蘇記(茶檔)

营业中

休息中

很久沒有過來深水埗了。還是應該算係石硤尾？當隔離的地盤重建如火如荼門口放滿了地盤車晨早的寧靜成為很大的對比。剛巧今天也是紅雨警告，相信人流比平時更少。泊車在街邊，見到也很多的士行家也在這裏早餐。阿哥見我們三位，另外開了一張摺檯給我們。想也不用想，當然係招牌豬扒麵，同埋凍奶茶。招牌果然沒有失望，豬扒份量足夠，也很入味。奶茶很滑。阿媽叫了豬扒治，但是忘記了烘底。好彩哥哥也給她安排了，非常高興。同埋好少，奶茶熱到，阿媽話飲唔到，要攤凍，真係要俾個 like.

今日一早九點左右就來到深水埗哩間茶檔食個早餐 由於一早關係未見人龍排隊 來到通常都係食個兩樣野 一係豬潤一係豬扒 豬潤爽口同埋處理得好好冇異味 仲會食到小小既薑味 同埋最緊要唔會煮到成碗野係泡已經好好😂😂 豬扒方面香口 嫩滑 兩樣都好出色的 記得記得加埋辣椒油 我今次就叫咗豬潤麵同埋熱奶茶 來到茶檔點到要飲下奶茶 男人浪漫chill 下 溫馨提示 全部都係單叫冇餐的 價錢同平時茶餐廳差唔多 都係個句啦 又唔係日日來食 有咩所謂 坐街食野別有一番風味 要來試既朋友記得早啲來 唔係要排隊食就好似冇咁開心喇

Frozen Milk Tea                                   The creamy, velvety texture danced on my taste buds, while the robust tea flavor provided a delightful contrast.Pork Chop Noodles                             The first bite was a revelation – the crunch of the pork chop gave way to tender, succulent meat that was bursting with flavor. Pork Chop and Pork Run Noodles                                 This dish elevates the traditional Pork Chop Noodles by adding thinly sliced, marinated pork run alon

香港少一間就冇一間既鐵皮檔，得閒路過就試下，叫做幫襯過，咩都試下啦。餐牌簡單，食物選擇不多，有選擇困難症既朋友黎到唔洗驚。叫左一份西多士，豬扒三文治(烘底+$3) 同一杯凍鴛鴦，埋單一共$64。飲品沒有跟餐價，一定是散叫，所以價錢唔會比茶餐廳平。食物上得快，就豬扒三文治為例，麵包同豬扒都仲脆脆地。 不過麵包面積明顯比豬扒大了一點，可能..是為了讓你感受烘底面包的脆.......侍應姐姐態度親切，食的是街坊人情味，不計較才能吃得開心吧。 應該是隨店養的黑貓，默默的伴隨著大家。

喺隔離食完魚旦+豬手麵，加埋成$80都仲未飽，咁啱有茶檔，就走過去八下。見西多士張相都幾吸引，又好耐冇食西多士$22，見呢間咁出名，就破戒啦。傳統嘅西多士係有兩塊方包，中間夾住一層花生醬，再浸蛋漿炸，但呢件西多士薄切切，唔夠咬口，花生醬微量，花生醬唔係貴，麵包唔係貴，雞蛋唔係貴，咁樣西客就太孤寒了吧？不過都尚算香口，蜜糖只點少少就夠，因鍾意食蛋香。杯奶茶$15普普通通，冇乜茶味，奶水一樣，不足一談。都唔知點解佢會成名🦍?

最近睇片介紹不同茶檔知道因為牌既問題越來越少所以見有時間就去下而呢間就換牌要重新滿足要求先可續牌所以檔位要 整過招牌豬扒 $45上枱快既不過有點冷應該事前煮之後加熱講反味道有調過味吳會太鹹有點點黑椒不過入到口吳多覺要咬多幾口先先食到油多既不過又吳會成口油感覺 係豬扒汁多過油既feel😉肉質鬆軟👍🏻夠薄👍🏻彈牙👍🏻肉脆口熱奶茶 $15有味感覺整體係一杯奶茶但 淡，真係淡就算➕好多多 糖都係淡……不過有味既…結: 呢到不是食環境食風味而 豬扒 係傳統中 既及格之上👍🏻值得試 了解香港既味道 之選🤨#豬扒#蘇記茶檔

在深水埗有很多開店多年的食店，它們都不是講究門面，反而著重保持食物的質素。今天去的大牌檔叫蘇記，它位於大埔道後面石硤尾街，沒有冷氣，沒有裝修，只是幾張圓枱，但客人絡繹不絕。我叫了豬潤米粉和凍檸茶，豬潤厚切，份量足，咬下去爽滑彈牙，附近沒有一間食店及得上，價錢一點不貴，絕對是上上之選。除了豬潤，還有港人喜愛的牛肉，滑蛋，午餐肉，款式應有盡有。如果你喜歡生滾的豬潤，這裡是值得光顧的地方。

蘇記係深水埗石硤尾之間， 一條街仔有幾間舊式茶檔， 賣既都係茶檔粉面， 蘇記出名既有豬扒， 黎到都係豬扒面加可樂呢個經典配搭。 茶檔特色， 光速出餐， 叫完我諗兩分鐘內已經到送到枱， 豬扒有d 焦香味， 幾大件， 呢個年代30 蚊一碗無咩好要求， 加技玻璃樽裝汽水夠曬夠氣環境衛生都要冇咩所謂先好黎食， 始終茶檔仔係路邊， 人車出入等等無得避免， 味道就係普通茶檔既味道， 呢類鋪賣少見少， 有時食情懷多過食味道既者。 埋單面加可樂 41 蚊， 作為一個下午茶夠經濟。

