荷華庭園景餐廳 (已易手) 新餐厅

今日係慶祝生日,係openrice周圍搵下有無間好少少既餐廳食飯,無意中搵到呢間未去過,睇食評又幾好,環境都幾靚就book左呢間book左夜晚8點,可能今日落雨所以好少人,計埋我果枱大概只有10人…環境真係幾靚,如果唔落雨仲可以坐室外散叫左3樣野食,前菜田螺焗薯蓉(1打)$98,點數都無1打…薯蓉唔滑無乜味,我覺得一般黑松露汁海膽帶子燴意粉($138),食唔出海膽味,但好creamy好香,帶子份量唔少,亦唔會過熟,好食最後叫左燒安格斯西冷扒12oz($298),呢個真係幾失望…叫左5成熟黎到係7-8成,咁少客人都控制唔好個火候,扣晒分,另外可以見到左邊1/3都係肥膏黎,同將$100蚊掉左落海無分別,反而side dish薯仔有驚喜,好好食咁既價錢唔太值,可能只係我唔好彩啦不過應該無第二次機會了,btw員工服務好好,openrice book有9折

平時返工晏晝出去食飯，人又多又逼又要快走，食嘢又唔平質素又唔高， 星期六日已經唔想再去旺角尖沙咀嗰啲地方食飯，重滔覆轍一至五嘅時間，無限輪迴... 朋友介紹喺林村有間食西餐嘅園林餐廳 ，去餐廳食嘢除咗食， 廚師嘅烹調手法同埋新鮮嘅食物之外，我覺得最緊要嘅係餐廳嘅環境，可以好relax咁放鬆 ，享受一下寫意嘅生活就係最好。 大門入口係一條小橋，夠曬寫意。 莫講話喺香港嘅公園難搵到荷花池， 餐廳更加欠奉，呢度有個大大嘅荷花池喺度。 如果要包房，可以揀呢啲浪漫嘅北歐歐陸小屋。 雖然香港有嚴重嘅土地問題，但係呢度嘅室外餐廳環境十分寬敞，坐得十分舒服， 一個字享受！ 餐廳以荷花園景為主題， 配合歐陸小屋的裝修風格，環境值十分。 海蝦鮮果沙律，有多種生果多種蔬菜 ，喺咁優質嘅環境底下食咁多種蔬果，一於過健康盈人生活。 瑤柱雲腿炒飯， 飯底未夠乾身有點濕潤， 如果多炒十分鐘飯底，米飯香應該會突出。美國無菌黑豚豬配黑菌汁， 厚切黑豚豬肉感十足 ，分佈廣泛的油脂， 經煎煮過後， 向外散發充滿肉香。酥皮焗龍蝦湯，個人認為酥皮未夠香脆，多焗5至10分鐘方更為脆口。

可能今天是星期一, 我跟女友去大埔林村內的荷曄庭竟然沒有很多人!秋風剛起, 在月下選擇了室外的地方跟她浪漫一下我很喜歡這餐廳, 感受到老闆應該是本身很愛園林景致的人 花了很多心思打造了自己的天地, 戶外的小龐房及涼亭看得出嘗試展現不同的建築風格, 而且竹做的涼亭看得出細緻位, 坐下覺得遠離香港的煩囂, 有點偷得浮生半日閒的感覺我們被安排到一個荷花池旁坐下, 給我們剛好遇上荷花正值當晚開放! 這裡食物質素也很高 我們很喜歡這裡的 ribs! Grill 過的ribs 火喉控制很好, 很多肉汁, 性價比很高 咖哩也不錯, 就是薄餅份量少了一點及不是自家做 焗雪山 有小巧版手工令人讚嘆 鬆軟的蛋糕包著雪糕, 外層一層厚厚的疏乎厘, 店員送上來的時候會點燃起火酒, 好食又好有卓頭 ! 是我們的其中一個必點甜品 

星期六是一個心情輕鬆的愉快週末，因為明天是happy Sunday,今日同媽媽，老婆黎到林村既荷華園庭餐廳食晚飯，因為貪呢到有得方便泊車！呢個餐廳環境真係好靚好優美，而家天氣又十分清爽涼快，所有我地坐左係outdoor先叫左2個湯share暖暖胃，法國森林野菌忌廉湯同埋酥皮焗龍蝦湯，忌廉湯好creamy,菇味又夠龍蝦湯就夠濃主菜就叫咖哩雞同燒紐西蘭羊鞍，咖哩雞唔辣，但係又夠香，加薄餅同白飯簡直係無得輸，一滴汁都無剩燒紐西蘭羊鞍呢個真係唔錯有羊味而不羶，怕羶既老婆都話好味道肉嫩juicy出色！意猶未盡食多個甜品，蘋果批，同樣有水準，外面香酥，內裡香甜

