荳子 (海壩街) (已結業)

📍荳子 (海壩街) (荃灣)荃灣海壩街99號地下🕐荃灣的Beans💛雖然有兩間鋪，但仍然長期要等位，限時90分鐘。🍔安格斯牛肉漢堡外觀正常，個包微暖，餡料層次分明，漢堡扒都有肉汁，但醃得唔夠，醬都唔夠多，一食落去無乜味，食到中間有多啲醬先好少少。🍟薯條偏淋，唔香脆，食落去比較粉，無想食曬佢嘅衝動。🥗沙律菜同餐飲熱檸蜜味道正常。埋單$172，性價比偏低，我會選擇午餐嚟食手撕豬仔肉漢堡包。🤵🏻‍♂️另外我想講吓侍應嘅對答，我坐低咗之後想去洗手間，問邊度有，佢好愕然咁話我哋呢度無，要我問佢邊度有，先有少少不耐煩咁答我「要去附近商場或麥當勞」，但又唔講清楚呢兩個地點點去，搞到我以為我係咁耐以嚟第一個要去洗手間嘅客人，帶咗麻煩俾佢。餐廳嘅staff training 可以再做好啲。

嚟過荳子幾次，今次終於下定決心寫下食評。今次可以話係食黑松露大餐🤣主菜我地叫咗黑松露軟殼蟹意粉同黑松露什菌意大利飯，另外叫咗黑松露薯條同香草疏乎厘，再加三杯飲品，埋單大約人均$150，cp值算高。黑松露軟殼蟹意粉🍝每次同朋友嚟都一定會叫，黑松露味幾香，軟殼蟹炸得幾脆，但意大利粉略嫌唔夠彈牙。香草疏乎厘🧁呢個有驚喜，勁重蛋香味，同AM PM嗰間疏乎厘有得比。AM PM嘅疏乎厘比較實淨，Beans 嘅就比較鬆化，空氣感重啲。總結：有個舒服嘅環境同朋友聚會，嘢食唔錯，價錢合理👍🏻👍🏻👍🏻

一直都想試下呢間野~次次見到都排隊，今次決定排下，睇下係唔係真係咁好食🐝俗語有話「希望越大， 失望越大」我唔可以話佢唔好食， 其實佢都ok， 只不過我對佢期望太高， 所以有少少失望~就以呢個軟殼蟹黑松露意粉嚟講，軟殼蟹成隻好似炸粉咁樣，唔太討好！而且個意粉麻麻地~佢好似落咗少少胡椒味， 冚住咗黑松露嘅香味😐所以我自己覺得唔算好食🤔不過我去，到都冇咩人食我呢個意， 可能係我叫錯嘢食😐lunch set包一杯飲品， 我叫咗杯熱嘅蜂蜜檸檬，都幾天然幾足料🐝不過唔會特登去排嚕😂最好笑佢仲要有個信封，叫人自己畀貼士佢

Beans 我諗都唔駛多介紹，出名既打卡勝地。無論係餐廳既裝修，又或者係食物既擺盤都係可以俾大家瘋狂影相打卡，亦因為咁我就一直無試過。一來人龍太長，二來總係覺得得果樣，啲嘢食應該普通好味。上星期路過，發現竟然唔駛排隊，咁就試一試啦Deluxe Full English Breakfast ($122)上枱之後繼續我內心既想法，擺盤靚。咁就試一啖，其實all day breakfast 講真都係果個味，好難好好味，亦都好難難食既，所以中規中矩啦。Peking Duck Bun ($132)係menu 第一眼見到就覺得fusion野喎，但上枱之後發現，其實好中式，無乜加到西式元素。另外果鴨肉切得太厚，似燒鴨咁，如果似返片皮鴨會吸引啲總結：其實食物質素不過不失，但真係價錢略貴，如果唔駛排隊，都可以一戰既

