角川

营业中

休息中

之前有好多朋友大讚大坑呢間日式居酒屋的起心肝一早book定位去試果真名不虛傳本身係一個芫荽控，去到就梗係要試吓出名嘅「豚肉芫荽卷」- 見到個樣就知道好堅，芫荽堅係超級多，足料又好味！芫荽控真係一定唔可以錯過呀「燒雞皮」- 又係超正，佢唔係就咁簡單一串燒雞皮，係一塊塊燒到好脆，脆到好似薯片咁，好impressive我亦都有試埋是日推介日本直送新鮮海鮮 - 粒貝、生蠔等等，刺身生食或者燒都係超鮮甜㗎！其他串燒，煮物都非常之有水準大愛關東煮同高野豆腐，連啲湯我哋都清晒呢間餐廳真係值得一試食得好飽大滿足！店員們又好風趣幽默，成餐飯氣氛都好好，好開心，身邊嘅朋友的確冇介紹錯

4個人想搵個地方坐低傾下偈，最終唔止傾得開心而且食到肚皮同心靈好滿足！一坐低就有兩個好熱情嘅店員接待我哋，見到我大汗就搵咗個冷氣位俾我吹返涼， 之後驚我哋凍又同我哋講可以校返高個風口位， 非常細心。 同店員落單吹吓水就知道佢哋係好有heart嘅人，推介我哋啱食嘅食物，又不厭其煩地解釋畀我哋聽因為食物即叫即燒，所以製作需時，建議我哋一次過嗌曬想食嘅嘢。落咗單之後其實都唔需要等好耐，就有啲小食慢慢可以上枱，一路傾一路食，根本就冇乜停過，當中有幾款嘢食簡直好食到反眼，店員又會得閒過嚟睇下我哋食得開唔開心，繼續吹下水氣氛超好。我哋食咗好多嘢，由七點坐到十點，樣樣食物都feel到好用心製作。臨走之前店員不忘提醒我哋，下次如果再想過嚟食，星期一至四就可以早一兩日訂位，如果五六日就要早一兩個禮拜，如果唔係好難訂到位。如此高質嘅黃店難book位絕對正常，所以將來都會盡量一至四過嚟幫趁，希望如果佢哋做團購我都可以幫襯到就好啦🤤另外想講有時入到啲黃店，啲歌都唔係好啱聽，不過角川嘅playlist係首首歌都好啱聽，有時傾計傾到某啲題目，再聽埋啲應景音樂，真係好感觸。幫襯一間黃店又有質素、又有態度、又有hea

大坑出名多野食，早輪揾下揾下揾到呢間串燒好多好評，就趁happy Friday 去燒燒佢。明明OpenRice 見到係有電話訂座，諗住打去book 位啦，接電話個staff話：逢星期五六日無得book架wor 只限walk in。Well, 咁OpenRice 資訊唔一定岩既，店員講既野實準確啦掛？唔知個店員係咪打緊幾份工呢，又真係完美地俾佢fake 左喎。今日我專登放工準時走打算早d 去等位，點知去到：staff：你無book 位呀？無book位無得食架wor我：下？我琴日打來問過你地有無得book，你地話逢星期五六日無得book，叫我walk in 架wor！staff：你係咪肯定打我地電話呀？我地叫「角川」wor「角川」wor，你睇清楚係咪打來「角川」wor （然後一臉覺得係我打錯電話，所以先搞到來到摸門釘既樣同態度）我：呢個電話呀嘛，openrice 有架wor 2253 6608，record 都比埋你睇喇staff：呢個我地總機電話，不過都會飛過來我地員工手提，總之我地呢度一定要book位先有得食，無book 就無得食，下次book 都起碼要預一兩個禮拜之前book 定（佢

上星期五朋友幫我慶祝生日，佢同我都鍾意食串燒，所有睇左上網既comment最後黎到角川，本身都冇話好大期望，主要係想支持一下良心小店。 最後我先發現，唔係我去支持佢，係佢真係好值得去食🤣 我地食左好多野食，每樣食物都好好味，而每樣野食都令我覺得好滿足，好似豆腐，雞皮餃子，燒鱔，扇貝同牛舌，基本上大部分食既野我都覺得好好味😋除左野食之外，老闆都好好人好好傾，大家都係有良心既香港人 高質小店，值得支持，最後我都同老細講，我會再黎既！

