華苑酒家 (已結業)

開始涷❄又係打邊爐既時間😋2個人食任食任飲既就最抵~呢間任飲任食平日只係$138🤩唔洗加一👍有醉🐔鍋🍜就睇下呢個夠唔夠料夠唔夠味先😋個湯底已經聞到酒香，再俾多碗花雕您，夠細❤雖然款式唔係話好多，但大路既野有齊~肥牛、滑雞、豬潤、淮山、仲有多款手打丸……仲有多款蔬菜可以直接係雪櫃拎，食幾多拎幾多，唔曬野👍一開波即放芋頭，南瓜，之後食勁霖勁好味😋放得靚靚🤩滑雞同丸太好味要encore😙最後叫多個粉絲撈埋個湯底😛大滿足

天氣咁凍，好多人都會選擇打邊爐但，係火鍋打得多有啲熱氣同埋悶，所以今晚就選擇左蒸蒸鍋。喺元朗朗屏站，世宙對面嘅呢間華苑，提供任飲任食嘅蒸氣鍋價錢$268一位，包粥底，四款自選海鮮，肉類、丸類同蔬菜，任點任食，仲有啤酒汽水任飲，加上招呼親切，所以有好多街坊熟客幫襯，幾乎坐滿。店員會幫你先落生米同埋配料做粥底，我地揀左南瓜排骨。海鮮點左海蝦、鮑魚、元貝同埋聖子皇，全部都非常新鮮，美味，尤以海蝦上枱時仲好生猛，食落爽口彈牙冇得頂肉類我地點左蟲草花蒸雞同埋手切和牛肉，蒸雞件夠滑又入味，和牛博切，輕輕蒸幾分鐘已經食得，好味。 點咗5款丸，全部手打，有蝦丸、墨魚丸、牛肉丸、梅菜豬肉丸同鯪魚丸，細細粒，一口一粒，未至於爽口，但有彈性，唔會成口粉，水準不俗。另外自助吧有好多蔬菜、菇菌、瓜、粟米等等任攞，自己好鍾意蒸菇同菜，特別鮮甜，仲會保留水份，食得多肉食返多啲蔬菜個人都舒服啲。我地仲蒸咗個馬拉糕作為甜點，自己蒸，熱辣辣即食，特別軟熟好味。蒸餸食飽之後，店員會開始幫打開鍋底，個粥已經煮好，呈金黃色，啲粥軟綿綿，吸收晒啲食物精華，夠味鮮甜，食一碗已經飽晒

以前想食椰子雞煲一定要返大陸，雖然香港都有，但價錢實在太貴，而且要搵到好食既雞實在好難但係估唔到元朗呢間酒樓既任食火鍋內，居然會有椰子雞煲呀！而且仲要勁抵食！睇返餐牌，一至五只要$138，仲要有肥牛任食，最驚訝係連羊肉都有！而且最欣賞佢既丸類都係手打，好有心思呀！個煲黎到，奶白色既湯底好香椰子味，而且隻雞都排得好靚再睇下其他食物，雖然選擇唔多，但應有既都有，而且好新鮮。仲有汽水啤酒任食總括黎講，呢度地方好大，坐得舒服，呢個價錢真係超值！

作為健康人生的我們, 星期六當然要去行下山啦我地行完大棠落返山後, 發現我地都唔夠衫好鬼凍呀! 見到有蒸氣窩/打邊爐, 即刻狗衝入去!見到D間華苑, 好似係見到救星咁呀今次我地揀左蒸氣窩, 都係二百幾, 蒸氣窩黎講算平菜同飲品自助任扲!上枱冇耐見到一堆海鮮! 好吸引呀!鮑魚好彈牙, 而且都幾鮮甜, 重點係幾大隻, 第一樣海鮮已經睇得出對辦!真正的蟶子皇, 蒜香味滲晒入彈牙鮮甜的蟶子皇架, 好想食多隻呀!龍躉件, 都算幾多件下, 魚味都幾重, 魚皮富骨膠原, 對皮膚好呀!海鮮食完後, 就係任點任食的環節, 有丸 雞, 豬等等, 而我最愛的, 當然是自制的蟲草花雞X烏東, 雞肉嫩滑, 而且雞味滲晒落烏東, 太美味了, 建議要自制黎食下另外馬拉膏都係必食, 鬆軟美味, 好好味最後當然要食下個粥底啦, 集各家精華於一身, 太完美了總結, 食物服務都唔錯, 估唔到是但入一間都有驚喜, 我太幸福了!

