薈軒 (已結業)

2024年2月25日 - 星期日食物不錯，價錢實惠。蝦餃好大粒，菠蘿叉燒包必吃，燒鵝瀨粉好味。驚見老鼠在樓面跑了一圈，嚇得客人企咗起身。最後，老鼠爬到天花板不知所去了。 衛生有待改善。

家人約左一眾親友相聚午膳，係薈軒book左間房。 可能我地早左少少去, 我地間房仲未set up好哂, 但通知部長後, 好快就assign左個waiter哥哥負責招呼我地。 其實對於呢d食一圍菜既，都唔係對食物質素抱有好大期望。 但又出乎意料地每碟菜都唔錯喎。 乳豬上枱時仲熱熱地，蒸魚剛剛好, 豉油雞都好滑, 冇overcooked。仲有一籠蒸蝦餃燒賣， 正！ 但最令我impress 既係甜品中既奶黃芝麻球, 熱辣辣, 非常香脆好味, 好滿足！ 值得一提係負責我地間房的waiter哥哥服務態度非常好, 照顧到席間各人不同需要, 唔好意思唔記得你個名, 只能謹此表揚 👍👍👍

平時都鐘意同小朋友一齊去飲茶今日襯有時間同老公去二人世界贄飲反個午茶先再去接放學因為1:30 叫做岩岩過左午市又未到下午茶所以唔多人，一黎到即可入座又因為得2個人，不能叫太多食物最後諗左一輪，叫左幾樣炸菜火鴨絲窩米份量十足，炸菜同火鴨絲都有好多，配菜仲有芽菜之類，仲要大大窩 ，2個人真係都食左好多碗牛肉腸米皮唔會太厚，牛肉好多川弓百子魚頭足料，有好多不同中葯菜而且味道濃郁蝦餃粒粒大大粒，一口都食唔曬，仲好多蝦總結，味道唔差，好味！

沒有招呼，枱枱舉手找侍應😂人手極度不足！都無所謂啦，係咁㗎啦！但係有一樣嘢真係太離譜，唔講唔得，一個包汁鳳爪（收費約$43 連加－）一放喺枱面數量少得驚人，跟住用心睇吓只有四隻，即每隻約@11。跟住問吓個侍應，佢望吓就走咗，理都唔理😅跟住再搵個經理經理,佢話前都有人投訴過，不過冇辦法佢哋係咁樣㗎！其實我並不是無理取鬧，一般食開都有六至七隻，今次真係太離譜。我他食物我都係正常，所以冇咩好講😁

呢間酒樓幾好，食飯時間去都唔駛等位。我叫咗個咖哩魷魚同煎腸粉，味道都唔錯，野食熱辣辣，好新鮮。整體質素都幾好，下次會再去試下其他點心。唯獨是價錢唔算實惠，之前同朋友兩個人叫咗幾碟點心都要200埋單。

意外發現附近竟然總有條漏網之魚 即刻就衝去試下😂CP值勁高🤩哩間嘅價錢其實係附近比較便嘎 同利景太湖差唔多 但出品真係有驚喜我覺得除佐腸粉皮蝦餃皮厚身啲之外 其他地方真係沒的輸 食材都幾新鮮 包括個菜心都幾大碟同埋無渣 哩個真係難得 我非常推薦花生甜薄撐 依家真係好少地方可以搵到 真係好好食😍個家鄉粽係好食嘅 但感覺就係佳寶賣嗰個😅我前幾日啱啱食過就有啲尷尬菠蘿叉燒包👌🏿 感覺好食過太湖 酥皮厚身、酥脆且唔會太甜 裡面有幾塊叉燒唔會盡係一pat醬蝦餃同鳳眼餃都超大粒 蝦勁大隻總要新鮮彈牙 同埋個帶子都幾大 啖啖肉 白胡椒豬肚麻麻調味有啲奇怪的辣油係裡面 但豬肚本身係OK嘅紅豆沙有陳皮昧甜度比較偏低 健康12點前埋單有8折 總有早餐特價孖寶下次再來🌞

今日和朋友路過灣仔商業區，的酒樓，突然很想吃點心，便入去試一試見有黑色的流沙包，但外皮太厚完全不柔軟，內裏沒有留心的感覺，只是一個硬實實的包牛肉腸粉的質素也麻麻，腸粉皮厚，牛肉冇乜味，質素有待改善！潮州粉果算是比較正常，餡料也多，但味道普通，可以做得更好！鯪魚球是比較好食的點心，鯪魚球夠彈牙，而且熱辣辣，味道不會過鹹，少少調味也算好吃。這間酒樓很大，座位不算太迫，但侍應人手較少，而且上菜比較慢半小時都沒有點心吃，如果希望更多食客光顧，服務可以更好，食物可以更佳，上菜可以更快，畢竟午市很多人也趕時間！

