蔡瀾越南粉 (已結業)

今天我們來到中環一家蔡瀾越南粉, 店子位處中環地段，但價錢十分合理，$68一碗，味道正宗，我覺得值得一試。香茅烤豬頸肉春卷撈檬,撘配自家製魚露汁,搞混之後入口很清爽,酸酸地再加上花生碎, 很清新很開胃! 而春卷同豬頸肉亦十分出色, 烤得夠香夠爽，春卷外脆內香;豬頸肉很香口,一次過滿足我兩個願望,同時吃小食 又能吃撈檬的願望！而朋友點的是酸辣湯檬,我就沒有試吃了,因為光是自己那一碗也差點吃不完,不過她也大讚好吃,值得推薦!最後點了一份小吃,香芒魚米紙卷, 皮薄餡多,很好吃!!整體來說, 這個價格很值得來吃!

剪完頭髮見到Salon對面就係鼎鼎大名的，本來滿心歡喜抱著一試無妨嘅心態打算去試食！8點零左右的餐廳其實人不算太多....根本毋需排隊....我入去問左一位侍應先生:” 可唔可以坐呢個位..(係一張四人檯但已經有兩個人坐咗一邊)?” 侍應先生(立即躁爆):我要執左檯先得唔得？你可唔可以坐其他位?!”但我見唔到一張無人的空檯....最後番埋去問多次:”唔好意思，可唔可以都係等番你呢張檯?! “被侍應先生翻白眼3秒，終於坐好位。然後擾攘一番無人招呼然後又揮手又打眼色....終於有個姐姐幫我落單! (以為有得好好地期待傳說中好好食嘅越南粉?! NO WAY!) 個姐姐一刻的寧靜都唔容許我擁有....姐姐話: 小姐，我哋餐廳入邊有好多單人位（即係搵個唔識嘅人坐對面搭檯), 可唔可以揀一個啊？我哋一個人唔可以坐兩人位?! 你左右的檯都有單人位，你隨便揀一個坐丫！ *歧視單身狗Ok! 唔使諗都知道，正常人都選擇唔食走人!.$128一碗粉仲要食到咁受氣，永遠無下次!!!!****咁鍾意逼人哋坐單人位咪裝修到好似一蘭咁咪得囉!*****

河粉製作中一碗越南牛肉粉可選兩份食材, 其後每加一份食材要$28, 感覺有點貴。因為7款食材款款也想吃, 便點了特別牛肉湯河粉。特別牛肉湯河粉 (走芫茜) $128一碗有齊生牛肉, 金錢腱, 牛腩, 牛筋, 牛肉丸, 牛鞭花和牛柏葉, 初時擔心肉會太多, 但實質相反。生牛肉軟滑, 金錢腱和牛腩為薄切, 牛筋和牛柏葉切得頗碎, 牛鞭花質感軟綿, 湯底清澈, 味道濃郁。越南粉免費續加續加的越南粉可能未完全吸收湯汁, 米香甚重, 質感較嚡口, 索湯後河粉變得滑溜。整體而言, 食材味道對辦, 除越南粉外, 其他食材份量不多, 都是薄切碎上, 若不飽足, 越南粉是免費續加的。

⚠中環平食推薦⚠蔡瀾越南粉💕係蘭桂坊附近，行過一條街就到👅唔熟中環呢頭嘅朋友都唔哂驚，因為佢仲有大大個超eye-catching嘅牌係遠處一望就望到💃🏻最特別係咩啊？係河粉可以免費任添啊😱而且除左生牛肉河佢哋嘅賣點之外，我覺得其他金邊粉都值得試試🙌🏻越南名菜炸春捲味道都好ok！脆得嚟入面啲餡又唔會乾柴柴咁😋😋下次去一定要再叫！食過返尋味😆我哋最後二人食飽埋單$200有找🤑凈係地點同環境都值回呢個價啦！係中環食到咁高質又做到咁平民嘅價錢，一個字，抵👍🏻

