華記潮州滷水車仔麵 (民興大廈)

营业中

休息中

近月城中網紅推薦這間食館，我們呆在香港沒事幹的閒人又去嘗嘗。在門口已感受到今天的digital marketing 的威力，大排長龍，我的天呀等等等了半小時，終於有得入去開吃了。說實在，我本人都很喜歡吃牛什，近年已很少吃了，而且吃滷水汁風味的牛什也是第一次。這間館子的食物給我的印象是份量很足夠很大碟，葱和芫荽更多到不得了，真是大開眼界，味道也過得去，不會太咸太濃味。喜歡吃牛什的朋友是不錯的選擇。順帶一提，這的牛什在外面很少見的，特別是那牛腸，真是肥到無朋友。正所謂膽固醇萬歲

今日經過華記，竟然見不到平日的長人龍，正在納悶之際，但機會難逢馬上入去，夥計立即告知原來今日店內系統壞了，每單要當外賣計而多算一元，問我有冇問題，雖然唔太明白，但不用排隊便算了😅叫了一碗三餸麵，要了豬紅,大魚蛋,滷水豆腐，湯底要滷水，麵要烏冬上枱時外相吸引，一吃之下滷水湯很易入口，豬紅很滑嫩，魚蛋及豆腐較硬身，我個人感覺普通，烏冬加上滷水湯十分好味下次有機會會再試其他食物😋😋

之前見到有位廚師拍左條片推介呢間鋪頭，咁啱同朋友去太子，就揀左呢間試下。晚上7點左右到唔洗等位，但都9成滿。同朋友各自揀三餸，交換食，試多啲野。牛肚，牛小腸，牛肉餅，豬腸，粉腸，生菜底。菜既份量偏少，我揀左中辣，辣度唔夠，而且唔夠香，鹵水味都唔係好出，湯底一般。牛肚同牛小腸味道都偏淡，鹵水味唔夠，質地就ok，不過不失。豬腸同粉腸既味就更淡，質地有啲硬，一般。牛肉餅就幾好食，係不規則既牛丸，有肉味同肉汁，唔錯。另外試埋太陽餅，係蝦餅，炸得幾鬆脆，蝦都彈牙，有啲鮮味，唔錯。

食呢間嘢真係要揀啱時間盡量平日非繁忙時間先好去食否則只會大排長龍同埋好多嘢都賣曬私心推介：全部汁重口味😌正豬心，牛腸，蘿蔔以前從未食過豬心，原來係咁好食嘅😋😋😋😋😋💜●‿●💜🏡：👍🏻👍🏻😋：👅👅👅👅💵：60－80🚶🏻‍♀️：🙋🏻‍♀️🙋🏻‍♀️🙋🏻‍♀️🙋🏻‍♀️#hkfoodieblogger #hkfoodies #hkfoodlover #hkcafehopping #hkcafes #hkcafelover #coffeelover #香港食好西 #香港美食 #香港吃貨 #香港咖啡店 #香港咖啡 #咖啡日常 #香港美食指南 #香港小食 #hkcoffee #hkcoffeeshop #太子美食 #車仔麵推介 #車仔麵

今餐只係簡單點左碗牛雜麵🐮🐮🐮盛惠💲45比想像中驚喜😮😮大好碗😍😍真的很足料！牛雜、牛肺、牛膀都有齊個汁亦都好夠濃🥰超級讚👍🏻👍🏻👍🏻

無諗過一碗車仔面竟然會足料到食唔哂中午時間等咗15 分鐘左右有位自助落單餐廳內大家都專注食物無嘜人大聲講嘢由於唔知原來咁大碗嗌咗四餸米線多葱多芫茜俾得好闊綽！成碗面上面都係綠色豬大腸有得揀肥瘦好體貼煎釀三寶聽講都係必叫又係勁大舊 $28 有咁多件真係好抵食唔係脆口個隻係煙靭口感完全食唔哂捧住個肚出餐廳😅牆身嘅善長人翁慷慨解囊好吸睛喺小小車仔面檔入面有呢個概念同元素提醒自己/客人擁有同時不忘付出而唔係一味諗賺錢十分欣賞！

