詠藜園四川菜館 (已搬遷) 新店位置

必點招牌擔擔麵麵條彈牙有嚼勁湯頭濃郁花生香去過黃埔的詠藜園多次，一直都想試這歷史悠久的總店。有天決定將工作放下，放空一下，便來專程來一試。店內漂著老店的氛圍，光猛整潔，枱與枱之間有足夠距離，令人坐得舒服。餐牌的菜式好像比黃埔店選擇多。我選擇了「招牌擔擔麵」(加辣), 豆漿與及和川菜完全沾不上邊的「咖哩魷魚」。咖哩魷魚是冷盤來的, 份量不小。港式咖哩膽調制得很不錯，下了點辣椒來提辣但不會諠賓奪主，咖哩的香味仍然相當突出。招牌擔擔麵的麵條彈牙有嚼勁，有麥香，掛湯力一流。湯頭富有濃郁的花生香味。蔥，榨菜和小量辣油既開胃，又令味道層次特別豐富。我忍不住把整碗湯喝完。相信喜歡吃日本博多拉麵的朋友必定會喜歡。友善的姐姐推介的豆漿果然豆味香甜，感覺上是真材實料的自家製豆漿。餐牌上看到多款冷麵，吸引了喜歡吃中華冷麵的我。一定會再來試冷麵，大鹵麵和青椒焗蜆。

招牌擔擔麵❤️依個招牌擔擔麵真係十分正😙濃濃花生醬加長花生粒再配上小辣嘅湯底幼麵仲好易掛汁推薦大家黎食啊📍詠藜園用餐價錢:以下評分，五💛為最高味道:💛💛💛賣相：💛💛💛環境：💛💛💛價錢：💛💛

留意‼️‼️我食到一半先影相，所以份量不是重點。本身冇諗住寫食評，但食食下真係覺得無奈。服務態度不錯，會即時留意到你個杯入面仲有冇茶，走黎添。但係食物質素真係會令我大為卻步，我試過一次就算啦。不過值得一提既係擔擔麵，算係呢一餐我食過最好味既野。湯底不錯，但略嫌花生味不足。不過其實表現平常，但真係沒有對比沒有傷害😹另外無關食物事，不過都講下。我去去下餐廳廁所嗰陣，有隻甲由爬左出黎，不斷爬黎爬去，我勁驚。

今日好想去位於黃大仙的「詠藜園四川菜館」食晚飯，個人認為這家比較好食，特別係鳳尾魚，蒜拍青瓜都非常出色。疫情下座位要隔開空間感比以前寬鬆得多。對老闆來說當然賺少左，對我們當然是食得輕鬆食得自在。🥢鳳尾魚酥香脆口甜甜的連骨都可以入口，鳳尾魚不是每間京川滬菜館能食到的，相比燻魚我比較喜愛食鳳尾魚。🥢蒜拍青瓜上檯時第一眼見到外型直覺不太入味，拍得太大件了，但試過後要收回我剛才直覺，是爽脆清甜入味的，真的第一次食到如此清甜爽脆蒜拍青瓜。👍👍👍🥢韮黄炒鱔糊叫錯了韮黄雖然韮黄比較香但好癡牙，銀芽炒會爽口一點，鱔糊好肥美甘香，醬汁都很惹味。🥢酸辣湯材質豐富有粉絲、木耳絲，豆乾絲、瘦肉絲、冬菇絲同紅蘿蔔絲，條條幼細酸香醒胃。🥢擔擔麵水準有保持，蔴香撲鼻麵條軟中帶根有口感，配上肉末川冬菜花生醬，味道濃郁帶香辣越食越想食。二人同行，埋單 $285 相當抵食。特別一提位男招待員好有熱誠，招呼快有禮物，其他姐姐要多學習。

以前係黃大仙讀書，lunchtime都會黎呢度食午餐，佢既擔擔麵係我係香港食過性價比最商～花生醬香濃，麵又爽滑～價錢仲要唔貴～今日過開黃大仙，又再黎呢度食返中學既味道～我同朋友入到去餐廳，職員好友善，介紹我地有咩拿手小菜～因為今日天氣熱，我地今日無食擔擔麵，反而食左瑤柱金勾拌麵。我地仲叫左韮黃鱔糊，點心就叫左煎餃子同小籠包～瑤柱金勾拌麵幼上海麵加埋蝦米同乾瑤柱，配上微辣醬汁，十分惹味～夏天食香口得來又唔膩，正！韮黃鱔糊好大碟既韮黃鱔糊，因為太香又太餓，食完先記得要影相；鱔爽口彈牙，醬汁香濃，大碟抵食！煎餃子外皮香脆，入面爆晒汁！外脆內軟！不得了！小籠包小籠包入面充滿湯汁，湯汁香濃～加埋荔枝醋提味，好好食～P.S. 職員好殷勤係咁幫我地加茶，服務一流！

