財記辣蟹私房菜

营业中

休息中

今晚在銅鑼灣吃晚飯。這家餐廳有幾層，座位闊落，燈光明亮，坐得舒服。這裡主要吃海鮮，一隻大蟹大約$600幾，可以清蒸或其他煮法。茶位$10位，小食$20。餐牌有不少小菜，看起來都很吸引。⭐️芝士焗蝦球伊麵$188 這道伊麵很好吃，份量足夠四人分享。每一條麵條都裹滿了卡邦尼醬料，入口奶香味十足，加上一粒粒飽滿的蝦球，炸得外脆內爽，很美味。⭐️咕嚕蝦油條$168咕嚕蝦油條很特別，油條裡面塞滿了爽脆的蝦肉，入口有油條的香脆，又有蝦肉的啖啖肉，口感滿分。⭐️馳名沙拉骨$88沙拉骨炸得香脆可口，肉連骨頭的部分最好吃，伴飯最好不過。⭐️脆皮炸豆腐$78脆皮豆腐入口外酥內軟，一粒粒卜卜脆。

財記早年係nana同家人既飯堂上星期心血來潮好想食佢店既咕嚕肉琴日放假就帶左家人重回飯堂差唔多次次都係叫返相同嘅餸菜平時我一定會叫埋最好食嘅炒麵（推介）不過今日得兩個人叫左又一定食唔晒拎返屋企又冇現場咁好食就放棄左《菠蘿咕嚕肉》（推介）仍然keep到好好食既水準食到最尾個咕嚕肉仲係脆架坊間出面既咕嚕肉放一陣已經淋晒可以做到放左成個幾鍾都仲係好食都唔係咁多間做到《椒鹽九肚魚》食呢個魚記得要小心睇熱唔好咁心急做得酥脆 入口即溶 《脆皮炸乳鴿》大大隻好多肉汁《白灼花螺》原本我係諗住叫辣酒煮花螺但家人叫錯左白灼新鮮點煮都好食《黃金苦瓜》鹹蛋黃包住爽脆唔苦既苦瓜條係油膩咗啲不過好食2個人食得哂所有野都幾誇張😃咁耐冇黎仍然keep到水準👍佢地既海鮮做得都好出色的但今次我皮膚敏感無咩叫到海鮮主要食小菜呢度好適合三五知己黎食飯❤️

財記辣蟹私房菜銅鑼灣駱克道447-449號中威商業大廈2-3樓以前一想食炒蟹, 腦中第一個地方必是閃出銅鑼灣鵝頸橋一帶, 當幾年前未封關, 不論遊客或是本地人, 都很喜歡去銅鑼灣尋覓美食財記辣蟹私房菜是由越華會原班人馬主理, 越華會D少炒出曬名好食, 廚師手藝一流有鑊氣, 以前節日同會同屋企人去食飯, 見佢地開返一定要來支持下。菠蘿咕嚕肉 $95椒鹽排骨- 排骨份量多，排骨外面夠乾身唔會太油，，夠晒椒鹽味非常惹味。$148鮮奶蛋白蝦球, 蝦球好大隻，肉質彈牙扎實，鮮奶蛋白炒得好滑, 黏在蝦身上, 用鹽巴簡單調味,蛋白質豐富易消化。細個討厭苦瓜, 人大了才懂欣賞, $78 鹹蛋黃涼瓜,小小快炒爽口, 加上鹹蛋黃碎多了份鹹香清,熱下火多吃有益$88辣蟹蒜蝦乾炒韭菜花 ,有食小炒皇架感覺, 蝦乾有咬口, 個辣蟹蒜好有避風塘感覺,炸香後重蒜味加上紅辣椒,濃鹹惹味,配飯一流。叫咁多餸, 點可以無飯呢, $15 一碗靚仔白飯同茶樓一樣,晚市有茶芹$10/位，花生$20/碟,收費合理水準一直保持高質, 價錢仲平過好多酒樓, 下次招待親友同上司, 一於再BOOK 位來食飯。

同朋友喺cwb 睇完戲，肚仔餓就行下睇下晚餐食咩好，見到以前越華會間鋪改左名，聽講都係前越華會班底，好耐無食中菜就決定上去試下，裡面既裝修無太大改變，闊落坐得舒服。而家係大閘蟹既季節，爛當然要叫番隻試下，大閘蟹(公) $150 ，五兩重拎上手都幾聚手，搣開個蟹蓋D黃膏慢慢慘緊出黎，蟹膏望落幼滑右綿濕，食落甘香口能有D黏黏地，蟹身同蟹腳既肉都好鮮甜，每一口都啖啖蟹汁濃郁。馬拉盞炒通菜 $88一上枱就聞到一陣陣馬拉盞既鹹香味，份量都唔少，通菜爽脆新鮮，用上馬拉盞醬抄，惹味十足送飯一流。豉油王煎海中蝦 $280海中蝦大大隻，一盤有4隻一開兩炒，蝦身炒得乾身香口，食落肉質爽口彈牙勁新鮮，味道富惹味醬汁味而且鮮甜而唔會過鹹，令人食唔到口。馳名沙拉骨 $88，望落顏色鮮豔打卡一流用上大大條金沙骨，咬落口金沙骨炸得外脆內嫩，唔會乾噌噌，味道酸眯眯醬料多味道濃，送飯不二之選。

