萬里緣盆菜專門店

营业中

休息中

朋友新居入伙, 正值新年期間大伙兒最好就是來個大盤菜熱鬧一番, 雖沒有火爐興住的吃, 但看見材料豐富的盤菜也食指大動. 萬里緣在鍚紙面細心的提示要加熱十分鐘, 但份量實在十分之巨, 相信要滾起也要不止這時間炆豬肉平時很少吃, 但這扣得鬆化軟腍, 不自覺下吃了數件. 炸魚肉兵兵球般大, 魚味濃兼彈牙, 一粒接住一粒的吃得滋味. 朋友對香芋贊不絕口, 但個人不太好所以最終沒試. 枝竹吸收了南乳汁精華很是好吃, 另外還有鮑片, 燒鴨, 豬皮, 冬菇, 蘿蔔, 魷魚等, 同樣有一定水準十個人吃下這個, 最後還淨約三分一, 實惠價錢, 份量之大, 絕對是推介之選

本人認識盆菜只是10多年,而我每一年只會吃盆菜1-3次左右. 農曆正月也必吃一次.曾吃過屋企樓下酒樓,朋友屋企樓下的酒樓,美心酒樓及大埔林村的盆菜,今次是我首次嘗試元朗"萬里緣盆菜".今次安排及付錢都是親友,所以關於安排事宜,我也不太清楚,但至於食方面,當然我也有份啦!首先,放在最高的就是鮑片,但由於我埋位太慢了,一班長輩很快手地吃清了所有鮑片,不過,無所謂啦,尊敬長輩麻. 況且之後的美食,我全部都有享受過.吃盆菜,火鍋及燒烤,我都比較喜歡先吃簡單的食物,如盆菜,我必吃魚蛋,豬皮, 腐竹. 首先,我真的要讚讚大大粒的魚蛋,又大粒又彈牙,和旺角街頭的魚蛋是兩回事的. 還有豬皮吸取了很南乳汁的精華,咬了一口豬皮就能散發出很多南乳汁,正. 還有 腐竹是"林林的"不是硬塊一片,當然是浸得耐的成果啦.吃完了簡單的食物,便要吃吃大蝦,蘿蔔,冬菇. 蝦雖然不算太大隻,但是好味.另外蘿蔔,冬菇也是和豬皮腐竹一樣,吸入了很多南乳汁的精華,特別蘿蔔的,一咬蘿蔔的,就可以散出擁有南乳汁鮮甜的水,總之就好水啦,而且蘿蔔無根的,無根就代表是靚蘿蔔啦,不錯不錯.吃完以上的,便要吃吃所有的肉類了.如豉油雞,燒鴨及五

上回食友對大歡喜的盤菜持一致好評，今次不嫌悶又來重施故技，只是選擇由大歡喜轉成元朗另一名店萬里緣，順便比較一下兩家龍頭店，那家更為出色!　同大歡喜一樣，萬里緣的盤菜也是有大有小，小的$480(其實是中型)，已經可以填飽十人肚子；今次點了大的$780巨盤，合14人之力也無法消滅，十分誇張!!　先多謝老公辛苦搬這沉甸甸的巨物上新居，然而由嬌小的Oli破因內容太飽滿而突出的鍚紙後，就是豐富的12餸盤菜。拍照一輪，首先搶攻的，是頂層的鮑片，雖然罐頭貨色鮮極有限，但與盤菜豉油醬汁合拍也幾好吃的；另一邊鮮香肉滑的豉油雞也很搶手，其嫩滑肉質與大歡喜可媲美；長身又彈牙的魚蛋亦與大歡喜相約；較粗嚡但別有一番風味的燒鴨則是萬里緣獨有的一味，少食多滋味是對它的最佳形容詞；此外，萬里緣的大蝦較鮮美也更入味，芋頭、腐竹、豬皮、蘿蔔、冬菇、魷魚等也一樣比大歡喜更可口，個人尤推香軟粉稔的芋頭，真的很好吃。總之，豐富多彩的選擇令大家心猿意馬，不知吃那款好!不過來到最期待的五花腩，萬里緣就比不上大歡喜的豐腴鬆化、油脂甘香、令人沉淪，對它大家亦由搶食mode轉至推食／輸了才食mode。　而盤菜雖然美味，但因份量太太太巨大

