荷華庭園景餐廳 (已易手) 新餐厅

放假食飯周圍都多人，餐廳又限時限刻要交枱，想搵間可以同朋友慢慢坐下食下傾下計既餐廳真係唔易。為食朋友就帶左我地去呢間滿足晒我地要求既餐廳餐廳地方十分大，有晒橋同魚池，好特別，仲有泰式既屋仔，可惜今日落雨冇得坐室外，如果成班朋友坐係花園入面食飯都幾舒服有好多款set lunch揀，老闆推介咖哩雞飯，就揀佢啦首先上前菜西班牙火腿加哈蜜瓜，清新開胃，作為餐前小食不錯主菜咖哩雞十分夠分量，汁底好濃厚香口，好夠椰香味，高質！雞肉好多，亦唔鞋，煮得剛剛好見仲有好多汁淨，想叫多個飯，好好人既老闆二話不說送左兩塊薄餅，好nice甜品係紅豆糕，好完美既完結如果想係享受一個悠閒午餐，呢間係唔錯既選擇

跟家人在林村許願樹遊玩，玩了半小時就找找附近有什麼餐廳，想不到附近就有間叫荷華庭園景餐廳，地點需有點偏僻，但指示都很清楚，很易找到，我們經過餐廳內小橋，池內養了很多錦鯉，很肥很大條，餐廳外地方非常大，裝修別樹一格，只影相都可以呃不少Like，但因為天氣關係安排我們入室內用餐，餐廳侍應遞了午餐餐牌給我們看，有大約20款食物，種類都算多，點了紐西蘭羊鞍及德國咸豬手配凱撒沙律頭盤，上菜速度都算快，約五分鐘就上檯......沙律菜新鮮，配上早餐粟米片、芝士碎，很開胃。豬手上檯時已切好，很細心，我們都不用擔心如何落手，豬手配上醬汁很野味。紐西蘭羊鞍熟到剛剛好，不太鞋口，跟上三款醬汁跟餐甜品賣相一流檸檬茶

忙碌咗成個星期終於放假 ，男友生日我揀左個地方食飯，難得假期揀左間特色餐廳(其實係我想食多d)，揸車入黎打算過一個悠閒嘅星期六晚上。餐廳好悠閒既裝潢，簡約中帶雅緻好有庭園feel又好似巴里，總之就好似遠離左香港嘅範圍之中好鐘意呢間餐廳既氛圍， 令人覺得好輕鬆好似去左旅行勝地四圍既佈置都好綠林感覺~以花為題，好賞心悅目點左個前菜，大蝦沙律蝦鮮甜爽口彈牙，生果有菠蘿、芒果、桃都好新鮮，夠開胃主菜叫左個燒美國安格斯肉眼扒，賣相精緻，份量好多，塊扒好碟切，側邊望埋去差不多成3cm咁既厚度揀左七成熟，煎得好香，肉汁豐富，口感係果種入口即溶，一路咬時d肉汁浪下浪下，真係好正扒配埋個燒汁&芥末醬，其實經已可點可唔點個醬就咁食都好味道，因為塊扒已元勝左 ，實在係不吃不可之選。 另外個主菜係美國無菌黑豚豬配黑松露汁，份量又係好大大件煎得好香，咬落坎會咇肉汁出黎，口感好有嚼勁豚肉煎到好出好香，肉味好濃，配埋個醬汁好夾，配菜既薯蓉亦囗感綿滑。我發現呢殊既主菜都好大堆頭，最好點黎share食，唔係真係會食唔晒。飲品方面， 點咗杯藍蝶花梳打荔枝葡萄(左)，酸酸甜甜好醒胃，飲完好fresh，係直達喉嚨爽歪歪既清爽

放假又唔想出城市同人迫，又想跟大人拖手仔，就揸架車出去遊吓車河四圍搵嘢食，D車友就叫我去大埔林村行吓話個邊有間餐廳幾有情調又坐得舒服，有D似以前嘅舊式西餐廳，所以就帶咗大人去食仲懶醒跟大人講今晚我話事。初初仲以為好偏遠，但如果識去林村就已經可以見到間餐廳，去到有室內同室外待應仲好細心問我哋想坐邊，我望咗一陣就決定坐室外因為我見到有戶外冷風機應該唔會太熱，餐廳仲細心到安排埋蚊香跟蚊怕水俾我哋，等我哋可以舒舒服服咁食餐飯，落order嘅時候仲好細心咁提醒我哋，餐應份量會偏大少少，建議我哋先叫部分，唔夠先再加單服務非常細心，咁我哋先叫份大蝦沙律同埋一份豬手再加2杯飲品。大蝦沙律賣相相當唔錯，面有凍蝦啦個蝦又甜又爽身下面全係時令生果仲係凍嘅，個豬手初初以為係脆卜卜個隻，原來係舊式方法去做嘅即係豬皮係煙煙靭靭又唔肥膩嘅，肉質又唔會鞋味道，食完依2個餸大人話飽喎，但就食得落甜品，所以就叫咗梳乎裡，依個甜品好鬆又唔會太甜仲有蛋香味食完餐飯大人仲讚我叻仔。

