豆花妹撈米線 (已結業)

之前已經有fd提過尼間米綫好特別又好味，於是乎外賣一份黎試下。Fd教我話食之前先撈均所有配菜同米綫甘樣麻辣味就會好濃郁。另外豆花既口感好滑好綿，米線口感剛剛好，不會過軟也不會過硬。一開始都唔覺得好辣，食完個辣勁先慢慢出黎。整體不錯既，如果米綫可以彈牙D會更好。

之前看電視創業節目認識了<豆花妹撈米線>，吸引我一直很想試試這間米線店，直至早幾日經過旺角見到有分店，上前一看套餐在下午茶時間有都算抵食，就跟朋友一人點一個套餐試一試。我點的是一號套餐，有豆花米線、細杏鮑菇及特飲一杯。細杏鮑菇，新鮮炸起熱辣辣，很像在台灣吃到的鹽酥菇一樣，咸咸的好香口，不錯。飲品我則點了豆花奶茶，奶茶味很淡也不夠滑，有待改善。主角豆花米線，我加錢要多兩款小食，有腐乳雞翼及麻辣雲耳仔。腐乳雞翼好入味，外皮夠脆襯熱食會有外脆內軟的口感。而麻辣雲耳仔，麻辣味夠香又濃，又爽又脆口。吃米線之前先撈均豆花、花生、芫茜及炸醬等等配菜，麻辣味好濃郁，配合滑滑的豆花口感層次分明，非常惹味。而米線偏淋身，整體不錯的，但個人認為如果米線可以弄得彈牙一點就更美味了。

食完肥姐小食店有少少口渴，沿登打士街行行下見到之前於某電視台節目「我要做老闆」勝出之豆花妹撈米線，開完一間後，好快就有好多加盟店，現全港已經有八間，但好食與否.........其實我只係想飲杯嘢，見到百花果子汁只賣$8，試一杯啦，不過都等咗3-4分鐘，但其實只係加冰、加菓子，再響部機㩒果汁出嚟，我之前只見有兩杯飲品出過，但店內有4個店員，我只係飲到甜甜地，飲管夠粗身，可直接飲到菓子，有啲係似啫喱、有啲QQ啲，兩啖飲哂，夠凍算合格啦！

我一直都想試豆花妹撈米線，今日終於有呢個機會！ 呢個米線由兩個年青人參加TBB既創業節目所開既，直至以家已經有6間分店，其實算無一個創業成功既例子啦！黎到豆花妹撈米線當然試豆花撈米線 =] 一個套餐加野飲就33, 其實會覺得都唔算平，仲要無位錯住食，但當你收到食物個時就會覺我幾抵！ 因為真係妹足料～野飲仲要係特飲，雖然本人就覺得有少許偏甜，但配合米線飲就甜度還可以，但下次再食就記得叫少甜！配料叫左甘薯條，其實就係炸蕃薯～ 甜甜的，非常可口，份量亦多。至於朝牌菜，撈米線，我亦覺得很不錯！配肉碎同一D花生、”言西”、豆花、蔥，混合上黎食，味道咸道剛好，亦有去食雲南米線既味道，少少咸得黎帶點微麻辣，由於本人都叫做食得下辣（譚仔小辣的常客）～所以如果辣多少少就好，不過老闆應該覺得唔係人人可以食得辣，所以先唔會咁辣～不過既是如始，如果帶得自己揀選辣度會更好，迎合不同人既口味～至於豆花，我亦覺得好新鮮，當食到帶點乏味既時候，食一口，就會感到好清新，因為係冷既味道又偏淡，所以一啖豆花一啖米線，又唔會覺得厭啦！

未試之前睇過電視既節目介紹 呢間豆花妹 星期六行街經過就買黎試下由於係旺角既關係 得企位  如果唔想企就要自己搵地方坐底食一行兩個人叫左兩個套餐  下午茶價33及37 有撈米線/小食/野飲  都算OK牛尾撈米  好濃味不過汁都偏甜 如果無咁甜會好D 同埋都幾似食緊西餐豆花撈米 , 唔係太過特別 豆花溝埋麻辣米線 食唔到豆花有咩作用兩款小食 脆薯同埋杏包菇  表層既味粉都幾惹味  炸得適中 唔係太乾兩杯野飲普通水準