又唔知醜走上去Yan屋企搞事，晚上主人家訂了萬里緣的盤菜招呼大家。由於人數不少，今次就要了大的，據報價錢$780。這個盤菜，真的幾大幾重，難為龍哥一條友托回來，真係辛苦晒。打開錫紙，看見豐富的材料，未吃已經開心。面頭是一大堆的鮑片，夠稔身，算是不錯；低下有雞鴨和海蝦，雞和鴨都是肉嫩，而海蝦亦算爽口；再尋下去，就是五花腩了。原本是最有期望的，事實上，五花腩吸收了南乳汁的精華，味道是對辦的，肥肉部份豐腴，也沒問題，之不過瘦肉位置實在太韌，花盡氣力才咬得動；魚蛋是大大粒的，經炸過，是彈牙好味；芋頭、枝竹及豬皮被香濃的汁醬包裹著，一定好吃，只是稍嫌芋頭既不粉又不爽；蘿蔔則無渣，卻差丁點甜味；最後是冬菇，厚厚的，好狂又夠稔身，都不錯。總的說也是可以，不過份量太大，最後大家要靠打機去慢慢將盤菜消滅。

15/2(一) 7pm年初二晚,到訪梁府,拜會梁氏宗親兼吃開年飯.早已購下萬里緣出品的盆菜作是晚果腹之物.家鄉盆菜$780及新年發玖發盆菜$898.材料大概如下:飽片,海蝦,豬手,發財蠔豉,燒鴨,豉油雞,芋頭炆豬肉,炆冬菇,魚蛋,枝竹,豬皮,白蘿蔔等.食材的味道及份量討好,弊處為醬汁油份偏重,需間歇性撇油.合廿多人之力也沒法征服那兩盆甚有看頭的盆菜!

勁勁勁耐無食盆菜了~~訂左一盆番屋企 所有餸都好入味!蘿蔔好食 甜但無渣魚旦都入味 好彈牙蝦就一般喇~~痴晒殼 唔新鮮魷魚好好味鮑魚都好彈牙

星期日, 是我們十四鄉一年一度的七聖廟廟會, 一連5日, 由名伶蓋鳴暉, 帶領其鳴之聲劇團, 連做5晚, 9場大戲. 而星期日, 主誕日. 各路鄉親齊集. 在戲棚旁邊空地, 擺下兩輪的盆菜午宴. 我們要等12點 (第二輪) 才有得食, 期間看著盆菜到會, 對場地的整個set up, 由大貨車把檯檯凳凳搬來. 再由兩部Hiace, 把是日熱辣辣的盆菜, 按好時間, 分兩批運來. 一盆盆銻盆, 上面蓋了鍚紙. 檯, 已預先鋪好兩層檯布. 上一輪鄉親食完, 把檯布一包, 再把gas爐放上去, 之後再一袋已消毒餐具, 汽水12罐, 只兩三下手勢, 乾淨能用既檯已經換好. 等, 是等盆菜端上來.已經不是第一次由萬里緣包辦我們十四鄉的大宴會. 上次新年鄉會, 隔離村村長娶新抱, 都是萬里緣. 我們位於西貢區, 要order元朗既盆菜, 證明其水準同經驗是非常之超卓.我因為要接未來外家前來睇大戲而只吃了一碗野, 快快趣跳上小巴, 去大學站. 一小時後回來, 食力驚人的眾鄉親.....1點15分回來, 戲棚已經半滿.說回盆菜, 一貫的傳統盆菜, 不過已經升呢, 用上了鮑魚菇等等的珍菇類. 其他傳統的如