住在附近接近三年，一直聽聞此餐廳但未有試過，適逢拍拖周年便前來一試，當天透過OpenRice訂座，去到後侍應安排我們坐了一個露天的位置， 其實當日人不太多，所以也可以選擇自己喜愛的座位。我們點了一份二人餐，前菜是大蝦鮮果沙律，不過不失。不過蝦只有兩隻😅，接着是酥皮龍蝦湯，熱騰騰的，還可以，另外有一份焗帶子，帶子有點過熟，不是太容易咀嚼。接着便是期待的牛扒和豬扒， 因為之前朋友盛讚這裏的牛扒， 其實個人感覺是有點乾，不夠juicy,但豬扒很鬆軟，感覺豬扒比牛扒還要好吃。整體晚餐的水準不過不失，但最糟糕的是，我們點了一支中價($300)的紅酒，餐牌上的年份和給我們喝的竟然不同，而且很老實說，真的很難喝！喝一口便感覺到這支酒非常的差勁，用評酒的app查看一下，竟然只有2.2分，是我喝酒以來飲過最差的紅酒😓😓， 但本來餐牌上的年份，瓶酒分數是可以的，所以，如果各位有興趣去此餐廳，應該帶自備的酒水會較好。

第一次來到這間餐廳，環境好清幽好舒服。由於夜晚天氣好清涼，我地選擇坐喺室外進餐。淨係咖喱都好多選擇甜品係我至愛吖，樣樣都唔錯咁，好想每款都試下先黎嘅係呢個意式蕃茄肉碎湯。有驚喜，湯幾足料，而且蕃茄味不會太酸，更帶點甜味，非常開胃主食揀咗咖哩雞加香燒印度薄餅。咖哩好香好順口，味道唔太剌激，咖哩汁夠杰身，點薄餅一流當然唔少得甜品啦，點咗一個朱古力心太軟。外表好精緻好靚，急不及待就切開，朱古力漿即刻湧岀黎而且仲暖暖地，香濃朱古力加埋少少cream一齊食好夾食完野坐咗一陣，因為環境實在太舒服，令人可以暫時放鬆。寧靜的夜晚，荷塘月色，小橋流水，更顯情調。愉快的一個晚上🌃

今日友人吹雞食飯，佢話想揸架新車出去兜下風，由於唔想食連鎖店，咁就由佢發板啦，話要去揸車先食到既地方。好啦咁一於聽佢講因爲佢不嬲無介紹錯，就被佢帶左黎呢間餐廳，有位泊車提供，望落都有十個車位。入到去發覺餐廳充滿歐陸式，與別不同，不過睇埋食物質素先。先黎大蝦沙律，大蝦入口彈牙而且新鮮，襯起沙律係一絕，水果種類繁多，而且夠晒新鮮，蜜瓜士多啤梨奇異果應有盡有，用黎做前菜係非常清新。跟住係香煎牛扒，煎得非常香口，入口充滿香草味，牛肉味香濃，切開見到充滿肉汁，係唔錯既質素，牛肉質素高低一食就知。仲有香脆豬手，豬手外皮金黃，裡面肉質嫩滑，而且充滿肉汁，唔怕肥既人一定要食埋皮，因為超香脆，精華正正係塊皮度，確係唔錯，伴碟仲有薯角，一樣係好香脆可口，實在惹味無比。最後仲有鵝肝炒飯，飯粒炒到粒粒分明，入口香口，配上點點黑松露香，同鵝肝味道非常配襯，加上鵝肝甘香可口，香味滲透炒飯，確係香上加香，係有質素既炒飯。

