蛋仔記雞蛋仔

营业中

休息中

必吃超有創意的雞蛋仔及格仔餅專賣店蛋仔記雞蛋仔，鹹的甜的通通有，口味選擇非常豐富，每一種都讓人愛不釋手，眼睛一亮，讓人在忙碌的逛街中，還能享受片刻的美味，蛋仔記雞蛋仔的格仔餅和雞蛋仔極具特色。開心果醬格仔餅的量也太多了吧，滿滿的焗開心果碎，並抹上開心果醬，開心果與格仔餅是不敗的組合，可以同時征服小孩及大人的格仔餅，一口咬下酥酥脆脆的格仔餅，濃郁的開心果香氣瞬間在嘴裡化開，甜蜜滋味多幸福，特別推薦給開心果控。蛋仔記雞蛋仔不只甜點佳，鹹食更是令人念念不忘，回味無窮。章魚燒雞蛋仔夾著章魚、紫菜、木魚絲，料多實在有層次，章魚燒意外地跟雞蛋仔合拍，燒汁相當提味，再以章魚海味和彈牙感作主導，雞蛋仔強烈香脆的嚼感收尾，風味十足。蛋仔記雞蛋仔也有販賣飲品，其飲料價格不貴，顧客亦能揀選甜度及冰量，而我便點選了蜂蜜爆珠梳打，蜂蜜爆珠梳打不會甜膩，走清爽舒服風，有著蜂蜜甜美，輕盈的梳打小氣泡沁涼極致，消暑必喝。

旺角街頭小食好多，而其中一樣我最鐘意食嘅就系格仔餅同雞蛋仔，今次搵到間蛋味好濃郁嘅鋪頭介紹俾大家！開心果醬格仔餅 $40開心果醬嘅開心果味相當濃郁，系100%開心果味，但系呢一個味道我覺得系濃郁得來冇咁好食😹 不過甜度適中，配搭格仔餅好夾，格仔餅嘅蛋味好出。仲加咗開心果碎令格仔餅口感更有層次，鐘意食開心果既可以試嚇！伯爵茶麻糬雞蛋仔 $36伯爵茶味比較出，麻糬都食到，不過因為粒雞蛋仔比較細粒，所以覺得麻糬相對都比較細😹 再加咗杯白桃紅茶，冇得要走甜，不過飲落似少甜，所以系OK👍🏻

經過旺角「蛋仔記雞蛋仔」見到有好多不同口味既雞蛋仔和格仔餅，有鹹有甜，以家亦有全新口味章魚燒雞蛋仔 & 開心果醬格仔餅，味道創新。雞蛋仔味道有伯爵茶、檸檬、香蕉、咸牛肉、珍珠奶茶、奶茶、章魚燒、紫菜粟米等等味道比較特別，除了有傳統的雞蛋仔，亦有麻糬系列雞蛋仔和格仔餅，亦可以加配雪糕，相當誘人。奶茶味格仔餅配朱古力醬、榛子粒（+2球雪糕）即叫即製，格仔餅好厚，入面有勁多朱古力醬，雪糕都幾大球，冰心交融超邪惡，夏天食就啱晒，巨型厚身打卡一流。伯爵茶雞蛋仔外皮酥脆，內裡溫暖蓬鬆，，帶有濃濃的伯爵茶味道。芒果沙冰沙冰綿密，消暑一流。

由細到大都好鍾意食雞蛋仔同格仔餅，見證住佢地愈尼愈多口味😋😋。今次旺角呢間仲有全新章魚燒雞蛋仔同開心果醬格仔餅，聽到都覺得吸引🤩! 我地都揀左2款包裝好可愛嘅雞蛋仔！章魚燒雞蛋仔($42)好特別嘅口味，新出野緊係要試! 😝食落都幾得意，入面真係有章魚、紫菜等等章魚燒配料🤩。章魚燒味都幾香但又唔太濃，呢個味道好有創意呀!😋奶茶麻糬雞蛋仔($34)有我最愛嘅麻糬! 🥰粒粒都有滿滿嘅麻糬好足料，口感好煙韌，麻糬控好滿足🥹。另外奶茶味好香，帶少少甜甜嘅味道，好似真係飲緊奶茶咁🤪，配埋一齊好夾呀!😌白桃綠茶($26)白桃味都幾香，而且唔會太甜，反而係重茶味多啲😋，食雞蛋仔嘅時候飲就夠哂解渴啦! 如果可以加下配料就仲正~🤪