我是一個對食物要求很高的人，新鮮最重要，朋友們知道我的要求，就介绍我去元朗華苑酒家，上星期就約咗幾個朋友一齊去晚膳，華苑酒家選擇很多，小菜，火鍋，蒸氣海鲜任選，我們大家都一致選擇蒸氣海鮮，酒家職員很熱情介绍各種食物，烹調時間，很快美味的海鮮鲍魚，鮮蝦，聖子，象拔虾就在面前，入口已感到海鮮真的很新鮮美味，還有牛肉，豬頸肉，新鮮手打肉丸，菇類，蔬菜，啤酒，汽水等等，任選任食，大家都吃過滿足，高高興興回家，大家已約定下次再光顧！

今日真係好凍，凍凍地最啱打邊爐，我地去到華苑，呢度一共三層，晚市二樓主要做小菜、三樓就火鍋，我地被安排到三樓，好在一早訂左枱，我地入座六點都未有乜人，但一到七點，全場九成滿座，好誇張，梗係啦，一凍就個個都想暖粒粒搞到個個店員都好繁忙啊，不過唔緊要，我地唔係第一次食，可以自己照顧自己。個場都算大，枱櫈闊落，仲有電視。原本想打邊爐，但見到餐牌有蒸氣鍋，諗諗下又好喎，不如試下蒸氣鍋。蒸氣鍋價錢係268一位，另收醬油加一，包左粥底、4款自選海鮮，人頭份量，另外有多款配料任食，例如松草花蒸雞、豬頸肉、牛肉、牛柳粒、肉丸、蔬菜、菇菌、糕點都有，仲有汽水任飲，食2.5鐘。火鍋任食店員先幫系地加左粥底，粥底三揀一：南瓜排骨、瑤柱淮山、雞粥，我地揀左南瓜排骨，蓋番個蓋就等配料上枱。期間我地走左出去拎蔬菜、菇菌、午餐肉、飲品，因為呢D係自取嘅。好快海鮮就上枱，自選四款：大元貝/象拔蚌仔/蟶子王/桶蠔/海蝦/鮑魚/龍躉/貴妃蚌，咁我地揀左呢四款，每人有兩件，非常吸引。蒸嘅時間我地都係隨心，按照平時我地食其他蒸氣鍋嘅時間蒸，如果有唔清楚，可以問番店員。大元貝用左蒜蓉、粉絲配，蒸一陣就食得，我地再加番D豉油，好

冬天一到，就即刻唸起打邊爐，係同事口中話元朗有一間酒樓$138全包任飲任食，聽到都好吸引，仲要地點方便, 對住朗屏嘅西鐵站, 步行3至4分鐘，一條大直路就到坐低左之後，從酒樓望落去環境都好舒服，職員安排左我們坐2樓，因為樓下一樓是食小菜的今日係星期五，我可以享用$138呢個優惠😍如果星期六日就要貴$202樓嘅海鮮不多，員工話啲海鮮在樓下一樓地方非常闊落，燈光又光猛，坐得好舒服，一大班朋友談天最好不過基本嘅火鍋配料都齊晒，連我最鍾意食嘅魚肚都有，平時出去食任食火鍋，好少地方有魚肚的，而且魚肚嘅厚度令客人非常滿意🤣又夠爽口🌹，吸埋椰子雞嘅湯底精華一流出面有幾款自助火鍋配料，飲品也是自己行出去取，魚皮同生菜，西洋菜也是自助形式取的，全部也放在雪櫃內，非常乾淨椰子雞煲，湯底非常鮮甜加半隻雞落去，令到香味更加出，再配合埋杞子，直情係養生之道，媽咪話杞子係明目㗎生根和響玲都好新鮮，完全沒有油益味，放入湯中2秒，就能夠吸取湯入面嘅精華美味肥牛嘅牛肉味好重，雖然脂肪係比較多，但係肥牛嘅脂肪，令到湯底更加香味十足飲品非常夠凍，飲一啖已經感到非常舒服食足兩個鐘，見到湯底依然非常濃郁😁大魚頭，非常新鮮鮮味十

