西貢餐室

营业中

休息中

大汗叠小汗， 終於找到這間慕名而來的小店， 朋友推介, 專登行去尋找美食 據聞老闆娘是正中泰國中部人， 老闆公是香港人, 非常健談, 所以口味除了非常地道外, 又啱哂香港人口味呢!老闆公推介 咸檸梳打 ~ 起勁地喝, Wowwww... 溶化了 果然無介紹錯!再介紹2款美食 ~ 泰式蝦醬炒飯, 很香濃, 放心, 不會太咸, 同樣可以大口大口地吃! 多痛快!再來推介的 “香葉炒烏冬＂, 因為烏冬本身沒什麽味道, 所以必須加入適量的調味酱料 但我稍嫌太油腻, 没法啦, 呢排小肚腩跑出來示人, 甘會嚇走人的

通常在假期的早上，都會來這間「西貢餐室」食早餐的。貪佢無外面茶餐廳咁嘈和咁多人。這間餐廳的裝修很簡單，不過就很乾淨。而且無任何油煙味，食完野都唔怕個身有陣味。餐廳的面積細細地，位置唔算多。室內有卡位、有普通檯；室外門位置都有兩張細檯，方便吸煙的又或者攜帶寵物的食客。早餐的選擇不算多，都係粉麵類和三文治之類。我每次來都係食粉麵的，今次就叫左豬頸肉墨丸米粉和熱奶茶。先講份量，無錯佢係比其他餐廳少，餸只有四片豬頸肉同埋一開二的墨魚丸。不過睇返價錢其實只是$26，仲包埋多士和熱飲，咁就變得抵食。至於味道，湯底有少少泰式粉麵果種味道、豬頸肉煎得幾香、墨丸和米粉正正常常，整體加埋合晒格。奶茶味道都過得去，唔覺苦澀，合格。咁樣佢都算得上係一個平、靚、的早餐，值得再幫襯多次。

我和老公最愛光顧住家味濃濃的小店人情味嘛 如今買少見少 要多多支持它們哩！我們覺得這家還不錯的小店 小店賣的是港式Crossover 泰式😛 因爲有位泰國媽媽做大廚這裡跟幾步以外的繁忙大街完全是置身於兩個世界🎩因為我不餓 所以點了一份咬老公幾啖 呵呵點了個餐 叉燒煎蛋飯配泰國咸檸梳打這個平平無奇的碟頭飯 充滿老香港的味道周未嚐到這 心情挺滿足的 🤭叉燒肥瘦適中 蛋煎得很香 燒熱過的甜豉油合併後成為我們的浪漫星期天下午茶

西貢舊墟大部分在開飯網中，仍有資料紀錄的食店，大部分都已經被我講過，剩下的大概只有兩邊入口的食店。向着天后廟的方面還有永和，向着對海村那邊就只剩下勝記和西貢餐室。至於西貢餐室旁邊那間餅店，恐怕短時間內還未有機會評論它，所以暫且作罷。說回今次的主角「西貢餐室」，其實它可能稱得上是，西貢墟歷史最早期的食店之一。早在西貢對外交通還未開發，新墟還未建成之前，「西貢餐室」很久以前已經存在於西貢舊墟內，直到現在。不知道「西貢餐室」是否曾經經歷業權變動（即是換過老闆），現在的「西貢餐室」餐牌比以前多了一些泰國炒粉麵飯菜式，例如阿媽特別喜歡點的「特式炒米粉」。我對「西貢餐室」觀感其實並非特別喜歡，應該說是，以前每次跟阿媽吃完「西貢餐室」，都要立刻跑回舖頭吃海南雞飯補數，因為「西貢餐室」的雞肉飯選擇不多，份量又偏少，每次都吃得不夠盡興。以前每次阿媽要吃，我的腦海就會出現，朝早TXB播出「救助兒童會」廣告的聲帶：「阿米拉想問你一個問題，可惜佢唔得……佢唔係受制於任何嘅嘢，而係佢……太、虛、弱、啦……阿米拉已經無力再問，再諗，有邊個可以幫到佢地，如果你可以，你……會伸、出、援、手、嗎？請幫助好似阿米拉一樣咁

要尋找隱世美食今次要入到黎西貢搵食今次經西貢地膽介紹穿州過省 攀山攝水入到西貢海鮮街入面一間巷仔搵到一間歷史悠久既餐廳「西貢餐室」-聽地膽講 基本上每一個住西貢既人都必定食過由於老闆娘係泰國人所以什麼金邊粉香菜炒飯都係佢既撚手菜而我地當然唔執輸 叫到一檯都係喇今次叫左「特式炒烏冬」「香葉炒飯」同「特色炒金邊粉」當然叫左泰國青檸梳打做飲料喇-三個粉粉麵都搵到一個共通點「鑊氣」而且有鑊氣得黎仲好好味雖然特色炒金邊粉旁邊會附上青檸但我個人認為最好食既係特色炒烏冬辣得黎又符合香港人既口味有少少甜但好重泰國口味應該落左好多泰國香料-全世界人都入西貢食海鮮既時候又有幾多個會專登走入橫街窄巷去嘗試真真正正既西貢人既美食呢-特色炒烏冬 HKD43 8/10 😋😋😋😋😋😋😋😋特色炒金邊粉 HKD406/10 👏👏👏👏👏👏香葉炒飯 HKD407/10 😚😚😚😚😚😚😚

