葫蘆燒肉刺身

营业中

休息中

環境擠迫，擺位有問題二人位，抽風喺正兩個人中間，講野要打側個頭先見到對方。個爐同個人距離極近。感覺有啲危險。一開始服務員介紹二人套餐，送刺身。但問起刺身有啲咩，佢就答唔到😂要問人餐廳環境令你唔會想嗌佢既貴價餐唔應該放價位差別太大嘅套餐喺同一間餐廳如果貴餐，我想坐得舒服啲。不過呢度環境比其他一人燒肉舖頭仲迫，爐係共用既。最後嗌左兩個一人餐，$122，都預左啲牛一般質素。但連麵豉湯都係沖嘅，飲得出既質素。紫菜肉鬆飯都唔好味。原來都幾有期望，見幾多人食但只可以話食過一次就夠喇

工作辛苦完一輪, 終於可以抖抖, 所以今晚一於食好的! 就係朗屏站對出交通夠哂方便! 佢地主打做燒肉, 店內裝潢精緻, 雖然餐枱位置唔叫好大, 但所有餐用具位置都岩岩好! 睇得出店老闆既用心!👍🏽首先話番呢個極上2人盛🐄🥩🦞, $598 呢個價錢黎講算唔錯, 因為佢包括咗好多款唔同嘅牛肉同海鮮, 例如有澳洲M9和牛胸肉，安格斯牛頸，牛舌芯等等, 每一款都有佢獨特嘅口感, 而且牛味濃郁的確唔錯, 我最中意就係牛胸肉, 好嫩滑又夠薄片, 口感好正!呢個餐另外仲配有虎蝦同帆立貝, 而估唔到虎蝦仲有蝦膏! 食落超鮮味, 而帆立貝同樣鮮味十足, 一絲絲既帆立貝肉口感盡在舌尖上!呢個餐上配有中華沙律🥗、味噌湯🍲、紫菜素飯🍚同刺身拼盤🍣, 食哂整個餐完全係十分飽!! 另外, 我地跟餐就叫左呢兩杯飲品- 青蘋果乳酸特飲🍹食燒肉最中意飲乳酸飲品, Fresh整個人, 而呢杯青蘋果好出, 相當醒神!!- 荔枝乳酸特飲🍹相反呢杯就乳酸味比較突出, 同樣飲完令人煥然一新! 再食燒肉😂

葫蘆燒肉刺身店內播放著輕快的日文動漫歌曲，店員會在你踏進店舖時會用熱情得很的態度向你打招呼，葫蘆燒肉刺身每個位子上面都會有燒烤用的吸煙管吸走肉的油煙，食客均可以享受烤肉的樂趣。葫蘆燒肉刺身有各式各樣的燒肉套餐，我和媽媽分別點選了安格斯牛小排+牛舌芯套餐與無激素雞腿肉+雞腎套餐，並加了76元及40元一倍增量，可以更𣈱快地吃燒肉，套餐均包含和風湯、前菜小食跟紫菜素飯。熱火熱烤無激素雞腿肉和雞腎沒那麼快熟，所以媽媽在等肉熟的同時，先來吃前菜小食中華沙律與紫菜素飯，紫菜素飯煮得剛剛好，飯粒粒粒分明飽滿，白飯上灑上一些些紫菜、飯素增香，教人食慾大增。媽媽大撈特撈和風湯，想不到和風湯內的料這麼豐盛，完全不像一般餐廳附贈的味噌湯馬虎，和風湯盡是海帶，還有鳴門卷，和風湯毫不死鹹，格外鮮美。無激素雞腿肉外皮烤到帶點微微焦脆，吃起來因而帶有燒烤的香味，真的很讚。無激素雞腿肉咬上來嫩嫩的，熱熱的吃還會噴雞汁，大家吃的時候，可千萬要小心。媽媽覺得無激素雞腿肉單吃其實已很夠味，但醮上柚子醬，又是另一種味道上的提升。雞腎實在厲害，媽媽平時不太會點雞腎，但媽媽運用精湛的烤功，脆脆的雞腎保有彈勁，葫蘆燒肉刺身處理恰到

今日去咗位於朗屏西鐵站附近一間日式燒肉屋食Lunch，啲野都幾好味😋我揀咗美國牛肩胛同牛舌芯套餐($78)，加多$40就有燒肉1倍增量，成份足足有200克！肉質好嫩滑，好容易燒！另外，紫菜肉鬆飯同和風湯都好好味，飯粒夠軟夠香。餐前小食仲有中華沙律。我仲叫咗水蜜桃乳酸特飲(+$15)，好適合夏天飲。我朋友揀咗蒲燒鰻魚定食($78)，同樣有和風湯同餐前小食，加埋一支日本Hata波子汽水(+$10)。佢話鰻魚好鮮美，燒得啱啱好，配啲蒲燒醬汁就更加美味。總括黎講，呢間日式燒肉屋食嘢真係好正，肉質鮮美，配料夠新鮮，服務態度又好。一定有下次！