荳子分店越開越多，人龍卻好像不減，屋企附近間荳子每次經過都見到長龍，已經好耐冇幫襯。今日同朋友去開荃灣，朋友介紹街角有間Cafe唔錯，過到去原來係荳子。星期六下午時間居然唔使排隊，就同兩位朋友坐低試吓。三個人分別叫咗墨魚子煙三文魚Egg Benedict、卡邦尼黑松露煙肉意大利粉同埋黃金蟹肉意大利粉。每一碟都賣相精緻，配上食用花更是錦上添花。黃金蟹肉意粉仲有成個蟹殼🦀伴碟，唔使多講，一上菜絕對係相機食先😆食物味道方面都有水準，雖然唔算好有驚喜，但配合埋成個咁relax嘅環境，傾吓偈都幾舒服，值得推介！值得一讚嘅係個黃金蟹肉意粉，鹹蛋黃嘅比例得宜，唔會太濃太膩。最後我哋仲叫多一件抹茶蛋糕同一件柚子芝士伯爵茶蛋糕做甜品😋跟餐一件只係加$25，超值！

今日一個人食晚餐，唔知食咩好，突然想食黑松露意粉，就即刻上網係beans訂定先。我叫咗一個卡邦尼黑松露意大利粉，加一杯熱檸檬蜂蜜。卡邦尼汁好香好濃，配料都好豐富，有蘑菇又有煙肉，外賣質素算唔錯.另外杯熱檸檬蜂蜜都ok好飲。

餐廳：Beans荳子（荃灣分店）美味指數：🦶🏾🦶🏽🦶🏽🦶🏼#小腳板食良心 #小腳板食暈香港 #小腳板食暈荃灣真心行過次次都爆🤦🏾‍♂️咁岩早幾日下午茶時段行過無人，諗都唔諗就衝衝子咁入左去🏃🏾💨#Oreo麻糬流心吐司 💰58一切落去🍞嗰下，影都影唔切就流出黎，真係爆晒餡，再加上燒到金黃色💛嘅棉花糖，仲有酸酸甜甜嘅雜莓，減下個罪惡感😈#單骨雞翼拼薯條 💰58懶人最愛嘅單骨蜜糖雞翼，甜度啱啱好，薯條脆卜卜🍟🍟#青檸梳打（跟餐送）正正常常，唔太甜就OK啦，係就細杯左小小😆#泡沫鮮奶伯爵茶☕️（跟餐送）伯爵茶味唔算好濃，泡沫加埋個奶味好幼滑，值得一試👍🏾#美食 #香港美食 #荃灣 #荃灣美食 #荃灣良心小店 #荃灣黃店 #甜品 #下午茶 #拍拖去處 #拍拖好去處 #beans荳子#hk #hkig #foodie #foodiehk #foodiehkblogger #hkfoodie #tsuenwan

餐廳：Beans荳子（荃灣分店）美味指數：🦶🏾🦶🏽🦶🏽🦶🏼#小腳板食良心 #小腳板食暈香港真心行過次次都爆🤦🏾‍♂️咁岩早幾日下午茶時段行過無人，諗都唔諗就衝衝子咁入左去🏃🏾💨#Oreo麻糬流心吐司 💰58一切落去🍞嗰下，影都影唔切就流出黎，真係爆晒餡，再加上燒到金黃色💛嘅棉花糖，仲有酸酸甜甜嘅雜莓，減下個罪惡感😈#單骨雞翼拼薯條 💰58懶人最愛嘅單骨蜜糖雞翼，甜度啱啱好，薯條脆卜卜🍟🍟#青檸梳打（跟餐送）正正常常，唔太甜就OK啦，係就細杯左小小😆#泡沫鮮奶伯爵茶☕️（跟餐送）伯爵茶味唔算好濃，泡沫加埋個奶味好幼滑，值得一試👍🏾#美食 #香港美食 #荃灣 #荃灣美食 #荃灣良心小店 #荃灣黃店 #甜品 #下午茶 ##hk #hkig #foodie #foodiehk #foodiehkblogger

