蝦麵店 (海光街) (已結業)

今日過嚟鰂魚涌呢邊搵朋友，然後佢介紹咗我黎呢度食麵，稱係穩世美食，位置真係不太好找，果然穩世。《馬拉雞拼盤》$78有四串串燒+4隻雞翼，好惹味！好香濃嘅沙嗲，仲有好多花生碎，食落超香！至於雞翼外皮燒得好脆，入味！《白胡椒肉骨油條》$62呢款菜式好似第一次見，油條明明係中式，crossover又幾特別，胡椒味好濃好香，唔會好啃，油條索左湯口感特別，排骨太太舊，肉好淋！《辣味蝦湯蝦肉雞絲麵》$85蝦湯係佢呢度嘅招牌菜，雖然睇落成碗面都好紅，但其實辣度岩岩好，唔會太辣，蝦肉同埋雞絲份量好多，而我哋揀咗摻摻麵，第一次食，好幼身口感幾好。《咖喱喇沙湯 蝦肉魷魚麵》$74個人咁鍾意呢款湯底，可能本身鍾意食咖喱同埋喇沙，呢度個味道好正宗，夠晒香濃，配料份量同樣好多！ 總括嚟講，呢間小店食物質素唔錯，下次再試其他湯底！

今日同朋友突然之間好想食馬來西亞野 竟然係鰂魚涌搵到呢一間經濟又貼地嘅馬來西亞嘢 梗係即刻入嚟試吓啦雖然佢店舖唔大 係一啲小店嚟嘅 不過佢個選擇都幾多我哋揀咗咖喱喇沙海鮮湯麵 海鮮配料有青口 墨魚 豆卜 魚腐 蟹柳 超級好味 個咖喱湯勁濃郁 勁好味 配埋啲配料真係絕配食到停唔到口白胡椒肉骨油條 呢個又係有意外驚喜 佢係偏向似胡椒豬肚嗰隻味而唔係藥材味 但係我個人比較鍾意呢隻多啲 所以我覺得好好味 而且啲肉骨係勁林 完全唔係湯渣嘅感覺 好味連個湯都飲埋馬拉雞拼盤 有雞串同埋雞翼 個雞串嘅肉非常之男淋身而且好入味 整得好好食腐乳配通菜 份量都唔少 而且清清地幾健康冰糖檸檬薏米水 甜甜地 作為餐後一杯飲品 非常圓滿

叻沙🍜係馬來西亞既代表菜🇲🇾，蝦麵店既叻沙味道非常正宗🥰，仲有各種小食🍢，好值得大家去試下👍🏻。—————————————————📍魚片四寶（魚蛋、貢丸、墨魚丸、腐角）咖哩叻沙油麵 (8/10) 咖哩喇沙湯麵湯底🥣味道幾濃厚，椰奶味🥥同咖喱味🥘好平衡，而且湯底質感有少少厚度，食油麵個時幾掛湯，索耐個湯底好惹味😋。配料有魚蛋、貢丸、墨魚丸、腐角🍥，整體上不過不失。📍沙嗲雞脾肉串 (7/10) 串燒得好香好乾身，食落有少少鞋，不過係可接受既範圍內🧐。面頭既沙嗲醬有好重花生香🥜，仲有好多花生碎😎。

鰂魚涌呢邊好少東南亞風味嘅餐廳，朋友話呢間其實以前喺鰂魚涌呢度有做開，只係搬咗舖頭，但係係鰂魚涌我一路都冇發現有呢間餐廳喎。呢個肉骨茶同平時食開好重藥材味唔同，後尾上網睇返原來呢個係新加坡嘅肉骨茶，同馬來西亞版本有藥材味嘅肉骨茶口味係有啲唔同。叫咗呢個叫參參嘅面，其實係幾款唔同粗幼嘅面撈埋一齊，口感幾特別。仲叫咗碟魷魚嘅冷盤呢個係辣嘅喇沙個味道都唔錯。呢個炸豆腐都OK嘅，但係怕熱氣就唔好叫，因為真係炸得趣博博。呢間餐廳算係一間幾地道幾正宗嘅東南亞菜餐廳，要俾個like

今日去睇中醫，剛好見到附近這間小店，橫掂要食中午飯，就去試吓，叫了curry laksa set,啲海鮮冇味，雞串好少少，有杯小凍檸茶，共$92。灣仔有幾間馬拉嘢比佢好食好多！價錢亦比佢平。