之前睇電視都知呢間好紅之後係第2到食過抄佢嘅豆花米線又油又難食搞到我一直都唔敢試呢間正宗嘅豆花米線終於琴日去左試辣味確實唔足夠比起平時去米線舖嗌重一個辣度先勉強夠辣而豆腐花撈完其實都唔多覺佢存在醬料唔錯 濃淡適中份量方面幾好 細細碗咁食完仲可以繼續掃街

由於TVB的關係，「豆花撈米線」在之前的確紅了一陣子，連我沒看節目也知道它的名字。現在熱潮過去了，在街上偶然走過才發現這間舖面稍大的店。人是有好奇心的，當聽了眾多市民說「好吃」後，我總是「心郁郁」想試，可是又沒機會，每次經過其他分店，不是吃飽了就是沒心情，剛好這天正餓着，但又沒什麼特別想吃，就給它一次機會吧！呆看了5分鐘，有牛尾、牛肉米線等等，但我想先嘗嘗它的招牌---「豆花撈米線」($19)，因為配搭夠新鮮，從未聽過！由於受眾人吹捧的關係，我也抱着一點期望。瞄了瞄收銀處下方的tips~原來可以選辣度、咸度的，可是點餐時服務員並沒有問這個，我也因為不清楚規矩而沒問什麼，心想：她應該不會給碗大辣的我吧......(筆者是小辣之人)等了不到5分鐘，一碗溫熱的米線便到手，份量很少，表面放了一點花生、莞茜、蔥花等等，和酸辣粉很像，只不過多了2小塊豆花。剛入口是不錯的，米線夠軟，不會半生不熟，花生也很脆很好吃，豆花則普普通通沒什麼特別，也完全不感覺辣，吃着吃着感覺有點奇怪，好咸，調味太重了，雙唇也辣得腫了起來，我想它應該歸類為「麻」並不是「辣」，因為一開始完全沒辣味，辣味是由「麻」引發的。再夾了

I was still hungry so came here to get some noodles.Before I ordered I saw some fried snacks which I thought were potato wedges.★☆★☆★☆★☆★☆★☆★☆★☆★☆★Sweet potato fries:Unfortunately they were sweet potatoes, if I knew they were sweet potatoes I would not have got them.I interpreted the menu wrongly because I thought it meant golden potatoes.Anyway, I really disliked it because the sweet potatoes were really sweet which tasted weird with the savoury coating.★☆★☆★☆★☆★☆★☆★☆★☆★☆★◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bi

放學見肚餓就去旺角掃街，豆花好米線一早就聽過但就冇咩興趣想試，因為豆花係甜甜地嘅，米線又係鹹嘅，感覺好奇怪。但朋友想食就唯有陪佢。叫左個豆花米線同炸雞脾菇。豆花米線一試就愛上，米線好爽口而且好滑再加上佢地醬汁，醬汁香，辣。配合埋豆花，令醬汁味道更加凸出。炸雞脾菇都好好食，雞脾菇大大一件，好有關滿足感。一咬落去，菇味濃郁，外脆內軟。鍾意菇人士必試。

第一次去食叫咗牛肉米線，有加送，不過唔記得叫咗咩，淨係記得隻肉醬味道似肉醬意粉啲醬，味道mama。 第二次去食叫咗豆花米線。豆花米線隻肉醬係豬肉，而且好多肉碎多醬多，食到底都仲有，夠哂送埋啲米線，豆花就似碎咗嘅豆腐，今次好食過上一次！加咗大，同男朋友share食一碗都唔係好夠喉！唯一美中不足就係，今次加送叫咗豬軟骨，不過佢有啲孤寒，淨係俾咗一舊，都唔知點分好，而且肉偏乾身難咬，下次唔會再叫。有機會想試吓蒜泥腩肉子同辣子雞軟骨。總括嚟講，豆花米線，味道OK！環境就，今次張枱算乾淨，第一次食果陣，張枱好污糟，係我自己抹先有枱開餐。服務一般，同我落落吓單，應咗個打尖嘅客，之後問我講過咩。旺角街頭，衛生應該都一般。價錢OK嘅，兩個人食，加咗一個送，加咗大，＄３１。總括嚟講，下次去旺角會再吃！＊唔食芫茜嘅，記得走芫茜！（第一次食中過伏，今次聽到後面有對情侶又係唔記得走芫茜）

