薩莉亞意式餐廳 (得寶商場)

营业中

休息中

黎到薩利亞 當然唔使睇價錢叫野食啦7點黎到 仲有好多張枱所以唔使等位 直接可以入座首先叫左栗米南瓜湯$12 味道正正常常有dd似喺日本自動販賣機賣嘅熱栗米湯呢個菠菜係真係唔得啦應該係拎菠菜去翻叮叮得過熱 熱到d菠菜出左苦味加埋幾塊頹頹嘅火腿都無補於事薩利亞嘅皇牌!!焗田螺 水準keep到但墊喺田螺下面嘅蒜粒太油了雞翼有屋企整嘅味道好juicy 都唔錯嘅令我有驚喜嘅反而係蒜蓉法包焗得啱啱好 外脆內軟好味明太子意粉啱小朋友食多d甜甜的 都幾creamy但呢到嘅碗碟都幾污糟四隻四隻都有漬要自己一隻一隻抹

今晚突然想食pizza,意粉，同朋友相量下，決定去食薩利亞！夜晚人流旺，我地等左30分鐘，成功入座。我地見有sofa位，同職員講要求轉位，試了兩次，最終成功。雖然sofa位，sofa比較舊，唔舒服，但位置大少少，我地接受。我地今晚食雞翼，意式意粉，芝士pizza。如果pizza再熱少少，更加正。

每次想食平野想食意粉都一定會先簡薩利亞。薩利亞真係好平，味道又ok，唔會話因為平就強差人意。/次次黎到必叫辣味雞翼8隻，再一定叫肉醬或者雞肉多利亞。意粉到幾中意佢嘅黑松露野菌忌廉意大利粉。小食除左辣味雞翼外，有時都會叫芝士焗薯角同埋燒鯇魚😍蒜蓉包都焗得好脆好香/薩利亞仲有啲細細個嘅pizza簡，不過唔太中意，個底比較多水咁，沖淡哂個味。/另外佢仲有扒類可以簡，3x-4x, 超級抵，試過佢嘅蒜蓉漢堡，正👍🏻

喺九龍灣諗唔到食乜好，朋友話不如食薩莉亞， 都好耐冇食，而且又糧尾，去食薩莉亞就啱啦！以前必定會食墨魚汁意粉，因為貪佢食完個嘴黑蚊蚊，可以影相笑下玩下。今日都有叫到黎食， 朋友覺得墨魚汁偏鹹，而我就覺得太油，特別係最底嗰啲有都食唔落口。仲有叫邦哥尼意粉，係蜆同番茄醬。個醬有少少辣，但就冇墨魚汁意粉咁油。肉醬多利亞焗到芝士有少少燶，有拉絲效果！香辣雞翼辣度好低，唔食辣既朋友絕對食到！重有焗菠菜雞肉，菠菜幾嫩👍🏻下個月糧尾可以食薩利亞。不過下次唔會再嚟呢間分店，因為臨走嘅時候係牆身發現有隻曱甴仔，嚇到我哋即刻走 😨淘大新開嗰間應該乾淨啲。

今日lunch時間好想食西餐但係又唔想食咁貴即刻就諗起呢間又平又抵食嘅餐廳 所以就同朋友過咗嚟食 我哋每人各嗌咗個main dish另外仲叫咗八隻雞翼share嚟食佢啲雞翼嚟到仲好熱應該啱啱整起嘅，雞皮好香好滑，啲雞肉都好好食不過就油咗少少佢啲漢堡排又香又有肉味又淋淋地咁，雖然同高級餐廳個啲冇得比但好啱我口味，連埋鋪喺上面嗰層蒜蓉一齊食真係冇得頂不過佢真係得塊扒好食，粟米甜甜地咁都ok啦隻蛋煎到勁乾啲薯仔似白烚咁冇味嘅辣味菠菜意粉係我朋友要嘅我試咗一啖係辣辣地咁都幾醒胃但又就唔係好啱我口味

糧尾唔想食得咁貴，但又要出街😹所以就揀左平民恩物的薩利亞🤤一坐低就已經知想食咩，我地嗌左個水牛芝士pizza，熱辣辣幾好食。然後再食左個磨菇菌飯，好濕潤好味，唔會太乾。最後仲有必食既雞翼😋😋。呢餐真係可以用抵食夾大件來形容👍🏻

想食pizza，但又覺得pizza hut太貴！眾所週知，薩利亞係平靚正嘅意式餐廳！我地今次嗌咗好多嘢食！1. 香煎焗鯖魚鯖魚有啲腥，魚肉又有啲梅！劣評2.美國蒜蓉汁牛扒牛扒有少少韌，因為佢切得比較薄，所以肉汁唔係太豐富。3. 溫泉蛋肉醬多莉亞呢個係正宗意式食品，所以做得比較好，個飯同肉醬好夾，連唔飯開肉醬飯嘅老人家都讚好！4. 菠菜配煙三文魚意大利粉菠菜同煙三文魚唔係好夾，但係整體上來講，個意粉都幾好食！5. 水牛芝士薄餅呢個薄餅個芝士味好重，鍾意芝士嘅人值得一試！