荷華庭鄰近林村，坦白說，平日來的話不太方便，但若於假日下午先去林村那邊逛逛，再來這間園林餐廳享用美食，整個行程便別有一番意思。吃飯前不妨在餐廳中庭的「園林」走走，是不錯的Photo Opportunity。烤牛小排: 美國Prime級牛小排，無論是肉香或是肉質也取得相當的平衡，十分優質，嚴選為其中一款重點推介。餐廳推薦七成熟 (medium well)，牛肉仍帶微微粉嫩，稍稍滲透血水，鮮味十足，而肉質仍能保持一定幼嫩，肉汁澎湃，十分吸引。瑤柱雲腿炒飯 ($98): 簡單的炒飯盡顯其不簡單，無論從字面上或是圖片也感到稍微單調，可是實際味道卻能帶來驚喜。首先，炒飯粒粒分明，能完美地與雞蛋融合，成超美的黃金色炒飯；雲腿碎的咸香為此炒飯奠定了致勝的關鍵，在欠缺「肉」的情況下，也不失肉香，反而感覺惹味但不油膩；此外，萬般矜貴的瑤柱絲亦能提升整體味道，使其更為鮮香。焗雪山 ($168): 美味而又賞心悅目的甜品選擇，由於portion較大，可於三五知己一起享用。雪山也者即外層是由蛋白，鬆軟而富蛋白香，內裡是海綿強糕夾雲呢拿雪糕，搭配得不錯蠻有特色。享用前，店員會淋上適量rum酒然後點火燒香，形成這

周六揸車往郊外踏青，黃昏時去到大埔林村許願樹，褪去煩吵人潮, 它仍不失恬靜美, 旁有幾間古廟。  走走下見到有一古樸的屋，大大的招牌寫住荷曄庭園景餐廳。一看環境立馬決定在這食晚飯, 無他環境一流, 好有巴里, 泰國風情, 還有不同風格的用餐點, 有戶外悠閒的外國餐廳茶座位feel、有小燈泡點綴的包廂間、有草棚頂的峇里小屋、戶外空地角伴有噴水池的荷花池好安詳好靚的環境。身處其中, 人好放鬆, 好有度假Mood。選了近荷花池的玻璃房, 先來個透心清甜的棷青, 好再推高我的放假情緒。 房間從裝飾及菜牌看得出設計者有下心思。細看餐牌原來是食西餐的地方, 點了個黑毛豬巴馬火腿凱撒沙律。從火腿的甘香來看該是存儲最少36個月的貨。蘑菇湯好creamy且菇味足與足料足味的龍蝦酥皮湯都同顯廚師的好手勢。芝士菇焗元貝，元貝成五蚊咁又厚肉，燒到芝士溶了但元貝剛熟鮮甜ㄡ不韌。而貝的鮮汁被墊底的菇吸哂，食落別有滋味。主菜點了法式羊架，表面塗了香草.蒜頭、芥末及麵包糠並焗至香氣噴鼻帶脆的薄皮。上菜時侍應還細意把羊架分切成件，好服務。羊肉焗得剛好不會過火，ㄡ不羊羶味，質稔多汁，仲伴有3款醬汁給我們點食。飯後已很飽但

環境舒適，美道一般，服務ＯＫ叫咗６款１）炸美國生蠔卷　（冇影相同酒樓春卷外表一樣，美道正常蠔不會過熟）２）酥皮焗德國腸　（先炸腸再用酥皮圈腸焗）３）酥皮焗三文魚　（比想像中差）不是用三文魚柳是用有骨三文魚扒，不能連酥皮食，三文魚過熟，酥皮未能包全塊三文魚４）燒水牛城牛肋骨　（冇影相同平時其他地方食的差不多）５）芝士煙肉焗西蘭花　（醬汁多，外觀唔靚，芝士ＧＯＯＤ可拉到好長^^）６）黑松露海鮮焗飯　（雞蛋炒飯底，面頭再放海鮮：帶子，青口，蜆肉，蝦（蝦變味了不能吃，其他正常），黑松露未夠出味）星期三閒日冇人包場一樣OPENRICE 有訂位有九折  =免加一老闆在場FREE咗切餅費 多謝始終係郊區多蚊(好大隻)食飯中都會拍蚊

母親節去，門口寫信用卡機壞機，要俾cash。客人不多，好多吉檯。叫人無人，要service無service。叫菠蘿炒飯走蝦，來到仲有兩隻蝦。老公對蝦敏感，逼住叫多個咖喱雞飯。加完單，等咗一陣，個waiter話個白飯要加多$20，因為個咖喱雞係餸黎嘅個飯唔include。啊媽個三文魚扒非常唔新鮮，聞到腥味。全程感覺不良好，野食非常一般過一般。In my blacklist than in wishlist.

