貴族甜品 (元州街)

营业中

休息中

先講甜品我與其中一位友人分別點了兩款芒果甜品一款名叫白雪公主 另一款是芒芒小丸子白雪公主是芒果河粉 河粉淡而無味 而且太幼身 口感不佳 配搭的芒果沙冰亦太稀芒果小丸子的沙冰亦是太稀 芒果太酸 欠缺鮮甜的感覺 小丸子亦太硬裝修唔錯 見到牆上有好多名畫但食食下有勁多蚊子 衛生情況有待改善

平時我很少吃糖水的，一來覺得吃完正餐再吃糖水會很肥，二來糖水店的質素十分參差，一不小心就會「中大伏」。不過這天和同事到荃灣工作，吃完飯同事提議吃糖水，便大家各自點了一個糖水拿回工作地點吃了。我點的糖水名叫「清湖映月」。一打開，雖然看到月亮的倒映已在運送的過程中被破壞，但也依稀看到一個湖面，相信在店裏吃的話，賣相會是與名字一樣美的。其實，我是因為喜歡吃芒果才點這個糖水的。剛打開蓋子，看到份量十足的芒果肉和芒果雪糕，我已是垂涎三尺。可是，吃過糖水後，我才發現給我最大驚喜的，是內裏的紫糯米。這碗「清湖映月」的紫糯米並非煮得特別出色，但它與芒果肉以及椰汁的配搭卻是令人眼前一亮。糖水店慣用的生果都是浸過糖水的，吃下去略甜，這間也不例外。但正因如此，配上紫糯米和椰汁各自的清香，才使整碗糖水的甜度剛剛好，吃下去既不會太甜，各樣材料自身的味道也更突出。這正正是我欣賞這碗糖水的地方。而其他數碗糖水，據同事的說法也是不錯的。我也偷偷嚐了一口紫薯味牛乳飛雪，紫薯味十分濃郁，喜歡紫薯的朋友可以一嚐。最後，雖然我不吃糖水是因為不想肥，但也不得不讚這家店的糖水份量十足，以三十多塊的價錢來說，絕對是物有所值！

貴族甜品 呢間甜品舖開到好多地方都有 而且質素一向唔太差 今日又過嚟食啦 見到個餐牌有甜品放題 不過食咗晚餐先過嚟 所以就冇揀到 下次空肚都可以嚟挑戰一下 價錢唔貴好似幾抵食今日就叫咗個朱古力心太軟 份量唔大 但係一切開啲朱古力漿已經爆曬出嚟 好豐富 食落朱古力味好濃 而且味道唔太甜 啱曬香港人嘅口味 外面嘅朱古力蛋糕好鬆軟 正 仲可以配上兩球大大球嘅雪糕 我就揀咗芒果同埋曲奇 都係一般嘅來貨 冇乜特別

食完晚飯, 同2 個朋友一齊去食飯後甜品綠茶雪糕好食...整體配合得幾好, 好似好豐富咁..呢個小丸小好難食...好酸, 完全冇諗過小丸子會酸呢個糖水一般, 冇咩特別!呢間店我唔會再去, 服務態度極差!!!!!!!!!!!

之前開飯網曾經舉辦過「一個人開飯」的活動推廣，當中的活動重點就是，每個月固定有指定日子內的指定餐廳食店，若果在那些食店，成功以手機程式功能，做到「一個人」訂位的話，就可以享有一折的價錢優惠。可惜活動好像已經過去，優惠已經完結，我還是找不到適合自己的，又有一折訂座優惠的餐廳，或者已經滿座。所以一折訂座優惠，我始終還是無福消受。另一方面，亦不是所有自助餐或放題餐廳，都有適合的相關訂座優惠。例如我最近，在長沙灣的甜品店「貴族甜品」，發現餐廳推出了每位港幣一百二十八元價錢的「甜品放題」，顧客可以在指定一個半小時內任叫任食甜品。可惜長沙灣「貴族甜品」，偏偏就不是適合一折訂座優惠的食店，做不到以「超平價」享用甜品。況且一個人食放題，不像自助餐一樣可以盡情任取食物，據說食放題剩下過量食物，是要罰款賠償的。另一方面，我之所以刻意找上了「貴族甜品」，本來是見到他們有些「牛奶飛雪」甜品，本來是「綿花冰」的外表造型，竟然可以做得很像韓國雪奶冰甜品，所以一度給了我很大的幻想與期望。可惜，理想與現實始終還是有一段距離，「綿花冰」始終只是「綿花冰」，無論如何都是很難造到，模擬到韓國雪奶冰的口感與甜味。另一方面，我

