越華會海鮮小館 (已搬遷) 新店位置

靚靚媽咪不但係一個標準電視迷，而且仲係Bobby哥o既忠實粉絲，所以近幾個星期都喺度狂追睇「老友記」 。週末播完大結局，見屋企人都仲講緊套劇，XO仔就建議大食會去Bobby哥有份開嗰間「越華會海鮮小館」度開餐。由於餐店就喺公司附近，小肥收咗工可以直接行過去，故亦專登訂食六點半。去到門口先知原來食店只開晚市，彷彿專為夜鬼而設。門外o既廣告牌所示，「越華會」乃得奬熱店 ，招牌菜式以海鮮為主。食店佔用面積兩層，由正門入可乘搭私家升降機直達二樓o既大廳散座，或三樓o既廂房。二樓近窗一排卡位，六點半未到已坐滿食客；中央o既大、中、小圓枱七點亦滿座，似乎餐廳同老闆之一o既Bobby哥一樣都係咁受歡迎喎 。廚房旁邊有幾個魚缸，可見多隻巨蟹同龍蝦喺度游水，缸頂o既招牌仲有兩隻可愛o既龍蝦氣球點綴，主打菜式明顯係蟹同龍蝦。人未到齊，長輩都話要飲啤酒解解渴，消消暑，點知店子只售細樽裝啤酒，又唔係幾夠凍 ，所以飲得唔係幾夠痛快。大食會各人都係因老友記效應，方才首次光顧「越華會」，點餸好自然地亦從兩頁「廚師推介」著手。點好菜，姐姐仔先派發濕紙巾。嘻嘻，濕紙巾上個廚師嘜頭望落真係好似Bobby哥喎 。

建議減緊肥嘅朋友唔好去 因為佢地嘅炸野超好食超有水準！芝士炸鮮魷：冇錯，佢係三高人仕最怕見到嘅魔物。芝士汁係芝士龍蝦伊麵果隻芝士汁，不過唔係次次去食都咁濃芝士味，但彩數好嘅話就真係好正。至於個鮮魷就一般，因為唔係舊舊都好食，有啲好厚粉有啲啱啱好，都係果句，睇彩數唔知叫咩但有粉絲同蜆嘅湯：我平時都唔係好好有湯嘅野但係依個湯真係好正(我飲左4碗)，個湯有好重嘅魚味，但又唔腥因為有好大陣胡椒味，蜆肉嘅味比啲粉絲索哂超好食。椒鹽九肚魚：炸得啱啱好，外脆內軟，軟係非常軟軟到好入口即溶。記得依個一定要襯熱食椒鹽豆腐：香港好少地方可以做到依個水準，又薄又脆嘅金黃色外皮咬一啖係又軟又香嘅豆腐

都話系廣東菜包羅萬象，咩都有得食，其實我覺得哩句話系岩咗一般吧，因為就齋海鮮嘅食法就已經同其他有區別，不過隨著時間嘅推移，美食之間相互借鑒，趨於同化、瀨尿蝦，一節一節非常分明，偏透明之間見到肥厚嘅蝦肉，哩個季節食無錯，椒鹽味都算系上乘選擇、猛火通菜，帶有辣椒，蔔蔔脆嘅同時又有辣嘅勁爽，總體上辣的過癮，食得過癮。特別嘅魚湯浸龍蝦，魚湯本身系有腥氣嘅，不過經過適當嘅處理，鮮美味道，濃白色咁，浸大蜆，兩鮮相加系一道加法，大蜆好好味，用魚湯浸泡之後，帶有魚湯嘅鮮美，而且味道好濃香。點解我只不過系想將自己嘅感受寫出嚟俾大家睇下都咁艱難咧？