住附近，食過普通豆花撈米線係ok的，ok意思係無咩特別，無論係味道定價錢都係好普通！今晚老公要ot，無甘早食晚餐所以下午行過附近就買碗返屋企，見到喜樂牛肉米線$19試下啦，姐姐話+$5大碗，甘我就加啦！返到屋企開黎食，只見到碗米線得三分一碗，我下一声，點解會甘嘅呢？甘如果唔要大碗我咪真係得兩啖？？張相係我已經撈左成碗野谷起左架喇！味道，無咩特別，但中辣亦都全無辣味就怪怪地囉！

一直都有聽聞豆花妹撈米線這間店子，只是礙於分店位置不就腳一直無機會嘗試。平時好少出旺角，今次剛好經過又餓餓哋便買了碗原味豆花米線($19)加手拍青瓜(+$5)本來期望算大，一來出名、二來自己本身都喜歡吃豆類製品和米線。但叫食物的時候已經有些不快，那個收銀員阿姨聽和說廣東話的能力貌似有點問題(?)我叫了走花生沒有走。我叫小辣和淡，重複了好幾次她也聽不到，自問也未餓到口齒不清的地步她覆單的時候態度可以說是差，而且是用唔鹹唔淡的廣東話+普通話來回答我 希望服務可以有改善。米線方面賣相一般，不算討好。很多人都嫌份量太少，我細食反而覺得沒有問題。不過有些失望是豆花真的很少，米線太軟身，加埋肉醬口感一patpat吃下去有點像。。我認為淡口味已經很重，吃完舌頭超麻和酸，這點我超不喜歡。手拍青瓜有三塊，味道一般，可以不加。ok是給價錢相宜，而且是我第一個食評。如果我可以再揀，旺角咁多好東西吃我一定不會再光顧。

豆花妹米線，聽就聽得多，但自己真係未食過！今日趕時候之制，見到有間豆花妹米線係度。原本以為係好似咁餐廳坐入去食，但原來係好似街頭小食咁，淨係有張靠長牆企係度食。好快有碗米線啦！我幾鐘意豆腐陣味，加上有小小碎肉，冇咁單調。仲有佢有少少麻辣，連食完後個十幾廿分鐘，陣麻辣香仲係個口入面。所以我覺得辣度岩岩好之餘，麻辣香都一流。

今天和好友經過這裡心血來潮想試一下而且早前聽過媽媽讚好味便來了碗豆花米線 ($19)豆花配合米線十分幼滑加上花生和芫荽能把味道提升可惜我不太喜歡花生和芫荽（純粹個人問題）但店員没有詢問過我就給了碗辣的米線給我！朋友覺得很惹味，麻辣但我向來不吃辣當然覺得奇辣無比其實份量也算小不過當小吃就剛剛好下次我有機會嚐嚐不辣走花生走芫荽的豆花米線！

豆花妹撈米線，聽就聽得多，但自己真係未食過！今日趕時候之制，見到有間豆花妹係度。原本以為係好似咁餐廳坐入去食，但原來係好似街頭小食咁，淨係有張靠長牆企係度食。好快有碗米線啦！我幾鐘意豆腐陣味，加上有小小碎肉，冇咁單調。仲有佢有少少麻辣，連食完後個十幾廿分鐘，陣麻辣香仲係個口入面。所以我覺得辣度岩岩好之餘，麻辣香都一流。