豚王 (已結業)

話說突然間好掛住日本啲拉麵，所以就約咗朋友去尖沙咀間豚王食拉麵！咁我星期六中午時間去到，等左5分鐘位就入得啦！咁坐低照舊都係侍應比張紙你自己圈，咁我都係食返最基本嘅豚王，朋友就食佢次次都叫嘅黑王，我哋每次食都必定會再加一粒糖心蛋！咁大概等左10分鐘左右，拉麵就送到嚟啦，我果碗豚王加咗少辣食落個水準都保持得好好，麵身軟硬都好適中！朋友佢嗰碗黑王，我試咗啖佢嘅湯底，係覺得比起豚王鹹少少，不過都好好味！咁我哋叫咗嘅糖心蛋亦都到咗啦，一咬落去半熟蛋黃香味出哂嚟，真係超正！

拉麵好食，店員有禮貌，下午3點幾黎食，客人吾太多環境乾淨整潔，坐得舒服今次點左墨汁拉麵 聽到隔離台 D 人話絕對吾會點呢款，黑蚊蚊好核突，但少年你實在太年輕 識食一定係食呢款 味道濃淡得宜，肩肉又「林」又香反正我非常喜歡呢款拉麵 （好似叫黑王？吾太記得個名）加$17 要左隻溏心蛋，驚喜居然係全溏心既，重以為係半生熟果種 幾好味 值得加錢試試提一提呢到既芽菜都好好味 兔費既，放係台邊既醬料架上面。味道辣辣地幾開胃，我夾左三大注黎食 呢間野下次一定會再黎

今日係尖沙咀有啲野做，所以夜晚10點幾先至食晚飯，好似好多鋪頭都冇開，見到豚王仲未閂，就入咗去食嘢。一坐低，侍應會每人俾一杯水，然後每人派一張點餐紙，其實同其他拉麵鋪都差唔多，選擇唔多，主打幾款拉麵。湯底濃淡有得揀，小至蒜頭同蔥嘅份量，大至肉嘅種類，都有得揀。當然辣度都有得揀啦，我就揀咗小辛，都有小小辣，不過都仲食到黑豚同豚王個湯底差唔多，但係個多一層味道，味道更濃厚豚王呢個都好好味，湯底濃郁，豚肉切得好薄，而且好滑。最後仲叫咗個餃子，餃子皮薄咸零，二十幾蚊又唔貴，值得一試！

【拉麵控】但對於豚王既質素，表示麻麻地。嚟到豚王當然要試試佢地既看家本領「豚王湯底」( Butao $89)， 配肩肉、2辛、秘製醬油 : 多、其他都係正常。上麵時第一啖要試既係先飲啖頭湯，試落無乜特別新鮮濃郁既豚骨味，但個幼麵有驚喜，彈牙爽口。至於肩肉感覺係新鮮，無個陣隔夜味，個厚度都OK，肉質唔老。但整體個湯底救唔到個拉麵，另外可能要求佐多秘製醬油，食到一半已經覺得好油膩，最後就係食唔哂，放棄了! (聽到隨離檯加麵，+15 大胃王可以考慮)除佐拉麵仲點佐碟餃子(豚王餃子王 $28)，大約10分鐘左右，就先上餃子食住等個拉麵，餃子微微煎到起焦邊，但個皮有D厚，所以食落唔脆，都係出面都食得到既大眾餃子。睇佢介紹個餃子話配搭一款柚子檸檬醬油，唔咸食落唔太覺有酸同橘子汁既新鮮，用筷子蘸小小先試真到有檸檬柚子味。【食過日本既拉麵】如果10分滿分，尖沙咀棉登徑呢間有……6.5/10

我本身並不是拉麵控，但不知道爲何好似中左豚王咒咁，對佢情有獨鍾。不是誇張，我真係每個月會黎幫襯一次。講返食物，佢menu的選擇有豚王、同埋有不定期更換的期間限定，另外仲有幾款定番口味，不過我忘記了影menu，同埋我只係食豚王，所以其他就不多介紹了。湯底係正，濃厚豬骨味，飲完亦不會特別口渴。除左食拉麵，大家仲可以加topic, 我就一定會加一隻唐心蛋，真係不要覺得一隻蛋要$19好貴不捨得食，因為唐心蛋都係一碗拉麵的靈魂所在。

