荷華庭園景餐廳 (已易手) 新餐厅

依家係香港巳經好小依類風格嘅餐廳就算有啲野食都麻麻地但今次黎依間餐廳竟然2樣都好好👍👍我同女朋友本身係低頭族 但去到除左影相之外都冇再玩過手機因為餐廳坐低真係好舒服 我地坐露天 吹下風傾下計甘 真係好正😎😎😎講到野食 佢啲野食質素都真係好高 我地叫左個燒牛小排拼大虎蝦頭盤係西班牙火腿拼密瓜😍😍同埋燒安格斯肉眼扒大虎蝦真係好大隻 仲開埋邊 中間放左好多蒜蓉 令到成隻蝦都好香 🥰🥰🥰蝦肉口感吾會好實又吾會好散 熟嘅程度岩岩好至於牛就2款牛都重牛味 入面都好juice 叫幾成熟佢真係做到你叫幾成佢就煮都幾成依家好小餐廳真係可以煮到甘準👍👍👍仲可以帶狗仔去 真係冇得彈

今日帶囡囡去表妹屋企玩，臨走時經過見到間西餐廳好靚，我地就入去睇下食咩。嘩，入到去個環鏡靚到呢，好舒服好寧靜，餐廳以歐陸風格，有室外、室內、獨立小木屋可選擇，好似進入了一個小小的世外桃源鮮蟹肉焗釀大磨菇-大磨菇裝滿了鮮蟹肉，而且蟹肉上面亦加了芝士，每一啖都係啖啖蟹肉，雖然上面鋪滿了芝士，但芝士味亦不會蓋過鮮蟹味。黑松露汁海膽焗石班天使麵-黑松露汁都幾多，黑松露味非常突出，天使麵口感彈牙，沾上濃濃的黑松露汁，一啖接一啖，停唔到，真係太香，而石斑已去骨和腥味，好嫩滑藍碟花檸檬梳打-顏色好靚，有變色效果，藍碟花遇了酸性就會變紫色

今日老公帶我地食好野，老公話去林村食，我話林村會有餐廳？未去已經好期待，一踏進門口，已經覺得好靚有幾間獨立小屋，可以係入面進餐，而且有室外，涼涼地坐係出面同愛人撐枱腳，真係好浪漫呢，新界竟然都有咁情調既餐廳，唔駛下下都出去尖沙咀咁遠啦。西班牙黑毛豬火腿配蜜瓜（$168）蜜瓜超甜，火腿配蜜瓜是一道非常經典的意大利美食，火腿包著蜜瓜一齊食，甜味中和了鹹味，恰到好處燒牛小扒（$398）（半份）可選擇半份和全份燒至6，7成熟，牛小扒肉質嫩滑入味，已經非常juicy ，有兩款醬可選擇，芥末和燒汁，我覺得不用沾上醬汁來食，可以食到原汁原味，好好味，而薯蓉好香好滑，二人已經夠食了。雜果賓治（$48）

諗住食餐好既去迎接2019年千揀萬揀揀左去尼間餐廳食食完都幾失望尼間餐廳環境唔錯裝修幾特別但渣車先到食物方面叫左4樣野食龍蝦酥皮湯 ~$100好有龍蝦味但入面得一粒龍蝦肉粒龍蝦肉無味同唔彈牙同意粉屋相比意粉屋平d同好食d唔值咁既價錢酥皮焗腸好普通肉眼扒差差差我要5成熟佢俾塊3成熟既我結果要再煎過味道....無咩味道可言焗魚塊天使麵幾好咪芝士好多可以拉到絲出黎d麵都好食不過不失整體黎講真係mama山長水又遠咁去到真係有d失望