以往都食過唔少越南湯河，之前一直都有聽聞蔡瀾湯河主打濃郁既牛骨湯底。本身寄予厚望，今日終於有機會試，食左碗熟牛肉拼牛丸湯河。起初一食牛肉同牛丸，都覺得牛肉好嫩滑，牛丸亦好有口感，都好欣賞牛肉好新鮮足料。但當飲湯既時候，第一啖已經覺得味道太濃，但繼續食湯河，就算無飲到湯，都會感覺成碗湯河都好咸。分唔出到底係太重味精定太重鹽。食完只會想不停飲水黎沖淡口內濃濃咸味總括而言，牛肉雖然口質唔錯亦新鮮，但它所謂的靈魂所在「牛骨湯」卻令人大失所望。再食多幾次，都擔心會腎虧。

嗰日行開中環，同MR. C經過見食家蔡瀾開既越南pho，雖然都有人排隊，但眼見都是大約10多個人左右，唔算太誇張，就決定試下啦！其實佢哋安排得唔錯，孕婦小朋友都可以優先入座。而我同Mr. C都等咗不用20分鐘便可以進場。入面有兩層，環境裝修簡潔，感覺都算舒適。店內自製河粉，玻璃窗/half open kitchen 可以睇到師傅們係裏面努力整野食。我叫咗生牛肉+牛腩越南牛肉河、Mr.C 就叫咗生牛肉+金錢腱牛肉河粉。另外再叫咗個炸春卷。生牛肉+牛腩越南牛肉河 HK$68（唔好意思，我全走葱。。。）食越南粉，最緊要個湯。雖然我全走葱類既，本身都預咗個賣相會好“dry”咁樣。但當呢碗pho上檯嗰時，個人真係有點質疑，因爲同出面其他pho比較，真係好清。先試試味道，湯清甜帶點牛骨香，又唔錯喔！生牛肉不肥而且夠軟嫩，而牛腩切法比較特別，肥瘦適中，好有口感！河粉份量大小適中， 餐廳好大方，大食量既人可以免費添粉。不過唯一唔滿足既係佢serve河粉而唔係金邊粉。生牛肉+金錢腱牛肉河粉 HK$68金錢腱都好好味！不過我自己都係中意牛腩多啲。炸春卷 Hk$48越南春卷外脆內軟，熱辣辣！用生菜包住食加魚

2人去食叫了黃金蝦餅, 米紙卷, 牛肉粉x2, 法包.. 蝦餅佷出色，薄片而蝦肉多，彈囗香脆😋 牛肉粉不過不失, 份量中等可方便叫小食配搭！法包略為失望，不似傳統越南法包鬆軟多料，反而似是硬身脆口多士！

中環夜食，一般回去翠華。翠華旁邊開左間越南粉，朋友間對餐廳負評唔少，不過自己覺得蔡瀾肯出自己個名開餐廳應該唔會差得去邊掛⋯⋯當晚同友人一人一碗越南粉，再share個越南包。點越南包既唯一原因係貪平。出面大部分賣越南包既餐廳都買都賣到$70-90一份，蔡瀾賣$28，都試下啦，果然係$28貨色。小小法包加肉一片加甜醬我對自己點既生牛肉牛筋河評語係用料吝嗇。生牛肉兩三小片，牛筋係一粒粒上，好奇怪。牛河份量對女生來講剛剛好。唯一碗湯落得最多。湯底好甜好甜，甜到有d唔自然，好似落左糖咁，有別一般牛骨湯既清甜。雖然個人覺得食物質素一般，當晚餐廳都客滿，不過我就未必會返轉頭喇。

Overpriced, small portioned and not even flavourful. Disappointed in what they advertised as the best pho in town because it wasn’t even average. 😒 Avoid and do not bother queueing for this. There are better pho options in Central! Same could be said for the spring rolls.