這間雞蛋仔店有蠻多不同口味的雞蛋仔/格仔餅還有一些我們在市面上比較少看到的口味比如最新推出的開心果醬格仔餅和章魚燒雞蛋仔甜/鹹都有!!!還有很多配料+飲料選擇😼▻抹茶紅豆雞蛋仔 $34裡面紅豆餡料蠻多的 喜歡茶味重的/偏苦一點抹茶口味的人一定會喜歡這款✌🏻▻伯爵茶麻糬雞蛋仔 $36麻糬口感加上淡淡的伯爵茶甜味 雞蛋仔口感外酥內軟😝▻白桃綠茶 $26白桃甜味不是那種假甜的感覺 還蠻解渴的～📌蛋仔記雞蛋仔（旺角）旺角豉油街33號裕旺大廈地下A號舖#雞蛋仔 #蛋仔記 #香港小食#街頭小食 #格仔餅#hongkongfood #香港餐廳推介 ＃香港美食 #hkfoodie#hkfoodieblogger #hkfood #hkfoodblogger

📍旺角 蛋仔記雞蛋仔喺九月嘅第一日，黃昏時間嚟到豉油街嘅呢一間蛋仔記雞蛋仔，離遠已經見到有好多人排緊隊，見到佢無論雞蛋仔定格仔餅都有好多口味選擇，而且除咗港式傳統小食之外，仲有飲品都可以喺呢度一次過滿足晒。見到佢呢排出咗新口味，例如章魚燒雞蛋仔同開心果格仔餅，見到幅圖非常之吸引，於是就打算試一試佢嘅開心果格仔餅。等咗大約5至10分鐘就已經有得拎，因為係新鮮啱啱整好，所以熱辣辣非常香，而且佢嘅餡料十足，有開心果嘅碎，口感好豐富。不過我覺得佢嘅皮如果再脆啲就會更加好，如果再吹多一陣就Perfect🤩。本身已經係麻糬愛好者，見到佢可以揀唔同茶味嘅麻糬雞蛋仔，今次就試咗伯爵茶口味，出到嚟真係好濃伯爵茶味，而且每一粒都有麻糬，煙煙韌韌感口感好豐富。整體嚟講佢嘅質素都對得起佢嘅價錢，而且等待嘅時間唔需要好長，行過都真係值得一試。

【旺角人氣爆棚雞蛋仔🥚蛋仔記雞蛋仔】-呢間人氣爆棚雞蛋仔店位於旺角豉油街🤩假日嚟到大排長龍😝事關佢有超過20種口味嘅雞蛋仔🤪除咗hit爆嘅抹茶麻糬味🍵連章魚燒雞蛋仔都有🐙口味非常創新！最吸引小編嘅就係爆漿開心果格仔餅🙂‍↕️嗱嗱臨排隊買嚟食❣️-😋抹茶麻糬雞蛋仔$34+20 (兩球雪糕🍨)所有雞蛋仔都係即叫即整😗製作需時要等大概20分鐘😌建議大家落咗order喺附近行吓夠鐘先過去拎~抹茶雞蛋仔茶味香濃，外脆內軟😚中間仲有煙靭嘅麻糬同埋紅豆🫘小編加咗兩球雪糕🍦（$20）冷熱交融口感非常正！好味指數：🌕🌕🌕🌕🌘-😋開心果醬格仔餅🧇$40格仔餅口感比較厚實😂食完勁飽肚～店員真係喪加開心果醬同埋開心果碎🤣爆曬餡！不過記得趁熱食，如果唔係腍曬就唔好食架啦🙁好味指數：🌕🌕🌕🌕🌑-😋芒果爆珠梳打🥭$27呢杯意外有驚喜😎芒果味唔會好假🤩配埋梳打飲落超解渴😚仲有爆珠增加口感😂唯一缺點就係太多冰好味指數：🌕🌕🌕🌕🌘-📍蛋仔記雞蛋仔 (旺角)旺角豉油街33號裕旺大廈地下A號舖💸人均消費：$40