星期六既假期，駕車遊🚗💨，夜晚想食一間比較特別的餐廳，聽左介紹就選擇去荷華庭園。去之前仲可以入去林村悠游咁去行下，睇下林村許願樹揸車由大圍出發，大概20分鐘就到。餐廳出面有一排免費車位比食客泊車用，所以唔冼擔心無位。入到去嘅時候，啱啱入夜，景色優美。上菜之前，不妨多拍幾張相🌌🤳🏻✨庭園景觀夜色🌃💐大蝦水果沙律🥗🦐大蝦沙律賣相相當唔錯，面有爽口大凍蝦🦐。蝦肉又甜又爽，蝦肉身下面全都係時令生果，全部冰凍。當中冰涼蜜瓜尤其是清甜可口🍈❄️烤牛小排🥩🔥美國Prime級極厚牛小排🥩，外面煎得褐化微焦，但依然可以保持肉質鮮嫩👀。因此明顯煎、烤時間掌控得非常之好🔥，剛剛好是餐廳建議的70% Medium Well，肉切開中間就是均勻清澈可見的粉紅色。肉花紋整齊，肉汁豐富，切開之後自然滲透流出來💦。值得推薦！火焰雪山🌋（$163）雪山即蛋白，冧酒淋下冧，火焰🔥在燭光下燃燒，非常適合情侶💑共享。蛋白裡包著各種不同的甜點，食客可慢慢搜尋...... 入面有海綿蛋糕🍰、雲呢拿雪糕🍦分量足夠四至六個人，一大班朋友都可以分享慢慢食。蝶豆花檸檬冰茶🎆🍹泰國進口的植物蝶豆花🍃，本身會帶出天然的紫藍色🎆，加入到檸檬冰紅

星期六既假期同家人入去林村悠游咁去行下，睇下林村許願樹，順道去試下有朋友介紹我去一間位於林村入面既西餐廳，呢間餐廳叫荷曄庭餐廳，餐廳出面有一排車位提供食客泊車用，十分適合駕駛人士荷曄庭入口係一條小橋，經過小橋後係一個花園式既餐廳，環境十分一流，舒適！不過我比較怕熱，最後都選擇左入去有冷氣既大廳進餐我地選擇左一個煙三文魚卷沙律分享食呢到個份量都好大，足夠2，3人食煙三文魚卷中間夾左d軟芝士混合一齊食都好香濃！沙津菜配上油醋汁，好清新！呢間餐廳既油醋汁幾唔錯！酥皮焗龍蝦湯有一件蒜蓉多士跟湯呢個多士好出色，我空口就食晒啦龍蝦湯蝦味十足，十分香濃，先飲一半湯再用酥皮浸湯，正！主菜叫左黑松露汁海膽帶子意粉黑松露+海膽+帶子既無敵組合，果然無令我失望！好正！主菜還有燒小牛排呢個菜我強烈推薦！油脂香！肉味濃！肉質嫩！超級正！本來重想食埋甜品，不過已經好飽啦！呢間餐廳既份量真係幾足夠！讚！

今日同屋企人黎食晚餐，一黎到我地都禁不住舉起電話影影影，因為環境真係好優美，有小橋，錦鯉魚池，花草樹木，當然少不了荷花池。喺一個咁靚嘅環境食野，真係一種享受！我地點咗一份煙三文魚卷沙律和一份黑松露汁海膽帶子燴意粉。三文魚沙律份量超大，鮮美的三文魚經微微煙燻，沙律菜好清新，拌著大量芝士粒，洋蔥，紅椒，再配上帶點甜酸嘅醬汁，味道豐富而且有層次。實在是岀乎意料之外的岀色意粉醬汁可能係因為加咗海膽嘅關係，十分香濃，帶子份量都不少，整個配搭好新鮮但好夾！

由大埔市中心揸車去呢間餐廳，大約10分鐘左右，都算好方便，而且餐廳車位好多，足夠去泊車，唔需要擔心無位泊車，好適合有車人士去食晚飯。餐廳出面有一個園景，不過因為今日我去食晚飯，環境比較黑，冇影室外嘅相片。室內擺設好優雅，環境亦都好舒適，有一間房，可以包房，增加私隱度，適合一大班朋友聚會。鮮雜果大蝦沙律呢個雜果沙律份量非常之多，足夠四個人去食，而且生果都好鮮甜，種類亦都好多，有哈密瓜、士多啤梨、奇異果、菠蘿等等，仲有大蝦係入面，好清新鮮甜，非常開胃，作為前菜最適合不過。牛排🥩配薯菜塊牛排好香牛肉味，肉質好嫩，而且煎到好香，medium well 既熟度掌握得很好。配上燒汁同芥辣醬，更加好食！德國豬手嘩，豬手好香脆，份量亦都好多，而且豬手已經預先切好，方便顧客食，非常細心如果揸車的話，呢間餐廳確實係假日好去處，有位泊車，餐廳環境不錯，可以去試一試