最近晚市重開，所以特登返黎呢間淨係開晚市的隱世居酒屋「角川」，再一嘗高質日式美食，當中推薦必試的高野豆腐同雞皮餃子。高野豆腐 $48上次已經試過，今次繼續保持超高質素，豆腐好似海棉咁吸收曬d湯汁，咬落去又會即時爆汁，果然係鎮店之寶。雞皮餃子 $68用雞皮做餃子皮夠曬特別，雞皮香脆，食落非常之有口感。極上牛小排 $198肉質嫩滑，牛味濃郁，唔使點芥末都好食白鱔 $48燒得好香口，食落夠彈牙，少少調味已經好好味扇貝 $58。蟶子 $88食材新鮮，醬汁調較得岩岩好，不過份量唔算多。蘋果汁 $18 鮮甜，有蘋果香氣，多冰，但冰溶左杯果汁都冇變淡值得一提嘅係，老闆服務周到，幽默風趣，推介嘅野食都好正！如果想去食好野，記得預先訂位，因為餐廳比較細，好早滿座

今日全家人黎左角川食dinner, 今次唔係第一次黎了, 之前都黎過好多次, 食物質素保持得好好！仲要每次都有驚喜(好味果隻), 首先佢個煮豆腐係必試! 我地每次都一定會叫！熟得超級入味, 鮑魚 聖子好新鮮 又煮得岩岩好 味道又調得好! 講返佢個熟螺同蜆 又係一流 好入味 味道又調得好好. 用料食得出好新鮮, 另外個玉子好特別 有酒味的 但又好夾 好有日本風味. 我地試左佢一支清酒, 介紹得好好 又唔貴 飲落好滑, 加埋其他美食 送酒一流 特別係雞皮! 超夾! 仲有一樣係必試 就係蕃茄酒 超特別又好飲.另外員工服務超好 又好傾！ 整體10/10 滿分 好食又唔貴 價錢超合理 下次再幫襯!

人數：4人 時間：19:00 食評： 「肉類」厚燒牛舌 口感彈牙；串燒調味 略有不足「小食」高野豆腐 鎮場之寶  「湯品」豚肉薄切 入口即溶 但準備時候較為長 雖注意 「飲品」清酒提供數量凡多 但價錢略為進取 「服務」地方較為狹窄 若全是男生 較建議在外取餐 亦可欣賞街景｛性價比｝$300/人 ｛評分｝85/100分

💛💛黃店💛💛呢間位於大坑的日本居酒屋🏮，如果一大班朋友黎就要坐得親密d。黎之前記得book定位📞老闆好nice，向我地介紹咗3款必點料理，又真係幾特別🤩🤩🤩——————————————————————🧡高野豆腐 $48熱辣辣的豆腐的口感似豆卜，好似海綿咁吸收晒湯嘅精華，一咬入口會爆汁。湯甜甜地，忍唔住飲哂😂😂😂🧡雞皮餃子🥟 $68我平時都唔食雞皮，但今次見老闆推介，就毫不猶豫試下。廚師用雞皮代替餃子皮，口感很特別。 雞皮煎至金黃色，入口脆卜卜有彈性，比起用普通餃子皮咬落更有口感。🧡蘆筍豬肉卷 $48呢款係用一片薄薄的豬肉包住新鮮嘅日本豆菜苗。雖然唔係啖啖肉，但豬肉味非常濃又有好多菜苗🌱🌱🌱有種好fresh的感覺

在收音機聽到介紹，再在網上看評語。專程過去試一試，果然不負期望。好有心好有質素的居酒屋！老闆都很健談，像朋友一樣介紹不同的菜式又分享不同的經驗。點飲品時介紹了一款日本黑啤，入口滑溜不澀，沒有拍照，但好喝！