由細到大都好鍾意食雞蛋仔同格仔餅, 絕對係代表到香港嘅特色小食♥經開旺角試咗呢間嘅雞蛋仔同格仔餅, 全部即叫即整, 超多口味揀, 仲有啲特色口味, 最近亦推出咗新品：開心果醬格仔餅、章魚燒雞蛋仔, 等緊嘅時候已經聞到陣陣蛋香🤤～ 🧇開心果醬格仔餅 💲40推介👍🏻 格仔餅好厚身, 一打開見到超多開心果醬😍！外層咬落微脆, 入面鬆軟, 帶少少煙韌口感, 有蛋香～ 使用100%純開心果醬, 啖啖濃郁開心果味, 充滿堅果香氣～ 仲加咗大量開心果碎, 令格仔餅口感更有層次！開心果控必試💚🧇抹茶紅豆雞蛋仔 💲34大概等10-15分鐘就拎得！好欣賞佢個包裝設計, 方便拎走, 亦唔怕啲雞蛋仔會因為焗住而有水氣或變濕。呢個一定要趁熱食！外脆內軟, 餡大概佔一半, 咬落去有實在感, 又有少少空氣感, 標準比例～ 抹茶味清香微苦🍵, 同蛋香互相平衡, 每一粒都有紅豆🫘, 好足料！

最近經過旺角見到新開嘅雞蛋仔好多人幫襯👀差不多有30款口味雞蛋仔仲有最新出嘅章魚🐙燒雞蛋仔，夠哂過癮啊！除咗雞蛋仔之外，格仔餅同樣多人叫開心果醬格仔餅亦系新口味之一🤓一般格仔餅系加花生同煉奶，但呢間仲有金莎醬選擇！叫咗款Oreo麻糬雞蛋仔，即叫即整~雞蛋仔外脆煙韌，一咬開就食到煙煙韌韌嘅麻糬😋每粒雞蛋仔都有Oreo碎，口感層次豐富!!格仔餅咁多款口味，試下伯爵茶金莎醬夾住超多流心金莎醬，系半溶朱古力同榛子碎粒🍫伯爵茶格仔餅口感鬆軟，陣陣伯爵茶香味帶點輕盈感飲品選擇多~夏天熱辣辣飲返杯益力多沙冰💦好爽又消暑

開心果醬格仔餅‼️💚🧇🔹喜歡請like & follow🫶🏻對我來講是很重要的支持🔹開心果控見到旺角小店有得食「 開心果醬格仔餅 $40」即刻試下先! 💚🧇格仔餅相當厚身入面塗滿開心果醬，及許多開心果碎有堅果味! 不會太甜私心希望格仔餅更外脆內鬆軟就完美除了人氣大熱的開心果醬格仔餅小店仍推出不少特別口味的雞蛋仔及格仔餅今期主打「 章魚燒雞蛋仔 $42」每粒雞蛋仔內都有紫菜及一粒小章魚鹹鹹香香，好有趣啊!📍蛋仔記雞蛋仔 旺角豉油街33號裕旺大廈地下A號舖

出旺角行街又點少得去掃街頭小食😋格仔餅同雞蛋仔細細個已經好鍾意食依家啲口味種類多好多近期開心果大熱，去到邊都見到格仔餅都有開心果醬啊，好興奮😆仲唔即刻叫嚟食ღ 開心果醬格仔餅 🧇格仔餅🧇食落外脆內軟，入面有大量嘅香濃開心果醬，而且仲有粒粒開心果碎。口感好豐富，超級滿足😍又唔會覺得太漏ღ 鹽燒紫菜肉鬆雞蛋仔真材實料！粒粒都有料😏雞蛋仔入口蛋香味濃，加上紫菜肉鬆，鹹香味十足！見佢仲有啲好特別嘅口味，章魚燒雞蛋仔，下次都要試吓😍ღ芒果爆珠梳打味道酸酸甜甜，仲有粒粒芒果爆爆珠好清爽