財記辣蟹私房菜😋😋😋粵愛粤式食廣東菜都好多款式、能夠萬變出唔同菜式、大師級才能做得到！留住個肚食好西！豪食海鮮🦞🦀🦐⋯⋯真係真❤️夠鑊氣、唔係功夫、火喉夠、都一定做唔到粵菜典範😘😘蒜蓉粉絲蒸蟶子皇$88/隻⋯蟶子超肥鲜甜、好大隻、金香蒜茸、蔥花鋪満粉絲上、粉絲吸收晒鮮蟶子嘅甜味、夠彈牙爽口、正！👍🏻豉油王炒麵、大師級的菜館、一定要食呢碟炒麵、能控制得火候好、炒麵又炒得夠乾身、有鑊氣、而不油膩、配埋芽菜韭菜、豉油配搭、色澤亮麗、果然名不虛傳👍🏻😋椒鹽九肚魚$108⋯九肚魚包住椒鹽炸得香口鬆脆、用椒絲點綴、熱辣辣一口一口、食到唔停得口😊燒汁牛仔骨$118⋯牛仔骨滑嫩配合袐製燒汁大炒、夾埋洋蔥香味、yummy yummy 😋 鹹魚粒炒芥蘭$88⋯芥蘭炒得好翠綠、賣相超吸睛、加埋鹹魚的香、蒜蓉的甘、芥蘭仲冇渣冇苦澀味、爽口脆👏🏻👏🏻#粵菜#銅鑼灣#40年老子號#銅鑼灣駱克道447至449號中威商業大廈2-3樓港鐵銅鑼灣站C出口、步行約3分鐘

朋友約食晚飯，揀咗呢間由「財記辣蟹」開辦嘅首間旗艦店，據說係由「越華會」原班人馬主理。餐廳樓高 2 層，屬酒家格局，鋪面地方不大，但勝在環境光猛，乾淨企理，加上店內設有 VIP 房，私隱度高，好適合同朋友嚟聚會開餐。餐牌嘅菜式，花款非常之多，除咗鑊氣小炒、粥粉麵飯等之外，唔少得嘅當然仲有店家自設水缸養住嘅多種生猛游水海鮮。交由友人揸 fit，先嚟碟椒鹽鮮魷 ($100)。魷魚即叫即炸，送上時仍熱辣辣，外層脆漿調校得啱啱好，金黃薄脆，椒鹽味十足，但又唔會過鹹，魷魚煙韌彈牙，值得一讚！跟住係一客蔥油走地雞 ($138/半隻)，淨係睇賣相已經覺得好吸引，而且上桌時蔥香撲鼻，惹人垂涎。挾起一件入口，雞皮爽薄，雞肉嫩滑又有雞味，夾埋啲蔥油一齊食，味道一流。XO 醬西芹帶子 ($198)  西芹當造，食落好爽口，細嫩無渣，加上沾滿了 XO 醬，香辣惹味。帶子嘅口感亦唔錯，大大隻，肥大肉厚，嫩滑得嚟又有彈性，味道非常鮮甜。最後再整多碟豉油皇炒麵 ($68)，非常飽肚，大大碟，分量十足，而且炒得好有鑊氣，夠乾身，豉油亦很均勻，食落完全無膩滯感，美味。

餐廳係由越華會原班人馬主理當年係越華會食晚飯非常驚艷.無諗過中式小菜都可以咁好食以家雖然改左名, 但水準不變甚至更勝從前!餐廳有兩層2樓係一般堂食擺設3樓就有好幾間VIP房,有唱K同麻雀玩就好似一間PARTY ROOM咁, 不過係一間有美食既PARTY ROOM每台都會有既前菜魚仔花生就連前菜都咁有心思預備!秘製沙拉骨同出面既沙拉骨唔同顏色唔止係沙律醬既白色, 本身肉係類似咕嚕肉既汁煮過入左味每啖都酸酸甜甜鹹蛋黃焗鮮魷鹹蛋黃味濃而不鹹, 仲食到鮮魷既味襯熱食時外脆內軟鹹蛋黃唔止係包住鮮魷, 係同鮮魷融合左蒜蓉粉絲蒸扇貝扇貝SIZE大而且鮮甜,無蒸到過火仲好細心地起埋肉方便食略嫌蒜蓉太多芝士龍蝦球伊麵係以前去酒樓飲既味道龍蝦球表面係飛左油既脆伊麵份量剛好,唔會太多太膩蒜蓉粉絲蝦乾蒸勝瓜勝瓜吸晒蒜蓉同蝦乾既味道簡單又好味