近日天氣又涼涼地， 果日經過元朗華苑酒家 有蒸氣火鍋餐 ， 幾特別，好似又幾抵食喎。於是入去試下 ， 坐低叫咗幾款海鮮。包括 鮑魚 、蟶子、 元貝同 象拔蚌 。各款海鮮都係蒸,三四分鐘就oK 食得啦。 另外有 各款 自家製 手打 鮮蝦丸、墨魚丸、鯪魚球 等等 。另外有 和牛粒 同 和牛片 。 仲有松草花蒸雞添。 海鮮蒸得啱啱好 ， 非常新鮮 食落去非常嫩滑可口。 手打自家製丸就非常有特色 ，食完海鮮 同特式 自家製丸 後 。下面嗰 煲 汽鍋粥就真係精彩喇，所有海鮮同肉類的精華 喺曬啲粥度。 味道非常濃郁， 我足足食咗兩碗。 另外啤酒汽水及各式飲品 無限供應。 另外侍應非常殷勤 招待仲 親自處理蒸海鮮嘅程序， 值得一讚 。下次去元朗都要記得呢間酒樓， 值得再來幫襯。

近來工作非常忙碌，收工後巳非常疲勞，家人建議不如出外晚膳，輕鬆一下，亞仔在元朗附近工作，他說聽同事講元朗安寧路華苑酒家蒸氣海鮮餐很不錯，咁就試吓啦，酒樓還有小菜，任食火鍋，任君選擇，我們選咗蒸氣海鮮鍋，海鲜款式很多而且即叫即製，非常鲜味，亞仔出名食海鲜非常挑剔也讚very good,除海鲜外，還有新鮮和牛肉，手打多款肉丸非常鮮味.,最特别順德污糟雞，雞肉香滑，職員烹調時間剛好，值得一讚，還有很多蔬菜，其他食物.....，飲品任選，最後食埋個晶華粥底，食飽飽大家心情輕鬆晒，疲勞盡消，最值得一讚是職員態度非常友善。

朋友平時住開市區，好少入元朗，佢地入黎探完我話想打邊爐，又想食牛。ok fine ，於是我地搵一間有得邊爐放題既酒家，咁岩就見到華苑酒家，做緊百幾蚊邊爐放題，二話不說就沖入去去過唔少放題邊爐，唔係好多間有濕紙巾，都幾貼心入到去本身都無乜期望，因為始終唔算話好貴既價錢但食落反而唔錯，啲野食又黎得快大家都知出面不論係邊爐放題定係日式放題，上餐速度都係慢到呢大家都知，放題既重點只有三個，就係：快，快，快，務求以最短既時間去食到最多既野除左牛肉，我地當然都叫左羊肉啦，對比其他邊爐放題，其實都幾新鮮張單比左出去只有5分鐘，就已經堆滿左架車，下面仲有2，3碟牛肉啲野食未黎都可以食住午餐肉，芝士腸頂下肚先仲有鵝腸點，好少見佢仲有gold青島任飲，岩晒我呢咁既酒鬼其實都唔係淨得邊爐，仲有蒸氣火鍋，下次試下先