今日上午11:30左右，帶住奶奶上去飲茶兼等老公放飯上嚟食，去到見到有親戚熟人喺度食緊，本諗住坐隔離枱可以傾吓偈，點知有個短髮女經理話張枱午市多客坐用，一句「唔好意思」、「唔該」禮貌句子都無，就將我哋枱面已洗好嘅茶杯及碗搬去第二張枱，點知原來嗰張枱係比佢自己啲熟客坐，我同奶奶即刻火都嚟坐都唔坐就走！男女經理啲咁趕客嘅服務態度，仲有邊個會想嚟幫襯丫！

今日公司食開年飯，灣仔合和中心7樓薈軒。闊別3年開年飯，終於可以食了。但好可惜少咗一位至高無上的大人物。鴻運乳豬全體乳豬一放上枱面，陣陣香味撲鼻。一般乳豬多數用麵粉皮包住食。但薈軒的就用新鮮菠蘿配乳豬。菠蘿香甜，乳豬皮香脆，乳豬肉又唔肥。夾埋菠蘿一切食，減退油膩感覺。非常特別。上湯開謂澳洲龍蝦每位奉上半邊澳洲龍蝦配煎米粉。龍蝦肉新鮮彈牙配上廚師特製煎米粉，好味指數爆燈。八寶海皇冬瓜盅超大隻冬瓜做成湯。帶子，肉，什菇，蝦肉，蟹肉，竹笙，勝瓜。清甜好飲。個碗好靚呀!原隻鮑魚配鵝掌鮑魚都幾大隻，配上大冬菇，鵝掌炆得好淋好入味。發財大圓蹄伴金蠔超大隻圓蹄，骨膠原超豐富，配上大大隻金蠔，金蠔甘香味美。清蒸黃皮老虎斑好大好大好大條呀！魚肉爽滑。時間蒸得剛好鼎湖竹笙羅漢上素食咗上幾道菜，嚟一碟素菜。絕對超正。可以減去少少油膩感。原個神灣菠蘿咕嚕肉整個菠蘿上碟，賣相已經好吸引，最正就係用豬頸肉做成咕嚕肉。又淋又好味，酸甜道剛好當紅脆皮炸子雞係用新鮮雞的，雞味濃，脆皮正，肉汁保留到。所以連雞胸肉都好滑。迷你蛋黃珍珠雞生磨合桃露湯丸廚師將合桃磨碎再做成糊狀，幼滑，合桃味香濃，配上兩粒手製黑芝麻湯丸。甜度剛

我要分享一個關於「文昌雞神偷」的故事:今晚致電「薈軒」外賣落單文昌雞全隻，諗住逛完樓下超市就上去拎雞順便埋單，5點幾左右去到現場拎雞，只見現場熄哂大部分嘅燈，外賣桌上並無擺上外賣，我無意聽到員工們大聲討論文昌雞「個文昌雞點算啊？」然後我問「文昌雞？你講緊我呀？」，成班食緊野的員工（大概兩張檯嘅人）頓時驚呆，鴉雀無聲。「我係拎外賣文昌雞嘅」只見兩圍檯啲員工坐喺度大快朵兒食野。一名黑衫女樓面拎枝牙籤撩撩牙，表示某員工落單驚沒人拎雞，另一便裝大媽則表示如果我不嚟拎就請班員工食。我心唸我咪電話講咗我喺樓下超市行緊，一陣上嚟拎雞，洗唔洗驚我走數唔認雞呀？「我頭先喺百佳嘛，而家買完野先上嚟，係熟客嚟，成日都嚟食野，每個禮拜都起碼嗌一次呢個招牌文昌雞」另一黑衫戴眼鏡男樓面表示「你真識嗌，我哋剛都係食文昌雞」，我表示酒樓伙食真豐富。他仲話食嘅時候唔好加熱，凍凍地食，指住坐對面檯嘅廚房大佬，話對方負責整呢隻雞。該名大佬仲話知道熟客仔落單，下次親自送過去，唔洗上嚟自己拎。正當我回到家打開外賣盒時，發現我的文昌雞竟然係被偷龍轉鳳，當中一大部分的雞是被替換成普通的雞。有圖有真相（如圖），一部分係文昌雞，好大部