本身住係天水圍區既我對西貢既野食認識唔多 好彩咁啱個朋友搬左入西貢先試到西貢既好野食 其實西貢除左比人一種舒適悠閒既感覺外都仲有好多正野食架😋😋今次就試左間好多西貢人都推既冰室間冰間細細地有4個卡位其餘既都係大台要搭台坐不過都唔會話好逼 一入去已經有陣陣小炒既香味😆❤️我地2個人都嗌左香葉炒烏冬($40)其實佢都幾大碟架，等左10分鐘左右就上菜嚕以即叫即炒既速度黎講都上得幾快 一放低已經覺得好香😍食落唔會話好油膩而且都加左d菜落去炒食落都幾爽口同埋有少少辣辣地(叫左少少辣因爲朋友話之前食過一次辣到飛起)好惹味而且d烏冬都吸曬d味食落都唔會話好咸😋非常推薦~但佢就唔跟野飲既叫左1杯凍檸茶1杯凍華田都要成$15一杯😵貴左d囉雖然都唔係超淡個隻 大家叫之前可以諗下先~不過d店員好好人又會記得黎開既客人口味 都幾有人情味👍🏻

上班日的早上，via 西貢，沒有直接轉車去將軍澳的一天，亦表示我會留在西貢墟，找地方吃個早餐才出城。本意是想看看著名的西式早餐店有沒有開，可是這天是西貢的平日，好多食肆原來因為沒有遊客的支持而於一至五不做早市。人在西貢的舊墟，總有地方可以找到食的，茶餐廳亦是墟內比較人頭旺的食肆。而是日，我的 2nd choice，就是很久沒有來過的老食店《西貢餐室》。是次的目的，都是簡單一份早餐，細心看看時，我有點驚訝，《西貢餐室》幾時變左主打泰式架? 而我面前的早餐 menu，都輕輕地令人感覺到泰國的味道。於是，我點了一客豬頸肉麵，湯底，是絕對無味的大光麵湯底，就咁加幾條蔥就完事，而豬頸肉算是香口的，但就這樣放上一個無味的湯麵上，味道散了，入口，只剩一個爽字。包一份多士，香脆，有牛油餡，感覺好得多....幸好奶茶夠香滑，不然，我自覺需要溝貨。已經不再是往日的味道了，簡單劣評算....

早幾日去完東南亞旅行之後，就念念不忘當地食物果種辣得過癮既感覺呢間西貢餐室，內裡平民風格冇乜裝修，反而係我鍾意之處第一次經過，見到泰式香葉肥牛飯已經覺得好吸引不過成日見入面座無虛席又驚真係得D葉乾爭爭唔好食所以連續幾日行過都冇入去今次，因為對附近另一間有得食東南亞野既餐廳有D失望，所以下定決心要入去好彩我十二點幾去，時間尚早，仲有好多位揀左卡位坐低後，見有「綠咖哩媽媽麵」覺得好過癮問下事頭婆，原來係湯麵於是我又問下我心儀既香葉肥牛飯辣唔辣原來係辣既！咁就岩晒喇，好想食辣野~！！！反而唔記得問係咪得D葉登登登登~~~好香既香葉肥牛飯登登登場喇！原來唔係得D葉XD而且唔乾~~一啖飯連送放入口味道岩岩好！辣辣地少少醬汁好惹味D肥牛吸晒醬汁D味好入味香葉爽爽脆脆咁mix埋好正~~食下食下覺得想要大碟D tim ar~雖然明知食得快唔係幾好但因為太好味所以幾分鐘之內食晒我見到隔離檯碟炒公仔麵好大碟架~另外我偷望到同檯有人叫左粟米斑腩飯無論汁定斑腩都好飽滿好吸引！點解汁係飽滿呢？因為杰得黎好有光澤

西貢餐室，從餐廳名字至其內裏裝修，讓我生出時光倒流的感覺，生活節奏也減慢下來。餐室位置頗位隱蔽，午飯時間也有不少街坊、「三行人」惠顧。除了一般茶餐廳提供的食物外，比較特別的是泰式食品。要了肉碎炒蛋飯和金邊粉，前者的炒蛋很滑口鬆化，頗有驚喜，只是肉碎不多。後者則需要大家的耐性，因為等了差不多...三十分鐘! 味道、口感不過不失吧。希望吃個簡餐的朋友可以一試，更可順道前往附近市集逛逛。

年三十, 因為國內長假期而得惠. 放一整天的假. 把老B交給爸媽繼續逗逗玩玩. 我們二人便出到來西貢, 行下, 看下, 買下, 同食下.把車泊了在海鮮街那兒, 齋妹說西貢舊墟那頭好像有不少茶餐廳, 建議入去那裡找找有什麼既特別的舊式茶記. 試一試.本來, 我們目標了一間半露天的茶餐廳, 可是人家年一早已經收了爐, 冇得食. 於是再係西貢大街走走, 一轉彎, 就找到呢一間舊舊地既茶餐廳. 擺明西貢招牌既西貢餐室.小小的店, 來者大多都是熟客仔, 西貢街坊. 年三十的中午, 坐埋我地, 整個小茶室已經坐到滿哂. 大年三十, 未加價既, 而且仲有套餐. 可是, 套餐冇乜啱食. 我們二人, 只好散叫. 想off menu叫一個羅漢齋什麼, 但廚房不願off menu做, 我們只好再看看menu. 找到一個菜甫煎蛋飯. 而我就另叫一個菜遠牛腩飯. 飲品, 就一杯檸茶兩個分.好多時, 茶餐廳都會飲品先到, 我們的檸茶首先送上. 近來飲多了檸檬茶, 發現好飲既檸檬茶, 不需要同奶茶一樣茶底勁厚勁濃. 用濃茶底開稀, 最重要是不能令紅茶擋了檸檬的味. 兩者得到平衡才是一杯好檸檬茶.