今日約咗朋友到銅鑼灣駱克道中威商場大廈2至3樓的「財記辣蟹私房菜 」食晚飯，座位闊落， 與朋友傾談闊論隔離都聽唔到， 感覺非常良好。「鮮奶蛋白蝦球$168」 鮮奶蛋白炒得很滑， 蝦球大大隻，肉質彈牙爽口，很不錯。「脆皮炸豆腐$78」 外脆內軟，面層炸粉很薄，又有豆腐香，外面灑上椒鹽，十分惹味。「馬拉盞炒通菜$88」 通菜翠綠新鮮， 馬拉盞香口微辣， 而且還有蝦乾，相信美味。「蠔仔粥(窩) $128」 用料足料，有蠔仔、冬菜、免治豬肉、芫茜、大地魚乾大地魚湯，鮮甜好味，又有飽肚感，而且天氣凍食番碗非常暖胃。「朝日$35」 食私房菜梗係飲杯啤酒， 清爽一下，而且$35支好抵飲。

今日去咗銅鑼灣財記辣蟹私房菜食晚飯，原來呢度剛剛轉咗手冇幾耐，以前就係越華會，舊陣時成日都會黎食飯，原來除咗改咗名，所有以前廚師師傅都係越華會原班人馬，即係可以食返以前嘅味道，好開心，呢度主打中式粵菜，小炒同埋海鮮，尤其海鮮新鮮高質，非常出名，所有小炒亦鑊氣十足，所以喺銅鑼灣想食中菜海鮮都一定會諗起呢度👍🏻👍🏻睇睇餐牌📖所有餸菜依舊無變，念舊有念舊的好，每次差唔多都係食同樣嘅嘢，同一班底永遠都咁好食，就是喜歡這種味道，以下幾款都係我嘅心水推介🦪▪️蒜蓉粉絲蒸元貝 $ 176 每隻都係手掌咁大嘅元貝，呢個價錢第二度絕對食唔到，元貝蒸到剛剛好熟，新鮮肥大肉厚，底部鋪咗粉絲，用上大量蒜蓉蔥花，配合豉油熟油，除咗元貝超好食，粉絲亦非常之入味，推介🦆▪️脆皮炸乳鴿 $ 98豉油王乳鴿先調味然後在即炸，大大隻，皮脆肉嫩，好入味，就咁食已經好好食，亦可以點埋自家製嘅喼汁，又有另外一番風味🐷▪️菠蘿咕嚕肉 $ 98呢度嘅招牌菜一定要食，何況我係一個咕嚕肉控，一上枱香氣撲鼻，一定係好有鑊氣，豬肉用上梅頭肉，炸到外皮香脆，肉質爽口彈牙，醬汁酸甜味道剛剛好，好掛汁，配合新鮮菠蘿，青紅椒，非常有水準嘅一個咕嚕肉🍜▪️

環境乾淨企理唔同一般酒樓，同酒樓相比呢度位置偏小，不過有兩層，而且枱數少啲都會比較安靜冇咁嘈吵🤭🐷鮮奶蛋白蝦球 $168出面比較少見蛋白蝦球通常都係炒蛋，依個蛋白嫩滑，蝦球大大粒爽口彈牙，睇落以為好少，入面收埋咗八粒大蝦🍤🐷脆皮炸豆腐 $78豆腐外脆內軟唔小心太大力會夾爛🥹上枱新鮮炸起熱辣辣，免頭灑上椒鹽唔使點甜酸醬都已經好夠味！份量比大排檔多而且高質🐷油鹽水魚湯浸蜆 $98蜆肉份量多吐沙吐得好乾淨，食到底都唔見有沙，魚湯微辣，個底仲有粉絲，如果粉絲再多啲就好😍🐷鹹蛋黃焗鮮魷 $105鹹蛋黃超邪惡超吸引，炸粉好薄大大啖都係魷魚肉，肉質新鮮爽彈，鹹蛋黃分量充足可以包勻晒魷魚嘅每一面😍環境 🐖🐖🐖🐖 4/5 食物質素🐖🐖🐖🐖 4/5店員態度🐖🐖🐖🐖 4/5✨人均消費 ～$250🏠財記辣蟹私房菜📍銅鑼灣駱克道447-449號中威商業大廈2-3樓