之前都聽過Facial姐姐推薦食呢間，近排又見到IG有foodie推薦，今日收工就去試下～MenuVivian晏晝食完18件麥樂雞，仲係有少少🤏🏻肚餓，所以叫左三個餸:牛大腸，油麥菜&五香牛腩，要左河粉（QR code落單可選爽麵），湯底揀左滷水汁加腩汁湯底偏苦🤔Vivian唔鐘意🙁係因為滷水汁？總之就麻麻，牛腩韌，Vivian食完，d肉zip哂牙縫🙈到牛大腸，未食之前好期待，食完又覺得um…ok la，雖然入口咬落去係有爆脂感，成個口腔都充滿油脂（呢個我係鐘意既），但係個牛大腸有少少苦味（唔知係咪因為個湯底），呢到扣分。Vivian見咁多人讚，但食完有d失望，唔通湯底係要揀辣先好味？🤔Overall好唔好食？一般會唔會再幫襯？唔會

🎈食物：🌕🌕🌗🌑🌑叫左4餸車仔麵，蘿蔔幾入味同無渣，風琴豆腐串，魷魚，豬大腸正常水準，個湯底叫咗滷水汁，有少少苦😖🎈環境：🌕🌕🌕🌑🌑現場門口都好多人排隊，我其實有少少R哂頭，點解咁多人排隊，因為CP值唔係咁高，哈😂，坐既位置都唔算太迫，都乾淨既🎈服務：🌕🌕🌕🌑🌑自助掃QR code 落單，食物到時，店員都會講番出黎，配對番客人👍🏻🎈回購：🌑🌑🌑🌑🌑Sorry，唔會再食🫣

成日行過都叫外賣，平時四餸麵有10%機率俾少餸（多數豬粉腸，可能賣哂唔通知），唔常發生所以都由佢. 但最近生意很好，大排長龍，外賣餸份量少左，外賣座底等30分鐘，以前成座山咁高多芫茜變左普通. 呢間鋪野食唔錯，希望唔會再越做越差.

在網上一位KOL剛剛介紹過華記的牛雜大碗又好味，上星期食咗午餐，都要去試一試，來到華記門口，己有十幾人排緊隊，等咗十五分鐘左右就可進場。室內裝修企埋，有卡位有二人方枱，waitress 嬸嬸態度很好👍，會提下你加辣最好叫少辣先，唔夠再加，order全程自助用QR code 上web，設計仔細，可選辣度，湯底，麵種，乜嘢部位唔要，諗得出都有，抵讚👍牛雜粉碟頭大，牛雜多，有肥腸，粉腸，肺，金錢肚，牛膀。食一碗一定飽晒，但牛雜雖多，味道卻一般，煮得唔夠淋，肥腸中間微紅，似未熟透，一句講晒，没有牛味，真的麻麻地。反而塾底加的通菜還不錯。

下午大約1點半, 等咗大約20-30分鐘就有位！我淨係坐低等麵到嘅時候, 已感受到店員好有愛❤️佢哋會同客人講岩岩炸起, 小心熱喎放低碟餸又會同你講餸名, 如此小店有好好服務! 未知食物質素都係我心目中加分!!!三餸車仔麵 - $49(油麵, 爽麵, 五香牛腩, 滷水豆腐, 鮮魷魚鬚, 滷水汁, 多湯, 多蔥, 少莞荽)我點嘅, 只係三餸咋, 滿滿都係餸, 湯底好香, 馥郁醇厚!但唔算鹹, 飲完湯底又不會好口渴👍🏻五香牛腩好入味, 有咬口, 但一定唔係靭, 咬幾下就咬斷, 幾鍾意呢個口感, 而且脂肪比例都好均勻, 幾濃牛味! 滷水豆腐, 選用炸豆腐, 吸汁能力較強！一樣好入味, 豆腐保持到幾滑🤟🏻 鮮魷魚鬚爽口彈牙新鮮冇得頂😆四餸車仔麵 - $58(出前一丁, 牛筋, 五香牛肚, 蘿蔔, 豬腩肉, 滷水汁, 走蔥, 走莞荽)朋友點, 我食哂每款餸除牛肚😂首先蘿蔔好清甜大大件又吸入左滷水汁嘅味道, 冇渣嘅好好食! 豬腩肉肥瘦比例係8: 2, 我相信係新鮮豬整？因為覺得豬膏係幾香, 入口即化! 得👍🏻牛筋滑嫩入味, 口感QQ, 唔錯! 至於, 牛肚聽朋友講好爽口大件又有牛味🤟🏻煎釀三寶 -

