貴州遵義黔營羊肉粉 (利群大廈)

营业中

休息中

We ordered the lamb noodle and the spicy chicken noodle. Lamb noodle is just soso because it didn't taste fresh. The spicy chicken is not spicy at all....only the soup base is spicy which is strange.You can't compare it with the one from Guizhou but it is one of the restaurants that you can have different parts of lamb. I probably won't come back again.PS: Openrice is not letting me upload photos.

今日帶一個好仲意食羊既朋友去試下女人街近旺角頭的"貴州遵義黔營羊肉粉" (個名好難讀)一入門口已經聞到好濃既羊羶味, 個人覺得係香既~ 坐底睇下個餐牌, 講譚仔話阿姐過黎推介及落單,佢推介我地必食羊肉粉, 係佢地黃牌(阿姐好貼心問我地食唔食辣, 我都未答佢, 佢話我辣油另上俾你地試下啦), 我地再叫多個羊肉餃子同臭豆腐.D野食好快到, 首先試下啖湯, 不得了, 好濃既骨味, 一D都唔羶, 好鮮味, 好彩阿姐幫我辣油另上, 唔係就破壞咗哩種鮮味,羊肉係貴州棉羊, 唔係一般涮羊肉個D羊肉片, 肉帶少少筋鍵, 好有咬口, 不得不試~餃子我就覺得有少少失色, 因為用咗芹菜, 有少少蓋過咗羊肉味~臭豆腐並非香港食開個D, 可以一試

女人街一向都多餐廳，要喺競爭咁大嘅地方生存，梗係要有返咁上下特色先得！呢間係女人街頭嘅羊肉麵餐廳，睇個門口已經好似去咗深圳啲餐廳咁！平時去深圳都好鍾意食啲羊肉，因為真係特別好食，啲羊肉特別蘇，好正！見佢以羊肉做主打，即刻叫個羊肉麵試吓先！個湯好清，飲得出係用咗好多骨嚟淆既，羊肉雖然份量少左啲，但係夠晒蘇！另外叫咗個羊肉餃，啲餃係鋪頭新鮮包的，好好食！之後再叫咗碟臭豆腐， 不過不失啦值得一提嘅係佢擺喺枱面嘅花椒粉同辣椒粉，加埋落碗羊肉麵都充滿麻香味，正！

上網見到呢間餐廳，專食羊，仲要開24小時幾有趣，就去咗食晏。未入門口就聞到有陣羊肉味，不過唔太羶，入得泥都預左食羊，應該冇問題。近門口座位比較迫，入邊就會比較寬鬆，weekend lunch都算多人，不過唔洗等。心大心細，最後揀咗羊肉粉、涼拌皮蛋、涼拌羊肚同羊雜。溫馨提示: 侍應姐姐親切有禮但廣東話有限，未必識聽，見格離有落錯單，雞絲落左雞翼(雞翅)，最好指menu confirm order枱面有多種配料，包括豉油、醋、鹽、自家辣椒粉、自家花椒粉，最特別嘅係有原粒蒜頭。聽聞係因為貴州人流行一啖生蒜，一啖羊肉咁食。涼拌皮蛋係四川皮蛋，製作關係所以皮蛋黃色既，冇咗平時皮蛋嗰陣噏味。涼拌羊肚有西芹，味道比較辣，但香。羊雜應該係用羊肉湯烚嘅，有羊腸、羊肚同羊膶。第一次食羊腸，明白咩叫羊腸小徑。羊腸羊肚都甜，好食。羊膶甘甘地，未必人人啱食。btw呢度真係有羊鞭食架。羊肉粉入邊嘅粉其實係米線，但佢嘅米線好特別比較爽口彈牙唔係平時煙un，唔係平時軟林林嗰啲。羊肉薄片，羊肉湯好甜而且冇想像中咁羶，由於我食得麻辣，加左大概¾羹佢哋自家嘅花椒粉，令碗湯即時香口惹味好多。佢嘅麻辣唔係死麻死辣，而係慢慢泌出

