豚屋 (已結業)

看食評，這間店的口碑好壞參半，平時經過，無論是節慶或繁忙時間基本上都不見有人等位。今天抱著姑且一試的心態“博一博”。有不同菜款，但在豬扒專門店吃牛或西餐好像浪費了點，還是點豬試試。點了一份吉列豬肩和一客吉列豬蛋蓋飯。吉列豬肩跟我們在日本時吃的差不多，肉質味道都很好，略嫌油多了些，粉也沒那麼鬆脆。蓋飯的豬扒非常入味，肉嫩多汁，飯+蛋+汁+吉列豬扒，很match，推介順帶一提，飲品點了草莓乳酸，飲得出有益力多味，好益力多的朋友可以一試。可能價錢略貴吧，如果以食物質素來說，這店的顧客應該不止這麼少。

難得與好友相聚, 諗住搵間西餐廳可以好好地坐下、傾下計...惡夢開始一入去我話兩位, 帶位個後生女仕應一粒聲都無出直接帶到入卡位就走左去...咩料?之後同個FRD叫左個一樣既套餐: 鵝肝牛柳配薯菜 (要求6成熟)成碟野得薯條係正常, 鵝肝勉強可以食到(但係偏凍 + 我覺得唔多似係鵝肝...)舊牛柳先精彩, 有圖有真相, 我估得2成熟, 仲要成舊野係一啲都唔熱, 我覺得自己好似拍緊法證先鋒....好恐怖!係咁既情況下, 正常係會要求佢換過碟熟既...10成熟都好丫，起碼食到落肚唔會肚痛。但係我堅唔敢....提都唔敢提....因為....啲待應或者因為臨近關門時間得返我哋一枱，所有一啲比較年輕的待應們就較為率性表現，幾位待應喺餐廳內追逐打鬥，甚至粗言穢語互相溝通，當時我哋亦見唔到有其他職員或管理層加以阻撓，見到咁既情況，問心.......我真係唔係好夠膽要求去換過塊新扒，阻人收工喎，咁鬼大罪....完全唔掂!浪費金錢係一回事; 本想跟好友好好談天都被呢度服務, 食物而掃興絕對絕對無下次!!!!

豚屋開左咁耐, 每次經過都無咩人等位, 今晚就一於試下!我地叫左個豚屋二人前, 包括小食炸竹輪卷, 泡菜豆腐! 炸物有炸蠔,炸扇貝,炸蝦各2件, 大件大豬扒! 所有食物都好油, 雖然食炸野預左, 但係無諗過係咁油! 除左炸蠔有D juicy之外, 件豬扒又油又韌, 真係好難食! 碗白飯煲得好爛! 本人以往既食評一向寫得輕手,因為唔想太尖銳, 不過呢間店舖真係令本人大失所望, 真係好後悔去呢度食左一餐失望既聖誕餐!

放工搵間好啲既餐廳慰勞下自己，見佢果啲茶餐好似同普通茶廳差唔多，都係啲多士三文治麵食烏冬咁，於是睇佢主要菜單，啲豬扒好特別，不過價格最平都要八十幾蚊一個定食，（所以佢要搞啲同茶廳無乜差別既廿幾三十蚊茶餐嚟保持收支吧）點了個芝士豬扒定食，分定食真係好大分，飯一個，芝心豬扒一個，仲有醬料（熱量一定十分可觀）仲有面鼓湯，啫喱，凍飲～芝心豬扒真係几特別，熱烘烘果陣仲係流質既芝士遇室溫就凝結了（證明脂肪比牛油豬油更飽和呢）整體上塊豬扒除咗油炸同芝士之外都沒有怎麼醃過，所以餐飯味道偏淡～至於杯芒果乳酪都幾好飲呀～間中試吓都不為過既～

我都算係呢度既熟客嚟一個月都黎呢度四五次,不過今次真係食到成肚火今次我叫左個豬仔骨配意粉,雖然我都知呢度係淨意粉嚟所以我都叫侍應哥哥俾多個汁我撈嚟食,但係今次D汁真係淡撈完都好似無味咁 厲害跟住我見到個女經理諗住同佢反應下啦,奇怪既事就發生啦!我明明同佢有眼神接觸同舉左手,佢居然當無睇到我咁!呢D咩服務態度呀!見到鬼呀!當我想大聲叫個女經理過嚟個陣,有個四眼侍應哥哥過嚟問我 有咩幫到你條氣都順D,不過有度要讚下既,呢位侍應哥哥好好禮貌同好有耐性咁聽我既意見呢度既經理真係做到左 經 過而不 理,扮見唔到咁厲害.不過講返食物,其實呢度D野唔係難食,但都唔係好好,都算一般水準既吉列豬幾好食(D豬係幾好,不過技術差D,有時會皮肉分離),不過呢度D意粉頖水準應該可以好D,成日都唔夠味個豬手同個豬仔骨幾好食,嚟呢度好多時都叫呢兩個餐其實呢度D服務都算OK如果唔係個位經理(係經 過而不 理)我都唔會俾咁低分唔計佢 我會俾4分(係俾個位四眼侍應哥哥)