店舖有d細，我地一行4人，坐落有少少迫。不過環境唔錯，有好多為香港年青人發聲既文宣。音樂有d大聲，傾偈要較大自己音量😅食物方面就好滿意我地叫左7樣野佢個煮大根好甜，無渣，煮到好林高野豆腐亦好正，有咬口得黎，吸收唒d汁，男女都會中意串燒我推薦燒白鱔，外皮酥脆，魚肉juicy而不失彈性燒鰻魚個汁好正，唔太甜，同樣燒到皮脆肉嫩豚肉鍋等待時間比較長，但分量足3-4個人，豬肉好香，肥瘦分明之後仲叫左雞軟骨，牛舌，不過不失最後食埋個雞皮餃子，入面好足料，熱辣辣好味

串燒有驚喜，雞肉棒值得一再encore; 清酒選了君の井 山廃 純米 無濾過 壱度火入れ，中辛，乳酸感，淡中濃，後段富清脆米旨香，輕易配撘不同串燒。君の井 山廃 純米 無濾過 壱度火入れ君の井酒造產地 新潟県妙高市使用米 新潟県産米精米歩合 65%酵母 --Alc 16%日本酒度 --酸度 --冷飲

Friendly staffsTasting and creative menuReasonable priceUnexpectedly delicious foods. It was difficult to me to say which one was the best because all of them were GREAT, even though on the very simple Green onion. I wondered how did they grill it. It was so crispy, refreshing and sweet.

話說琴日咪去咗大坑嘅🐥其實晚餐我食咗我好鍾意嘅一間日式黃店❤️喺正大坑嘅中間叫做角川你間野係食日本串燒嘅仲有啲小食鍋物 其實我前排先至食過但係我又好想帶肥仔去食喎🤣肥仔食完都話嗰個高野豆腐真係不得了地好食👍🏻👍🏻👍🏻 佢嗰個豆腐嘅質地同埋嗰個湯就真係配合得天衣無縫 我好難解釋俾你聽 但係我食到日本嘅味道😍 另外嗰個雞肉棒都好唔錯 點蛋黃汁簡直係一流👍🏻 我非常鍾意嗰個小甘薯佢呢有一個好特別嘅醬汁令到個小甘薯更加好食😚 性價比最高一定係嗰個粟米$28有成兩大條😂😂 相比起性價比最高一定係個秋葵都係$28不過得五小條🤭 今次試埋個海鮮烤鯖魚 好老實講我覺得呢間嘅海鮮性價比就麻麻哋😯 $58唔係話真係好好食 上次食嗰個油甘魚鮫都唔係話好好食 所以我下次再嚟食應該會食所有海鮮以外嘅嘢😬😬😬其實淨係個高野豆腐都足夠我哋食好多好多次❤️❤️❤️

去咗食大坑嘅日本料理角川第一次去 好有驚喜呀 😍😍😍角川係一間黃店嚟嘅 店舖周圍都貼左連儂牆啊支持香港嘅標語啊等等 侍應服務非常之好 不時會同客人傾偈😬有串燒有鍋物有酒飲細細間店乜都有 好有日本居酒屋嘅感覺❤️我特別推介佢嘅箱根豆腐 真係好好食👍🏻👍🏻 豆腐質地好特別仲吸晒啲湯汁嘅味道非常之入味 日本小甘薯都好唔錯🍠🍠 有牛油味同埋佢個醬汁係自己特製嘅 香得來好特別免治雞肉腸真係不得了🤩 非常之大分 調味亦都係同出邊嗰啲唔同 有少少漢堡扒咁樣嘅感覺 好香口好好食😋😋嘢飲方面呢佢有個自己調製嘅梅酒我都好推薦啊🙆🏻‍♀️食咗好多嘢買單都只不過係三百幾蚊一個人總括嚟講呢間鋪頭10分我比8分一定會再幫襯🌹🌹

很不錯的居酒，位置位於大坑。環境乾淨企理，服務很好。老闆人好nice會主動推介，食物上菜後會確保適合您口味。高野豆腐和豚肉豆苗卷都是老闆推介。高野豆腐吸收了湯汁，十分美味。豚肉豆苗卷十分可口我和朋友胃口不大，所以沒有點鍋物。但鍋物份量十足，下次絕對會嘗試。環境希望適合聊天而且可以邊喝酒邊聊天邊吃串燒。總體而言，十分推介角川。期待下次再光顧。我和朋友都渡過了一個愉快的晚上。絕對適合喝酒聊天，吃宵夜晚飯。