🐒Beans 荳子🌱📍荃灣 Tsuen WanLindt Chocolate Mosses 🍫賣相：🤎🤎🤎🤎味道：🤎🤎🤎🤎🤎好多層次既口感。朱古力蛋糕帶出榛子味既香，Perfect match! 🍫Deluxe Full English Breakfast 賣相：🤎🤎🤎🤎🤎味道：🤎🤎🤎🤎🤎Plating方面好得體，Egg Benedict既效果唔錯。特別想讚下佢個小冬甩，甜甜地好軟熟👍🏻👍🏻炸薯條配黑松露醬🍟賣相：🤎🤎🤎味道：🤎🤎🤎粗身既薯條，但都脆口👍🏻Rose Earl grey latte🌹 賣相：🤎🤎🤎🤎味道：🤎🤎🤎淡淡既玫瑰花香，伯爵茶唔算濃，但泡沫既感覺好輕，略甜，但配搭唔錯🍵凍Hazelnut Latte 🧉賣相：🤎🤎🤎🤎味道：🤎🤎🤎🤎榛子味甜度適中，奶打得好滑，加上咖啡既回甘，整體比例很好。店舖內整潔程度：👍🏻👍🏻👍🏻👍🏻員工態度：👍🏻👍🏻👍🏻👍🏻舒適程度：👍🏻👍🏻👍🏻👍🏻👍🏻物超所值：👍🏻👍🏻👍🏻👍🏻(價錢合理）每道菜式都好有心思。Relax之選。就算係自己去飲杯假啡，食個餐都唔錯👍🏻呢次體驗值滿意分數有90%👏🏻👏🏻👏🏻👏🏻👏🏻👏🏻#Foodmonkay #tsue

已經食過好幾次呢間餐廳，見成日都好多人，所以有一段時間冇黎食。今日晏晝五點幾肚餓諗住早啲食晚餐，見到beans冇人排隊✌🏻見到個Menu多咗啲新菜式，有魚香茄子意粉，北京填鴨漢堡😂好有創意。我哋兩個人叫咗兩個main course，一個係北京填鴨漢堡，有薯條有沙律，但個包就細個咗少少，個包係中式嘅蒸包，搽咗一層北京填鴨醬，入邊有兩大舊鴨肉，味道唔錯，鍾意食北京填鴨嘅人應該都會鍾意食呢一個。跟住另一個主菜係大蝦龍蝦汁意粉，加咗錢叫咗個薯條配黑松露醬。大蝦龍蝦汁意粉- 兩隻蝦就唔係好大隻，個龍蝦汁都唔係好濃，但整體上都OK，只係見到隔離枱叫嘅黑松露軟殼蟹意粉，同埋蟹肉蛋黃意粉好似吸引好多咁😂有啲後悔叫咗呢個大蝦龍蝦汁意粉😂個薯條配嘅黑松露醬超好食，好濃嘅黑松露味嘢飲就叫咗一杯特濃朱古力同埋伯爵茶。特濃朱古力上面有好厚嘅朱古力粉，飲嗰時小心濁親，朱古力味好濃。伯爵茶飲完可以re-fill熱水落茶壺度。伯爵茶唔算好濃都唔係好淡隻。

一間想食好耐嘅西餐廳，皆因無論佢九龍灣定係荃灣分店每一次經過都排哂長龍🥲 難得今次經過荃灣分店嘅時候，竟然冇人排隊？ ！即刻同FD子行入去try try 佢❤️黃金蟹肉意大利粉黃金嘅意思其實係鹹蛋黃，鹹蛋黃味好香，個汁好creamy ❤️ 勁好食黑松露軟殼蟹意大利粉黑松露味超出，軟殼蟹香脆，果汁同樣地都好creamy ，好食到停唔到口芝士薯條芝士味好濃，薯條係粗身嘅大薯條，可以點到好多芝士醬❤️拿破崙蛋糕個酥皮好薄，入口酥脆，食完一啖又一啖❤️勁正法式焦糖燉蛋焦糖好香❤️燉蛋好滑👍🏻連伴碟嘅杏仁蛋糕都好好食最後人均都只係$125，有大大碟意粉有甜品仲有埋嘢飲，呢個價錢真係非常抵，值得下次再嚟