自從去過一次雲南旅行就中意左食辣，特別係內地成日用既青花椒，真係勁上癮！！可惜係香港食辣野都唔係咁易揾到內地果種味道，知道旺角開左間貴州野，就即刻泥試，一試就勁中意！每次一個人行過旺角都會不知不覺就走左入去😂每次入到去都食羊肉粉，獨姑一味，但真係好中意佢個湯頭，好香羊味。羊肉又切到勁薄👍枱面又有唔同辣椒俾你落入個湯度，青花椒仲可買番屋企羊肉面都好有口感，不過我自己中意佢個粉，軟硬適中。而且我覺得佢地啲姐姐都幾有心，早一排佢地用既辣椒唔辣，食過一次既我覺得唔夠辣想叫大辣既時候俾姐姐阻止我，提我轉左隻新辣椒會好辣嫁！好彩有聽佢話，中辣都辣都喊。不過個人覺得佢之前隻辣椒同羊肉湯個味夾啲，但依家果隻又好過癮喎lol中意食辣既朋友一定要試！

之前去開旺角見到間舖剛開張好似幾有風味，就去試過一次。今次去到餐牌轉左，最記得之前粉同埋麵同價錢的。枱面上有好幾款調味料同有得自己加蒜。最鐘意佢有得自己加料，口味可以自己調今次叫左個羊肉粉中辣，自己再加些枱面上的麻粉。味道都同上次一樣幾野味。碗粉都幾大碗，食哂都好飽唔夠辣，同姐姐講可以加辣，所以剛試的朋友可以叫小些，真係唔夠辣再加都得。本來叫左碟小食，掛住食唔記得影不過到最後有個小插曲令人感覺唔係咁好。埋單時見佢收銀可以用微x比錢，諗住幾方便就用佢比錢。但因為程式有些慢唔係好load到，收錢個阿姐就好大聲咁講 ‘唔好阻住哂，我好忙嫁’本來對呢間店印象唔錯，落單的人也很友善的，但最後咁樣樣，令人印象大打折扣

持續的凍，使人難免想吃羊。是日小人又趁機吃了碗辣麵加羊排，正好驅一驅寒。吃北方的麵，不來一點辣是不像話的。吃到一半才記得影相的羊雜粉，粉不似粉，反似是米線，煙煙靭靭的倒是正好襯著少辣的湯，吃到人鼻水交流的非常過癮！應該因為辣湯的緣故羊雜沒有so味，反覺爽口，跟湯麵是個絕配。更加不得了的乃是秘製羊排，燒得勁香的羊排散發著孜然粉的香氣，羊排又嫩又多肉，肥瘦均勻，甘香無比，單吃羊排或是佐麵都一流！寒天食羊，食之合時。

來開旺角，肚餓就去女人街搵食。無意中發現有間有特式的羊肉粉店，裝修都好中國，依家特色餐廳越來越少，就希望入去食D地度野！入到去係自助搵位，可能係午市的尾段，有座位，只係要答枱。但坐左一陣發現無人過來招呼，無水無餐牌。要自己周圍搵餐牌，舉手🙋🏻‍♂️叫餐都無人理，有職員只低頭按手機無理D客舉到手軟終於有人過來下單，叫左羊肉粉（職員介紹係當地特色粉）和凍奶茶。個職員推薦$200的秘制羊排（心諗中午時段一個人點會叫？ ）上菜都算快，但果杯凍奶茶如果10分滿分共可以俾2分，似凍淡奶多D。可能唔識港式奶茶碗粉都算好吃，羊肉有點蘇味但可接受。特式粉似係粗米線多D，有口感。

中午經過旺角女人街，唔知食咩，行行下見到呢間食羊嘅店，本身都幾鍾意食羊，所以就一於入去試下😎間野絕大部分都係食羊嘅，同埋食麻辣。不過我就唔係好食得辣，所以嗌個陣嗌左最少嘅辣。碗粉都幾大碗，而且羊肉都幾多下👍🏼真心出乎意料👀 而且價錢唔貴，都幾抵食😊啲羊肉都幾嫩口唔會煮得太老。而且啲辣係辣得黎幾香，唔會剩係得個辣字👍🏼 愛辣之人一定要試佢啲辣👍🏼👍🏼 間店都幾企理同埋乾淨👍🏼而且好有中國風😎

女人街是平常不會去的一個地方 但自從朋友介紹了這間羊肉粉之後 好像上了癮一樣 經常都想念這個味道 自己再去了三四次menu上有羊的不同部位食的 但基本上每一次不愛內臟的我都會揀最普通的羊肉試過羊肉湯飯 紅油羊肉拌面（好辣）最好食都係羊肉粉（$45）羊肉不算好臊 雖然是切薄片 但份量一點都不少湯底好香羊肉味 而且好清 每一次都好想全部喝掉米線是試過的暫時最好的米線 比譚仔的粗一點 而且口感好好 好彈牙最好的是這間是開24小時的 什麼時候都可以食呢現在一去到附近就會想起他了