今晚同老公行開屯門市廣場, 想食吉列豬, 就去左哩間話係專食豬的餐廳試下. 由於之前未試過, 見食評亦都係一半一半, 所以只叫了一個 set dinner 同一份煎餃. set dinner 係 "黃金肩豚西冷蓋飯", 而餃子係 "黑豚肉煎餃子". 個飯跟左一客沙律, 湯, 甜品, 一杯野飲. 先講個主菜 ─ 吉列豬扒. 賣相的顏色已覺得偏深色, 估計係N年油炸/再翻炸! 厚度 (連炸粉) 睇落都唔係好厚. 咬落去, 係岩岩炸起的, 熱辣辣. 但內裡塊肉就真係唔係好厚了. 有 d 炸粉仲同塊扒甩開tim! 扒旁 d "滑蛋" 一 d 都唔滑, 食唔到蛋味! 而個汁更加食唔出係咩汁, 無黎聞味! 反而全個飯最鮮味最搶味的, 係紅蘿蔔絲. 好鮮味!! 比同樣都係配角的洋蔥更好味, 完全搶晒成個飯的味覺!!再講個 "黑豚肉煎餃子", 唔知係唔係想令人覺得香脆, 個黑都有起碼四份一煎到黑左! 油就唔算好油, 不過食落去就唔覺食緊 "黑豚肉餃子", 感覺上同食普通餃子差唔多, 什至普通餃子仲好食過佢! 餃子跟左一碟黑醋 (應該係黑醋呱). 如果餐廳希望個黑醋唔好搶左 d 豬味, 不如就直情唔好跟

我是滿喜歡這店的，有一半的座位是有獨立空間卡位，店內光線暗暗的，適合一個人用餐，大概坐久都沒有問題吧？上次吃過店裡的半價甜品蘋果金寶（＄１２，未計加一）就不停想再吃一次，除了甜品，今次還點了下午茶餐牌內的炸豬扒三文治（＄３２，免加一）,餐飮點了熱檸茶，當男侍應放下所有食物時，我感覺受了一下白眼（好吧！我承認是的心虛了。。。。。。）。不知為何熱檸茶用了平時凍飮的玻璃杯裝，而且是暖的不是熱的？？算了，反正點熱檸茶都是為了解一解待會吃甜品的甜膩感。炸豬扒三文治有三大件，麫包烘得好脆好脆！相對地炸豬扒就好像有欠特色，加上醬和生菜，吃得好滿足呀～而這個甜品大概是嗜甜者才會覺得好吃吧，因為除了有梳乎厘杯大小暖暖的蘋果金寶外，還附上一杯三色（士多啤梨＋雲尼拿＋？）雪糕，可以想像到吃這個會有甜到漏的感覺，但咬一口又暖又脆的蘋果金寶，再嚐一口凍雪糕，我就有一種異常幸福的感覺了，大概我已進化成甜魔了～下午茶時間，店內只有我和另一檯客人，我一面清勦檯上食物，一面看一關西小說家的書，真的好想像他一樣那麼會做菜呢，就在可能變胖的那年之前盡情吃自己做的菜。

3月10日星期六下午到屯門市廣場行街 , 晚飯時間到了 , 煩惱又開始啦 , 這個商場雖然大食店都不少 , 但對我們一家來說 總是來來去去那三幾間..( 快餐唔想去 , 酒樓唔去 , 人太多排長隊的不等, 太貴價的又唔想 , 茶餐廳亞仔話幾乎日日 lunch 都食又唔要 ......) 唉..總之是煩 !!!!找個商場地圖指南試試看有否頭緒 , 眾多店舖名中, 一個單字 "豚" 好特別一於去看看 , 找到了 , 離遠已經認得 , 那不是之前看過幾貴價的那間嗎?( 餐牌內不同形式的日式豬扒飯 , 大部份要成百元一客 , 屯門區不算平 ) 如果此價 , 我會出九龍食牛扒 , 當時已經將此間店在我們家名單中刪除了.行近去看看 , 有個大招牌 ---- 抗通漲八折 , 又新增晚餐都有八折 晚餐有幾款選擇 , 每款都包括有 前菜 , 餐湯 , 主菜 , 飲品 和 甜品 計計數幾抵食喎 , 又不用等位 , 一於入去試下啦 ..... 比預期的要好呢 . 3月24日 又是星期六下午 , 又去屯市行街( 無辦法啦 , 新界西坐車出九龍D交通費零捨貴 四個人來回要成一百元好貴, 夠食一個餐