昨天下午朋友傳來訊息叫我一起去試吃某某網紅推薦的潮州牛什車仔麵，她知道我喜歡吃車仔麵😘。去到看見人龍，心中早已預料是這樣，既來之則安之。等了有25分鐘，終於有得吃了，叫了兩餸車仔麵，牛腩，冬菇。又叫了牛什，牛三寶及猪紅。普遍都遍向有嚼勁，牛腩不是很軟淋的那種，牛肚牛根也差不多，只有肺及膀軟淋一點，最不得之了就是肥腸，真的如網紅說，吃了離開天堂已很接近了，他是說好味到升天咁解🤣🤣🤣我細心品嘗，這館子很用心去做，味道不錯，吃了不口渴。但如果你問我吃牛什，我會選清湯牛什，因為滷水味太濃郁，吃得多有些濟住濟住的感覺😑。如果你問我吃車仔麵，我可能會諗起文記，似乎更吸引😋。不過，今次也是很好的介紹，三人吃盛惠317元，今天的物價，已不貴了，文記車仔麵隨便一碗也70大元。顺帶一提，華記的份量認真大盆，包你吃不完，我們吃不完要打包回家😇🙄

星期三下晝兩點左右去到門口有兩個排緊，等咗一分鐘左右有得搭枱。四人卡位枱面中間有膠板，面對面都冇問題。揀咗粗麵配牛小腸、魷魚、牛肉餅，好快有得食。第一次食冇加辣試原味，麵一般，配料新鮮好味，尤其牛腸配枱面樽辣油真係正。要搵檔車仔麵又好食又企理真係唔易，呢間值得再試👌🏾

車仔麵嚟講，最好就係多選擇而且味我好😋 呢間食過真係幾正，除咗基本配料，仲有牛雜、豬雜，同埋多款小食揀。我哋就一口氣揀咗3款小食，每款不同😬新鮮魷魚鬚辣醬汁香辣惹味，魷魚鬚爽脆而且鮮味十足，唔係漂到無哂味個種，脆花生仲好正太陽餅店員推介太陽餅，果然唔錯，外層脆卜卜，裡面係蝦膠餡，咬落非常彈牙而且鮮甜。煎釀三寶估唔到呢度都有🤩，熱騰騰🔥，有茄子🍆、燈籠椒🫑、辣椒、紅腸，每樣都好大件三餸車仔麵重頭戲係車仔麵，上面佈滿芫荽及蔥花，配料揀咗牛肺、蘿蔔、五香牛腩，成碗滿滿的，好搶眼😍湯底係重口味推薦，即係全部汁，包括腩汁、滷水、咖哩汁、清湯，深色濃郁帶少辣，牛腩軟腍入味，蘿蔔極之爽甜無渣，牛肺係出便好少有得食，食落香嫩滋味

黎呢間如果舖頭就梗係去食內臟啦，成日都見到佢排隊而且又開埋分店，係咪真係咁好食呢？我哋兩個人叫咗五樣嘢，分別有主食嘅牛雜米粉同豬雜粗麵，而小食就叫咗涼拌豬耳、涼拌生腸同埋太陽餅。涼拌豬耳省長基本上個汁都係一樣嘅，啲蔥蒜芫荽撈埋少少辣嘅辣油變得好惹味，佢最勁就係連啲花生都好好食，唔係求其買返黎開個袋就倒出嚟而係精心製作過，作為主菜嘅生腸同埋豬耳仔就梗係不在話下啦。太陽餅其實就係秘製魚膠加粉漿喺外面然後去炸，粉漿皮好脆，入面啲魚膠幾精彩，應該除咗與之外仲有蝦膠同埋墨魚膠三樣mix埋一齊，新鮮彈牙，佢入面仲有隻蝦，咁嘅價錢咁嘅質素真係性價比超高。兩碗主食啲餸都好足料，依家材料貴咗咁多營養俾足了真係好難得，出面好多地方食牛雜粉啲牛雜都係得少少，你睇呢兩幅相就知唔係吹水啦。依家材料貴咗咁多營養俾足了真係好難得，出面好多地方食牛雜粉啲牛雜都係得少少，你睇呢兩幅相就知唔係吹水啦。牛雜同豬雜都幾新鮮，碗豬雜粗麵專登叫清湯睇吓佢嘅原味係點，又真係唔錯喎。另外值得一讚嘅就係作為小店佢哋真係用心經營，因為手機落單嘅時候可以揀多蔥少蔥走蔥等等就想見啦，但係呢度連啲面要爽啲林啲都可以揀就真係真心佩服，唔怪得成日