住係大埔都吾知原來林村有間好似外國個d town既高級西餐廳今晚悶悶地吾知去邊食 openrice禁下禁下先見到一見到d相 就比佢既環境吸引住真係好靚所以一定要黎試!係香港地 地少人多 我可以話從來未係香港試過一間餐廳自己有個成幾千呎既花園 魚池 噴水池 户外室水area 室內室外都好大地方同好浪漫~不過就比較遠d 係林村入面但如果你係揸車就超方便 佢地有十幾個專用車位 超貼心呃星期六黎都仲有車位淨方便✌🏻好有特色既户外座位如果人多 佢户外有幾間呢d獨立小木屋香港真係冇乜邊間餐廳可以係户外整間小木屋 比客人自成一角每間小屋都有名架 浪漫到呢～行到最入有間好大既室內房環境一樣十分舒適同優雅頭盤salad大蝦超爽甜下面全是菠蘿同蜜瓜夏天食好refreshing~~主角黎啦~黑豚豬超爽口 冇醃過都可以咁爽同滑吾係誇大 有尖沙咀高級西餐廳既水準好足料既瑤柱金華火腿炒飯甜品時間心太軟&蘋果批價錢雖然吾平 但絕對值得一試！除左食物高質外 係香港絕對吾易搵到一間咁有外國氣息既西餐 係新界地方有如此裝修同情調 真係大開眼界

某天，身邊有個幽默的朋友跟我說：「國王的新衣，你一定聽過，但有無試過國王的晚餐？」我感到好奇，今晚朋友會帶我去吃怎樣的一個國王的晚餐呢？朋友車我來到大埔林村，餐廳有提供免費泊車場，我們把車子泊好後，步行幾步就抵達餐廳門口了。首先迎來的是一個小水池，站在小橋上，感受小橋流水，與繁華都市的熱鬧氣氛有絕然不同的感覺。通過小橋之後，便是一個廣闊的室外空間，玻璃餐台配合藤椅設計，旁邊還有盆栽植物，營造出一個富有鄉村特色的氣氛。昏暗的燈光下，坐在月色下進餐，讓人相當舒服而且放鬆。除了露天茶座之外，餐廳老闆還設計了不同主題的有蓋餐廳小屋，盡顯心思。由木制為主，打造出一種東南亞的風格，把門關上，便是一個包廂，讓裡面的食客可以享受專屬的私人空間，蚊子也不怕，高談闊論也不怕，充份迎合行政飯局的需要，也很適合進行私人派對。歐陸風情的玻璃房，以白色為主調，透過落地玻璃與室外連成一體，室外園景盡收眼簾，想像一下，如果在這里進行家庭聚餐，是一件多麼愉快的事情。這個小小的私人空間是半開放式的設計，由稻草和竹藤搭建，簡樸而踏實，坐在裡面用餐，隨住一陣微風吹拂之下，仿佛置身夏威夷的海邊，很適合一對小情侶在此浪漫談情，把

平日品嚐fine dining，都會去銅鑼灣尖沙咀甚至中環蘇豪區一帶，但既然難得今日好天氣，一於和友人駕車到大埔林村放馬甫附近的荷華庭園景餐廳用晚膳。此處交通尚算方便，村口外有小巴直達大埔墟港鐵站，車程 約需15分鐘，若是早點來可到林村許願再食晚飯😯。彷如置身於歐洲小鎮，燈光幽暗，十分浪漫🌌。只能說荷花池已勝過一切，concrete garden中的真.園林景色。 燒牛小排，採用美國牛小排，本身切得比較厚身，以燒烤方法烹調牛扒，能把肉汁保持下來，肉質亦能保持柔嫩滑溜。在切扒的時候有大量嫩紅血水滲出，代表大部份牛肉精華都能stay down，富濃牛肉肉味🐃。黑松露汁海鮮帶子燴意粉， 意粉稍淋身，口感一般。而黑松露忌廉汁卻把黑松露鮮味提出，刺激一下嗅覺，香而不華🤗。鮮椰青水一個，足以解除夏天的悶熱。

有朋自遠方來，他說要去大埔林村許願樹走走，我只好奉命陪行。行完林村，見到有間別緻的餐廳，有大大露天環境，朋友興致勃勃地決定試一下。餐廳有室外和室內，可惜當日落雨，故只能坐在室內。午餐包括前菜，主菜，餐飲及甜品。前菜的春卷熱騰騰，脆脆口感。還有煙三文魚沙律先開胃口。主菜是燒紐西蘭羊鞍，羊鞍有四大條骨，羊肉燒得滑嫩，脂肪同肉的比例剛剛好。上面還加了麵包糠，增加趣的口感，還有燒汁，芥末，薄荷醬以供選擇。旁邊的薯容也值得一讚，濃濃忌廉味。另一個主菜是鵝肝醬焗豬扒飯，飯是炒飯底，豬扒厚切，鵝肝醬味道特別。甜品是椰汁紅豆糕，回憶起兒時的味道。