☺️平日行過呢間餐廳一定係有人排隊，今晚好幸運行過見冇人排隊，所以即刻就入去試咗啦。食過之後，我下次就算要排隊我相信我都會排，因為值得👍👍環境坐得舒服，乾淨，員工亦都好好禮貌，令你食得開心😋..🍕開心果薄餅 $96 (必食)❤之前喺尖沙咀K11食過一間日本嘅過江龍餐廳，佢類似呢個Pizza都好好食，可惜呢間餐廳已經執咗笠，但係今次Beans呢個開心果薄餅，仲好食過之前我食過嗰個，脆卜卜卜，點埋個蜜糖汁，連續食左兩塊都唔覺漏😋😋😋👍👍..🍜軟殼蟹意粉 $116❤️份量都幾大碟，軟殼蟹有兩隻，凍咗都脆卜卜，意粉個質地同出邊嗰啲有啲唔同，佢己有咬口，因為有陣時出邊嗰啲呢會＂林pat pat＂，呢個都算幾好食😋..🍵$40包杯熱飲+🍰 $25包件蛋糕❤熱飲我飲熱檸蜜，夠味唔淡，但檸檬就有啲苦澀味❤栗子蓉栗子忌廉杏仁撻，栗子味好濃，但我就覺得太多cream，味道都幾好嘅，甜品來講佢唔算係好甜，佢仲有好多甜品款式，都幾特別，下次有機會會再試埋佢其他嘅甜品同埋咖啡☕️..💰$305 連加一 (2人晚餐)註：餐廳只收現金或者八達通..服務：⭐️⭐️⭐️⭐️⭐️食物：⭐️⭐️⭐️⭐️⭐️環境：⭐️⭐️⭐️⭐️⭐️(五星⭐️為滿分)

beans 既lunch menu 去到下午六點，可以同老公食個早飯。plating 同碗碟都好精美，絕對有視覺享受。環境舒適，有落地大玻璃看街境。order 左軟殼蟹黑松露忌廉意粉，軟殼蟹鬆脆香口，濃濃黑松露香味，加上雜菌及啖啖意粉掛上creamy 忌廉汁，好好味😋但食食都好溜。仲有帆立貝蟹子千島薄餅，新鮮出爐熱辣辣，帆立貝大大粒，每粒上面都有一匙蟹子同蟹柳，配千島醬係一流。餐茶可以揀咖啡、薑母茶或者檸檬蜜糖，人均約$90，CP值高👍🏼

晚餐時間經常見到荳子的餐廳門口大排長龍，今日約開舊同事食飯，決定來試一試，順便打下卡啦！大約七點左右嚟到，排隊排咗大約15分鐘入得，餐廳入邊唔算大，但裝修都幾靚，有一種文青Cafe嘅感覺。Deluxe All Day Breakfast,除咗個樣好靚影相一流之外，配料都算多同新鮮，質素唔錯。而冬甩嘅配搭，係All Day Breakfast來講算係比較少見,食得出係新鮮製作，質感都算係鬆軟好食，但係配埋個忌廉一齊食之後，其實已經變咗甜品嘅感覺了😅但整體來講，個All Day Breakfast質素算係唔錯黃金蟹肉意粉，蟹肉已經拆晒出嚟，但係都會連埋個蟹蓋上碟，方便客人影相打卡其實唔係好食得出鹹蛋味，但係個醬汁同個麵都算好食，同出邊嘅西餐質素差唔多。黑松露醬汁薯條，上碟成個配搭都好靚，影相一流！薯條即炸，質素正常，黑松露醬汁有淡淡的黑松露味，成個小食中規中矩。意粉同埋All Day Breakfast 都可以配嘢飲，今次選咗個凍嘅檸檬蜜糖飲品，檸檬新鮮，飲落幾好飲！整體來講，餐廳嘅食物質素中規中矩，唔會令人失望，而且擺碟幾靚，好啱打卡影相。如果經過咁啱見到唔使排隊，一試無妨！

📍 荳子 ~ 荃灣海壩街99號地下本來想食漢堡包😂😂但係又要等位放棄咗🤷🏻‍♂️🤷🏻‍♂️所以就行咗過去幾時想食嘅Beans睇吓要唔要等位😏😏咁岩今日冇呃人就梗係即刻去食啦😆😆😏😏1)蕃茄肉醬溫泉蛋意大利通粉，望落去個樣好靚，隻蛋係冇得輸，大意粉就有少少住得太晏，蕃茄肉醬味適中😏😏😏算好食嘅2)檸檬檸蜜，不過不失冇乜特別都係一杯跟餐嘢飲😆😆😆環境一間冇咖啡味嘅咖啡室，價錢合理，一間連鎖店囉😆😆😆😆如果唔使等位都會推介👍🏻