認真，感覺比較高檔。餐廳服務員仲想親自拎杯飲品比我地，買杯飲品姐都咁好服務！讚登登！飲品到嗌左少冰同微甜，白桃烏龍好清新，茶味淡淡的，飲落好解膩。夏枯草珍珠好有驚喜！咀嚼左幾下啲夏枯草味就出晒黎好清甜，珍珠亦好有咬口彈牙，份量多，同茶味好夾。又夏枯草又烏龍茶，成杯感覺都好健康，飲多杯都唔怕好可惜佢得金鐘一間分店，唔多就腳，如果係街頭都可以隨時飲到杯咁高質嘅飲品就好！

6月開始，PP成為了常去的飯堂～ 難得有個良心商場、屬於香港人的商場，當然要繼續支持！而且遊行後身心俱累，的確有不少人會來用餐休息順便梳洗，今晚也順便分享兩間不錯的食肆。第一間是去年9月開幕的茶米，除了消暑 KiKi 茶（鳳梨青茶是推介，至於奶蓋冬瓜茶則配上微辣的川味珍珠，十分過癮！），這裡也主打不同款式的 KiKi 麵，加上海南雞飯、特色腸粉等美食，定價不貴、座位又多，是不錯的休息充電之選。特別推介這裡的豬手以及櫻花蝦腸粉，兩款都十分好吃；另外同行的玉仔選點的伯爵珍奶戚風蛋糕味道也不錯，甜魔們可以品嚐一下。是次埋單 $458。

老巴剎被岳少收購後, 除了將其老店重開外, 也積極地開拓新的食客羣, 在PP的茶米就是其新副線, 主打較年輕的一羣. 不再是本店很Descent的星馬菜, 而是以比較高檔的食材煮成的Fusion中菜. 像是以黑毛豬肉腸和排骨煮成的釜飯, 又或是以和牛煮成的腸粉, 味道嘛! 不是十分突出, 而且也看不出有老巴剎的樣子和風格. 最近和Kiki的合作是想令其受眾更廣, 但是我喝罷兩者Crossover的冬瓜茶. 媽的! 太甜了, 像糖水一樣吧!

曾經來喝過堅果奶蓋茶，一直念念不忘。上回瀏覽過餐牌，是吃港台日fusion菜。餐廳裝潢時尚簡約，座位寬敞，晚上七時許來，幸運地能坐到卡位。光看圖，已被腸粉深深吸引，點了櫻花蝦蟹肉撈腸粉。是即磨米漿製的皺皮腸粉，顏色白溜，入口順滑，不沾豉油也覺得好吃。來Kiki麵屋，怎可不試Kiki麵。來一客川味擔擔麵。那Kiki麵，看起來一樣，吃來就是不一樣。那份麵條跟自己在家煮的不一樣，麵條很完整的上碗，麵條偏硬，咬下是軟身，口硬心軟的感覺，不擔心會吃出咀嚼肌。飲品早已挑好了，堅果奶蓋Kiki烤茶。堂食的飲品餐牌選擇沒有外賣那麼多，不過大部分較熱賣的都有。友人點熱的杏仁茶，以精緻的玻璃杯盛著。杏仁奶蓋Kiki烤茶卻以外賣膠杯呈現，有點失望不是以玻璃瓶盛著，不過味道上還是有水準，令人喝上癮的堅果奶蓋。

喺金鐘太古廣場食lunch，第一樣嘢樣唔係諗要食平靚正嘅嘢，而係要睇下邊度易搵位。第二樣嘢係睇budget，簡簡單單，質素好啲閒閒地都要百七、百八，無得走雞。今日星期四，三個人來到這 “茶米”，好好彩好易搵到位。我哋點咗三個套餐: -自選前菜小碟: 涼拌雞絲青瓜小雲耳、手磨米漿白腸粉、點心拼盤各一個。還多送了一碟海蜇青瓜俾我哋。 飲品是加了$18，叫特飲:堅果奶蓋烤茶 x 2黑糖珍珠鮮奶主食: 松露雞絲炆米 x 2玉蘭菜莆炒河 x 1食物質素不錯的，只是份量少一點。兩款飲品主要都係過甜，下次一定要叫少甜先得。

期間限定KiKi麵食 潮汕手打三寶湯麵潮州鹹菜胡椒豬肚湯麵雪絨川味珍珠冬瓜茶金鑽鳳梨青茶豆花珍珠焙茶布丁拌黑糖珍珠伯爵戚風蛋糕配黑糖珍珠潮汕手打三寶湯麵作為一個潮洲人2代由細食到大呢碗麵用料好靚,牛肉丸味夠濃郁,牛肉成份高咬開有爆汁另外仲有豬肉片,肉丸,係香港已經買少見少肉質有彈性湯底夠濃鮮,配起kiki麵有加分效果份量亦都相當足我食完一碗已經非常飽足有辣菜浦,想食辣加入麵中,更香辣提味kiki麵明星麵條,我也是第一次吃呢!麵身吸湯力好高,放了一會已經吸飽湯汁麵身香軟潮州鹹菜胡椒豬肚湯麵又係家鄉菜之一可以配麵食,幾有想法一般我們都係是獨立食豬肚咸菜或湯飯今次湯麵食法也唔錯同樣地湯底做得出色帶胡椒香氣少辣味食起來更開胃養生湯底一絲油都沒有,健康而美味豬肚切細上菜,方便吃豬肚片好彈牙雪絨川味珍珠冬瓜茶金鑽鳳梨青茶金鑽鳳梨青茶用上台灣金鑽鳳梨,特色係香甜多汁,配以青茶底,清新易入口雪絨川味珍珠冬瓜茶奶蓋版冬瓜茶伯爵戚風蛋糕配黑糖珍珠蛋糕底係伯爵茶味,口感軟綿濕潤面層再加入茶味忌廉,加了黑糖珍珠點綴甜而不膩豆花珍珠呢款係比較甜既選擇黑糖珍珠夠彈牙,豆花嫩滑細緻焙茶布丁拌黑糖珍珠地址香港金鐘金鐘

