西關老祖 (文苑樓)

营业中

休息中

西關老祖🤘🏻｜佐敦 好味有驚喜 港式食物💕｜😚今次我哋喺附近買完麵包竟然發現一間都幾特別價錢有平嘅餐廳，佢哋主打係外賣嘅餐廳，我哋都順便買咗呢份外賣返屋企食🐷極黑黯然銷魂飯 $56呢碗飯真係冇得頂，首先佢上面嗰兩隻半生熟嘅太陽蛋就已經好吸引，啲蛋汁配埋啲飯同埋叉燒汁真係好正，非常之夾。佢啲叉燒都好正㗎，本肥瘦，但唔會話好油膩。配上佢甜甜鹹鹹嘅汁，真係未食過咁正嘅叉燒飯🐷炸黑毛豬肉粽 $45今次都係第一次食炸既糭，仲要係黑毛豬嘅糭。原來炸嘅糭都真係幾特別，外脆內軟，但唔會好油膩，配上辣椒醬同砂糖真係冇得頂，兩款都係唔同嘅感覺。🥘爆炒XO醬蘿蔔糕 $38我必須講，佢地既XO醬真係好正，真係好足料，有蝦米，瑤柱等等嘅唔同配料炒香而成。同蘿蔔糕真係好夾👍🏻XO醬怒炸金龍燒賣 $30金龍燒賣出咗名就係好食，佢哋將佢炸到外脆內軟，非常之煙韌。XO醬同燒賣都真係非常之夾，推介大家去試吓

正所謂「食在廣州，源在泮塘」， 而泮塘正是位處廣州西關， 這裡出名美食豐富，而且西關人對飲食很講究。。。你有沒有留意，之前有一套由張智霖主演的電視劇，叫「西關大少」， 裏面就feature了不少西關的老派飲食文化，例如飲茶時候的繁文縟節和禮儀等。。。 西關的名菜也十分之多，煮法、食法都很講究。。。不知道這和我們今天特地來朝聖的佐敦「八文樓亅 「西關老祖亅新派外賣店有沒有關係呢？ 剛巧店家廚師原來是一位長髮男仕， 我們姑且就偷偷在背後叫他「西關大少」吧！😂古法瀨粉 $25這個瀨粉，並非坊間一般的長條型幼身瀨粉， 而是有點像銀針粉的粗、短身瀨粉。 。。因此吃起來感覺厚實、很有口感。它不是爽口的那種粉、而是比較淋身的， 可以吸取很多湯汁。。。 另一個 店家的特色就是它的湯頭很濃稠， 可以輕易掛在每一條粉的上面， 湯的味道是以雞湯、冬菇、蝦米淆成的廣州傳統風味上湯， 簡單來說，就是住家的味道。。。西關大少很聰明，在湯頭和粉條上還加上了香辣菜脯和豬油渣吊味，因此吃起來時可以一直吃到一種油酥的香味；而且因為粉團結實的關係 ，吃完很有飽肚的感覺。。。 整體的感覺是「大碗夾抵食」、挺不錯的！炸。黑毛豬

今日我和朋友在佐敦辦事，之後他提議在文苑樓地下西關老祖買外賣返公司吃。朋友話西關老祖的小食有特色，既然他是識途老馬，今次便由他發辦。朋友揀了幾款此店出名的食物，包括極黑.黯然銷魂飯，炸黑毛豬肉糉和蘿蔔糕。第一次試，朋友果然好介紹，好食!極黑.黯然銷魂飯個名夠殺食，原來是自家製黑叉燒配煎雙蛋。叉燒肥瘦適中有肉味，配埋香濃的蛋液和有咬口的白飯，真的不錯。炸黑毛豬肉糉有特色，好正，將美味的咸肉糭提升了層次! 糭切成一塊塊炸香，加些白糖，入口吃到香軟的糯米，綠豆和肥美的豬肉，充滿口感和層次感，配一杯香濃的普洱茶更好!朋友知我喜歡吃蘿蔔糕，便叫了兩款給我吃個夠本。爆炒XO醬蘿蔔糕和煎老祖秘傳蘿蔔糕各有特色。朋友喜歡煎蘿蔔糕多些，尤其是加了甜醬更美味。我較喜歡微辣的XO醬蘿蔔糕。下次有機會去買一底蘿蔔糕孝敬媽媽，順手買樽自家製XO醬。見到店內宣傳有$28的全年糧尾套餐，包一款主食，兩款小食和罐裝汽水，真係超抵。良心小店，有創意，實惠好食，值得支持!