今晚行經旺角女人街，係街尾發掘到一間食貴州羊肉粉的舖頭，好想推介！門口有好多自家製的辣椒油、辣椒粉、花椒粉、陳醋，好有心思！「紅油乾拌羊肚粉」首先要講呢碗粉，靚女侍應話係由貴州直運到香港，所以夠晒地道風味。外觀好似米線，但入口滑溜不癡牙，十分爽口！配料包括羊肚和莞茜菜，羊肚切到好幼，但仍保持爽口質感。羊騷味不濃，適合怕騷的朋友嘗試。莞茜和辣椒油也很匹配，食兩啖已經汗流浹背，好刺激！「羊雜」顧名思義即係羊內臟。外觀看起來比較乾，唔似平時食開的街邊牛雜咁多汁，但食落一d都唔輸蝕！呢碟羊雜爽口鮮嫩，羊味濃但騷味不重，而且種類好多，包括羊肝、羊大腸小腸、羊肚等，有部分認唔出係咩部位，不過全部都好乾淨，而且無醬汁既食法反而更食到羊雜的鮮味，不錯👍台上有一碗生蒜頭，唔知係咪貴州餐廳特色呢？

之前上網見到呢間新開既餐廳已經想試好耐了因為我超中意食羊今日行經旺角，即刻諗起餐廳裝潢好有風味，地方都算大而且有卡位，坐得都幾舒服首先，叫左個招牌羊肉粉羊肉份量唔少，有好多塊騷味都好夠又濃而且好滑，好正！香港比較少有專登食羊既餐廳粉，係用左貴州粉比米線更爽口彈牙份量又多配上芫茜好香口小食，叫左涼拌海帶海帶夠爽口，而且夠辣一試難忘羊既選擇都好多下次會試埋其他餐廳上菜速度算快侍應態度有禮作為羊既愛好者，必會再去！

我地一行兩人去到，初見店面幾大，也寬敞，裝修唔錯，食物方面選擇唔多，以羊為主，我們兩人要左一個羊肉粉小辣，同埋一個紅油干伴羊肉粉，仲加左一個羊排，羊排一共有三個，大大只，烤得入味。兩個羊肉粉，肉湯羊肉濃，羊肉也不少，粉夠彈牙，好吃。我地一個男仔，一個女仔、兩個人食到飽飽地，其實兩個男仔都已經夠食啦，如果兩個女仔，可以只要一個粉和一個羊排，已經可以大飽口福，這次未食涼拌菜，下次要補返。推薦啦，下次會再來

冬天食羊就最啱，之前有朋友食過LEE間羊肉話好味又唔羶，今日終於可以約到D朋友嚟試下啦！店內環境好中式設計，都幾特別，不過始終係旺區，D坐位就迫咗小小，要坐得親密D。係香港主要係食羊嘅舖頭真係好少有，基本上大部份都係羊，見餐牌就知，好啱冬天嚟幫襯。今日好開心叫咗好多款式一齊食…秘制羊排：真係超好味，肉質易咬有口感，味道適中，鹹味剛剛好，唔會好椒鹽，又真係唔覺有好勁嘅羊羶味，又唔會好肥，一件唔夠喉，好想再食多件。羊肉粉、牛肉粉、紅油幹拌羊肉粉：大家SHARE食，有辣有唔辣，有湯有拌粉，羊肉唔會勁羶味；牛肉都唔錯薄薄地有牛味；D粉口感好好，好滑。原汁羊肉湯、羊脚湯：個湯真係好清甜，同樣唔會有大陣羶味，羊脚我無試，但朋友就話口感好好，彈牙咁話，下次真係要試下先得。涼拌青瓜、涼拌萵筍、涼拌蓮藕：涼拌對我嚟講就辣咗少少，但都好味。青瓜爽脆、萵筍同蓮藕又爽口。同一餐飯有涼拌，有肉類，配在一起食又真係幾好，唔會好膩。

天氣咁凍，食羊就最暖身我本身唔好羊肉，但男朋友就勁鐘意佢一直想試＂貴州遵義黔營羊肉粉'' 咁岩落開旺角行街，就過去試下好唔好食！叫左幾樣野試下，下次會黎再試埋其他。