作為一個燒肉愛好者，發現了元朗俊賢坊一家令人驚喜的燒肉刺身店——「葫蘆燒肉刺身」。燒肉的性價比甚高，位置好方便，交通便利，而店內用餐環不大油煙，讓人在舒適的氛圍中享受燒肉的美味。這次點了會席2人盛，食物豐富多樣。刺身併盤提供了三文魚、希靈魚和吞拿魚，新鮮厚切的三文魚味道鮮美，既有燒肉，又有刺身，真是絕配。主打的燒肉併盤有：Prime牛肩胛、安格斯牛頸脊、安格斯封門柳、牛舌芯、無激素雞腿肉、豬頸肉，再加上紫菜素飯，一個併盤滿足了不同口味的我。Prime牛肩胛帶來濃郁的牛味，肉質緊實卻又香嫩易咀嚼，一蘸上燒肉汁更加增添了豐富的風味。而安格斯牛頸脊同樣散發著濃郁的牛肉香氣，一放入口油脂就充滿成個口腔，肉汁豐盈，再蘸上燒肉汁後搭配飯，真是邪惡又滿足，讓人忍不住多食幾碗飯。這裡的燒肉真的讓人難以抗拒。而飲品方面也不馬虎，我點了青蘋果乳酸特飲及冰果粒橙汁，清新的口感為美食饗宴增添一份清涼。「葫蘆燒肉刺身」有著正宗的日式燒肉和刺身、優質的食材和合理的價錢，是和親朋好友聚餐的不二之選。

平時係朗西行去元朗廣場都見到葫蘆，因為佢係E個買餸既橋底好突出餐廳有好多個人套餐可以簡，而且可以增量，岩哂肉食既🐷先生，仲可以加配海鮮/刺身，好flexible😊🔸澳洲和牛腹肉心+封門柳（燒肉一倍增量）牛腹肉心油脂分佈平均，封門柳肉味濃郁🔸轉日本稻庭湯烏冬我本身好鍾意食烏冬，所以見到佢有得轉即刻💓💓眼，清消地配上鰹魚湯底，好岩我口味👍🏻🔸波子汽水一路飲一路玩粒波子，好開心🔸鹿兒島A四黑毛和牛+牛舌心(燒肉一倍增量)Omg，個d油花靚到呢，真係每邊燒5秒，仲粉紅粉紅咁食最滑溜，牛舌有2款，牛舌片比較有咬口，牛舌芯就爽口🔸紫菜素飯其他餐廳平時係加飯素同紫菜，E到係加肉鬆同紫菜，配埋燒汁食，真係一碗飯唔夠食呀🔸水蜜桃乳酸特飲酸酸甜甜，可以解膩宜家食滿300蚊仲可以抽獎，我同🐷先生抽到來自鹿兒島既加油一句😂店員都忍唔住同我地一齊笑，又係開心既一晚🤗

位於朗屏西鐵站底，B2出口行兩分鐘就到，極方便👍🏻一人燒肉套餐最平💲58起，好抵食，想食咩價位都有得揀❤️❤️我地揀左兩個新出既套餐：- 安格斯肩胛肉眼扒套餐🥩好大塊牛扒！睇見都開心😆每個餐都配左肉鬆紫菜飯、前菜、味贈湯，亦可追加飲品🥤牛扒好靚！！- 無激素雞腿肉+雞腎套餐🐔好大碟，完全係夠食兩個人🫢🫢雞腿肉好滑、雞腎都好爽口👍🏻👍🏻飲品追加左水蜜桃乳酸&荔枝乳酸，每杯只係💲15好清新，配燒肉一流！埋單仲有幸運輪，滿💲300可以轉一次，都幾多正野！有送飲品、全單discount等等，都有d膠野🤣🤣最主要係有樂趣😊😊😊整體黎講，係高質又滿足既一餐！性價比都好高！一定會再encore🙌🏻