用餐日期...已忘了...人住村屋, 村民誠意請吃盤菜, 塵埃不好意思推卻 ~那天中午, 盤菜到會, 服務人員很爽手, 亦醒目地給予大量筷子作為公筷 ~本來對盤菜印象不太好, 但這個盤菜也很ok,不油, 食物入味, 日後要準備"大堆人飯", 可叫番個 ~

兩周之內兩吃盤菜,與家人團年時在鴻星訂了個盤菜,吃足幾日幾夜.在新年已過之後,再次吃盤菜,形式就有所不同.今次是回到離開了廿年的母校,參加其舊生會舉辦的盤菜宴.是次盤菜宴的盤菜,全是元朗盤菜名店"萬里緣"提供.回到母校緬懷一番,拍下照之後,開始就座.年代太久遠了,同我同輩的同學少之又少,在場的舊生,大多是年青一代.這次與家弟,同一班"我畢業果時你都未出世"的年輕師弟同桌,大家起碼相差四個Generation gap.沒有鴻星般用到名貴材料,但也有鮑片在內,其他材料有雞,鵝,肥豬肉,蝦,魚蛋,芋頭,豬肚,魷魚支竹,蘿蔔等等,撇除浮胯的鮑參翅肚,這才是吃盤菜的真面目.接下來要去飲宴,每一樣食材也是淺嘗而已,鮑片爽但欠缺一點鮮味,雞鵝蝦也能安守本份,在底下內尋寶,夾上一舊蘿蔔,味道鮮甜.沒有渣宰,肥豬肉更是甘香味美,魚蛋外面是炸過,咬下去也彈牙,魚蛋的味道亦夠魚鮮味.芋頭同蘿蔔一樣是用來索味.不過跟著要走下場,不能多吃.你有你吃,我有我吃,同眾年青師弟話不投機,唯有一味吃,一味看台上的節目.如果換上是兒時舊友一同吃的話,氣氛那就好得多.離開母校超過二十年,大多舊友各散東西,如訊聯網絡一樣 -

之前一早訂好一盆大一盆細~年初二下午到店自取,所有親戚集合到婆婆家食盆菜我地預備好一大盆生菜,食到尾可以點盆菜裡面既汁食,真係一流~等gas爐預熱一陣之後就開餐囉~~~一打開石紙,嘩~~好多餸呀))))))))D蝦好新鮮又大隻,肥豬肉食左少少,好入味又夠林,蠔豉係我既至愛,都好大隻,魚蛋索晒D汁又彈牙,蘿白和豬皮吸收所有精華,又點會唔好食吖~有時夾左D唔知係咩肉都照食,味道當然有保證啦!!由於人數太多,好快就要開第二盆食囉~有時都怕節日食盆菜會影響水準,今次就證明不會受旺季影響恭喜大家發財........

初二去男朋友屋企拜年，同埋佢d親戚朋友一共十一人，食盆菜最啱，見openrice最多好評係萬里緣，即日先打去訂，都訂到喎，要咗個$898大盆菜。間鋪真係好虛陷，車又塞人又塞，個個都係去攞盆菜。個盆菜好大好多料，賣相真係麻麻，好亂，不過唔緊要，最緊要係好味。有橫財就手、發財好市、芋頭、炆豬肉、燒鴨、魚蛋、支竹、雞、海蝦、鮑片、蘿蔔 & 豬皮，個汁底好味，支竹&豬皮索晒d汁，正，豬肉都夠淋好味，不過最後食剩晒d豬肉，因為好肥。新年人多食盆菜就最啱，萬里緣係一個唔錯0既選擇，唔怪得堆滿人啦