屯門有新野開,就會試一試...今次就黎豚屋試下啦...招牌都係吉豬啦...我地三個人...揀左三份野...兩個都係吉豬,加一個牛柳先講牛柳個set dinner, 配意粉...餐湯忌廉雞湯杰到糊仔咁,仲有個焗薯,冇特別,唔係好食..個牛好明顯就落左好多鬆肉粉落去, 冇黎味道...唔好食...個意粉黎到都唔係熱o既, 我地同waiter講, 佢地拎返去加熱...應該係炒返熱比我地之後就好d...但就油左...lei 個set dinner唔ok...下次唔會試...主打吉豬都有兩款, 一個係厚切, 肉果然係厚身好食d, 有咬口, 炸粉都開得幾好, 熱氣就緊架喇, 但佢都炸得唔係乾淨淨...另一隻叫西冷, 都係豬黎,味道濃d 同淋d, 不過我地三個都係鍾意之前厚切o個隻...吉豬會加埋d椰菜絲...加醋食,可以refill...不過我又麻麻地...都係食左一兩啖...甜品比左個超甜o既紅豆糕我地, 食左一啖甜到飛起...食唔到喇...餐飲,都多選擇, 有乳酸飲品同紅棗蜜..不過無味...飲左一兩啖就唔想再飲喇...overall...除左吉列豚肉叫正常,幾好食之外, 其他野都好渣...應該

屯門從沒有任何吉列專門店，暑期前看到前北海道壽司的鋪位裝修中，無耐貼了新駐餐廳的名稱：豚屋。隨即在開飯找資料，也忘記月份了，總之那時候沒有其他分店可參考(豚屋尖沙咀分店比屯門店遲開的)，令我好期待屯門首間吉豬專門店的來臨。welcome雖然很心急想試新餐廳，不過個人習慣是新餐廳開業一個月後才開始計劃幾時幫襯好，至少貪其運作順暢外，餐廳多數會開始推加優惠項目。(屯門區內的餐廳的命運多數如此。)直到十月一日，抱著多月的期待來嚐吉豬晚餐了。記得初初開業，這裡由午到晚也很旺場'過氣'了之後，六點幾不用等位，以為大家咁快淡忘她，怎料七點幾都開始要等位呢。店內由外到內，硬件軟件也是黑色，而可愛的飛天燈籠小豬是餐廳的主要及特別裝飾我們坐的二人卡位都幾逼，餐食放滿後更加困身。好了，談及食物餐廳竟然加入晚餐，主打竟是意粉﹑焗飯等，完全和吉列甚至豚扯不上關係。不過這是我預料之內，只怪太高消費的餐廳在屯門是較難立足，明白不得不變通一下，但希望這些轉變不會影響主打食物吧。我見議友人不好點那些西式晚餐，以吉列海蝦和大里肌豚肉吉列定食做我們的晚餐。前菜是一口凍豆腐，上面灑上蟹子，非常清淡，可作為清清味蕾。麵豉湯有

開左咁耐, 話來試咁耐都未試過, 今晚睇完戲唔知食咩好又多人, 決定同朋友試下~~~一試難忘, 蠻喜歡的!!! 裡面環境幾好, 裝修得不錯...MENU不是太多選擇, 當然主食炸物, 同埋基本上全都是定食來的, 都幾易揀!!!一來都幾大份啊, 因為定食上, 所以會覺得很多款東東似的...一切開炸豬扒, 粉唔太厚, 入面幾多汁, 很JUICY的!!!! 裡面的芝士很香很"痴"~~~FULL得來其實唔會太膩, 還有一個磨菇汁, YUMMY!!! 另外加了$1有的大元貝, 真的蠻大的, 很彈牙啊, 抵呀!!!!定食前菜, 蛋皮很薄包住混了的吞拿魚, 仲有芝麻醬, 很FRESH!!!好似是龍眼水及檸蜜, 唔太記得~~~~只記得幾好飲, 同埋唔會太甜!!!最後來個甜品~~~平時唔太食椰汁的我都覺得好味, 其實似奶凍多一點, 但個底有很多紅豆, 大大粒, 但就唔太淋, 不過好吃!!!呢個價錢晚餐真的算很抵, 無論質素、服務同環境都很好, 下次再食其他SET, 會ENCORE的!!!^^