今日去食午餐 由於帶埋小狗🐶所以坐戶外 2個人坐大枱坐位寬闊舒適 環境清幽 不過始終鄉村地方都要預左有蚊滋陪你進餐 餐廳有噴水池⛲️聖誕樹🎄有啲靚植物🌺比大家影相📸今日叫左兩份午餐 二人埋單約六百令蚊💸午餐包一份頭盤一份主菜送甜品 飲品另外加錢留意番奉送既甜品係指定雪糕🍨或者椰汁紅豆糕 轉梳乎厘需加$30一份 而且要兩份起Open rice訂座有9折🤑頭盤1:炸春卷 2:火腿拼蜜瓜🍈1:炸春卷炸得香脆唔會過燶 春卷沙律醬絕配不過冇咩特別⭐️⭐️⭐️2:火腿拼蜜瓜🍈風乾火腿鹹香鮮味冇腥味配以清甜蜜瓜一併入口鮮味提升唯蜜瓜有點過熟 味道夠甜好juicy 但係口感唔爽脆 咬落去爆汁但淋身⭐️⭐️⭐️⭐️主菜1:黑松露海鮮意粉 2:牛小排拼大虎蝦1:黑松露海鮮意粉汁料太稀 痴唔上麵身 味道較淡 不過仍有松露香海鮮料有青口 帶子片 蝦🦐⭐️2:牛小排拼大虎蝦大虎蝦🦐肉質爽嫩 唔梅 調味令蝦肉提鮮牛小排🐄今次叫7成熟 牛味夠濃有牛香有韌勁 唯有些位置有筋嚼不動 配上既燒汁同牛小排好夾 另有黃芥辣可點伴菜薯仔🥔有奶油味 冇咩特別⭐️⭐️⭐️甜品1:梳乎厘 2:蘋果批1:梳乎厘最少要order 2個 同埋要同味有薑味 橙味

今日朋友介紹來這間大埔林村裏面的荷華庭園餐廳， 估唔到遠離煩囂， 在鄉村裏有間咁正嘅咁有情調的餐廳。 幾個月前來林村許願樹都沒發現到, 這間餐廳正正在林村許願樹後面, 這裏佈置得很特色， 富有庭園設計， 在這裏進餐， 除了氣氛浪漫外， 還有一份心曠神怡嘅輕鬆自在感覺。睇過餐牌， 食物種類甚多， 還有一些特色套餐 。我們兩人就點了個二人套餐:紫河甜心套餐，盛惠980元, 分別有 前菜、餐湯、主菜、甜品和飲品， 豐富到極。 於咁正嘅環境下享受這頓晚餐，價錢絕對超值。前菜有海蝦鮮果沙律，大大份又賣相吸引， 除了蝦新鮮彈牙外，沙律菜口感也爽脆，加上多款健康生果如木瓜、菠蘿、士多啤梨和奇異果， 絕對可以幫主菜來臨前打響頭炮，健康美味，正！餐湯有兩款選擇,分別是酥皮焗龍蝦湯和法國野菌湯，就選 法國野菌湯,菌味濃香，愈飲愈回味滿足。再來燒焗日本黃金帆立貝，賣相吸引之餘，味道香濃撲鼻，面頭滿佈牛油和芝士，焗過後甘黃味香，I Like it。而主角帆立貝好巨大，口感爽彈，肉質甜美，味道十分不錯。主角輪流上面:燒安格斯西冷扒和燒美國黑毛豬，兩碟份量剛好足夠兩個人飽肚。 餐廳大廚廚藝非凡，西泠七成熟燒烤得皮

朋友形容是世外桃源的餐廳趁假期還沒有完 於平日下午到訪林村記得是很熱鬧的地方還好當天車不多人也不多最重要是車到門口 也有專屬泊車位置平日人不多只見室內數檯客人漂亮的室外反而無人餐牌一點都不fancy但勝在選擇非常多都以西式為主 飲品如是點了3份午餐前菜也一點不弱 也有擺盤午餐朋友點了豬手份量大得很 3人分吃也吃不完另外點了原隻龍蝦意粉意粉是手造意粉一般粗幼可見是特意挑選過的我點的紅酒汁西冷也一點不失色室外有數個特色庭園設計也有小屋 相信要訂檯留座才可只是拍照都可以拍一個下午很喜歡這裡食物也很不錯 值得特地過來坐坐悠遊一番

今年生日我男朋友話帶我去一個好浪漫嘅地方興祝，原來就係係林村許願樹隔離嘅一間西餐廳，如果揸車嘅朋友，仲有得免費泊車👍🏻一去到，見到間餐廳就好歐陸式嘅後花園一樣，一間間嘅小木屋掛滿燈飾，仲有噴水池，成個畫面好浪費💕就算入到室內，地方都好大，仲有好多大枱，可以坐好多人，仲可以包房餐牌西班牙黑毛豬火腿配蜜瓜～火腿味道好香，入口即溶，再埋香甜蜜瓜，真係最佳配搭燒焗日本黃金帆立貝～呢加網上睇係必點，一上碟，我就覺得自己冇錯，帆立貝超大隻，肉質鮮甜，加上濃濃嘅芝士同仲有雜菌，好好味德國咸豬手～豬手大隻厚肉，外層香脆，內層夠味，最正係佢d薯條係新鮮薯仔炸的，好正椰汁紅豆糕～聽說這個甜品都係必食，都好大件，有勁多紅豆今餐生日飯我食到好滿足，呢間餐廳下次我都要帶朋友黎再食！