今日有新同事上班，難得限聚令放寬，梗係book一圍歡迎一下新同事啦，呢間酒樓嗰間仲幫襯，因為近公司通常都係同同事飯聚，價錢大眾化，食物不過不失啦，優點係近公司！估唔到今次，10分鐘之內，出現咗兩隻小強係枱😫😫😫真係嚇到咩食慾都冇晒，職員嗱嗱聲打死左兩隻小強，為表示歉意，送咗一碟桂花糕賠罪。其實大家都嚇到冇咩食慾，送咩都冇用喇，我影咗其中一隻，另一隻短時間俾職員滅絕左，有圖有真相！

今日同朋友經過灣仔，就去咗依間叫做薈軒嘅茶樓，估唔到疫情之下茶樓好早就收市，我哋大約三點離，餐廳都差唔多執嘢收工，所以我哋唯有拿拿臨快啲食完😆🙏🏻餐廳環境好闊落，但因為疫情之後少咗好多人，但係每張枱相隔嘅距離都夠遠，所以都唔太擔心嘅😛嘢食飛起其他茶樓價錢都算合理，而且份量亦都夠，我哋仲食得切優惠點心添😊最推介嘅係依度嘅皮蛋瘦肉粥，非常知足料，而且好健康，裏面都落足夠嘅材料，特別係瘦肉味道超級滑👍🏻💗餐廳：薈軒💗價錢：大約$100每人💗評分：6/10

呢間酒樓只可以用「拉圾」來形容，好似返咗去90年代初。啲夥計對啲客人唔秋唔彩，啲普洱極難飲，坐得又迫，咁啱坐住隔離嗰條友係咁咳。我只當病毒係感冒，但係坐咁耐佢咳咁耐真係好煩擾。本應就唔關酒樓事但係佢好多地方都係吉而啲夥計要客人累埋一堆，應真差劣燒賣真係好難食，嗰啲油係一大陣益味，啲豬肉冇味道，又細粒。勁多味精嗰啲蝦餃非常難食，都唔知佢同邊個供應商買呢個排骨鳳爪飯係全間餐廳最好食，但係啲味精亦都好勁呢碟菜份量都好多，但係真係唔好食總之呢一間茶樓一無是處，啲嘢好難食，地方又污糟，好似香港一般的餐廳明明都冇乜客人都安排客人迫埋啲茶客一齊坐，呢個合和停車場每小時又非常之貴，唔會再去佢嗰度食

超級差嘅酒樓，今晚去咗合和薈軒食飯，首先門口嗰位長攣髮女人，明明見到有人等位，都要叫咪入面响人出嚟先問你幾位，叫出嚟嗰個肥女人一直攞住個手提傾，都唔知係咪帶位☹跟住見到隻杯周圍都係奶黃色嘅物體，叫咗個極品女人問佢有冇其他可以換，佢仲要悔氣咁話放低啦😡之後叫咗隻片皮鴨兩食同菜煲，隻鴨好快，唔夠15分鐘就到，不過個師父切得好差，話明片皮鴨梗係食個皮，佢就切埋3cm嘅肉，都冇所謂，反正都唔好食，最嬲嘅係之後等咗45分鐘都未上菜，就問番之前嗰個極品女人，問完佢又唔出聲，之後走咗，見佢有去睇吓部機，以為佢轉頭覆，點知佢走去同啲伙記吹水，真係佛都有火， 仲要炒完個餸出嚟都唔知去整咗啲乜嘢 ，睇見都冇胃口，同兩年前嘅薈軒根本兩回事，如果冇心搞酒樓不如執咗佢啦！以後都唔會幫襯

星期五清假，決定飲早茶。家住灣仔，上網睇左好耐，見到li間12點前埋單都仲有早茶優惠，正，唔洗太早起身。11:15去到，門口有人接待安排入座。2個人叫左5個點心，講真，就唔太好食，早茶有優惠，但將價就貨，接受到啦。黑松露野菌素餃好似粉果，但居然有四粒，一向唔鍾意食粉果嘅我食淨兩粒。叉燒餐包個汁勁甜。燒賣有美極味。腸粉算係最正正常常。鮮蝦腐皮卷都正常。唔好意思，啲相全部食到一半先記得影相。提提大家，食夠$200先可以用信用卡俾錢。