附近見完客，知道附近有間出名餅店，諗住碰碰運氣買比屋企人食點知見到大排長龍，於是喺附近行下睇下有咩好食竟然隔幾個舖位見到一間同側邊嘅舖頭對比係非常唔同，裝修較日系休閒風嘅店舖 ，非常突出同吸睛。好奇之下行去睇下佢嘅餐牌，見佢外賣好平，下次過開嚟一定試下！之後向店員問下個蘿蔔糕因為屋企人鍾意食 。知道有臘味，蝦乾同瑤柱之後都覺得幾吸引，再加上佢有用個陶瓷盤密封左 ，覺得拎返屋企都唔怕咁易變壞就決定幫襯。返到屋企拎出嚟睇，見到佢嗰包裝原來好穩陣，要讚下！煎到金黃色之後我同屋企人就開始食啦。煎嘅期間已經聞到好香嘅味道，同一般唔同，食落去臘味蝦乾同瑤柱嘅味道好香口，煎到外面少少乾脆身，配料十足又有d咬口，食落又有鹹香味，太好食！佢個蘿蔔糕比例好好，唔會食到好粉，又好怕好實蘿蔔絲嘅蘿蔔糕，佢呢隻真係啱啱好！煎嘅時候唔會散晒，食落又唔太粉又有蘿蔔咬口，好食到煎左一批都唔夠食！好彩佢份量夠多，估唔到反應熱烈，一掃而空，會再回購！

喺佐敦附近行過，見到有呢一間小店，見佢寫住古法瀨粉，就行過去睇一睇，發現原來佢都有蘿蔔糕賣。而且裝修簡潔，設計亦都好新潮，可以用自助販賣機購買你鍾意嘅嘢食。邊個話蘿蔔糕淨係中國新年先可以食？我就嚟要去英國，所以要食多啲香港本地可以食到嘅食物，而蘿蔔糕就係其中之一！非常掛念媽媽每年自家製嘅蘿蔔糕，用料十足，會落江瑤柱、冬菇、肥肉、臘腸、蝦米等。睇過食評見到呢一間小店佢哋買嘅蘿蔔糕亦都好受街坊歡迎，所以我決定要買一底返酒店煎嚟食當早餐。佢送一個保溫袋，入邊嘅蘿蔔糕係用真空包裝，感覺非常衛生乾淨，唔使怕有細菌。佢仲一用一個法式陶瓷盤去裝住，用完洗返乾淨可以用嚟裝其他嘢，所以價錢貴少少都抵返晒。俾大家睇吓佢個橫切面先，你見到有蝦米、臘腸、瑤柱、豬肉等，就同我媽媽整嘅差唔多，都係用心之作。一底切開，都差唔多總共有廿塊，分量十足。食蘿蔔糕就當然係落少少油、然之後將佢煎到四面金黃，外層脆脆，內裡軟熟。由於佢蘿蔔糕10分足料，所以食起嚟可以品嚐到蘿蔔嘅清甜香味，仲有嗰啲乾嘅配料煎過之後既香氣。本身諗住食幾舊，最後一次過將剩低同男朋友一齊食晒。我會好掛念香港嘅蘿蔔糕，包括媽媽牌同埋呢一間小店出品嘅！

香港街頭小食數之不盡 燒賣、魚蛋、雞蛋仔、格仔餅... 呢間西關老祖偏偏主打各款別具特色小食 融合創意與懷舊風味 裝潢簡簡單單 總共有兩間分店 因為禁堂食又住佐敦 於是就係嗌外賣試下😆😆😆西關瀨粉、炸黑毛豬肉粽、極黑黯然銷魂飯等招牌菜式誠意十足 大部分材料自家製造 好高質 更推出唔少現今已經近乎失傳自家出品 eg.蘿蔔糕、盆菜、黑毛豬肉粽 仲有賣唔同既醬料 e.g.菜脯、XO醬、辣椒油、豬油 零售產品非常受歡迎😄😄😄店內設有自助點餐機非常方便 接受以信用卡、八達通或電子錢包付款 雖然以外賣為主而 亦設有2-3個堂食座位😇😇😇極黑 黑叉燒(自家製)/斤 $138叉燒係五花腩 半肥瘦 煎得香口 口感爽 每塊有番咁上下厚度 非常足料 極黑原來係指甜甜地極黑醬汁😝😝😝