想遠離繁囂，假裝去了渡假，這間餐廳確實不錯。環境是不是有很渡假的感覺呢我們一行3人，點了三個午餐，頭盤分別是：1）酥炸春卷（）好吃，但欠特色。2）西班牙火腿拼蜜瓜（)火腿單吃也不太咸！蜜瓜很甜！3）煙三文魚沙律(）足料煙三文魚呢！蔬菜新鮮！主菜方面有燒安格斯西冷（$238）點了半成熟，是真的做到半成熟哦!而且伴有薯蓉，很大份的！好吃！德國咸豬手（$198）這個就相對失色，我個人偏愛更腍的口感，而且醬料味道也是淡了一點。至於原隻龍蝦炒意粉（$198）也絕不欺場，意粉好吃，龍蝦又大又新鮮。肉質很好，不過當然不是非常鮮味啦！甜品有棷汁紅豆糕，不會太甜，好好吃！總結：環境很好，就多了一些蚊子。食物大份又好吃！

唔係網上媒體介紹過,都唔知大埔林村附近有間咁正咁有情調嘅餐廳， 這間荷華庭園景餐廳主打西式菜式如扒類、龍蝦、蠔和甜品..…等等。至於裝修方面， 園林美景，戶外不同特色設計的涼亭作用餐地方，配合燈光點綴， 池中荷花盛放， 絶對是詩情畫意，。加上天空上的點點星星，寧靜氣氛，兩公婆或情侶進餐，非常浪漫。這些地方，在香港很難找到， 餐廳門口更可以免費停車，挺方便。 就算從大埔市中心坐巴士過嚟，在巴士站行入來都好易揾到。講番食物質素，也有水準。 我們點了酥皮焗龍蝦湯HK$98、 西班牙黑毛豬火腿配密瓜HK$168、 帶子海膽菜粒炒飯HK$128、 燒安格斯西冷扒HK$290和朱古力心太軟甜品HK$48，加上兩杯泰式青檸梳打HK$48，埋單約HK$900, 咁多嘢食，加上咁正嘅環境，絕對是超值。先來酥皮焗龍蝦湯，湯味鮮而份量足，龍蝦肉多，加上酥皮焗製啱啱好，伴湯食一流。之後餐前小食西班牙黑毛豬火腿配蜜瓜， 黑毛豬火腿味道甘食，薄薄切一片片口感即溶，加上甜度十足密瓜，味道好夾。主菜出場，西冷扒12oz份量啱啱好,六成熟肉質嫩軟，加上外層燒得微微焦燶，味道更濃，而肉汁鎖於肉內，入口飽滿。還有帶子海膽菜

餐廳環境超級靚，好多打卡位，港女至愛，氣氛浪漫，適合情侶來約會。地方夠大，見一家大細來食飯，小孩有空間可以走動一下。餐廳有室內室外部分，天氣好到戶外用餐很享受，庭院內連噴水池也有，裝修很用心別緻，非常欣賞。頭盤海撒沙律，好多芝士，生菜新鮮爽脆，醬汁是用芝士沙律醬，朋友都說很喜歡。餐湯點了酥皮龍蝦湯，如手掌大一碗，喝完都飽了一半，酥皮很薄又有牛油香味，湯的龍蝦味很鮮甜不腥，另外再配一塊蒜蓉包，一個湯如此豐富的材料值得一讚。主菜黑毛豬十分驚喜，侍應幫忙切開很貼心，豬肉一口咬下去有肉汁流出來，每塊都夾一層脂肪，油脂分佈很好，豬肉味香濃。連薯仔都很好吃，用奶油調味，令人食慾大增，非常推介大家來吃黑毛豬。甜品有心太軟，朱古力醬流出來的畫面好開心。