今日同朋友3人一早約好去食飯，一進入一名女侍應就安排坐細圓枱，我們覺得張枱有啲細，並同女侍應表示想坐張大圓枱，跟住個女侍應就話你們想坐邊張，其中一個朋友就話要大圓枱，之後女侍應就講了一句（你哋搞到好似揀樓咪），我即時問佢你咩態度吖，最終都坐在大圓枱，大約16:50左右另一名女侍應走過來問，下午茶餐就要即刻點馬上夠鐘啦，我們即時明白點解咁嘅態度對我們，原因係以為我們係要點下午茶餐，之後點了6味餸，啲嘢樣樣唔係甜就係超鹹，第一次幫襯都係最後一次幫襯，因為態度太差食物一般。

今次第二次食呢間川菜 不過無食辣野 都係食上海野為主 個小籠包都唔錯 雲白肉意外地一d都唔辣 雲吞雞湯真係要試試 炸春卷都香脆 總體來講 食物都okay 既 只係環境迫左d 😬😬😬

去完迪欣湖，到鳳凰村食上海菜，家人喜歡這間店的擔擔麵，但我印象一般，今次來又一次印證我的記憶。.雞絲拉皮 | $68麻醬味好鹹似加了醬油，吃起來一口醬，沒有麻醬味。粉皮份量偏少，雞絲粗身，這個價錢可以有其他選擇。脆皮素鴨 | $48腐皮炸得好脆，但碟底好多油，脆皮背面沾著很多油饀料有蘿蔔絲、木耳絲等，點些喼汁可以減輕它的熱氣感。擔擔麵 | $31麻醬味道香，小辣味道幾惹味，麵條爽，雖然沒什麼花生或肉碎，但價錢便宜可取。環境好迫，枱與枱之間靠透明膠膜阻隔，但又因為是圓枱，所以有些位置沒有完全阻隔到。衛生一般，枱上放置了兩碟花生，店員把花生疊起來收起，變成碟底碰到了另一碟花生。

呢幾次來都覺得味道變差了雞絲粉皮 - 個汁好咸，雞絲不是一絲絲，食完半碟雞肉都見唔到粉皮咁滯⋯想食雞絲粉皮，唔係食雞肉擔擔麵 - 唯一仲keep 到水準素鵝 - 一上枱，已經見到碟底超級油，食落口入邊啲餡全部都係油浸咁小籠包 - 皮太厚，肉同肉汁都唔太新鮮，個餡調味調得太甜今次食完幾失望，希望質素會有改善啦！

這詠藜園，我從鑽石山大磡村老店幫襯到這第二代的黃大仙店，吃了四十多年，水準不錯的。上年新冠初期來吃便覺得醬汁味道不一樣了，小籠包肉有雪味，擔擔麵又不好吃，很是失望，便沒再來。今天很想念這里的鳳尾魚，便和太太來吃個早午餐，十一点十五分進店，巳有二枱客人了。坐下便點鳳尾魚，可惜厨房還沒預備好。便點其他菜式吃住等。前菜是店家自制魚皮花生，香脆好吃，埋單後，太太也用30元買了一包半磅回家。紅油抄手－ 外觀不錯，豬肉新鮮，餃皮滑溜。紅油汁比以前清淡，濃濃芝麻醬的味度，拌以青䓤蒜泥，好吃。回鍋肉炒年糕－ 醬汁全掛在食材上，年糕軟糯，入口便是豆板醬味道，可以了。酥炸鳳尾魚－ 期待以久的必吃招牌菜，大盤的鳳尾魚一放上凉菜架，老板便端上一碟给我們，這服務態度便要給個讚。魚上桌還有點暖，入口帶甜微脆。但放凉後，入口酥脆，十分之可口好吃。一年沒來，今天點了三個菜，水準好像回復了。過二星期再來吃些上海點心和鎮店改良擔擔麵品評下。