近日大愛喝堅果奶蓋。難得來金鐘，順道嚐嚐Kiki茶。其實，真身是一所台式餐廳，有經典的台式料理，又有港式小炒，又有和風的食物，如鰻魚等。不過，這回是來喝杯奶蓋茶。有熟悉的台式飲料，純茶、奶茶等。較特別的是珍珠，口味獨特。不是令人生厭的黑糖珍珠，而是川味珍珠、夏枯草珍珠，還有小芋圓。目標明確，點了兩杯焦糖堅果奶蓋茶。茶底較淺色的是白桃烏龍，較深色的是kiki烤茶。焦糖堅果奶蓋，雖然看上是薄薄一層。點了少冰，奶蓋也能硬起來，沒有融化掉。奶蓋面上撒了點榛子粒，三圈焦糖醬。打開杯蓋子，散發陣陣榛果香，喝下很濃郁。Kiki烤茶的茶味十足，甘苦味突出。相對而言，白桃烏龍較淡。兩者跟堅果奶蓋融合後，也是順滑的。

之前聽過朋友話想試...一直都記住。上上個星期六咁岩去開金鐘就去試食。佢11點開，我係第一台入去。坐低叫咗兩碗麵兩杯嘢飲同埋一個棒棒雞。等左半個鐘第一碗麵上咗，但上錯咗。朋友唔食豬肚，所以麻煩佢換返碗啱嘅。之後我都食完碗麵，等到12點。佢都仲係唔想上返啱嘅麵。Spoke to staff, 但佢哋表現得不太在乎。我們放棄再催促，只好... cancel 算。下次唔會再嚟。ps: 棒棒雞係幾好食，嘢飲一般... 唯一上咗個麵未至於好食但都OK.

Kiki Noodles 就好出名，人人都識佢。前一排佢就喺金鐘開左間鋪食野同飲茶既叫茶米。見咁岩今日經過金鐘就當然要去試下啦！Kiki 茶 （茶米）最出名既就係佢既珍珠，有麻辣珍珠，夏枯草珍珠等等既創新味道。今次就試左佢個白桃烏龍配夏枯草珍珠。首先喺茶底方面，味道回甘並且有淡淡的白桃味做點綴，感覺非常順口。另外珍珠方面煮得非常彈牙，亦有淡淡的夏枯草味，同茶底出奇地夾，成件事亦都非常Refreshing!

初次品嚐，我一行四人, 由於老人家已肚餓，所以我隨即叫咗一份由餐廳已指定平日午市套餐, 等齊人再落其他。飲品好快到了。。。之後等了半小時午餐還未到，追問下，餐廳員工回應要需時。最終人齊了，午餐仲未到, 這時已再等多十五分鐘了, 午市亦已過了, 服務員不但沒有理會我哋, 連店長經理只行過而已, 態度差得勁😡, 我哋已經沒心情再叫其他套餐，只想專注追回我唯一已叫了午市套餐，其間餐廳員工只是回應 “有追” , 最失敗係送來套餐 “不是”我落既餐🤦🏻‍♀，鄰坐餐桌已走得七七八八，最後整整等足一小時，才有餐到。非常非常失望, 所有店員要好好檢討服務態度😞

嗌外賣自取，叫咗個番茄大蝦碌。收費$98，竟然係得一隻蝦。無錯!!!!得一隻得一隻蝦，仲要唔好食。4個人食，咁邊個食隻蝦？難度你食蝦腳，我食蝦尾。。個名叫大蝦碌。。。。個盒就大

呢排工作成日都去金鐘Pacific Place，知道我非常喜歡嘅舒淇有份嘅KiKi茶@茶.米，最近開始同潮廳crossover推出3款夏日限定KiKi麵，經過梗係要入去試試啦。我哋兩個人，揀咗手打三寶湯麵同鹹菜胡椒豬肚湯麵。個手打三寶包括魚蛋、牛丸同潮式扎肉，好食彈牙，我覺得係高級精緻版嘅潮洲麵，湯底清香，配埋KiKi麻辣醬食仲正。鹹菜胡椒豬肚湯麵絕對係我嘅菜，不肥不膩，豬肚夠晒軟稔又有咬口，胡椒極香濃惹味，每一啖都刺激味蕾。麵底係用KiKi手工日曬麵，因為製麵過程係以全人手置於日照下曬乾而成，無添加一滴鹽，除咗健康，仲特別煙韌彈牙。KiKi 茶都有好多款選擇，包括「鮮萃金鑽鳳梨青茶」、「雪絨川味珍珠冬瓜茶」、「夏枯草珍珠茉莉綠」、「堅果奶蓋KiKi烤茶」及「黑糖珍珠鮮奶」等，我自己就揀咗焦糖堅果奶蓋杏仁茶，超濃郁嘅奶蓋，真係好正。下次都想試吓佢哋唔同口味嘅珍珠，例如清熱嘅夏枯草珍珠、辣辣地嘅川味珍珠，都好特別。甜品我覺得必揀伯爵戚風蛋糕配黑糖珍珠，佢嘅size兩個人share都夠食，earl grey 茶味好出，配合埋個黑糖珍珠，清新又甜美。最後忍唔住嗌多個$28豆花珍珠，好抵食呀！