今日boxing day一家人去左十下十下打邊爐，而家去打邊爐一家人當然搵間抵食任食架啦！我地今日去左元朗行街發現華苑晚市邊爐就算假日都係158一位仲要係任飲任食所以晏晝已決定好黎呢度試經理好快就帶左我地上樓上圓枱，樓上都係圓枱為主圖中就係自助飲品吧同配料區，仲有蔬菜同小量油炸物可自取我地先簡左個皮蛋芫茜湯底清清地冇咁熱氣其實可以任簡既款式都幾多好肚餓快快手手叫野食先話咁快個湯底就到左啦！牛魔王小妹點會唔點肥牛呢！佢既肥牛都唔錯喎比想像中有牛味其實滑牛都唔差！你睇淥完都算滑！有色澤其實仲有好多唔同既野，有魚啦！豬潤啦！大部分都好新鮮快熟既就有芝士腸同午餐肉當然要叫下第二轉啦一樣好快到！鵝腸好正呀！仲有羊肉片可以簡整體好抵食

去開元朗睇戲，順個便係呢邊食埋飯，見邊爐任食$138幾抵咁，同埋約左家人一齊食飯，爸爸又最鍾意打邊爐😁食物選擇唔算好多，但食落係有驚喜既👀啤酒汽水都係任飲，岩晒媽咪😂😂清清地我地叫左個皮蛋莞茜湯底，湯底料都好足，皮蛋大大件。佢大多都係點菜形式出，部分蔬菜類同麵食就自助式咁拎。基本上點左既配料都係放埋一盤出，覺得幾環保。呢度配料睇佢唔出都好新鮮🤩仲會有鵝腸、豬肺、九肚魚呢d。丸類都係手打丸，覺得幾有誠意。講下各種配料：草鯇腩/大魚頭：非常新鮮，滑嘟嘟😻滑牛/肥牛：滑牛新鮮香滑，肥牛夠肥。豬潤/豬肺：豬潤爽脆鮮嫩，另仲有豬肺係幾特別，少見的。鵝腸：唔係好多任食有鵝腸，質素仲唔差🙊雞件：細細件，但好滑～手打蝦丸/墨丸/牛丸：蝦丸蝦味幾重，墨丸香濃彈牙，牛丸鮮味😋而且細細粒咁易入口。羊肉片：都係好新鮮架～估唔到咁既價錢，會有相對高既質素，算係物超所值，本人認為雖然款式唔算太多，但勝在每款都keep到水準係難得既！

同男友兩個食左任食邊爐，好飽，一路睇電視一路食任飲仲包埋啤酒，男友飲左3罐。菜類選擇多，又有油墨菜，生菜，白菜，基本想要既菜款都有。粟米好甜，好多人夾，D人食到叫姐姐加粟米添。另外，服務態度非常好，又幫你加湯，姐姐都好熱情。食物選擇種類多，牛丸同墨魚丸都係手打，爽口彈牙，值得一試。另外就係個湯底，邊爐湯底一邊係麻辣，另一個係沙嗲，又濃又香，烚肥牛一流，牛肉好香口，冇渣，任食邊爐黎講算好食我係牛控，食埋個牛柏葉，非常爽口，鐘意食牛柏葉唔可以錯過。見到好多人食蒸氣鍋，男友話下次要帶呀姨黎食個蒸氣鍋！唔記得講埋醬料，都齊全，要有既醬料基本都有，個XO醬男友大讚，唔知係咪自家製，大家都可以試下！

我食左餓腸炒麵，馬拉糕鬆軟，小籠包好味，白切雞，好好食，環境舒服，我喜歡尼間，廚房開放式，份量多，之前買過外賣叉燒飯，價錢抵，食物味道好，以後會成為我的飯堂，飲茶好介紹，好地方，支持尼間店，食物好乾淨，元朗最好的飲茶地方，...................

知道酒樓轉了手，抱著試一試的心態去食蒸汽火鍋，結果喜出望外！$268/人，自選四款海鮮，再任點和牛粒、雞肉、豬肉、蔬菜、甜品等，這個價錢已包曬茶芥，而且免加一。所有海鮮非常新鮮，所以蒸完出嚟，乜嘢醬料都唔加已經十分鮮味！落單前，部長介紹我們另外追加龍蝦，$96/隻，游緊水，好新鮮。我們叫了一隻，蒸熟之後，再放入口，即時後悔！後悔點解叫一隻咁少？龍蝦的肉，爽甜滑彈，這個價錢實在物超所值！不過要注意，以上價錢只限星期一至五。