這間餐廳其實是開業了很多年耶我也食過了很多很多次了 學生時期食到現在呢這間餐廳的價錢由HKD$13-HKD$50以下所以會吸引到很多人來食我知道深圳其實也有分店的但是我仍會在香港食的 因為香港比較便宜一點·黑椒蜆肉鐵板煮·辣味雞翼·野菌忌廉意大利飯·雞肉野菌雙享Pizza·HKD$13任飲飲品

薩利亞真係打工仔糧尾之最佳選擇，完全可以想食就叫，唔洗睇價錢！小食我最愛食佢既雞翼，次次都叫八隻！辣辣地又開胃 小食仲有脆蝦粒，細細碟都幾多粒，點埋個醬超好食😋另外黃金粟米薄餅又係我至愛，啖啖粟米加沙律醬真係無敵 ！

薩莉亞意式餐廳真係窮食之選，30蚊已經食到好飽，有飯有意粉有pizza。今次叫咗8隻辣味雞翼，味道不錯不會太辣，岩哂d5食得既朋友仔。再叫咗多利亞温泉肉醬蛋飯，一上枱就感受到係即焗，熱到出哂煙。將温泉子拌芝士肉醬飯，超級正。每拌一下都有芝士絲拉出，鍾意食芝士ge朋友必點。再叫咗蕃茄煙肉意粉和蕃茄海鮮意粉，不過比較普通。雖然蕃茄煙肉意粉上面加了芝士粉，但拌混後已經失去了芝士咩。面蕃茄海鮮意粉裏面的魷魚和青口都冇乜味，比較失色。

記得讀書的時候，很多時候都會與同學放學後去薩莉亞吃下午茶、吹吹水才回家，貪佢價錢便宜，選擇多，味道還好。十多年後的今日，它的價錢依然便宜，今次點了三文魚、蕃茄煙肉意粉、農舍薄餅和雞翼，四款食物才一百元，認真超值。

我真係好鐘意去薩利亞食飯多利亞多利亞點解叫多利亞我無研究過， 簡單黎講佢其實係一個芝士汁肉醬飯， 佢既芝士汁多到飯都索唔晒， 配上肉醬真係一流， 芝士迷絕對唔可以錯過！唯一不可取係佢價照加份量照減…宜家個份量只係碟既一半黃薑雜菌飯呢個又係好好食， 黃薑味香得黎唔會太搶， 個白汁好creamy但無芝士咁滯， 配上蘑菇真係一絕！素食(有奶) 可以整得咁好味真係唔容易㗎！忌廉雞肉菠菜真係真心推介， 個忌廉汁勁香勁滑， 雞肉同波菜伴好忌廉汁食真係食上癮…燒魷魚真係無得彈。 大隻， 厚肉， 彈牙， 鮮美， 加埋佢特制既超惹味蒜蓉汁， 唔食就笨啦！晚市時段，lunch 價錢，仲要無加一， 無得輸！

下午三點幾突然餓起上黎決定食啲野相信平時有食過薩莉亞既都知人流絕不惹少而我亦好耐未試過係煩忙時間食佢一黎等得好耐 二來食物質素都無咁好今次少少地點左三樣野食好好彩質素都比平時好好可能真係人流既影響最近淘大開左新分店而得寶係咪會就黎結業呢？又中學開始都經常食呢間感覺會有不捨呀

今晚又去食蕯利亞喇！排隊排咗成半個鐘，終於入到去。坐落去諗都唔洗諗就可以落order。3個人食咗8樣野。呢個螺肉唔會話好硬，同埋都幾入味蒜蓉包就麻麻哋，個樣係幾靚，但食落冇乜特別自己就超鍾意食中華沙律，所以就覺得佢好好味。雞翼唔係話好辣！雞肉好嫩滑呢個黑椒炒蜆就有啲失望啦，黑椒味係好香嘅，但啲蜆食落有沙呢個蒜蓉雞扒唔知係咪廚房太急，中間係完全唔熟，不過佢哋都好快會過另一份俾我最後仲叫咗雞肉多利亞同埋溫泉蛋肉醬多莉亞，呢兩個都可以話係佢嘅招牌菜！三個人每人都淨係食咗六十幾蚊！仲要係超飽！

同朋友諗住睇戲前食d 野，得一個鍾頭，快食快攪掂。朋友話自讀書後都無再係度食過，以前細個貪佢又平又抵食種類多又食得飽。平均一人100蚊到已經勁飽！叫左個周打硯湯， 都熱辣辣，入面有六粒硯肉，$12 絕對ok個沙律係賣相差左小小，不過係ok 既普通薯仔沙律。芝士磨姑pizza係新鮮整既，入口都rich 芝士味，溶住甘入口。蕃茄海鮮意粉味道普通，兩色青口有d "san", 我諗下次都係叫番d 普通意粉會比較好！説真的服務有d 差，不過哩個價錢就真係當快餐店要求！