蕃滿門

营业中

休息中

蕃滿門個蕃茄濃湯底加埋個炒蛋真係冇得輸，湯底超濃，仲有唔少蕃茄肉洋蔥碎(原個茄肉都有添)，長通粉索晒啲湯超開胃!今次個餸跟配豬手，除左香酥雞排，個人認為跟配豬手最抵食😝有三大塊豬手，個皮雖然唔係脆皮，但都焗得好香口唔膩，點埋個蜜糖芥末醬食，好好味! 50幾蚊算係抵食~

今日晏晝行左一個圈都唔知食咩好，經過蕃滿門諗起佢果個濃郁既蕃茄湯，於是就入左去食。入去餐廳大約晏晝12:30，裡面仲有好多位，可能學校、公司未放lunch time，唔需要等位，就入左去。入到去見到個餐牌，都幾抵食。有個lunch set，大約$40-50幾一個餐，有埋野飲。而湯粉方面選擇都十分多，有螺絲粉、意大利粉、米線、白飯等等，任君選擇。而味道方面亦都有選擇，有唔辣、都有辣味。Lunch set除左招牌蕃茄湯粉，仲有其他焗飯、焗意粉。今次，我就食左佢個招牌蕃茄湯粉配豬扒、泡菜裡面好足蕃茄，仲有隻滑蛋係裡面，十分足料味道方面，酸甜味道適中，因為我試過其他餐廳既蕃茄湯，酸味較多。所以呢個剛剛好可能我呢個有兩個餸，豬扒size略嫌太細。但整體味道不錯👍🏻不過，美中不足既係，可能之後有學生、OL放始放飯，我食到最後，仲差粉粉未完，就好快俾張單我埋，好似趕你走咁

個人鍾意食蕃茄呢間真係做得唔錯如果可以係屋企附近有就好啦🤤🤤🤤可惜冇佢嘅蕃茄湯底 配炸雞扒 係必試好餓 又係飯嘅愛好者 建議配湯飯唔係太餓 驚太飽食唔哂就建議配米線個人嘛嘛長通粉 雖然呢個應該最多人食嘅配搭炸豬手都好正次次都好爭札叫呢兩款邊樣ho 🤣haha有啲美中不足嘅係蕃茄湯有🌶我覺得唔夾同埋呢間野係food court 度就變左冇咁好食 識揀一定揀大埔 遠小小都咁話如果試左food court 會覺得唔正/好普通次

大埔有一間蕃茄麵店由我中學時代已經開始營業。這區食肆眾多，能夠站穩陣腳多年，應該有其過人之處。很久很久以前去吃過，記憶中味道還可以，但未至於很impressive，所以直到現在才來回訪記得以前這𥚃就只有蕃茄湯麵，可以自由選配配料。這次來，menu就豐富得多，有麵之餘也有飯。我點了個「素食煮意」($53)，麵底選了螺絲粉，有點過軟，配料是雜菜和玉子豆腐，上面的滑蛋還不錯。湯底尚算濃郁，但味道...當然是中環老店更勝一籌

Weekend 同屋企人係屋企附近食個quick lunch,唔洗等位餐廳七成full , 呢間餐廳係大埔都一段時間，我地間唔中都會黎食，貪佢蕃茄湯健康啲。叫左貢丸雜菌蕃茄湯意粉，煙豬手蕃茄湯意粉同焗豬扒飯。雖然覺得個蕃茄湯有落少少味精，但都好飲，通常食都會連湯飲，所以都無叫飲品。值得一讚個焗豬扒飯幾juicy 幾野味，第一次食幾impressive . 埋單每人六十蚊，唔洗加一，性價比高。如果個湯底可以走味精就perfect。