今日嚟豚王本身諗住試吓數量限定嘅《限定王》，但係好快已經賣晒啦！😆😆之前喺其他拉麵店，都試過黑王、赤王果啲😎所以今次勇於嘗試，一於試吓個青BB拉麵，咁我就試吓《翠王》啦！而老公就叫咗穩陣嘅《赤王》～佢好鍾意食辣😁*《翠王》湯底以原味豚骨為主，配上羅勒，白芝士，橄欖油等～碗麵嚟到青BB咁，芝士粉相當多，聞到濃濃嘅芝士味，食落個味都幾特別！😍😍*《赤王》湯底以味噌為主，配上豚肉蔥花木耳，秘製唐辛醬，我都試咗一啖湯，已經覺得相當辣😳😳 但老公食到好Happy 😹😹嗜辣者不妨一試喔🙌🏻

話說本身諗住食附近嘅三田，但食得太多次諗住轉戰一次一蘭，見到要排40分鐘就二話不說行過嚟豚王，當日係星期日嘅下奏兩點半左右，兩個人唔使排隊可以即刻入座，不過就要坐Bar枱。Bar枱唔會坐到隻腳條條揈，因為有一級剛剛好可以放腳，但就無掛勾勾袋。事隔幾年後由銅鑼灣轉戰尖沙咀，雖然加咗價，但仍然有好多可以自選嘅項目，醬料、辣度、麵條種類、軟硬度都有得揀，適合我呢啲多多要求嘅食家 😂當日限定王係鰹魚王，雖然話數量限定，但竟然到兩點半都仲有得賣，不過我對呢啲特別版食物無太大興趣，普普通通揀返豚王就好。期待已久嘅豚王終於上枱，奶白色豬骨湯底超香，食拉麵一定係飲啖湯先，好鹹！不過食開超重口味嘅我覺得好正，但男朋友飲完一啖狂飲水。麵條偏向幼身，即使已經揀咗太麵條，腩肉嘅脂肪比例佔咗成塊肉50%，正宗半口脂肪半口肉，不過切得非常薄身，所以食落都唔會成口油脂。整體可以畀返 78 分，可能因為揀咗多醬油所以偏鹹，而且唔食得辣所以無揀任何辣度，同埋食溏心蛋仲要另外加錢。下次嚟我一定會再食豚王呢款麵㗎！而男友揀個款鰹魚王確實唔係我嘅口味，不過食落鰹魚味好重，男友就覺得太鹹，而且限定咗好多自選項目無得揀，佢嗰下有

睇子華神前緊係需要食飽飽又要食得開心又要快 就食拉面啦7點左右落住雨，前面得一個單位等緊，由於要人齊方可內進，友人比我前面既單位快到！5min就入左去啦！其實豚王都食左數以百次，我個人就最中意黑王同赤王，今日就食黑蒜啦！加糖心旦是常識吧！無論係邊間分店食 都從未試過失望 除左棚牙同咀都黑哂 真係食得好爽既！飲左個日本果汁soda 較甜 下次都係飲返可樂荃灣廣場9月就開分店啦！！！！！荃灣友福音呀！！！

雖然香港都好多間拉麵店，但講到我嘅最愛一定係豚王！鍾意佢濃厚既嘅湯底，而麵底同肉片既份量都多過一蘭😆性價比係高嘅！雖然豚王有三款湯底再加定期推出嘅限定王，不過最得我心嘅依然係最經典既原味豚王，所以我好專一只會食佢！👑豚王拉麵+糖心玉子（多蔥+硬質幼麵+1辛😍）首先覺得佢哋嘅蔥真係好有誠意，好新鮮亦都切得好細緻，湯頭濃厚溫度夠熱！我鍾意食硬少少既麵質，因為普通麵質嘅話，通常食到一半左右啲麵就開始淋，所以硬啲既話食到最後一啖都係彈牙嘅！😆豬肩肉唔會太肥，再配上糖芯日本蛋！真係非常滿足最後當然清晒全部再滴湯不留飲晒以示贊揚啦！哈哈😄