朋友舊曆生日 叫餸食飯呢度食海鮮嘅 但我地第一味菜係叫左個脆豆腐 外脆內滑 好正 第二道 - 蒜香骨但個不太特別 比較大件蒜味不濃之後生日又點少得食雞叫左半隻霸王雞 配鮮魚豉油好味沙嗲牛炒芥蘭芥蘭菜無食晒 因為太多油有小朋友係度 所以叫左粟米海皇羮羮內嘅帶子同蝦都鮮甜 但個羮比較稀一個例鍋可以裝到5-6碗鮮蝦 帶子小朋友要用飲管飲 人仔細細飲兩大碗最後 又係忍唔住芝士伊麵嘅誘惑叫左芝士大蝦伊麵大蝦係炸過嘅 大大隻 啖啖肉芝士伊麵嘅份量偏少整體味道還好 不過比較乾身如果可以落多少少高湯就very good喇

又到母親節，外母要食中菜，我梗係想食大排檔啦，但太太同外母會嫌地方唔乾淨，不過酒樓中菜總是欠少少獲氣，呢間中菜館又好好，雖然裝修唔靚，但小菜館地方都叫乾乾淨淨，我就最鐘意佢夠火喉，小菜特別好食。 先來炸墨魚餅，自家打成蓉再即叫即炸，好新鮮，外皮好脆入面夠彈牙，再點埋甜酸汁，十分開胃。 鼓椒炒蜆完全無沙，粒粒都好厚肉，個汁夠曬濃味，好新鮮好好味，每次來必點，個個搶住食。 蒜蓉蒸蝦好新鮮，好鮮甜，大量蒜蓉超野味，甜鼓油提升到蝦味，唯一缺點係細隻左d 有人話老人家先食苦瓜，咁除左我外母鐘意，我都可能就來成為老人家，因為我都好鐘意，我覺得甘而不苦，唔會整到太淋身有少少爽脆，鼓汁同苦瓜好夾，正 姜䓤蒸雞，隻雞超滑，個汁又係一絕，送飯食一流。 最後來個鼓油王炒面，味道依舊好味，有洋蔥有大蔥頭成個面都好香，但可惜今次無炒得咁乾身有點扣分，之前食過2次好夠味好乾身，好唔好食其實都要靠少少運氣，可能個廚琴日輸馬心情不佳所以失手，哈

越華會咁多年都係我嘅至愛，佢嘅小菜同海鮮好有地道風味，有水準～灣仔店地方細小，所以如果要食嘅話，就要提早book啦，如果唔係就要等好耐～ 夜晚唔知幾多點之後係會有特價時段嘅～ 但係因為我哋成日都會好早食飯，所以配合唔到去食嗰個時段～避風塘炒蟹：好香好惹味，好大隻好多肉；媽咪成日會打包埋d辣椒乾蒜返去再炒其他野～黃金豆腐：呢度必叫嘅招牌菜，我都係食完呢個豆腐之後先至咁鍾意越華會，每次黎都係為咗食呢個黃金豆腐～ 因為香口得黎外脆內嫩， 感覺好正，好有豆腐香～蒜蓉蒸帶子：帶子好大隻同多肉，蒸蓉蔥令粉絲蒸出來非常香而且入味～豉椒炒蜆：好惹味，好多隻，好多肉～乳鴿：好香口，好脆，好好味～

今日天氣又好似降溫了，同人去越華會海鮮小館哪裡吃晚飯，海鮮大餐，我來啦。瀨尿蝦很大的，每一隻都是個頭很大，我覺得挺好吃的，味道是會讓人覺得s辣的，入口之後是要過一段時間才會辣起來，後頸足。瀨尿蝦的吃的過程比較麻煩，容易弄髒，瀨尿蝦上面有非常多的配料，大家都非常喜歡吃，瀨尿蝦的肉質挺鮮美的，很有彈性。另外，脆皮豆腐我極力推薦吖，外表完全是酥酥脆脆的，很香口的口感，不過當你咬開表面的一層之後，裡面的豆腐就是非常的反差大，是很鬆軟鬆軟的，很容易入喉。當然還有其他的美味的食物，越華會價錢比較公道，服務挺周到的，還不錯。

