西貢德興麵家 (已結業)

去過呢間鋪頭兩次，兩次我個朋友都唔好彩，第一次去我朋友叫咗有雞嘅套餐，我問佢好唔好食？佢話好一般好一般我問佢點解好一般佢話啲味道麻麻地，我問佢係唔係啲肉好(鞋)？佢又冇答我總之話唔會再幫襯呢間鋪頭食雞，我食兩次都冇問題，最近一次我朋友叫咗個牛筋河，我差唔多食完個套餐，我見佢成碗河粉啲牛筋冇郁過，跟住我問佢點解唔食，佢話好韌根本食唔到，我同個阿姐講: 阿姐話換咗佢啦！我朋友話都差唔多食完喇！唔好換呀！咁我同阿姐講埋單畀錢點計？佢話要收全數，我就同我朋友講: 呢間舖頭你下次唔好再幫襯佢喇！

船河前急急整個出前一丁醒醒神先！Continue 出前一丁馬拉松，宵夜五香肉丁日版出前一丁，依家再黎早餐出前一丁！基本上每年只有夏天先見到我係西貢出沒，船河季節麻，最愛出海 relax，今次難得相約幾位老友齊齊食早餐，因為我多數獨行，機動力會高好多。今年市道好差又咩都加價，人工就無加，搞左幾次船河最好嗰次都要蝕 $2000 囉，陰功！太陽蛋腸仔雲南肉醬撈出前一丁，居然係麵底先到，其他咩都未到，連湯都未到呢！跟撈麵既清湯係用返原裝湯粉開既，好事黎既。但有無諗過用隻細過飯碗既碗子開一包湯粉會咸死架呢？深啡色既湯底，碗底都睇唔到，咸到飲唔到！落少少撈撈個肉醬麵算喇。劈雲南肉醬都超咸喎呀，應該係甜架麻？咸到頭痛呢！飲啖水漱漱口，三扒兩撥格硬倒晒落肚算喇，咸到拿住塊面呢！食完個超咸麵個腸仔蛋剛到，回一回氣先。炸腸熱辣辣送到，急不及待塞入口，又乾又硬，咩牌子呀？仲要激咸，想咸死我咩！咸咸咸，咸肉醬、咸清湯、咸腸！最正常最好食係隻太陽蛋喇，暖暖地，只係油淋淋囉！我都話走包咯，浪費食物。太陽蛋腸仔五香肉丁出前一丁，至尊咸腸硬腸既混合體，其實炸得香口又滾熱辣，但味道咁咸頂唔緊呢。太陽蛋好油啊，不過蛋白滑

西貢行完山～行到肚空虛😆回程唔知食咩好～ 的士司機推薦我地佢地平日既「飯堂」話選擇多～又經濟抵食～我地聽佢話～哈《 坐低我見有套餐～5:30pm食早飯先😁👇🏿蕃茄牛腩飯賣相都唔錯～個汁略浠～ 酸酸甜甜好開胃～ 牛腩炆得好淋👍入味👇🏿有一大舊紅蘿白墊底（1/4 )可能開胃～食完一碗飯都唔覺飽🙈😆而亞k就點左佢至愛既👇🏿牛肚河牛肚都炆得入味～爽口又彈牙👍總結：西貢茶餐廳推介😋

雖然趕住上船，但早晨大過天，食左先講。又發現得意野喎，炸醬出前一丁，試試先。今日好多食客啊，趕時間 9 點半要上船，搭枱都要喇，張枱已經勁細啦 ﹗爆醉聽唔到鬧鐘響添！我八點半先醒，梳洗去埋便便九點先上到的士呀！點都要食個早餐先上船啦！太陽蛋鴨胸酸辣炸醬出前一丁配厚多士，個麵又分開上。翻炸鴨胸片，油到不得了！味道都好香口，幾好味。太陽蛋無問題啦，厚多士我唔食架，如果知道一早唔要，好浪費。我仲以為咩炸醬，原來係潮式。個清湯原來係出前一丁湯粉，仲落埋生蔥添？唔洗掛。撈出前一丁都係第一次，又好味喎。麵質彈牙，酸酸甜甜肉碎幾開胃，辣就完全食唔到。

琴晚煲海賊王、Jo Jo 奇妙冒險到四點半，但 09：30 要上船喇！一落車見有位，急急倒個麵餐落肚先！依間即食麵餐好多新奇野喎，試你個太陽蛋肥牛腸仔出前一丁先！坐得唔係太舒服，方形木枱好窄，頂手頂腳。太陽蛋肥牛腸仔出前一丁，蛋同腸係另上喎。唓，出前一丁煮之前沖過水啦，放係室溫度會慢慢變腍，煮既時候會快少少囉！依家食落唔係太腍，但好粉口，溶溶地既感覺唔多好，完全無明火煮既味道！好似泡麵落滾水落味粉撈均上枱，煮都唔洗煮。肥牛一般貨色，腸蛋大路，問題不大，不過不失。都係落辣椒油救命，味道幾咸呢，辣就唔辣！