去食馬來西亞菜既地道蝦麵梗係要黎蝦麵店la😋⛳好多區都有分店ga，今次就黎左鰂魚涌分店既蝦麵店，坐得好舒服之餘，仲食得好滿足😋碗碗麵都有我最仲意食既蝦肉😍我就叫左三個唔同既湯底食下la🥰為食餐單: 辣味蝦湯底 蝦肉肉片麵🦐 $67依個係傳統既福建麵，加入辣味蝦湯底，淨係個湯底都100分，好香濃蝦味，加埋辣辣的好惹味🥰新鮮蝦肉剝好曬殼啖啖肉，肉片好香，浸埋辣味湯底食正ar🤩蝦肉真係好多😍咖哩喇沙湯底 蝦肉魷魚翼麵🦐 $74喇沙湯底一向係我至愛，依個湯底煮得好好，好足料而且夠濃味，相信喜歡喇沙既朋友都係仲意又濃又夠椰香既喇沙吧，依度就一定滿足到我地要求😋豆腐乾浸曬喇沙湯味，食落去好好味，魷魚翼同蝦肉都好正啊🥰而且好大碗ar😎豬骨雞湯底 蝦肉肉骨麵🦐 $73依個湯底係3個湯底中唯一唔辣既，不過一樣咁滋味，新鮮豬骨同雞煲成既湯底好香，豬骨肉好入味，蝦肉一樣咁多咁正ar😎馬拉雞拼盤🍡 $75拼盤有4串沙嗲雞脾肉串＋馬來香炸雞翼4隻😋雞脾肉串上面舖滿沙嗲醬料，仲有好多花生粒添🥰大大串雞脾肉好香好有口感好惹味啊😋炸雞翼好香口，入面肉又好鮮嫩入味，好味😋🤩杏仁霜🧋 (跟麵+$10)杏仁味好濃，我揀左多

原來鰂魚涌分店既蝦麵店搬左鋪位！今日去到海光街發現原先既鋪位轉左招牌😱，上Openrice先知原來搬左入內街，真係嚇死寶寶🥺新舖位有明顯既提升，面積差唔多係舊店既兩倍，燈光充足。餐廳主打四款湯底，包括分別為辣味蝦湯麵、咖哩叻沙湯麵、豬骨雞湯麵同福健滷麵。咖喱叻沙湯麵一直係我最愛，咁耐冇食當然試返咖喱叻沙，至於女友無辣不歡，所以叫左辣味蝦湯麵。- 咖喱喇沙湯海鮮摻摻海鮮份量絕不手軟，包括蝦、青口、魷魚同蟹柳，蝦肉結實，魷魚爽囗。摻摻即係油麵加米粉，油麵煙韌彈牙，米線亦唔容易斷開。至於湯底層次豐富，咖喱香味同椰奶集於一「湯」。- 辣味蝦湯蝦肉肉片摻摻深紅色嘅湯底望落好似好辣，不過食落啱啱相反😮。蝦湯非常濃郁，蝦同肉片份量非常慷慨，油麵同米粉索晒蝦湯精華，味道令人回味。- 沙嗲醬魷魚翼係跟餐既小食之一，魷魚翼同秋葵都好爽脆，沙嗲醬既花生味好突出，非常惹味。- 白胡椒肉骨茶油條另一跟餐小食，新加坡肉骨茶偏淺色，胡椒味十足而且帶濃郁肉味，美中不足係肉質有少少韌🤔- 馬來香炸雞翼雞翼總共有五件，肉質比較乾😕，不過外皮都好香脆既。- 蝦醬通菜上菜時只見到一「劈」醬汁係通菜上面，所以需要人手攪拌🤣蝦醬

約咗朋友去鰂魚涌公園行下，順便一齊食晏。朋友話鰂魚涌出名係美食沙漠，所以佢平日甚少會踏足呢區，問我可有什麼好推介？鰂魚涌雖然工廈臨立，附近又無大型商場，不過其實區內亦暗藏不少心機小店，今次就一於由我帶路，嚟海光街呢間傳統檳城「蝦麵店」，一嚐店裡的美食。餐廳最近搬咗新鋪，環境比舊店闊落得多，加上由門面到室內裝修都以白色為主調，清新簡約，感覺通爽舒適。友人一坐低就第一時間揀咗個咖喱喇沙同白胡椒肉骨油條，而我就點咗個馬來咖喱雞飯，另外再加咗兩款小食。雞絲雞蛋麵配咖喱喇沙湯底 ($69)  湯底用豬骨、鮮雞、南薑、香茅，再連同適量椰奶熬煮而成，上桌時熱辣辣、香噴噴。呷一口，辣味無傳統喇沙咁重，入口濃而不膩。麵底選了新加坡傳統摻摻，即油麵+米粉，加上雞絲、雞蛋、豆卜和芽菜等配料，口感豐富有層次。馬來咖喱雞飯 ($60)，咖喱汁好有特色，用咗超過十種香料手工炒製，味道複雜得嚟又唔搶喉。雞件已去骨雞，入口啖啖肉；薯仔粉腍入味，配埋個咖喱汁，濃香醒胃，送飯一流。至於呢個白胡椒肉骨油條 ($62)  亦好有驚喜，真係無諗過會咁大份，仲要係用煲仔上。湯底帶陣陣白胡椒香氣，喝起來溫和又不嗆喉，肉骨鮮味十足，