這種餐廳不多，現在想揾間室外有花有草有水池既餐廳，浪漫d都不是易事。這間環境優美、都是一個溝女好地方。食物ok啦，呢d餐廳都係食環境架啦，價錢幾舊水啦，有少量車位，我個人滿意，下次會再去。

去完慈山寺參觀，因為朋友推薦，特地帶媽媽去一試。價錢並不便宜，一個午餐，不包括飲料，150至200 左右一個人。我們分別點了一個鵝肝豬扒飯同一個黑松露燴海鮮意粉，跟海鮮湯。海鮮湯味道較淡，沒有甚麼特別。豬扒就非常salty, 要跟飯一齊食先可以減少重味道。意粉相對較味道偏淡。有雜菌，但感覺油膩。份量比一般茶餐廳大，但我較重質不重量。然後，問服務員可以將甜點轉飲料，就堅持要加錢。所以我連甜品都不用。我不會再來。

那天想去林村許願樹，所以先上網找找附近有沒有什麼餐廳，結果找到了荷曄，看食評也不錯，而且用OpenRice訂位有25分亞洲萬里通兼有9折優惠及送甜品，一於試試環境：魚池、室外庭園、室內餐廳，感覺寬敞，但裝潢帶點祖國feel食物：午餐點了套餐，頭盤有凱薩沙律及Parma ham蜜瓜，主菜西冷牛扒及黑毛豬扒套餐，兩款都煮得好好，肉質淋，味道不錯，配菜是忌廉薯仔，一問之下免費多送白飯一碗。甜品服務：還不錯，有禮

踏入園內，有質素，有要求，有特式！一個開心愉快又豐富的晚餐，環境優雅，座位舒適，特別喜歡户外座椅，服務態度誠懇，還可預訂房間，私人喜慶的好選擇。一定會推介朋友，親友嘗菜。

說實在自己開車過來比較方便，若果選擇坐公交也可以但比較迂回。餐廳裏布置種滿各式花草植物的庭園，還有一池荷花呢，餐廳名字可能也是由此而來。菜單均以西餐為主，食材還是很新鮮，而且各道菜肴的醬汁十分美味對題，很是美味。值得推薦！！

冬至改食西餐，預先訂了燒原隻牛仔膝、大蝦沙律及燒原條鷹倉魚。牛膝夠嫩滑、倉魚燒完都仲好彈牙。去到再加單要黑松露海膽焗虎蝦，虎蝦有手板咁大隻，足12寸長。再要多個紐西蘭羊鞍，八枝骨剛夠一家八人每人一枝。甜品係火炎雪山，而家出面餐廳都好難搵到。全晚食完個個捧著個肚走。全晚食物都在水準之上，問返侍應原來之前個大廚返番黎做。好在冬日天氣回暖，所以我地都選擇坐露天坐位，坐位隔離都有暖爐，所以都唔太凍。而我地都選擇早開餐，少d人食都食得舒服d。

朋友話要來食，我未去過就去見識吓，真係見面不如聞名算，點了紫河甜心二人餐（$980）：海蝦鮮果沙津：只有鮮果係食得，啲蝦完全冇蝦味酥皮焗龍蝦湯：飲唔出有龍蝦味燒焗日本黃金帆立貝：個汁幾好味，但隻帶子好乾、咬唔開，好難食～肉眼扒：不太新鮮、有筋煎羊架：已經算係食得～加 $20，轉心太軟，叫全個餐最好味咖啡，又係把鬼～上餐快到離唒譜，不如一次過上唒算啦～ 想早收工，不如索性關門時間改晚上九點吧～唔會再去，錢事小，浪費光陰事大！以環境作賣點，我認同是很適合偷情之用，但睇真啲，啲地方已頗陳舊、及荒涼～唯一優勢，自帶酒水免開瓶費，可惜，如果你要開車，就唔關你事（你唔好飲，同行友人飲囉～）坐交通工具，非常不方便，坐到入去，都冇心情食～ 😒