我個人超級鐘意食小籠包。繼上星期係新蒲崗搵到間好好食既小籠包上海食肆，今日再出發去搵好食既小籠包。知道小籠包係呢間食肆嘅招牌，特地過嚟黃大仙一試。一籠8隻，外表同出面的小籠包差唔多。但皮太厚，無麥肉汁，真係唔明點解咁多人推介佢個小籠包。另外，試埋另一招牌菜-擔擔麵。麵質正常，湯底唔夠香濃，肉鬆得好少，少辣係等於唔辣，完全無辣味。無麥擔擔麵應有既特色。再叫左個酸辣湯鍋巴。上菜時熱辣辣，酸辣湯唔酸又唔辣，食完一啲都唔覺自己食緊酸辣湯咁。鍋巴微暖，好脆口，不過一啲米香味都無。見間鋪頭都幾多人黎，有兩枱係日本人，以味道黎講，唔明白點解吸引到咁多人黎食。食過一次，真係唔會特地黎。

由細食到大的上海鋪 ，以前個個星期都一家人黎食。 現在到佢轉咗手俾個仔 唔知係咪換個啲廚房師傅， 啲餸菜越來越差！ 特別係佢個碗所謂的招牌擔擔麵🤦🏻‍♀️ 又淡又冇料， 以前都仲有啲肉碎現在真係得啲湯同冇口感的麵😡 一點點辣味都無！ 最慘係份量少咗， 我平時食一碗都好飽， 今次食完完全好似冇食過野咁 搞到我到去其他地方再食過仲有碟手青瓜 真係青瓜味 3十幾蚊得幾舊！ 明明係一間老字號的上海菜雖然以前都唔夠美味齋咁好食， 但冇諗過會差成咁🤦🏻‍♀️唔會再去食了！

We came here for a late lunch after hiking Lion’s Rock and were pleased to receive excellent, appropriate recommendations from friendly, thoughtful staff. Would highly recommend - superb value and delicious meals. We ordered Dan Dan noodles, dumplings in spicy sauce and spicy green chilli (definitely a theme!) and it was all delicious.

難得相約朋友到黃大仙，搜尋OpenRice search餐廳因為朋友鍾意食中式嘅所以就揀咗呢一間見到食評有二百幾個like咁抱住一個搵到好嘢食嘅地方嘅心態去，由地鐵站行上去大概10分鐘左右到步，一身汗水一到步入到餐廳即時點餐，招牌嘅擔擔面第一啖落口好乾啲面好冇咬口，就好似橡筋咁但係係咬得斷嘅橡筋囉咁呢碗面係分量十足嘅但係因為啲面多啲湯少，食嘅時候最好將啲面壓落啲湯度浸一浸如果唔係面嗰啲面冇浸過湯都幾難食一定要點下啲湯先好啲，以擔擔麵嘅質素來講呢個係屬於中下，另外有一個雞肉絲粉皮，個味道簡直係惡劣因為完全冇味道雞冇雞味啲汁又係冇味粉皮唔使講啦不嬲都冇味㗎啦咁總之成碟野都係冇味道！！有一種伏都唔伏嘅地步⋯⋯價錢應該係$68左右，個人建議真係自己加豉油加辣椒醬會有返啲味道，另外點了一碟鍋貼及素菜包，由於先食頭兩個唔好食嘅之後嚟兩碟都已經帶着無驚喜嘅心情下咬一口鍋貼，反之有些驚喜鍋貼啲皮煎得好脆卜卜好香，肉汁同餡料都好食，令到心情回復返安慰嘅感覺⋯⋯正想reorder多一份跟住接着嚟一個素菜包我同朋友試吓一口大家又回復返一個冇心情想再食嘅地步⋯⋯素菜包裏面嘅餡比較少包好大好似食緊一個好乾嘅饅頭

哩間真係由細食到大，佢個擔擔麵有幾款，一款叫改良版擔擔麵係無咁辣但同時又保留到擔擔麵既麻醬香味，回鍋肉炒得夠鑊氣，其他基本上海都係份量十分，而我最愛既炸素鵝係即叫即炸，個素鵝炸得脆卜卜。價錢相比大集團既上海菜館絕對係抵食，店內都係有好多傳統既菜式可以選擇，價錢同份量質素完全係成正比，絕對係鍾意食上海菜既你一定要試🤞🏻 服務：⭐️⭐️⭐️⭐️價錢：⭐️⭐️⭐️⭐️⭐️食物：⭐️⭐️⭐️⭐️⭐️性價比：⭐️⭐️⭐️⭐️⭐