此間雅致有歐洲古典風，下午茶市十分「靜局」。秋風起，首次跌到20度，孜孜不倦，口乾喉痛，想吃3·6牛奶燉蛋白。仍是很少服務員，只有2人總理厨房，送外賣，落單，收錢……。點選熱3·6牛奶燉蛋白，等了15分鐘，心想是即叫即做，慢工細貨。惜只是微暖而已，面上的還可以，內裏的完全不熱。不熱亦不是冰涼，屬最差的狀態。如不是時間有限，會請她們再翻熱。如上次一樣，接近無糖狀態。迎合年青年人口味。我覺得應略增糖份，否則有負「甜品」之名。熱椰王3·6牛奶燉蛋白較好，是熱的。兩者奶香都不足，嫩滑程度僅合格。最大敗筆是較多水份。份量則十分充足。此店賣潮物凍食為主，宜在傳統熱食下功夫。

今天接值得被愛的孩子放工，因她快要生日，便請她吃個甜品少少慶祝一下。本身想在她工作地點附近，最後行到長沙灣，她提議到這裡吃，最重要是她喜歡便可!餐牌上有很多的甜品供選擇，真的花多眼亂! 最後還是養生一點，選擇了看似較輕盈的石磨蛋白杏仁茶($30)，而女女則選擇了法式馬卡龍窩夫 ($38)。先說我的蛋白杏仁茶，不屬茶般流質，質感如糊狀般稠結，正合我意；口感尚算順滑，但感覺不像石磨般幼細；幸而杏仁味道頗為突出，蛋白份量亦頗多，甜度剛好，亦算不錯。而女女的馬卡龍窩夫賣相討好，可惜馬卡龍只有死甜，幸而窩夫新鮮製作，外脆內軟，與雪糕冷熱交融，亦頗為不錯。看到乖女心情好一點，願意信任我與我傾談，慢慢成長，什麼也值得!

同完一大班friends食完飯，梗係要去食埋甜品先夠喉啦。我地經過呢間叫貴族甜品嘅舖頭，就選擇入黎。呢間野嘅裝修都幾高級咁我地最後就叫左楚楚動人、伊甸園、龍珠二世、紅豆雪米糍豆腐花。楚楚動人有好多粒龍眼肉，好清甜，配埋綠茶雪糕，好特別。紅豆雪米糍豆腐花d紅豆好甜，好似日本嘅紅豆，豆腐花都好好食，食完唔覺好飽飽濟濟。伊甸園就有好多芋圓個d，非常適合一d好中意食芋圓嘅你，d圓唔會好難咬得開。龍珠二世就主要有芒果，但配朱古力雪糕就有d唔夾。

想去深水埗食芋圓，但又好怕要等好耐位，都係求其搵間糖水店就算😂  🌴椰皇燉蛋白雙丸 $45 雙丸係指芋圓加湯圓，但我數過芋圓得5粒咋，唔夠喉😭😭而湯圓就係芝麻味。蛋白香滑，好熱！燉蛋白應該用左椰皇水整，所以食落仲有陣椰皇既香味，我諗呢個甜品應該幾養顏，要食多啲😆😆 🍵宇治金時 $35 綠茶雪糕奶味偏重，底下既刨冰 淋上左煉奶，唔太甜又幾好食！旁邊仲有軟綿既紅豆同彈牙既小丸子，不錯既甜品😚😚😚 

晚上 11點 經過 ，係荔枝角同長沙灣交界想搵間糖水鋪，原本仲諗住行去松記 ，但仲要行嘅路程仲有排，突然見到M記旁開換左間糖水，睇下餐牌都多選擇，可以試下，裡面地方都闊，每張枱都可坐5至6個人，都好岩朋友幾個一齊食吹水。我叫左基本 楊枝甘露 試下，三十蚊碗，叫完唔係轉個彎就即送黎，都等左5分鐘左右，但唔趕時間就無所謂，而且都係即叫即整，味道方面，芒果汁唔係好濃，本身芒果有D甜有D就沒咁甜，總括一般，下次再試其他！

去長沙灣探朋友行到熱辣辣見到甜品店，即刻大叫要食冰消暑本身見到餐牌上食物價錢$4x,都幾得有少少貴，但真係太熱，所以都無諗咁多。但原來呢到有下午茶餐牌，大概會平$10(4x價錢用3x就食到)，同行2人1B決定要食3款，但分開叫，一次過點怕食物會溶由於即時製造，都要等10至15分鐘，雖然當時餐廳唔算多人餐廳裝修都幾靚，青綠色牆身，牆上有幾幅畫，等候期間，作為小港女，就係餐廳內影左幾張相點左陽光小子(芒果綿花冰),$42，(不在下午茶餐牌內)，綿花冰其實全部都差不多，但呢間都幾好食，附有紅豆，小丸子，增加口感，而且有幾塊芒果肉，好甜好好味之後再點在下午茶餐牌內的金磚吐司，$3x,圖片係士多啤梨雪糕，但由於本人非常抗拒士多啤梨，一問下，原來有6款雪糕可選，最後揀左oreo曲奇味吐司在小港女影完一輪相後仍然脆口，配上雪糕，媽呀！好 (不過有少少唔開心係個甜品淋左士多啤梨醬可能我表達得唔清晰)無奈由於甜品份量都唔少，所以本身想叫下午茶內的芒果拿破崙都食唔落，下午茶餐牌內仲有榴槤窩夫配雪糕，芒果班戟，要再黎試多幾款先得。*雖然餐廳內店員姐姐要一腳踢，但都耐心介紹餐牌，抵小建議：食完甜野會有少少想飲