香港小食店一向係香港人嘅至愛，間中總會想篤返串燒賣魚蛋食，得知有間小店好用心做好呢啲小食，有朋友特別推薦法式陶瓷盤裝秘製瑤柱蘿蔔糕，我就決定買返份返屋企試下店主好用心用冰袋包好，就算天氣熱d都唔擔心食物變質，一拎出嚟見到用瓷盤裝嘅蘿蔔糕，比起膠製嘅環保，瓷盤又可以重用，之後可以再整其他嘢食蘿蔔糕面見到滿滿嘅瑤柱、蝦乾、臘味等材料。之後就要考驗我煎蘿蔔糕嘅功力啦。建議唔好切太薄，先燒熱煎鍋，再加油，等油熱左先放蘿蔔糕，每邊用中小火煎大約3分鐘，希望可以每邊都煎到金黃色，煎完就外脆外軟，蘿蔔好滑，可以按個人喜好搭配唔同嘅醬汁，個人喜歡搭配胡椒粉，更能帶出蘿蔔糕嘅香味今次食左蘿蔔糕，下次要再試下其他嘢食😋

極黑。黑叉燒飯💚💚💚💚💚啲叉燒全部半肥瘦➕埋秘制汁好好味份量唔少已經好耐冇食過叉燒飯🤪XO醬炒蘿蔔糕💚💚💚💚超多XO醬蝦米😝啲醬好入味好邪惡呀上湯蘿蔔🥣💚💚💚超級大碗😂連啲湯都可以飲埋冇渣，清甜黑松露炒蛋🍳🍳💚💚一打開就好濃黑松露味呢間嘢全自助點餐唔收現金的都幾方便Total夾埋咁多都係$150🤩

早兩日去渡船街食飯，經過見到呢間專做外賣嘅小店。醒起有朋友推介過佢嘅蘿蔔糕，作為蘿蔔糕控嘅我地當然順便買咗佢嘅老祖·秘傳瑤柱蘿蔔糕試下啦。 🥢🥢呢個老祖·秘傳瑤柱蘿蔔糕係陶瓷盤裝，真空包裝之外，再有個保溫袋入住，方便外賣拎返屋企。$168一盒，連埋個可以重用嘅法式陶瓷盤，好抵呀。一盒大約850g，兩個人食啱啱好，蘿蔔糕好足料呀，質地唔會太實或太淋，味道啱啱好。佢標榜無落防腐劑，我仲用咗牛油紙放響底煎，唔洗落油，感覺健康啲。蘿蔔糕控嘅我地覺得好啱口味，絕對可以番兜再食。 🍡🍡除咗蘿蔔糕之外，小店仲有古法瀨粉、黯然銷魂飯、炸黑毛豬肉糭、腸粉、燒賣、紅豆綠豆沙等不同小食及甜品。近舖頭門口有部自助販賣機落單，價錢好經濟。個晚都見keep住有人幫襯，都幾受歡迎。

🍜 佐敦 西關老祖之前去咗佐敦西關老祖食嘢，呢度主要係食賴粉同小食😽 咁啱見到佢有個蘿蔔糕幾出名，今次就專登買咗返屋企嘆🥳🥕🍰 老祖·秘傳瑤柱蘿蔔糕850g (法式陶瓷盤裝)個蘿蔔糕有超級多瑤柱、蝦乾，好香，鹹度適中，無論蒸、煎、炒都係咁好食！我就鍾意蒸因為最健康💓 加埋甜醬或者Xo醬都好好味😋 軟硬度都適中，易煎唔易爛👍🏻屋企人都話農曆新年嗰時要再嚟買，佢個包裝裏面有連埋卜卜紙，靚之餘唔易撞爛，非常貼心，送禮都好大方～

第一次嚟到位於佐敦同柯士甸中心嘅西關老祖 佢以外賣為主都有一個位可以慢慢坐低食嘢 小店亦有自助販賣機俾大家落order 炸黑毛豬肉粽 （$45）冇食過炸粽嘅我不得不讚佢炸得非常香口 即使過咗30分鐘行返酒店都能夠保持香脆 仲附上砂糖俾你點嚟食 鹹又得甜又得！爆炒XO醬蘿蔔糕 （$38）XO醬非常香辣 落咗少少已經好惹味 應該啱晒一啲重口味食得辣嘅朋友 方粒嘅蘿蔔糕更加能夠沾滿XO醬同埋炒得好香 鑊氣好重！金龍燒賣六粒 （$15）終於食到馳名嘅金龍燒賣 食落唔會太多麵粉 配上豉油一流 佢仲有炸嘅version不過我叫咗咋種就費事又叫炸燒賣啦🤣極黑黑叉燒飯 （$45）黑叉燒肥瘦適中 白色嘅脂肪部份配白飯真係一流 食落油脂滿佈口中好滿足！仲有豉油撈飯真係飽到上心口😄🤣

