蒸廬 (Plaza88)

营业中

休息中

呢間黃店都食過幾次，初初嚟嘅時候要排隊，之後每次嚟嘅時候越來越少人等位，今日嚟到嘅時候大把吉位，唔通個市道真係差咗咁多🤨難得勸到老人家放棄傳統酒樓，過嚟點心店，點知。。。叫咗點心拼盤，蒸飯，轉咗個湯。首先我食咗一啖潮州粉果，咁味道咁怪嘅？！我就俾比老人家試下個味，老人家都係話酸嘅，我諗住同個侍應講，老人家竟然制止我，話出嚟食嘢係咁，我話梗係唔得啦，我唔出聲，下一個食客又食到酸㗎喎！！最後叫咗個侍應過黎，佢話會叫廚房試吓味同埋換過第二啲嘢俾我，咁ok 啦，咁嘅處理方法。南瓜鳳爪排骨蒸飯嚟到嘅時候，老人家第一句就話鳳爪啲顏色咁嘅，橙色，咁鳳爪一定會落啲色素嘅，其他酒樓啲鳳爪都係啡色，只不過呢度係橙色。燉湯個盅崩咗幾個位置，不過我哋都係不落個細碗到。到我食呢個包，諗住搣開張紙，發現有條啡色L形嘅物體係張紙度，我第一下就諗曱甴腳！老人家又話唔係，又叫我唔好咁多事，因為我真係好想叫個侍應嚟睇吓究竟啡色L形嘅物體究竟係咩？？？算，老人家話出嚟食嘢係咁，咁算啦，埋單就算。埋單出左門口，老人家話連菜餃都酸。。。呢刻好嬲，嬲個老人家埋左單先出聲，仲嬲埋自己，特登帶佢黎試點心店，結果係咁！返到屋企，老人家

發現了在荃灣plaza88內的「蒸盧」，原店係石門，plaza88 距離地鐵同西鐵都比較遠，商場也靜，但估唔到店舖內滿座，店舖地方不大，但都尚算乾淨整齊，食物方面，推薦抺茶叉燒包🥰🥰🥰，必食：菜苗大蝦餃🥰🥰🥰

之前食過石門店，去開荃灣，就試下荃灣店，荃灣店比石門店大一點，但坐位還是有點逼，但可接受的鮮蝦菜苗餃 皮薄，蝦肉爽，菜苗一啲都唔老蟹籽燒賣皇大大粒，比出面既大粒，豬肉唔算肥，配上原隻蝦，勁足料荷葉金蒜蟲草娃娃菜清清地唔錯蟲草砂砂雞粒陳村粉舖滿好多雞肉、蟲草、菜心粒，雞肉仲好入味又嫩滑，陳村粉質地好似腸粉，配上豉油好味佛系芝麻糕好重芝麻味，唔實夠鬆軟埋單大約$200/2位，晚餐嚟講以今時今日既物價，算是平，相比起鏈鎖酒樓，一定唔止呢個價錢

好想食蒸飯但又唔想食得太頹，就揾下附近有咩蒸飯賣，比我發現呢間蒸廬😌叫左南瓜鳳爪排骨飯，鰹魚絲金沙肉餅飯，2個都係$60。睇個價錢都係貴過平時嘅鳳爪排骨飯兩倍左右，未食都已經對呢間蒸飯嘅食物質素有一定嘅expectation。啲飯都好乾身，粒粒分明，而且食材份量都好多，肉餅同埋鳳爪排骨唔係單單幾舊，而係足夠鋪滿成個飯，所以十分之飽肚。鰹魚絲金沙肉餅飯，肉質彈牙，而且金沙既鹹蛋黃味道好出。南瓜鳳爪排骨飯，啲鳳爪同排骨都比平時街上食到嘅大舊一些，入晒味但唔會好鹹。最後講埋個飯，冇諗過連埋荷葉一齊上，令成個飯充滿荷葉香味，幾好食～

山長水遠入荃灣，就係為咗食呢一間bookmark咗好耐嘅點心餐廳 @thesteamhuthk🤤 我哋差唔多2點去到，好好彩唔使等位就可以入去食！啲點心真心有驚喜❤️⠀蟲草砂砂雞粒陳村粉 ($52)陳村粉就比較普通 係一啲腸粉質感嘅嘢🤣上面鋪滿好多雞肉同埋蟲草花 仲有啲菜心定 落曬佢俾嘅豉油就夠味啲 都係試一次就夠🤣⠀黑金虎爪流沙包 ($34)呢個流沙包比起一般茶樓嘅流沙包大好多！😱每一籠有兩大個流沙包，即使我哋擺咗一陣，搣開個包都仲係流心嘅 🤩甜度適中，好好食！！🤗⠀雲石芝麻包 ($28)對我來講，呢個芝麻包真係今日VIP！🤤😍佢嘅芝麻餡唔係流沙嗰隻，係比較杰身有口感，係較甜嘅🤔，但芝麻味好香好香，忍唔住一啖接一啖！🤤不過建議大家趁熱食，因為凍咗之後個芝麻包外皮會變硬㗎～🥹⠀鹹蛋黃千島魚腐卷 ($40)呢款點心係限定星期六日先有😀係腐皮包住啲好似鯪魚球嘅餡🤣表面有啲鹹蛋黃，千島醬同埋木魚絲 都幾得意嘅 可以試一次🤣茶位 $5