蘇記坐落於耀東街同樣好出名長發麵家對面長發賣自家現炸魚蛋魚皮同牛腩豬手 蘇記嘅就賣三文治同各種公仔粉麵大家自成一角唔會爭生意🤝🏻🤝🏻大熱天時 唔太飲汽水嘅我都要叫返支強勢回歸嘅玻璃樽可樂🤩🤩🤩🤩玻璃樽可樂已經停產咗差唔多成年所以一定要回憶一下🥹🥹🥹 因為少年嘅時候係成日飲 大個咗之後就戒咗轉咗飲啤酒🤣🤣🤣🤣🤣樽裝可樂久違咗嘅味道一飲真係啲童年回憶返曬嚟🥹🥹🥹🥹🥹 飲一大啖然後gur...........🤣🤣🤣🤣🤣今日食呢度都出名嘅豬扒公仔麵 粉麵比較鍾意公仔麵食爽🥰🥰 即係偏生唔要腍 因為如果煮到啱啱好嘅話啲麵就會腍曬冇咬口 豬扒醃過唔會太腍有口感味道剛剛好 麵身就係我要嘅爽😍😍 值得一讚嘅就係呢度個湯底唔會用返調味包嚟做👍🏻👍🏻 飲得出係真係自家餚製好清甜😋😋😋😋😋 食到一半加一細羹辣椒油當堂又另外一個層次😅😋😋😋😋😋

見到咁多好評就去試吓，叫一杯凍鴦加豬扒牛肉丁麵。先講環境，我本來坐係牆邊位置，但實在太大陣老鼠味，跟住轉去近馬路邊坐，但食食吓樓上有不明液體飛淺落嚟，而且又人搬貨上貨車，塵埃飛到周圍都係! Ok, 我放棄!再講食物，杯凍鴦，中下水平，碗麵加$3轉丁麵，但好肯定嚟到嘅唔係丁麵，牛肉又係好典型嗰啲生粉肉，而自稱係招牌推介嘅豬扒，我只能夠講，老闆嘅自我要求非常之低….總結：我明白對大排檔真係唔可以有咩要求，但又唔可能冇要求到咁嘅地步！ 另外我覺得OpenRice嘅食評越嚟越唔可信！

Highly recommend this local eatery! This is a traditional tea stall where customers are seated on the street. Their signature dishes include pork chop and pork liver. What's best about this eatery is that they cook by order. Customers can request sunny side up egg, scrambled eggs or any way we want. The vermicelli noodles are al dente. The soup to my surprise tastes very light and you may add chili oil. The pork liver is thick and served medium well, because after resting in the soup, it gradual

兒時食「蘇記」，唔知係咪叫好味，但到大個都仲記得個味道。咁多年來幫襯過唔少地方既豬扒麵，鮮牛麵，都係覺得「蘇記」最有風味。疫情關係，蘇記已經由以前通宵營業，到而家開到下午5:00就收檔。今次特登過來早餐時間幫襯。今次食「豬扒滑牛煎蛋麵」，佢既滑牛，非常冧，好滑，完全唔柴口，好少地方做到，豬扒就係煎豬扒，算係厚身，亦唔柴口，雖然浸左落湯度，但仍食到煎香味。大排檔既煎蛋一定好夠鑊氣，少許燶邊既太陽蛋。大排檔環境當然麻麻，天氣涼既時候來食，好有風味。老香港味道。#蘇記茶檔 #深水埗 #耀東街 #大排檔 #碩果僅存 #滑牛 #豬扒 #豬扒滑牛麵 #早餐 #疫情下的日常

涼爽既日子，都會諗起呢度做到有炭燒BBQ味的煎豬扒配公仔麵🤤真係好歡欣路邊有得泊車，一放低車，就有得食方便又滿足😌落單 出餐 都超有效率(有時老闆娘太凶狠，係咁問你食乜，有d 壓力，有d 怯🤣）一定快過食M記奶茶可以，個人略嫌可以再濃d呢d 港式古舊茶檔買少見少但當然，坐街邊食茶檔唔係人人接受到有時真係唔敢周圍望 (驚見到d 唔想見既嘢）究竟係風味定"嗱渣" 就好視乎大家既個人感受但我就久唔久都想嚟食番碗真香港味道🙈 (夏天除外）

✨招牌豬扒麵豬扒肉質軟腍 帶少少油脂 醃得夠入味麵質爽彈偏硬身 係我地本身鐘意既麵質但唔鐘意既人應該會覺得過硬食物唔錯 環境衛生一般 服務可以 建議入秋後先好去 夏天去真係太熱

山長水遠有朋友話想試吓香港道地嘅大排檔於是就去到深水埗大埔道呢一間嘅大排檔茶記先唔講香港係2021年經歷過疫情之後天氣何其炎熱店員態度係良好嘅都算係幾有笑容而且佢見到我好熱佢都有叫我轉位但係一間茶餐廳最基本嘅奶茶佢哋都可以沖到淡而無味奶嫵媚茶冇味好似係一杯稍為有少少啡色嘅水一樣然後沙嗲牛肉麵牛肉同埋沙嗲汁完全冇結婚失敗中嘅失敗我已經喺香港唔知幾多年冇試過食一個面係可以水泡泡又唔彈牙係好明顯煮到完全過火嘅一個面其實沙嗲牛肉用大個面會係好食但係冇諗過個面係可以煮到咁難食真係難食到醫院嘅健康餐都好食過佢一個勁難食嘅面加一杯奶茶都要$40