蕃滿門係其中一間我最鍾意嘅食店 今日又嚟食蕃滿門啦 蕃滿門主打呢就係呢個蕃茄湯 餸菜選擇多 這種可以自己揀意粉米線通粉神之湯飯添 除咗湯麵之外佢嘅焗嘢都唔錯㗎 而且佢平日嘅晏晝 仲有午餐同埋嘢飲 好抵食㗎 今日我就食一個煎豬扒 蕃茄湯公仔麵 煎豬扒煎得夠香 唯一美中不足嘅就係佢鬆肉粉落太多肉質唔夠實淨 蕃茄湯 係蕃滿門嘅精髓番茄味濃郁 而且有好多蕃茄肉㗎 除此之外 仲可以加 三蚊有粟米粒 蕃茄湯都幾夾可以一試 而且佢近排重新出咗 一個南瓜餅 味道都唔錯㗎 誠意推薦大家你食呢個蕃茄湯

尼大埔就食蕃滿門!!! 係門口禁機等位都幾快, 10分鐘內就等到2人桌。環境唔錯燈光柔和, 服務員態度好好,好快就落到單唔駛怕肚餓。我地細食, 叫左一個招牌蕃茄滑蛋濃湯就算。等左10分鐘就有得食,都叫上菜上得好快, 仲要幾大碗下, 2個人細食既share 都可以~~~~蕃茄味好足好濃, 酸甜味岩岩好, 唔似有時有d 餐廳得個甜字, 幾岩蕃茄控既女仔。個蛋無用牛油炒但都夠哂滑融到去個蕃茄湯到。另外我再上左個雞軟骨餃, 幾足料, 隻隻餃都食到我索索聲。佢個凍檸茶唔甜, 唔叫少甜已經岩岩好!!仲有見到好多細路都係度食BB 餐, 有個兒童餐盤好cute cute粉色系, 調較左份量岩小朋友食, 如果我等日時有baby, 都想帶佢尼跟媽味食蕃茄, 哈哈!!!咁樣都係$58乍, 幾經濟實惠, 難怪多人尼呢度食! 絕對可以encore!!

又係食晏時間，天氣太熱，之前經過見到，好似好好食咁，今日終於有機會食到啦。入到去見到人地個碗嘢都覺得好蕃茄。口淡淡嘅我都即刻有返食慾。叫左個吉列魚柳蕃茄螺絲粉。老老豆豆，其實佢嘅湯隻包都幾唔自然，不過好在個湯又真係好蕃茄嘅，雖然稱不上濃，但我覺得係ok嘅。上面又有啲蛋咁，食落都幾滑。依個係我最鐘意嘅。唯一個不足之處就係佢嘅魚柳真係好細份好細粒，加埋啲粉都係咁細，真係冇咩誠意，扣曬分啦！🌚🌚🌚🌚🌚🌚

The lunch was a delight, good size portion, the beef brisket went really well with the tomato soup pasta, staff members are very polite, highly recommended, I would definitely come back

經常聽朋友說來大埔不得不吃說是蕃滿門所以今日就去了5點還有下午茶吃!先說說我叫的下午茶餐—招牌蕃茄滑蛋濃米線($41)一共可以選6個不同的辣度我選了原味湯底十分濃味牛肉的份量比想像中多而且還很煙韌配上滑蛋味道也不錯麵條味道也很濃可是差不多每條米線都時斷的最後我是用匙羹吃完整碗的⋯朋友點的是平日Menu內的香燒煙雞胸螺絲粉($53)肉的份量不多但螺絲粉的質素比米線好多了但湯底配上辣 有點不配儘管這家在我大埔朋友們的口中很高評價但是這次試完發現質素沒有那麼好蕃茄湯底是很吸引，但是麵條、配料等等可以更進一步

同同事黎到蕃滿門食晏，一去到好好彩唔洗等位。同事推介下，又見佢係薑系列咁特別，就試左呢個焗豬。黎到豬扒已經切好一塊塊，幾方便！食落係有少少薑既辣味，但可能蕃茄本身太重味，薑味就變左唔突出，如果個炒飯底用埋薑炒，咁就真係正喇！如果下次再黎食，都係食返佢既蕃茄湯通粉好啲，我見另一位同事叫既豬手都真係幾吸引！