之前聽朋友推介過唔錯，前幾日特登去呢間林村既餐廳試下。我地一個禮拜前就book定，因為都有八個人，又有人生日要同佢地講定雪山蛋糕個牌寫咩名，又想坐出面好feel d。點知去到果日落大雨，好彩落巴士站行入去都算近，而且餐廳又安排左私人小木屋俾我地，閂埋門傾計食飯感覺好cosy，值得一讚打開個menu，都貴貴地，不過生日飯大家都無特別禁住黎嗌。頭盤我地嗌左 香燒墨西哥薄餅：暖粒粒，咁凍天氣食都幾正，薄餅入面芝士有拉絲，加埋d醬，正份量每人岩岩好一件鮮蟹肉焗釀大蘑菇：d蟹肉好好味，大蘑菇亦好juicy，份量略嫌少左d，但係好食既本來想叫野飲，但見到都要四十幾五十蚊，熱飲選擇唔多，天氣咁凍不如試下佢地d湯朋友話酥皮焗龍蝦湯普普通通，唔太特別我同朋友share既鮮蠔周打湯入面有一舊大蠔，湯算重奶味，但都係普通跟住到d主菜，咖喱大蝦好食，剝曬殻，就咁不就食得，咖喱椰香味同香料味都重，值得試下燒紐西蘭羊鞍好正，叫左五成熟，怕羊羶味朋友可能驚但我好鍾意，有四隻醬俾你點，個人覺得點薄荷啫喱最夾叫左個香蒜炒美國鮮蘆荀，好食但價錢貴左d黑松露汁海膽帶子燴意粉 同 黑松露汁海膽焗海鮮飯 都不過不失燒水牛城豬肋

林村本來係過農曆年先會去既地方,  今晚遠道而來係為了重要的"慶生"活動。無諗過夜晚入林村都有點轉折, 決定係太和站搭小巴入林村。不過, 小巴班次不算密, 加上放工時間, 排隊既人幾多, 要等好幾班先上到! 這餐廳給我感覺像世外桃園, 頓時擁有屬於自己的空間和時間。尤其坐在室外的位置, 仲可以揀選不同的風情和格調, 很舒服在! 食物方面, 西式菜也不錯! 尤其喜愛燒焗日本黃金帆立貝, 外面舖著一層厚厚芝士沙律, 金黃色又悅目又可口! 當然主角有不在話下的鮮美帆立貝。好戲在後頭, 食到裡面時更有滲著濃濃芝士味的雜菇, 真有驚喜啊! 整體服務很好, 也沒有收切餅費!

家住林村的朋友極之推介村內一間有情調的餐廳, 所以山長水遠都要入去試試。放工後, 立刻衝去大埔壚火車站, 再搭64k , 在放馬莆站落。(可能撞正放工時間, 所以勁多人搭64k, 如果下次再去, 建議太和站轉小巴入林村)落車後, 過對面馬路向右行, 走不遠見到餐廳名牌, 再跟指示轉入。天黑黑的關係, 不容易找路。終於找到, 原來座落在古廟旁邊, 非常特別的位置。從窄窄的小巷進入餐廳, 有如入了個秘密花園。環境十分清幽, 平日人不太多, 有室外有室內的座位。有點微雨, 所以坐室內。室內用了中式的陳設佈局, 感覺幾高雅。食物也十分不錯。尤其焗帆立貝, 是由沙拉醬和芝士組成，熱騰騰的帆立貝味道可口。帆立貝與焗烤得金金黃黃的芝士非常配合。白色的貝肉嫩滑鮮美, 裙邊帶嚼勁，鮮甜無比，令人難忘。黑豚肉也很正! 淋上以黑松露菌汁，變得更美味。凱撒沙律梳乎厘, 熱呼呼, 脹卜卜如果無落雨, 我一定會揀室外不同主題和風格的座位。很有情調和私人度高! 從環境陳設個人十分喜歡, 慶祝紀念日的首選。

今日為左慶祝朋友生日, 我地入左大埔林村許願樹哥邊間荷曄庭訂左台食飯, 之前新年有入過黎掉寶碟, 都幾熱鬧, 但無諗過閒日入黎食飯, 成段路會係咁靜, 不過餐廳都好易揾, 64K落左車牌坊路口直入就會見到指示行左3-4分鐘, 終於到啦, 嘩...之前聽人講依間餐廳環境吾錯, 無諗過真係咁靚, 有好多類似獨立屋型式既台, 成班朋友黎, 情侶黎都真係幾有情調好耐無食菜, 所以首先叫左個凱撒沙律, 廚師事先將凱撒醬撈暈落D菜到再加上粟米片, 煙肉碎同埋芝士條, 味道配合得好好, 煙肉惹味再配上芝士條跟粟米片, 口感非常等別, 正之後叫左個燒羊鞍, 羊鞍燒得岩岩好, 吾會燒得太熟, 因為一過熟就會變得好韌, 配上三種醬更顯惹味, 但我覺得羊蘇味略為不足, 不過怕蘇味的朋友仔都可以食得到最後叫左個鵝肝焗豬扒飯, 我本身吾算太鍾意食鵝肝, 同炒飯底一齊食又幾夾, 我朋友本身鐘意食, 就話味道好濃好正