呢間位於棉登徑嘅拉麵 雖然喺角落 但依然要排隊 不過門口都有幾張凳比客人輪候等位今次我哋去到由於時間太晏，限定王已經賣完，豚門嘅限定王，成日都唔同，所以每次去都好期待！雖然冇晒限定王，翠王都一樣好好味豚王既拉麵麵質軟硬適中要配埋糖心蛋更加好食青翠既湯底，店員話係橄欖油混入了新鮮的巴西葉同加入幾種不同的蔬菜濃厚的芝士配拉麵真係正正再加埋白芝麻落去，味道更濃，濃味之選不過食完記得要飲多啲水 下次一定要早啲嚟食限定王

尖沙咀既豚王好易搵，係the one附近，又未到時間飲野，食拉麵都係唔錯既選擇。一上到去每人一張紙order 你碗面今次簡左黑王3辛，個辣度大概係譚仔五小至三小中間。紅色果埋係辣粉食落去蒜味好濃，食食下都有少少咸。麵既軟硬度都係tailor made 既關係，好岩自己口味。下次個秘製醬油簡番普通都夠，個湯底都頗夠味。肉就簡左腩肉量就唔多得幾塊見到佢都有限定惠比壽麒麟啤，不過陣間都約左人飲野就無試到啦。同埋要小心唔好彈到件衫，同墨汁一樣都幾難洗。

The ramen was pretty darn good. I mean was it the BEST in the world - probably not. But it’s like the second best ramen I’ve had in Hong Kong. I got the 超濃 flavour and it was really 濃 in a good way. Would go back again for sure. The only thing is that the restaurant is kinda small, so going there on a Friday night meant I had to wait a bit to get in, but it was ok. IT WAS WORTH IT.

超愛吃拉麵的我，當然不能錯過豚王的叉燒拉麵啦入到去當然都係好充滿日本風嘅拉麵店，雖然坐喺窗邊都見唔到啲咩風景，但重點當然係拉麵的質素啦。一如以往嘅咁多人，好在嘅係我哋去嘅時候已經三點鐘啦～所以人不多。一坐下便點了豬骨湯底嘅叉燒拉麵，一呈上忍唔住就要飲番一啖濃濃嘅豬骨湯底，飲完個湯底相當滿意～已經充滿幸福感，在吃一口叉燒，整個假期就變得圓滿了。鍾意食拉麵嘅朋友當然唔少得要有糖心蛋配襯啦，糖心蛋入口嫩滑～而且浸左豬骨湯底更加好味入味，食過幾間拉麵店，始終都好似係豚王最好味。

本身想食一蘭，不過閒閒地要等兩個鐘真係好趕客，唯有留番去日本食啦。因為一蘭太多人，揀左食同一條街嘅豚王，正值九點幾都要等上半個鐘呀叫左個「黑王」本人對黑媽媽嘅野特喇有興趣，例如墨魚汁系列，哈哈。一上枱見倒有個黑色波，打散佢撈落湯，再飲一啖湯，墨魚味唔突出，只有少許豬肉味道，不過個湯係好飲嘅。個面稍為林身，有d pat。而玉子因為分開上，所以都仲好流心，呢個幾好味。而豚王就好濃豬骨湯味，「食拉麵梗係食原味啦」又係嘅，如果拉麵店出色，又真係唔需要有掂一多花樣吖。

今日突然間想食拉麵，朋友就拉咗我去豚王，晚飯時間超多人，睇吓條隊最少排半個鐘！見到條隊已經心情唔好，朋友係都要食，唯有等又熱又焗等左九個字,心情真係嬲嬲地！裏邊位置有小坐得又迫，出邊咁多選擇唔明點解一定要食呢間朋友來了這個拉麵，他說好好味，但係我冇心情問佢是什麼拉麵了我自己就叫了這個最普通的，湯底的確不錯，蔬菜都比較多，不過叉燒份量就比較少。基本上食一碗唔係好夠飽最後我哋都追加左溫泉蛋，加＄10有一隻，不過可能因為人太多但太多差唔多10幾分鐘之後先來！溫泉蛋生熟度做得幾好！