呢間蕃滿門都喺大埔好多年, 不過我好少幫襯佢，因為以前太多人排隊，日又排夜又排, 可能而家周圍多咗好多食店, 少咗人排, 今日一於帶埋媽咪嚟食下先。同母親大人緊係要食好啲啦！我叫咗招牌必食嘅豬手蕃茄湯粉, 蕃滿門雞翼, 泰式軟殼蟹湯粉, 同蕃茄茄子層層疊! 擺到成張枱滿晒！我目測成間餐廳有一半人都係喺度食豬手，咁佢又真係幾好食嘅，皮脆肉嫩唔會乾晒，最勁係你食啲皮唔會覺得肥膩，我平時唔會食呢啲肥嘢，但係佢呢隻我真係可以食晒！五十幾蚊有3件豬手連埋配蕃茄湯粉, 你去邊度搵！？抵到爛!呢個係季節限定嘅泰式軟殼蟹蕃茄湯粉, 勁呀～勁大碗勁正, 是關佢碗粉有啲辣肉碎, 撈埋嚟食確係掂，軟殼蟹就正正常常咁啦～仲有兩隻蝦都新鮮爽口嘅！久唔久出下啲新嘢咪幾好, 無咁悶吖嘛！搵啲菜食下啦～成日忌廉西蘭花, 今次食下呢個層層疊, 真係一層層隔住咁舖上去㗎喎！一層蕃茄一層茄子, 今時今日仲有咁好心機嘅廚師, 抵讚啦！雞翼，好普通嘅食物, 但係又俾佢攪到好食到停唔到喎! 濃度嘅茄醬面有芝士焗, 個醬辣辣地。呢啲咪就係平凡中嘅不平凡囉！嘢飲係唔使篤檸檬嘅檸檬茶, 今次唔係好夠泡喎，不過味道可以嘅！總括嚟講, 今

 好耐無嚟蕃滿門喇! 以前仲係喺附近返學, 差唔多日日都係嚟呢度食學生餐,  自從畢業出嚟做嘢後已經少嚟咗！今日突然好想食返呢個花枝丸縲絲粉, 一於嚟懷念下先~以前我去舊舖多, 而家已經搬咗去前面, 大間啲裝修都靚啲，我坐咗喺新門口吧枱，啱晒我一個人慢慢享受唔使搭枱, 吧枱仲唔使等位！梗係直入即坐啦～出面熱到溶!3分鐘後我個久違嘅蕃茄花枝丸縲絲粉嚟喇!湯一樣濃, 花枝丸一樣鮮味彈牙, 係蛋.............無以前咁滑, 不過都ok, 杯檸茶都唔錯, 整體上都keep得住水準。一路碌下電話, 一路不下不下慢慢就食晒！好滿足, 好多回憶好有感覺~

今日下午我們喺大埔附近做完嘢之後行過海寶花園見到呢間係以蕃茄濃湯做主題嘅餐廳叫「蕃滿門」，因媽咪最鍾意食蕃茄濃湯，所以我們就決定入去食下午茶！我們叫咗招牌蕃茄滑蛋濃湯鷄肉螺絲粉同特式蕃茄滑蛋濃湯脆皮鹹豬手意大利粉！蕃茄濃湯係用新鮮蕃茄熬製而成，味道極之鮮甜濃郁，而且加埋可以畀我們自己揀選辣度，令到味道更加惹味醒胃！而滑蛋就真係好滑溜，就算浸著喺湯入面，都唔會變「嚡」，真係好正呀！鷄肉係輕輕煎香過，所以食落更加芳香，肉質相當嫩滑！脆皮鹹豬手嘅外皮相當酥脆，食落好脆卜卜，肉質亦好非常厚身同好鬆軟，唔會又乾又硬，再配埋香甜嘅蜜糖芥末醬一齊食，除咗可以減低鹹度之外，而且會更加惹味！螺絲粉亦好煙煙韌韌！

中意蕃茄嘅啱你啦呢到湯底係用咗四種番茄及大堆雜菜熬成 飲落好鮮甜 酸度都ok高 食一啖都滿口茄香 仲要大大兜！👍🏼😋 軟殼蟹又炸得好香口😍 賣飛彿！😚 ~大埔係原店啊！~ - -📍 蕃滿門 (大埔) 大埔安慈路1號海寶花園地下8號舖