朋友由間店開幕冇耐就話想嚟食，但又怕排隊，最後佢喺平日非繁忙時間食左一次。聽佢講完食評我立刻有興趣，呢日就跟佢嚟食。平日12點10分左右到左排隊，等位時已派定Menu俾你，喺門口外等左10-15分鐘入坐。行入去覺得環境乾淨，行左上2樓一間房裡面坐低，枱與枱之間唔好期望寬敞，不過坐得舒服。其實可選菜式唔多，我要左牛腩牛筋河走莞茜，而朋友點左香茅烤豬頸肉春卷撈檬，再點左份春卷一齊食 。大約等5分鐘就上菜，望落去賣相係正常湯河，我一口咬落去先明白點解朋友推薦呢間，河粉好滑，最重要係個湯底有好濃既牛肉味道但視覺上又覺得個湯好清。朋友話我知唔夠可以添河粉，職員會另上一碗河粉俾我。我本來都覺得需要既，但係食完眼前碗湯河同小食我已飽了。總括嚟講係好值得嚟試下。

生牛肉牛丸湯河河粉無正宗越南既米香。湯唔夠香草味。牛丸同生牛丸可以，都算好食。整體唔算差，但亦唔算好出色。除左河粉我仲叫左柚子沙律，但係我唔明點解要落椰奶，錯晒，畫蛇添足...青檸梳打又加左話梅同勁多糖，好甜，無左應有既清新...其實環境同服務都ok的， 但話晒都係掛蔡瀾個名， 收費都唔算平， 期望越大失望越大， 最唔明佢下下都扮晒加d新意加多d配料,但d配料幫唔到件事， 仲令個野食難食左， 好做唔做， 衰多手。

自家即製河粉 牛肉河粉 幼身好味牛丸 好彈香芒魚米紙卷 超好味香茅烤頸肉春卷撈檬 好食話梅青檸梳打 好飲服務非常好 員工好有善座位好舒適唔逼地方好清潔下次一定會帶家人和朋友再去

澳洲嘅越南粉勇記 飢詩係食過嘅～ 當年還是學生， 有得出街食飯 都很難得啦 😆 是不是一生難忘？！ 印像中係好食 但沒有一生難忘這麼誇張啊 😆～近年比較少食牛 ～ 不是配牛的， 只有檬粉，沒有河粉的選擇 😐  蔡瀾店是標榜新鮮河粉呀～越式酸辣湯檬 $68～ 極重口味！ 基本上是將枱面果枝 撈檬汁加熱咗～ 飢詩還想 這叫湯檬，湯還可以喝兩口😂～ 檬面上放了 一片炸魚，炸得香脆，但肉質是很鬆散的稔魚吧😆～ 炸豬皮吸了湯汁 也不差～ 魚丸可以說它有魚味，但為甚我覺得腥😆食完覺得好渴～枱面果杯 唔係水，係鮮羅漢果水～ 還好，它給我喉嚨一點安慰 🤣總括來說 在這裡唔食牛 是很錯的～ 唉～又坐直升機 伏伏伏了～😂飢 point : 3 / 10 #hungermarch #飢詩 #非飢詩

好少寫食評，但今次忍不住要寫！見個名氣，即管試下，可惜十分失望（本來已無咩期望）貴！份量極小，但呢樣並非最致命，如果好食的話。真的十分差，一般食越南牛河最正除左牛肉之外，就一定係個湯底，但從來未試過飲多一啖湯都嫌多，味精好重，完全不是越南牛河那回事！味道完全不同。牛肉得兩片超薄，而且極普通又細。牛腩簡直不知所謂！ 蝦扒好細塊又薄，不值這收費。餐廳格局似快餐店，總之以後絕不再來，就算免費！感覺是被騙一樣，差！

叫咗碗$128的特別牛肉粉，三分鐘到，兩住就夾完，份量小得可憐，個湯好咸，牛肉幾塊，我第二度食開$40碗都好過佢。好後悔，蔡瀾咁識食點會開間咁嘅舗。買單$193，一碗粉兩杯嘢飲都唔知食咗啲乜。