下午茶時間， 諗緊屋企煮出前一丁好定落街食野好。 不過見過街落緊雨， 又唔想食邪惡公仔面， 於是通過openrice 平台叫左呢間餐廳既外賣自取。提提大家， 如果想食呢間餐廳， 記得記得記得提前15-25分鐘落定order, 不然就要有企係門口等20分鐘既準備。一個顛倒我對瀨粉概念既瀨粉， 不過算唔錯好味， 建議大家試辣既, 不然味道會好啖。跟餐可叫一個小食， 因為我叫左兩個餐， 所以跟餐叫左炸燒賣同芝士薯條。 兩款小食都唔錯， 不過炸燒賣略嫌太多炸粉。但考慮到2個餐都唔駛90蚊， 連埋老婆阿仔3個人食都唔駛30蚊， 真心算非常抵食了

朋友介紹我黎依間非常適合外賣嘅小店，小店走懷舊加新派風，裝潢簡簡單單。  極黑●黯然銷魂飯：叉燒半肥瘦，煎得香口，肥肉同瘦肉一層搭一層，令口感升華咗唔少。而且每塊都有番咁上下厚度，非常足料。上面仲鋪咗煎雙蛋，白飯淋有醬汁，配搭一齊食唔會覺得單調。 西關瀨粉：第一次食依種瀨粉，有啲似狗仔粉但又唔係，瀨粉稠密，麵條滑嘟嘟。加入冬菇等等嘅配料烹調，令瀨粉更香。重點係豬油渣！一 定要加埋入去一齊食。 炸●黑毛豬肉粽：第一次食炸粽，仲要係第一次食用黑毛豬整嘅粽。完全唔覺得油膩，而且炸得夠乾，呈金黃色，外層仲帶有少少焦脆。糯米口感煙韌，用上黑毛豬就更健康，炸完肉質都冇受影響。餐廳事先將炸粽切件，方便食用，而且橫切面好靚好分明，見到金黃嘅糯米包住一大件黑毛豬肉。 臭草綠豆沙飲品：係夏天飲就最適合喇~ 綠豆沙清熱解毒，加入臭草可以消暑、去濕，大熱天時最好叫番一杯。而且好足料，綠豆超多，啖啖都飲到，眼見都佔滿樽嘅一半有多添，所以一定要拌勻飲用。 

西關老祖，位於佐敦文苑街，距離柯士甸站約5分鐘路程。餐廳以外賣為主，門面設計新潮有型，店內設有外賣自助點餐機，而且必需以電子消費付款，疫情之下減少接觸，確實值得大力支持。西關老祖以售賣傳統小食為主，當然要試一下秘傳瑤柱蘿蔔糕外賣回家，包裝非常精美，有西關老祖保溫袋加上陶瓷盤，送禮自用皆宜。一底蘿蔔糕大約可以分為12件，以$168外賣自取有9折計算，確實非常超值，蘿蔔糕非常足料，瑤柱蝦米蘿蔔絲，而且味道確實一流，遠一遠都值得支持。

平時好鍾意食蘿蔔糕既我 見到呢間西關老祖有賣蘿蔔糕 店家日日自家製蘿蔔糕 不含添加劑 亦都用咗可重用陶瓷兜裝住 加上真空包裝同保溫袋 真係好少見 落足本錢👍🏻環保之餘可以重用 仲可以用泥煮其他餸😍 一底蘿蔔糕有850g 兩個人食岩岩好！佢哋除咗蘿蔔糕之外 仲有招牌賴粉、油渣面、腸粉、小食 仲有特色嘅醬汁可以買！🥰價錢方面一啲都唔貴 20幾蚊已經大大碗好抵食😍舖頭出邊有部自助販賣機 細細地嘅空間 不過都好乾淨 以外賣為主！蘿蔔糕好足料豐富 有瑤柱、蝦乾、臘味 煎嘅時候落少少油就可以 唔會痴鍋底 蘿蔔糕唔會好粉 口感軟糯 容易切開 煎完出嚟仲要好完整 質地唔易鬆散 又唔會太淋 岩岩好👍🏻 味道比較鹹 不過呢個蘿蔔糕真係好高質 食完唔會頸渴😆📍:佐敦文苑街18號文苑樓地下18B號舖⏰:11:00am-8:30pm