近來發現屋企附近開左間主打燒肉店，望落都幾吸引，收工就走左去試，燒肉好多款，真係多到唔知點揀好，除左燒肉仲有啲刺身可以叫。同朋友兩個一人各自叫左一個套餐，套餐有紫菜素飯、麵豉湯、一個中華沙律，都幾豐盛。另外除左飯之外，大家仲可以加錢$12蚊轉做日本稻庭烏冬，食落好滑溜，個人推薦轉烏冬。燒肉種類都多元化，即使一人套餐都好多選擇，有啲一個套餐仲有三拼，一次過食到哂三款牛肉部位。今次分外叫左Prime 牛肩脊+封門柳套餐，同Prime牛肩胛+牛舌芯+特級牛五花套餐，另外晚上太餓關係加左錢要增量(+100g)，加左量女仔食有少少多，因為始終都有飯/麵。所有燒肉都唔錯，牛舌芯幾爽嫩。另外大家可以先燒比較肥嘅肉先，咁就冇咁易痴底。燒肉醬汁有柚子、鹽味、燒肉汁，個人幾鍾意柚子汁，食落少少酸帶柚子香，中和番燒肉嘅油膩感。另外食夠$300蚊仲有得轉個抽獎，有唔同獎品例如折扣、送燒肉、家居用品等，而我就抽中日本鹿兒島A5和牛之加油，大家見到頭幾個字唔洗興奮，其實係咩都冇，但都幾有趣，不過唔知呢個抽獎會去到幾時完！總括：即使一個人都可以食到燒肉而且唔怕尷尬，因為佢都有側面高枱，而且燒肉選擇多元化，仲有其他野

有咩方法可以令Blue Monday不再Blue, 本人覺得最簡單直接的方法就係食好西😏。是日收工跟友人走入元朗搵食, 聽說這間燒肉價錢親民, 味道又不錯一於前來睇下佢咩料先😬。因為本人唔食牛🚫🐮所以今次選擇的套餐簡直為我和友人度身訂造👍。因為既有🐮又有🐷🐔最估唔到係竟然仲包埋刺身🐠相當吸引🤩。 兩個人食到捧住個肚走, 相當滿足。 🐮🐷會席2️⃣人盛🐔🐠包括以下菜式：前菜 和風湯餐前小食、紫菜素飯, 飲品刺身3️⃣點盛三文魚、希靈魚，吞拿魚每片刺身都各兩片, 每片都相當新鮮又厚肉，三文魚仲要有入口即溶的感覺, 吞拿魚味道完全唔腥, 希靈魚爽口又唔苦👍。 6️⃣品盛燒肉盒（Prime 牛肩胛、安格斯牛頸脊、安格斯封門柳、牛舌心、無激素雞腿肉, 豬頸肉）四款牛當中油脂分佈較好食的首選係安格斯牛頸脊因為牛味濃, 肉汁多肉質又唔會韌。其次係牛肩胛口感有嚼口越食牛味越出。封門柳因為近心臟位置所以顏色係最深紅色的,亦都係四款牛之中味道最濃口感最煙韌的。最後牛舌心可算是牛味不太濃的一款,其口感爽脆份量又足。 無激素雞腿肉：無激素雞肉健康可以放心食多點都唔怕, 雞肉肉質嫩滑燒過後雞皮香脆可口沾上鹽醬汁後味道更加惹

見到佢新開叫咗兩個餐係午餐，我叫左豬扒飯同個烏冬夠凍 個白飯已經好味 平時好少打食評 但係見到佢用心做但人流唔算多 所以想俾返個好評佢 餐廳裏面裝修都坐得舒服燈光照到啲食物幾靚 ！平時都幾高要求呢間，我係會再食👍🏻👍🏻👍🏻 豬扒好難煮得好味 但係食落去第一下有驚喜。如果有埋凍嘢飲係個餐裏面就更加好！

屯馬沿線🚈找美食 下一站朗屏🚏朗屏站B2出口 步行大約五至六分鐘🚶‍♀️👆 餐牌款式幾多 總有一款啱你😆#蒲燒鰻魚定食 💰78 (和風湯 餐前小食)鰻魚入口香濃肥美👍金黃蛋絲配上鹹鹹甜甜的醬汁餸飯一流😋#澳洲和牛胸肉 + 封門柳套餐 100g💰98包紫菜素飯和風湯餐前小食燒肉控👭用💰50 🆙️一倍增量 另外追加👉👈 #牛五花 100g 💰42 幾款油脂同肉味不錯👌最愛封門柳肉質鬆軟又肉味濃郁😋和風飲品🍑#水蜜桃乳酸特飲💰15📍💰58🆙️ 🔥🥩 另外還有丼飯 定食 烏冬套餐👍 價錢合理 開餐是一個不錯的地方😚