【真材實料燉湯點心小店😼👏🏻】/////呢間點心店位於荃灣一個新商場 間唔中都大排長龍 主打特色燉湯以及點心🥧性價比達到中上程度 可以帶屋企人 朋友試試👫👭.👉🏻廬・二人套餐 ($248)▪黨蔘天麻川弓燉魚頭湯▪️花膠蟲草花粟子燉土雞湯燉湯好足料 有滿滿冬蟲草、魚頭、花膠、豬肉等等🤪但味道較清淡 要自己加鹽調味🤣🔹蟲草砂砂雞粒陳村粉醬汁似甜嘅咖喱味 陳村粉吸收左醬汁精華 感覺幾惹味 配搭嫩滑雞粒 以及蟲草😚🔺晶瑩蝦餃皇🔺蟹籽燒賣皇🔺魚湯蟲草花鮮竹卷 🔻是日甜品點心味道出色！蝦餃皮薄 帶Q彈煙韌度 大粒燒賣肉味香濃🤩鮮竹卷包住配料較軟身 可以再調整下 湯底似豆奶味道 而紫米露充滿粒粒紫米 香芋味非常濃郁～.👉🏻士多啤梨蝦多士 ($37)多士以蝦做餡料 酥脆鮮甜 加入士多啤梨醬後鹹甜共存😙.👉🏻黑椒蒜香美國牛仔骨荷葉蒸飯 ($66)牛仔骨肉質軟腍 配搭黑椒汁辣辣地夠入味 配有菜粒健康之選(^з^)———📍蒸廬 (Plaza88) (荃灣)荃灣楊屋道88號Plaza88 1樓107-108號舖

荃灣呢間分店就會有唔同嘅特別推介！見到名好似會好伏 啲配搭好似好奇怪咁🤫 但就係咁先吸引去嗌嚟試下！不過地方淺窄 坐就一定冇傳統酒樓坐得咁舒服～ 但可以試到好多特色點心！大部分既點心都好好食 而蒸廬就好出名燉湯 勁多款 勁足料 好補 又大大碗👍🏻 好值得推薦！除左覺得蝦多士加咗士多啤梨醬真係有少少唔夾🫢 🥢金蒜麻辣牛肉燒賣🥢雲石芝麻包🥢士多啤梨蝦多士🥢鮮蝦菜苗餃🥢鮑菇蟲草棉花雞🥢豉椒排骨陳村粉🥢燉湯

次次經過荃灣想食點心必去蒸盧，次次去都要排隊。佢個薑蔥牛柏葉真係值得推薦，薑蔥夠足，味道啱啱好，好入味。跟住今次試下去佢個鮮竹卷，個湯就好點甜，入面包左肉同蝦，都算足料。跟住試左佢個荽茜炸燒賣，冇咩太大特別。

近年越來越少去茶樓，因為要食點心有好多選擇，去點心舖平平地就一餐，仲要有好多形形色色唔同口味嘅特色點心去過咁多間點心舖，最鍾意都係蒸蘆。最最最鍾意係椒鹽芫荽燒賣！外脆內軟，芫荽同椒鹽味好夾。唔知道仲係唔係荃灣店限定，因為之前去過石門食係冇呢一味的😂新品wasabi燒賣。就咁望啦得一點Wasabi，以為好小兒科，咬落去就有驚喜，完全好似食緊辣辣壽司嘅燒賣版咁😂 不過我覺得Wasabi嘅味道都係偏淡嘅，唔會攻鼻攻到唔舒服，識第一舊覺得有啲奇怪，但第二舊就開始上癮😂😂好似係情人節限定嘅桂圓糕，玫瑰整得好靚，仲有少少金泊喺面，係點心舖嘅儀式感口感都好好蟲草花砂砂雞陳村粉，好正！有啲東南亞風味，而且啲雞真係好滑，又入味推！

今次，我地叫了4個送，蝦餃，好多蝦，正常得很之後，我地又叫了砂砂雞陳村粉，上次黎多d菜心、濃味d，今次味淡d，失色不少，要點醬油才好味，最欣賞係綠茶叉燒包，苦皮配多汁叉燒，還有荷葉蒸草菇娃娃菜，有趣