天氣熱辣辣，晚飯後當然要食糖水消暑下。長沙灣都有好幾間甜品店，最後揀左貴族，點解呢，因為店面大d, menu內多選擇。個menu色彩繽紛，款式又多，真係琳琅滿目。星期六日會有好多人等位，我今次平日去，一去就有位。一入店內，充滿香噴噴嘅窩夫味，不過剛吃飽，就唔食窩夫咁飽肚。我地叫左宇治金時同伊甸園。宇治金時係抹茶冰，有練奶，丸子，紅豆。丸子份量好重手，而碎冰加上練奶，絕配，而且唔太甜，咩暑氣都消哂。佢唔係棉花冰黎，仲岩我，我就最愛碎冰。伊甸園係花奶加珍珠丸子椰果龍眼肉，我比較唔喜歡呢個，太多不同配料，口感太複雜，而且太甜，唔夠消暑，無透心涼嘅感覺。不過優點都係份量好足夠。埋單$67， 呢個價錢喺mk/ tst只點到一個，太抵。

長沙灣糖水鋪唔多，呢間糖水鋪新開冇耐，經過見到門口有張海報，寫住有6款甜品$15，所以被佢吸引左。6款特價甜品包括有：牛奶燉蛋白、酒釀丸子、糖不甩、紅豆奶凍等等…牛奶燉蛋白$15先叫左一碗牛奶燉蛋白$15，質地尚算幼滑，幾香牛奶味，我諗如果叫熱食應該更好好味。心太軟$48心太軟配兩球雪糕，我地揀左曲奇味同綠茶味。心太軟都幾流心，但味道方面有待改善。朱古力味唔算太濃烈，但就好大陣麵粉味，而且有D鞋，面頭既糖霜都結成一塊塊，唔再粒粒分明。玫瑰仙子$30本來諗住食兩樣甜品就算，但見到呢款玫瑰花味既雪花冰都係$30，所以食埋呢樣甜品。雪花冰味道唔太人工都幾自然，有淡淡既玫瑰花味，旁邊仲有啲乳酸味既爆爆珠，夠清新！餐牌

貴族呢個名詞應用係甜品上係會令人有幻想的，第一次跟朋友黎食，周五晚人流唔算多，門面頗光鮮，格局有別於一般港式糖水舖。特價區幾吸引！歐陸風裝修算不錯，可惜有蚊飛飛下。餐牌好多選擇，中西日都有。呢度都有桃膠，鮮什果桃膠$39特價，都幾大份，鮮果太鮮，奇異果好生，整體一般，可以skip。杏汁燉雪蛤膏$55，中式糖水反而好D，好多料，尤其係蓮子，蓮子口感不俗，杏汁味濃，唯雪蛤膏冇口感，如啫喱，食得出質量麻麻，。下次黎都係食芝麻糊比較有信心D。

最近長沙灣開了很多食肆，其中甜品店更是越開越多，行過元州街，見到貴族甜品開新分店，門外等外賣的人山人海，店𥚃仍有空位，所以我們就決定試試～新店開業，椰青水外賣價$15杯買一送一，所以吸引不少人輪候購買～甜品款式頗多～拿着宣傳單張光顧還有九折優惠～第一次食白雪黃金卷，河粉非常爽口彈牙又滑嘟嘟，味道清甜，感覺有趣～內𥚃包著新鮮芒果，正好熟透，非常清甜，芒果味芳香～相對魔鬼的誘惑就令人失望，作為朱古力控，一向對朱古力味的甜品要求特別高，這個魔鬼誘惑可以說是沒有味道的，朱古力味輕輕滲在冰上，甜味也沒有，所以機本上只是在吃沒有味道的冰，即使有香蕉、紅豆、朱古力漿作配料也無法帶出任何甜味，甜味沒有甜味可算是失敗之作，相比起松記的朱古力綿綿冰，松記只售三十多元，朱古力味豐富濃郁，而這款魔鬼誘惑售四十多元卻淡而無味，所以非常失望⋯