細個食唔少嘅雞蛋仔，大嗰咗間中都想食，而家味道仲多咗好多㖭旺角呢間除咗有雞蛋仔，仲有格仔餅、飲品，門口好多人等，即叫即整大約我都等咗10零分鐘🧇金莎抺茶格仔餅 $38金莎醬即係朱古力醬、榛子碎粒，口感好正好食，抺茶格仔餅熱辣辣，幾軟身，入面全部綠色，抺茶味十足🍑蜜桃爆珠梳打 $27夏天飲好清新好爽，值得一試🚩蛋仔記雞蛋仔 (旺角)📍旺角豉油街33號裕旺大廈地下A號舖

我們於26/8（一）下午兩點半🕝左右，order了章魚🐙燒雞蛋仔（$42）同開心果醬格仔餅🧇（$40）。只有2位店員，我們等左大約10分鐘才有，店員會先做左原味，所以特別味就要等耐少少。❶開心果醬格仔餅🧇：格仔餅入面夾住開心果醬同開心果碎碎，有淡淡的開心果味，不過要塗左開心果醬個邊先有，邊邊角角就食到原味🤣，格仔餅都算厚底👍🏻❷章魚🐙燒雞蛋仔：第一次見到這款產品，有章魚燒粒粒，紫菜，木魚絲等等，雞蛋仔好脆口，聞落去紫菜味大啲，食落去就濕濕地，章魚粒幾彈牙👏🏻不過可能因為小店店員少，又幾多客人等緊，因此比較忙，所以服務態度就一般😹食物都不錯😌

今日去旺角有啲口痕，見到有間夾餅同雞蛋仔，呢個位置原味居然只係賣廿蚊雞，所以吸引左我埋去望下，最後都係抵唔住誘惑，見到有特色味道，最後就揀左抹茶麻薯雞蛋仔同開心果醬格仔餅。<抹茶麻薯雞蛋仔>抹茶麻薯雞蛋仔最正係抹茶味夠濃但唔會做到過苦，搶晒雞蛋香味。雞蛋仔由於風乾左，所以夠香脆。另外真係每粒都有麻薯係裏面，其實食完都已經飽飽地。<開心果醬格仔餅>至於開心果醬格仔餅真係充滿驚喜，首先開心果醬個質感相對杰，證明真材實料，果然開心果味超濃，就算食完，口腔內餘韻仲keep住有開心果味。另外最特別係仲加入焗製的開心果碎，令到開心果味加重外，仲令口感層次提升，呢樣幾有心思。最後加埋杯芒果爆珠梳打就岩岩好整體而言，兩款特別口味的雞蛋仔同格仔餅都幾有水準，尤其係開心果醬格仔餅有特色，下次或者可以試下鹹味的大阪燒雞蛋仔先!

今日嚟到旺角蛋仔記雞蛋仔，買咗佢嘅章魚燒雞蛋仔🐙同開心果醬格仔餅🧇 雖然價錢比普通款貴小小，但一鹹一甜出奇地夾，食落有驚喜，會想再encore！章魚燒雞蛋仔食落蛋味同章魚燒味超出，同埋入邊落咗好多章魚肉碎，熱辣辣鹹香味濃，味道同真嘅章魚燒差唔多；開心果醬格仔餅入邊搽咗好多開心果醬，都有加埋小小煉奶，唔會好甜，口感都幾順滑，果仁味濃🤤 呢兩個夾埋一齊食真係好正！！！另外我哋都嗌咗杯荔枝梳打，配埋雞蛋仔同格仔餅，都可以解到膩～🥤