位於西貢的早餐熱點，我已經試得七七八八，不過位於大街大巷，位置當眼的，永遠是排在我 wish list 中的後端。這一天的早上，在沒有別的選擇之下來到了這《德興麵家》食早餐。可是大家不要混淆，西貢有兩家《德興麵家》，但是兩個不同的老闆經營，出品就各有各好。早上來到，牛腩未 ready，好多麵店為了多賺一點頂租金，店子用作炆牛腩的時間，就照樣經營，做茶餐廳早餐，能賺多點就賺多一點。是日的公仔麵早餐，是久違了的五香肉丁麵，不過，就小小的這一點肉丁，有少少貨不對版啊，說真就算是雙併麵，這肉丁亦的確少了一點，喜歡肉丁的我覺得不夠。我點的可以說是雙併麵，不過鴨胸是陪著牛油厚方包另上的，組合起來，五香肉丁份量少也是有他的原因的。鴨胸，油香味道好，雖是行貨但總算令我稱心滿意。方包牛油夠多，也是令人開心的。奶茶，不是很出色，香香地滑滑地已經是ok的。說出色不是出色，簡單的一個熱熱早餐總算是滿意的，始終早上的一餐，大都是吃飽就跑，夠溫飽就算。

為何晨早六時多便起床？事關全年最佳的行山季節又來臨了！繼今年五月份在西貢結束季尾的行山後，這次絕對是承接上季，開啟秋季行山之旅的第一站。行山前，總會吃一頓豐富的早餐，先為身體注滿能量，以備行山體能上的消耗。由於當天所預留的時間充足，就在西貢碼頭附近的食肆繞了一圈。看到德興的名字，心水清的老公即時想起同一條街的德興麵店，許多年前我倆曾在那店嚐過牛雜麵。看見人家坐在門口的露天座位享用早餐，這個天氣其實最適合不過。留意到在大門口的飲品牌子，列有珍珠奶茶、紅茶、綠茶、乳酸及玉露等，全是具有台灣風味的飲料，究竟此德興除了提供港式粉麵外，是否還有提供其他的菜式呢？早餐時段，只知道除港式粉麵外，亦包含了茶餐廳的早餐。沒有嘗試台式風味的飲品，還是要了較經典的港式餐飲。老公至愛凍檸茶，而我的心水卻是凍檸水。糖水是由小杯子另放，甜度可自行調節，做法較為方便。老公要了螺片出前一丁麵。麵條保留了爽勁，螺片也極為爽彈。再配上牛油多士、餐肉及太陽蛋，相當豐富。我最欣賞是熱燙和近乎溶掉的牛油，多士入口外脆內軟，牛油香氣鼎盛，是即叫即做才能嚐得到的新鮮度。老公稱雞蛋雖然細小，但蛋香不俗，而餐肉更比一般茶餐廳的較為厚身

呢日突然間好想食車仔麵, 於是就嚟咗呢度啦.入到去環境都算乾淨, 細細間, 好彩過咗午飯時間, 所以唔迫人, 都唔洗等位.啲丸好彈牙, 味道足; 個湯底好香, 但又唔會話好油膩. 啲麵都好煙靱, 唔錯.我坐咗好耐都冇趕我走, 都算係咁啦!

早幾年有私家車的日子,總喜歡在閒日往郊外跑,吸吸新鮮空氣又可以靜靜地一個人四處看.今日車是沒有了,但閒情仍舊,在牛池灣附近有專線小巴直入,既方便又快捷.第一站先來一碗牛腩粗,在西貢區吃好一點,看來是一點都不便宜, 二十五蚊一碗清湯腩不貴,湯色夠清,牛腩切得丁方,咬落夠稔,香料味足,半肥瘦腩肉,入口豐腴,其實真的不錯,但麵底就令人失望,鹼水味是一大問題,雖然未至於強勁,但比起一眾清湯腩店,華姐,大利或大埔群記相比,是相差不止一皮,又淥到發白,毫無彈性,下次再來,只好要淨腩.

一家大細到西貢,見到麵店, 念住吃碗麵,座下,環境衛生OK, 店內有小菜套餐,米線,珍珠奶茶,牛什,當然樣樣想試小菜套餐适合我,够清&咖啡香濃, 老公點佐牛什麵,辣椒油够香,聽講是老細自己炒.囡囡要吃雲南米線,無辣 米線軟硬适中,平日細吃的囡囡都可以吃晒.:味道總体OK.值德推介

回娘家食飯前沿路想找找東西吃, 看見這麵家便試試, 叫了應該是穩陣的牛雜米及他們所謂秘制豬手麵.... 可惜..... : -牛雜米 - 牛雜有點腥味, 而味道更有點印度/中東食物裡常用的香料味道.. 總之很怪. 湯底亦很稀, 總之不對我們的口味.秘制豬手麵 - 有秘制兩字, 以為實得, 怎知-豬手炆得唔夠稔, 味道一般. 唯一可讚是幼麵, 爽口彈牙 (可能因為它只說自己是"麵"家吧!!!)下次經過西貢想搵快野食, 都係麥當當穩陣D

As mentioned before, I still havent eaten any good food at Sai Kung, apart from McDonalds or Starbucks which is just the same as anywhere else.I havent been to Sai Kung for ages, but quite alot of restaurants have shut down, so hopefully the future ones will be better.This noodle joint serves noodles and western food.I ordered the sausage with egg, not really worth paying $45 for it, I knew I wouldnt be full after eating it but I didnt order the sausage platter for $52 because its my first visi