賣相吸引, 食物普通! 但價錢唔平~叫左1份吉列豬扒餐, 1份吉列海鮮餐我記得最好味係個蛋, 第2係個味噌湯吉列豬扒: 冇咩肉味 (而家食咩都好似冇原本ge味道!)成份吉列海鮮餐d炸漿太多食到好濟 - 蝦: 冇特別 帶子: 我覺得吉列唔好食! 蠔: 好肥美! 不過本人都係覺得做吉列唔好食... d醬就幾好味! 飲品同甜品唔好提, 唔好飲! 冇特色仲要普通! 好似茶餐廳用面包糠炸豬扒仲好食, 純粹個人意見!呢間野冇食過番尋味ge感覺, 唔會再去~

每日返工放工都經過，開左幾個月幫襯過六次，每次都係一條友去食，岩岩開店時就幫襯過佢lunch，見主打食豬，就順理成章叫炸豬扒蛋包飯，但係比佢個價錢嚇親…以lunch黎講80幾蚊好貴喎。不過食物賣相同味道都幾好，侍應有禮，總結對佢印像除左貴d都ok既…第二次幫襯時…我因為果排工作辛苦想食餐舒服d既…呢次唔知點解塊豬扒係就係好厚，但係好肥好肥，肥到有d部份係肥到入唔到口…而且完全無味，之後全日有d反胃既感覺，呢個經驗好差，諗住唔會再幫襯！亦都發現開始少左人幫襯…第三四次都係食下午茶餐，見到下午茶餐有我鍾意食既鰻魚炒飯，三十幾蚊包杯野飲，人又少，就比多次機會佢，份量好ok唔會因為下午茶時段而變得細份，味道唔錯！只係覺得油左d…食得炒飯都預左油，但係佢又真係油得過份左。改改就好了。對呢間野開始改觀既同時，感覺人客亦越來越少，第五六次都係幫襯樓上果位食評介紹的午市咖哩魚柳餐，好好食，佢地個炸粉好得。食物賣相精致，不過上一次幫襯有三塊魚柳，今次就變了兩塊，好彩都唔算細。三十二蚊仲唔洗加一真係抵。前日下午茶幫襯時咁大間餐廳…只有我一個客人！以屯市既租金，加埋每位waiter廚師既工資，我企晌佢地立場

早前發現了午市有$32餐，覺得好抵然後看到open rice食評，負比正多，所以不敢期望太高不過我還是不試過不死心，今天去了試，哈哈，餐牌好明顯是網上翻譯啦，月見茄子飯是the month sees the eggplant food侍應哥哥們都很有禮貌又快手，點了個三號餐，不消十分鐘就有得食！湯：明顯有酒味，有豬肉在湯中，且湯的顏色我很喜歡前菜：是螺肉跟青瓜，不算開胃但好吃咖喱：很濃，不辣，甜甜的，有一兩舊薯仔，跟飯一起吃或淋上炸魚都不錯飯：不軟不硬剛剛好炸魚：很慷慨，有兩大塊，皮好薄好薄，炸得好香好好食，怕肥可拆掉外皮，不過當然沒那麼香口甜品：是配有花奶的青檸jelly，味道很fresh，吃完curry和炸魚後再吃，可感覺清新一點而且，這兒的水的味道沒有水喉水味，GOOD！$32，食物質素完全超出我的預期女孩子吃會超～～～～～～飽的！付錢找錢也很快，侍應哥哥們速度真快~日後食lunch又多一個好選擇了

我都去過呢到一兩次,唔知係咪換左師父呢!呢度d食物唔同晒(不論賣相,味道,同款式都唔同晒)首先 我食過假日餐個味唔同左( 好味左好多,之前d食粉味,令到我成個餐無食,仲埋單即閃人)今日食返同一個餐,真係完全兩回事,真係似係人食(仲幾好味添),同之前比.......真係唔想講我女友點左個 吉列豬西冷 (唔記個名係咩)塊豬既吉列皮比之前 薄 好多 味道好左好多(終於覺得物有所值)之前都係貪呢到坐得幾舒服先黎,如果講味道我食杯麵都唔會黎不過見到呢度d野好左咁多,我之後都會keep住黎