薈潮軒

营业中

休息中

家鄉的味道是日又喺唔想煮飯 出去食家鄉菜～ 潮州菜環境算喺幾大幾新🔆鵝片雙併💕鵝片拼鵝腸鵝片切得薄 滷得好入味 鵝腸好爽口 下層仲有豆腐片 例牌嘅份量都好大份 🔆 20年老菜甫燉鮮豬肚湯老公想飲燉湯 揀咗款特色潮州湯 醃咗20年嘅老菜莆嚟煮豬肚湯 豬肚清潔得乾淨 老菜莆攞嚟煮湯唔會好咸 下火好啱 🔆蒜蓉粉絲蒸蟶子王時價海鮮💕是日$88 一隻蟶子王叫咗兩隻蟶子 可以揀金不換炒或者蒜蓉粉絲蒸 估唔到咁大隻😆好鍾意蒜蓉多👍🏻🔆肚肉苦瓜煲來自潮州的苦瓜😆一啲都唔苦 炆得好淋肚肉喺三層腩肉 先用滷水炆淋咗先 再同苦瓜一齊煮😆 腩肉唔會好油膩 🔆雜菌蒜片炒牛柳粒呢款唔係傳統嘅潮州菜 醃好咗嘅牛柳粒煎香先同雜菇一齊炒 仲有啲四季豆同紅椒 連埋炒炸蒜片一齊炒勁香🔆清心丸綠豆爽清心丸好煙靭爽口 綠豆爽清甜解膩 好鍾意呢個甜品做作結💕阿姐同我哋講平時早茶仲有8折優惠下次可以同屋企人嚟飲早茶📍 薈潮軒 (灣仔)灣仔聯發街18號1樓

今日下午喺修頓球場附近睇完比賽，六點幾又諗唔到咩地方食飯 環境舒服既潮州菜經過聯發街抬頭一望見到薈潮軒 即時衝上去 好在早到吾駛等位 爽環境：樓底好高，空間感足夠，座位寬敞 有用心的裝修服務：三個同事 加經理 笑容滿面 服務態度一流口味：因為同檯有一位潮州人，有一味菜 佢讚到不得了，因為吾係咩餐廳都有得食 就係： 家鄉炒蠔爽非常推介仲有兩樣 就係1. 潮州紅燒翅 （成碗滿到溢出咁滯）2. 鵝三寶 （獅頭鵝 去哂骨，鵝腸仲要走哂肥，鵝肝真係絕倫）如果想食家鄉潮州菜，一定要試

對於新開的食肆總有興趣一訪，這次就來了一家潮州菜館。我們小試一些點心和大路的潮州菜式。餐前小食以為是炸的銀魚仔居然不脆，靭之餘加上勁鹹，已先扣了分。蝦餃的皮黏呼呼得來兼且相當之厚，蝦肉亦不夠爽香。詎料一山還有一山低，煎韮菜餅竟然毫無韮菜香，神奇！鵝三寶是鵝肝、鵝腸及鵝片，夾雜了涵水豆腐。鵝腸爽滑不足，鵝片亦欠缺肥美。最大敗筆在於鵝肝，不粉嫩不入味。沙牛炒粿條繼續奇怪，根本食不出任何沙嗲味，只是杰撻撻的一坨汁撈著牛肉和粿條。牛肉不是塊塊都嫩，粿條也不分明。輪到蠔烙，好食的理應做到外層煎得酥脆，而中間食到粒粒蠔肉。可惜這塊卻根本不是那一回事，靭而不脆，蠔肉甚少，怎會突顯？清炒時蔬更加不堪，似烚的多過似是炒的，鑊氣完全欠奉，簡單而言，怎稱得上為一碟炒菜？到給錢的時候，方知道只收現金，為何不在一開始入座時提出？如客人不夠現金，將又如何處理？

十分抵食嘅潮州午餐灣仔又開咗新餐廳 梗係第一時間去試食， lunch time 無book 位去 好彩仲有一兩張枱俾我哋walk in 成功 我見大枱都坐滿咗 7788， 下次team lunch 一定要book 枱。講番野食 3 個人 叫唔到套餐 咁就叫一人餐啦我地叫咗1. 鹵水鵝三寶 （鵝肝、鵝肉、鵝腸）（$118）鹵得好入味 ，份量足，配飯一流2. 沙茶牛肉炒粿條 （$88）超大份 每人share 3碗都得 牛肉好滑 沙茶味都好惹味兩個餐都跟海皇羹或者紫菜蛋花湯為食既我地都有叫咗九棍魚魚蛋粉同韮菜粿， 魚旦超彈牙，個韮菜粿 - 超好食 ！（好食到食咗一半先影相。下次黎飲茶要叫多啲唔同款既點心試下。

上星期三（中秋節翌日）諗咗好耐都唔知去邊度晚飯，路經灣仔聯發街見到新開的潮州酒家，再看看他樓下的餐牌，見到有我們想吃的糖醋麵，那就決定試一試；上到酒樓，竟然看到面熟的侍應，傾落原來是合和7樓薈軒老闆開的，所以班夥計跟埋過嚟幫手，以前在薈軒啲招呼就認真麻麻，但係而家搬到新舖可能地方略細、是晚又不是太多客人，所以招呼改善咗很多；講到出品，竟然有驚喜，味道雖然不算出色，但都不俗，價錢也合理，我們吃了川椒雞、大芥菜煲、糖醋麵，埋單3佰幾，仲有綠豆爽甜品送，大家都可以一試呀😋👍🏻