今日 (14-1-2023 Sat)同老公晏咗落荃灣辦年貨,由於想去如心廣場買嘢,咁就可以嚟呢喥飲茶喇.我哋嚟到都重有位嘅,坐低開壺香片後,就掃QR Code落單,睇見啲嘢食好特別,就點咗:3. $36.00嘅五香滷水鵪鶉蛋燒賣睇見鵪鶉蛋係啡色嘅,就係五香滷水鵪鶉蛋,食落,味道好濃,混埋大大舊嘅豬肉燒賣食就啱啱好,不過都可以考慮較淡少少,同試吓做茶葉鵪鶉蛋.4.5分5. $28.00嘅雲石芝麻包(大)外表係似雲石,掰開睇,芝麻餡湧現出嚟,同有少少流沙嘅感覺,食落,芝麻餡甜咗啲,可以當甜品食.4.5分1. $40.00嘅鹹蛋黃千島魚腐卷呢個相當邪惡,有鹹蛋黃重要有千島醬,食落,千島醬味道好出,外層腐皮卷好脆口,內裡嘅魚腐味道口感都正常.5分2. $38.00嘅香煎鮮蝦韭菜菓一客兩件,一咬睇到佢內裡多汁,味道口感正常,唔錯.5分4. $32.00嘅鮑菇蟲草花棉花雞雞件大大件,同魚肚都入味但唔鹹,口感亦正常.值得一提嘅係,佢將魚肚切得好工整.5分6. $36.00嘅法式咖啡焦糖燉蛋(頂)落咗單後,店員叫我哋記得嗌上枱,咁我哋食完就叫啦,等咗好耐,都有10分鐘都未到,唔通即叫即整?咁追吓佢啦,

蒸廬 (Plaza88) (荃灣)$40 鹹蛋黃千島魚腐卷(8.5/10🌟)表面有鹹蛋黃碎同木魚碎少少你，再有一層千島醬。外皮好脆，係炸咗既腐皮。層次好多，千島味最特出。$36 五香滷水鵪鶉蛋燒賣(7.5/10😃)燒賣有酒樓點心水準，鵪鶉蛋有台灣鐵蛋感覺，有大粒蛋黃。$24 鮮竹牛肉球(8.5/10🌟)牛肉肉質軟淋而且有彈性，表面不規則唔係有層膠包住幾牛丸。$28 魚湯蟲草花鮮竹卷(8/10🌟)清湯鮮竹卷，唔油膩。鮮竹卷厚身，食落啖啖肉。$32佛系芝麻糕(8/10🌟)芝麻糕冰凍清爽$58 印度椰子合桃腰果燉上肉湯$68核酸蟲草花螺頭瑤柱燉雞湯📍荃灣楊屋道88號Plaza88 1樓107-108號舖其他分店：📍沙田石門安群街3號京瑞廣場一期2樓225號舖#荃灣美食 #香港美食 #蒸盧 #點心 #hkfood #foodhk #hkfoodie

石門店假日經常大排長龍，一直食唔到，係荃灣偶然發現有分店，而且唔使等位，即刻試下。要讚嘅係雲石芝麻包，首先賣相幾吸睛，上檯時熱辣辣，芝麻包外皮鬆軟，芝麻餡唔係流沙果隻，而係挺身、有口感嘅，好正👍🏻反而不少人推薦的陳村粉味道一般。

之前睇YouTuber 介紹蒸蘆呢間點心店 同朋友去試 一試難忘 所有野都好真材實料 燒賣食落口 淡淡蝦肉 非常大隻蝦 蒜蓉蝦春卷必食 過左一陣食都仲係非常脆口😋😋經常外賣返屋企食🙃

經朋友介紹，果然好介紹這天一行兩人來幫襯，惠顧一個全日套餐，包羅一個肉餅蒸飯、優惠價川弓魚頭燉湯、優惠價蝦餃，另散叫麻辣牛肉燒賣及雲石芝麻包。印象深刻的是肉餅飯加入日本木魚及鹹蛋差黃蓉，減去肉餅飯的單調味道及肥膩感，增加口感及層次。麻辣牛肉燒賣，沒有想像中的麻及辣，反而因為添加麻辣，為味蕾帶來新鮮感及刺激。另外，食雲石芝麻包，趁熱食要小心，包內湧流出來熱辣辣的芝麻非常多，亦因為新鮮蒸出來，會燙口。只是餐廳環境狹小，來了蒸飯及燉湯，還未吃完，再上枱的點心已經冇位置擺放，點心籠需要疊高攞放了，這點要有心理準備。