無得去旅行既日子，唯有用食物來氹下自己，食左當去左～我地去鰂魚涌一家食檳城食品的餐廳～當然唔少得肉骨茶，所以我點左「蝦肉肉肉骨麵 ，麵底要摻摻」(少辣)摻摻即米粉加油麵，加埋爽口芽菜，口感十足蝦肉鮮甜有海鮮味。肉骨肉軟，蒜香味濃郁😋蝦肉肉片麵，麵底要油麵個湯底是香濃的辣蝦湯，蝦味十足，再配爽滑的油麵肉片好香豬肉和滷水味，肉質軟綿綿又帶辣好好味～小食點了「五香脆炸豆腐豆卜」超級脆，燒後既豆卜有著豆品香，加上五香粉的調味，令味道層次提升。你也可以浸入湯底內令它吸收湯底的美味😊或者點下旁邊的梅子醬，唔使擔心好熱氣。追加小食點了「馬來香炸雞翼」炸得超香又唔油膩，外面脆皮，裡面肉嫩～ 沙嗲醬魷魚翼 我個人認為係魷魚最彈牙既部位，加上沙嗲醬既美味，而我可以密集式咁食，加上芽菜既爽口，非常滿足😘 脆香魚皮超級卜卜脆，浸一下入湯底聽到啪啦啪啦聲，立即食，邊帶著湯的香辣，另一邊是魚皮仍然卜卜脆👍🏻👍🏻咁熱既天氣叫左凍冰糖青檸薏米水，走飲管，多薏米～好清爽，清新又下火去濕👍🏻薏米軟綿綿有嚼口🍹凍白咖啡 通常白咖啡給人感覺比較甜，這個甜度卻剛剛好， 飲到少許甜又飲到咖啡的香氣和小回甘，加上白咖啡本身奶滑，層

星期五就是聚會嘅好日子，收工同同事喺中環飲完野之後，再嚟到鰂魚涌呢邊同中同食Dinner。.前一刻仲係中環高級酒吧，聽住大家操英語飲紅酒🍷，整個氣氛散發住陣陣紙醉金迷氣色。呢一刻我卻置身於呢間香港本土餐廳，褪去繁華氣色，聽住大家一口流利廣東話，食物實實在在又飽肚，卻係令人感覺更加親切又舒服。.白胡椒肉骨油條：濃郁嘅白胡椒香氣，一上枱就慢慢飄入鼻腔。肉骨肉厚帶脂，一咬就輕易離骨，而油條就盡吸白胡椒香氣，不過浸泡太舊會容易爛開，如果可以分開另上應該會更為吸引。飲完之後非常暖身暖胃，整體不錯。.沙嗲雞腿肉串：雞肉串上面佈滿花生沙嗲醬，貌甚吸引，影相嘅過程已經令人垂涎欲滴。雞肉柔嫩，香口之餘，帶微微甜味，一試愛上。.蝦肉魷魚翼麵：蝦肉爽口，但一分為二，較為薄身，個人覺得咬口不及原隻蝦身，不過魷魚翼就非常出色，鮮而不韌，加上濃厚湯底，令人飽肚又滿足。.海鮮麵羹：海鮮有大蝦、魷魚翼、青口、腐角同蟹柳，材料豐富，湯底鮮味稠身，有d似碗仔翅嘅質感，配搭油麵，感覺地道得黎又有點馬拉特色。.

蝦麵店搬入小路上，全部裝修即刻cyber 左又新淨左。仲多左幾款小食同湯底，一人套餐，比起以前有位坐機會大增。辣蝦湯底 vs 喇沙湯底 vs雞肉蝦湯底食辣既表示辣蝦湯底勁辣好正食小小辣既表示喇沙食落辣得黎溫和唔食辣既就好滿足雞肉蝦湯底。 下次要試下第四款潮州鹵湯式。小食： 炸豆腐vs 雞串vs 雞翼。各花入各眼，整體食物乾淨質素份量高，雞串有沙嗲醬亦很正。飲品： 薏米水vs 檸檬茶檸檬可揀一塊定兩塊，飲品自我選擇程度高，好有特色。