避風塘大蝦好耐冇食過避風塘，所以就叫咗個避風塘炒大蝦，份量有成六隻大蝦，蝦肉好新鮮，炸得好香口佢可以揀大中小辣，我哋揀咗中辣，但係都唔辣芝士焗鮮魷炸香咗嘅鮮魷，再淋上芝士汁，令到佢冇咁熱氣，而且芝士汁同魷魚都好夾蒜蓉粉絲蒸蟶子王 呢個餸去食海鮮必叫 啲粉絲同埋蒜蓉先係主角 蟶子王都好大隻好爽好甜 店員仲好細心咁提醒我哋要趁熱食如果唔係蟶子王可能會變硬 蔥油雞 感覺食落似鹽焗雞，然後灑滿左蔥 味道夠鹹 啲蔥用黎撈飯好正喺港島區食海鮮又唔想入到咁遠 嚟呢度就冇錯㗎啦！

今日同女朋友係銅鑼灣行街佢想食中菜同海鮮就帶左佢黎呢間私房菜有多款海鮮，龍蝦蟹鮑魚貝類應有盡有仲有傳統中菜，好豐富菠蘿咕嚕肉咕嚕肉先炸後炒，做到外脆內軟既口感加上醬汁酸酸甜甜，好開胃胃口瞬間打開豉椒炒蜆蜆好新鮮大粒，食落唔會有沙，鮮味十足加上豉椒炒好香，沒有蓋過鮮味剛剛好霸王雞雞件皮香肉滑，食落肉質好嫩滑一定要連皮食因為帶有油香，係幸福既感覺加上葱油，好香口推薦！黑椒牛仔骨牛仔骨大件多肉，加上黑椒好惹味好好送飯

👯途經駱克道搵吃, 被40年老字號嘅廣告牌吸引, 決定去試下🥰🥢食店分兩層, 裝修簡潔, 座位寬敞, 店內大牆上仲有部大電視, 真係可以堪稱“撈電視汁餸飯“😆📝餐牌內, 海鮮選擇種類多, 仲提供好多不同煮法, 及各式小炒, 湯羹,飯麵都超多選擇🥰🦀店內推介食品👍蒜蓉粉絲蒸大蟶子 （每隻）$88蟶子皇真係好大隻呀, 乾淨冇沙, 蒜蓉清蒸特別帶出鮮味, 肉質爽口, 粉絲入味😋🍤鮮奶蛋白蝦球 $168八隻大蝦球, 肉厚彈牙, 鮮奶蛋白炒得滑溜不油膩😋✨馳名沙拉骨 $88咕嚕肉嘅煮法上面鋪滿沙律醬, 味道好協調, 沙拉骨大大件, 唔多肥肉, 口感唔會油膩😋🧄蒜蓉蝦乾蒸勝瓜 $88勝瓜蒸得好軟淋, 鋪滿蝦乾蒜蓉去蒸煮, 非常入味💕整體小炒夠鑊氣, 碟頭份量十足, 以平均價一百幾十嘅菜式選擇又多, 性價比高, 真係三五知己聚餐嘅好選擇🥰

今晚朋友作主，預訂了一間菜館，裝潢不是金碧輝煌那種，卻有平實，傳統家鄉菜館的感覺。期待今晚的餸菜。今晚是日例湯係㷛蓮藕, 濃稠甜美，補氣益脾, 材料十足。沙拉菠蘿蝦球蝦球拳頭咁大，又爽口又彈牙，沾上沙律醬，開胃惹味。豉汁蒸魚雲蒸煮時間掌控得宜，魚雲非常滑溜。豆豉汁濃而不膩。融入魚雲內，入味。咸蛋黃涼瓜手工菜啊！鹹鹹香香咸蛋黃太過邪惡了。跟涼瓜嘅配搭，好夾。豉油皇炒麵炒得乾身夠火候。最簡單就最考工夫了。

朋友係要見嘅！所以我就約咗朋友一齊去越華會原班人馬主理嘅財記辣蟹私房菜食晚餐。 私房菜環境雅緻清幽，真係傾計嘅好地方 。 豉椒炒蜆$98 大蜆好乾淨冇沙， 鮮甜美味，豆豉夠香，加埋少少辣，好惹味呀！ 鹹蛋黃涼瓜$78鹹蛋黃嘅鹹度適中，能夠中和苦瓜嘅苦味，一口一啖非常過癮。蒜蓉蝦乾蒸勝瓜$88勝瓜鮮甜多汁，金銀蒜夠晒香口，喺秋天咁干燥嘅天氣可以食到一個咁鮮甜嘅勝瓜，覺得好幸福。蒜蓉粉絲蒸大蟶子$88/隻新鮮嘅大聖子長過手板，肉質鮮甜彈牙，蒜蓉好香，粉絲夠彈牙，一入口味道好豐富。京蔥醬爆牛肉$98牛肉夠曬淋，京蔥又惹味， 滿口嘅肉香加蔥香，一碗白飯係唔夠咖。