葫蘆燒肉·刺身餐廳位於朗屏站B出口，3分鐘路程到達，位置方便👍餐廳唔算好大，但盛在夠骨緻同光猛，理境幾舒服☺️我哋叫咗個二人燒肉餐$398，價錢公道，食物有質素😋刺身3點盛三文魚，吞拿魚，希靈魚食材新鮮👍6品盛燒肉盒Prime牛肩胛-牛味重得黎又有嚼口安格斯牛頸脊-牛味濃郁安格斯封門柳-有嚼口牛舌芯-爽脆無激素雞腿肉-肉質嫩滑豬頸肉-爽口彈牙配埋餐廳由日本直運返黎嘅醬針，令其更惹味😋😋😋餐仲配埋紫菜肉鬆飯，麵豉湯，中華沙律，另外再有兩杯乳酸飲品，份量十足，夠晒飽☺️☺️☺️

呢間燒肉刺身餐廳，沿朗屏西鐵站行過去只需幾分鐘就到，十分方便。餐廳以日式木系裝修為主，好簡約，店舖唔算大，但座位舒服，而且地方都算乾淨企理。佢地的燒肉套餐由幾十蚊起就有交易，絕對算得上豐儉由人。坐好後，餐廳的員工會介紹返個餐牌內容及推介。而我同朋友就決定叫咗個會席 2人盛，包括2人刺身併盤、6品盛燒肉盒（美國牛肩胛、安格斯牛板腱、牛舌芯、牛頸脊、豬腩片、雞腿肉），套餐除咗肉外，仲有餐前小食、和風湯2人前、飲品同肉鬆紫菜飯。另外，餐廳仲提供三款由日本直送的醬汁予客人自行配搭，有柚子風味、鹽醬同燒肉醬。佢地的肉厚薄適中，其中牛舌爽口唔靭夠淋，牛頸脊的牛味比較重，安格斯牛板腱的脂肪較少，而美國牛肩胛就相對比較爽口，肉汁豐富食落可以食到好岀既牛味同好淋，另外，雞腿肉都好正，非常之嫩滑。將燒肉點配埋D肉汁再餸飯，真係超滿足。飲品方面會有波子汽水、香橙、葡萄同蜜瓜味梳打，我地要咗香橙味，同比較少有的蜜瓜味啦～ 另外，餐廳仲有提供一D素牛小排、素牛胸腹、素刺身等，照顧埋一眾素食者！ 

平時自己經過呢間燒肉店好幾次都唔多人，難得同老公出黎行街又唔駛等位就試吓。我哋叫咗2份燒肉餐+1碗刺身飯首先啲肉質望落去已經唔太新鮮，仲有少少位黑咗添。其次啲牛舌芯都可以咁根位，食咗2塊已經放棄擺埋一邊算，個爐燒起上嚟都幾大陣油煙味。跟住食到刺身飯，睇得出師傅唔識切魚生，雖然出黎唔係食刀功，但都唔係亂咁切咗就算掛？仲要啲吞拿魚臭咗㗎，咁都拎出黎賣？總結呢一餐最正常係跟餐嘅海藻沙律同埋嗰碗紫菜絲飯，埋單三佰幾蚊，唔平又唔貴，食後感只係唔值。

前幾日帶咗屋企人去食慶祝母親節，叫左2人餐+ 3份1人餐，份量唔算太多不過其實夠食，我隻波牛-大仔咁大食都夠飽～先講講肉質方面，呢間處理牛肉嘅方法，並不是用港式方法醃肉，識煮飯嘅都知，如果用醃料浸啲肉，醃料味一定有，但就勁似細個食嗰啲舊派韓燒咁，即係唔入流😅依家嘅牛肉切得厚薄適中，呢方面食燒肉來講都好緊要，而我去得食日式燒肉，緊係要食日本味道😽日式燒肉，梗係要純粹牛肉+點唔同款嘅燒肉醬汁啦🤪佢呢度有鹽醬、燒肉醬、柚子醬、3款都好夠濃郁，做到掛汁效果😳同出邊嗰啲醬汁好唔同，老婆話佢哋嘅柚子醬夠濃稠，好啱食燒肉，我就非常鍾意佢隻鹽醬🤗呀仔mark住支燒肉醬撈飯食😂呢間抽氣冇問題，食完個身無味，（醒起想讚佢個廁所哈哈幾香幾乾淨）， 燒烤爐方面，鐵板算有啲痴，不過樓面哥哥幫忙揸啲油上燒板，而成餐飯查過一次油就得，所以都係舉手叫聲就解決到嘅問題ok fine😎我飲咗2杯啤酒後，點知樓面哥哥話買3送1，益咗我😆，我老婆就叫咗罐日本梳打酒，唔記得咗好似係柑橘檸檬?! 我試左啖甜甜地OK， 好彩我哋醒，放工返屋企泊低車先行過嚟，爽呀🥳人人口味唔同，關於味道好食唔好食唔一定話要讚或彈，口味呢方便真係好