今日跟家人到鰂魚涌買東西後開始肚子餓，經過地鐵站B出口的海光街看到一間很低調的「蝦麵店」隱藏於街角！格調很舒適，以馬來西亞- 檳城作主題。 餐廳有三種（喇沙、辣味蝦湯底、豬骨雞），愛辣的我選擇馬來西亞版喇沙，只怪肚皮不夠空間吧！咖哩叻沙湯底雞絲雞蛋 轉摻摻 $90咖哩叻沙湯底濃味，雞絲豐富，轉摻摻很好食，很掛汁。是日油菜(腐乳通菜)凍馬來白咖啡 +$10白胡椒肉骨油條 配白飯白胡椒味濃，大大條肉骨。凍冰糖檸檬薏米水

媽媽說好想吃沙嗲串燒，而我又很久沒有吃肉骨茶，所以就Google一下來了這間位於鰂魚涌地鐵站附近的蝦麵店。優惠套餐 - 「檳城路邊攤一人套餐」我立即選擇了《白胡椒肉骨茶油條配白飯 $82》白胡椒沒有黑胡椒那麼辣，味道很濃，入口很香，肉排多又大件，啖啖肉又夠嫩不乾韌，再加上湯伴飯，十分飽肚。可7選1小食 - 當中有沙嗲雞髀肉串炸雞翼和炸豆腐，款款都吸引但是最後我選擇了 《是日油菜》，因為決定另外散點小食。有菜有腐乳通菜，通菜都很嫩沒有渣。飲品配$15以下的，加$10可選配其他飲品。另外清淡的媽媽選了《豬骨湯底海鮮麵 $68》但媽略嫌太過淡口，我想還是吃喇沙比較穩陣。小食就點了《沙嗲雞髀肉串燒 $66/6串》雞肉大件，沙嗲醬汁香濃，十分惹味！必試！另外還點了《馬來香炸雞翼 $38/5隻》雞翼入味，香口有肉汁。餐廳比較早關門大約9:00，所以去吃晚飯的要早去，否則吃得很趕很趕！

點樣食推介✨💛良心馬里西亞菜💛💛鰂魚涌黃店💛蝦麵店 地址：鰂魚涌海光街11號漢威大廈地下3號舖濱城路邊一人套餐(包一款小食)🍖蝦肉肉片麵 $80 7/10鰂魚涌分店細鋪搬大鋪之後終於試到佢地嘅蝦麵🙈 唔好睇個湯底咁紅，其實真係1d都唔辣，個湯飲落冇想像中咁濃味，蝦味偏淡，少少失望🙈，而佢嘅麵都係摻摻，典型米粉同油麵嘅配搭，食落麵質冇咩特別🤣配料方面有豬肉片同蝦乾，肉片頗鞋，本身好似冇調味，要靠湯底吊味，蝦乾食落都冇咩味🙈 overall食落都尚可🍖沙嗲雞脾肉肉串(跟餐) 8/10雞脾肉肉質好腍都幾滑，店家一早幫你面頭鋪上滿滿嘅沙嗲醬，食落好方便唔洗自己點醬，沙嗲偏甜好啱我口味🤤🍖馬來香炸雞翼 加購$18 7/10普通炸雞翼，面頭有幾塊檸檬葉，但食唔到佢地嘅香味，不過不失嘅一道小食🍖凍美祿(跟餐)落美祿粉都算落得足料🤣，如果有美祿恐龍嗌就好回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)

以前位於海天堂對面的蝦麵店, 現在重出江湖了! 就藏在海光街的小巷裡.  今天小米在鰂魚涌公園玩樂過後, 就到此嚐嚐馬拉檳城州美食吧! 反正多年前已經很想帶小米到PENENG旅行.  食左就當去左旅行囉!!!      檳榔之城~檳城, 是我那些年的味蕾記憶. 想當年, 跟馬拉同學在GEORGE TOWN到QUEENS BAY大飲大食, 之後轉戰PULAU AMAN & PULAU LANKAWI再食.  希望今天能喚回檳城的味蕾記憶吧! 就座後, 以手機下單. 職員就問: 是否需要圍裙?  小米穿了白T SHIRT, 為保衣服雪白, 還是帶上圍裙吧!       蝦肉肉骨麵    應該叫做福建蝦麵搭肉骨一條吧! 以前福建人來到南洋, 把值錢的蝦肉賣出, 餘下的蝦殼蝦頭加入當地辣椒香料等熬煮的湯頭, 配上粉麵, 變成香辣版的福建蝦麵, 卻變成檳城名物. 這種蝦麵跟ASAM LAKSA在檳城多個排檔美食中心老是常出現. 現在就來試試是否接近味蕾的回憶.   嗅覺: 蝦麵呈上來, 就感到濃郁的蝦香. 用上大量蝦煮出來的湯底, 當然充滿蝦味!     視覺: 肉骨一條, 蝦肉, 甕菜和豆卜,