07年食過萬里緣，08試新野，試咗屏山盤菜。但各家人一致認為萬里緣較好食，所以今年都係食番萬里緣。一如以往，d油多到夠煮十幾日餸。成寸厚的油，真係睇到都覺肥。材料都係gor d 例牌野。魚蛋: 雖依然彈牙爽口，但size 就細咗好多油雞：很鮮甜，又唔鞋，好味燒鴨/鵝：都唔知燒鴨定燒鵝，比較瘦，肉無什甜味，亦沒有燒鴨的油甘香味蝦：好實又鞋豬皮：超大塊，基本上同無切無分別，好淋，無咬口，炆得過時蘿蔔：又係超大舊，起初食唔入味，但到後尾就好入味，又甜無渣腐竹：都入味，軟硬適中；不過就吸晒d油豬腩肉：一大層肥膏；肉炆得好淋好入味仲有冬菇、豬手、芋頭；不過就無土魷。以往食親都有大把野剩，但今次竟然只係食剩少少。大家估係因為盤菜大縮水，我地先會食得晒。anyway，真係一年只好食一次，因為實在太肥。

今晚叫左一盆大的盆菜做晚餐, 一盆$898 都好大盆. 以前我食開另外一間, 今年聽uncle講話呢間都幾好味, 就試下啦. 今日下午6點幾去拿, 好多人 , 不過等左一陣就拿到.返到屋企一打開, 都有好多料, 有鮑片, 大蝦, 豬皮, 腐竹, 蘿蔔, 半隻白切雞, 半色鴨, 魚蛋, 腩肉, 蠔豉, 但係就好油, 因為入面有好多大大舊ge肥豬肉. 我覺得個味都幾香濃, d 料都好入味, 用黎配飯就一流 不過間唔中食下就好啦, 實在太油啦.我今晚有成十七個人食飯, 一個大盆其實都係僅僅夠食.

昨天媽媽生日我地一早訂左盤菜,人地話呢間好正又足料,所以叫左呢間,佢地5點鐘送左嚟我地屋企,都好大盤呀!我們把它用爐弄熱一齊食,其實個樣都真係好靚及好多料的,我們一路食呀,有飽片,白蘿蔔,豬皮,肥豬肉,芋頭,魷魚,鴨,雞,魚蛋,大蝦,冬菇,枝竹等等......魚蛋都好彈好好味,飽片都有好多塊的,都好味呀,白蘿荀都好甜好入味,芋頭不太淋但都好粉的,鴨好好味,雞都係,好廋及多肉呀,冬菇,大蝦都好味,豬皮,魷魚都好爽,其實整體嚟講都好好味,不過我地覺得好多油,因為好多好多肥肥的豬腩肉呀,所以不太健康呀!但簡中食一次都ok既.

星期日, 老表娶新抱. 夜晚美心酒席前, 按我們圍村風俗, 中午會擺多一餐酒. 以往照傳統, 客家人不會以盆菜招待. 但現在新界區, 太多盆菜鋪了, 而且專門做鄉村到會的又不多, 而且往往鄉村酒席到會, 亦需要他們連所有廚房工具, 成架貨車連爐伙記, 一齊黎. 如不是新屋入伙, 或一些(以客家村為主)的大節日, 大多數都從簡, 盆菜到會, 食完就走.今次盆菜宴由元朗的一家傳統盆菜店包辨, 因為是百人宴, 店子亦提供到會服務. 老表開心得新抱, 祝酒之後, 伙記們把鍚紙打開, 各人齊齊站起來, 食盆菜, 一定要站著食, 筷子插在盤邊, 這樣食才有癮.傳統鄉村盆菜, 沒有珍饈百味, 上由鮑魚菇鋪面, 層層落, 有蝦, 有燒鵝, 油雞. 再落底的豬皮腐竹魚蛋. 土魷, 炆豬肉, 蘿蔔在最底層. 這便是傳統圍村盆菜架構, 最濃味的, 在最底, 不用附上濃烈豉汁的, 鋪面.令盤菜更加好食, 現代已會用氣爐在下面滾著, 亦要做一個很重要的功夫, 就是" 翻滾吧! 盆菜", 食到中段, 把下面的豬肉蘿蔔翻上來, 令鋪在面的肉, 也沾上一定程度的濃汁. 更加惹味.一個大盆菜, 說是12人用, 上次新年