去越華會梗係要叫啲小菜啦！蒜蓉粉絲聖子皇,味道都幾好，聖子夠爽口，但粉絲有些硬！不過汁唔夠多，如果唔係可以食一碗白飯！ 最精彩喺蝦多士真係十分之好味。非常脆，加埋啲芝麻，美味可好！而且蝦是有蝦味，外脆內軟又香！但略嫌少啲油會更加好。但真係忍唔到食完一件又一件。 蔥油雞隻雞好新鮮又唔肥，食唔出有雪味，所以當係新鮮雞。蔥夠晒多連埋啲雞一齊食，送飯係一流！ 蜆肉雖然細，但好鮮味又爽。個湯上枱都夠熱。湯味十足濃，完全可以當湯來喝。食完不會有口乾嘅感覺。味道滿意！

今日去大浪灣玩，當然之前食過一次之後勁愛上䓤油雞，所以今日下午已經打去訂位，但已經說最快要晚上9點15分才有位。唯有吾食，之後男人話灣仔 有分店，即打去問可以早一點去食，最後一行5人在8點半到達灣仔的分店食。成間餐廳都滿人，超迫，坐得冇咁舒服。但等左大約半個鐘就有返張大桌比 我地而人也開始離開。當然飲酒的人買了酒回來，但原來筲箕灣免開瓶費，而灣仔要＄50。但都買了酒，唯有開一枝白酒吧。當然要食回之前覺得好吃的東西再加新野。5個人 吃了6個餸，大約15分鐘就可以開始上菜。䓤油雞 ＄110：䓤一樣照多，但油就少一點，所以香味失色了少許，雞一樣都滑同肥膏不多。送飯一流。椒鹽九肚魚＄78：炸得可能多水左少少，不是很硬。魚都夠滑，但吾夠香口。鮮蟹肉冬茸羹$98：之前在筲箕灣見到已經想食，今次當然要試下啦。但灣仔係粒粒冬瓜而不是茸，有少許蟹肉，但味精偏多同咸。失望。椒鹽豆腐：夠脆又香口，豆腐又滑。味道一流。三色蒸水蛋：水蛋太老，但三色蛋夠香同足料。份量不多，但因太老而吃了一半就沒有吃。胡椒蜆：比筲箕灣胡椒味更勁，好香胡椒味。蜆都好鮮甜。推介！～總結：如果同筲箕灣味道，地點，各有千秋。視乎飲吾飲酒的

踏入2015年大顆兒相約小聚，大家想吃新鮮海鮮，除了坐車到老遠的西貢最佳之選莫過於「越華會」了！頭盤大家都要些煎炸小吃：椒鹽鮮魷、黃金豆腐、椒鹽九肚魚、酥炸生蠔，一下子盛滿整個餐桌。未幾，主角們也端到轉盤上，我們點的都是越華會馳名多年的海鮮作主菜。「薑蔥蠔煲」每隻蠔有如手掌一半巨型，醬汁濃郁，大家連煲裏的大蔥都吃清光。「薑蔥炒蟹」不夠五分鐘也到了，雖然味道與蠔煲一樣，蟹肉的鮮甜味是重點啦！嘩！這客簡直像尋寶的「蔥油雞」，一端到面前完全看不見有任何肉類，只見到一整片的綠悠悠。哈哈！真的讓人流口水，蔥油不但令雞肉更加入味，大家也忍不住每人要一碗白飯務求清乾所有蔥油（管它什麼脂肪膽固醇）！然後「蒸扇貝」也令人嘩言，那顆扇貝比我的嘴合上時還要大得多！有粉絲及蒜蓉伴隨著特大號扇貝簡直無敵～「豉椒炒聖子」亦令人看傻眼的超級大隻！味濃小辣，聖子亦被洗得很乾淨沒有一點沙。重頭戲就是這個「避風塘瀨尿蝦」，超級有霸氣！又如蔥油雞一樣， 珍寶size的瀨尿蝦被香料埋藏著（不過這次沒有人拿來拌飯吃，太辣了！）碟邊都叉著多把剪刀，用作剪開瀨尿蝦的。蝦肉很爽很鮮甜，辣味都主要是在蝦殼上面，不慎舔到蝦殼的話舌頭會發

前兩晚宵夜時段已經想食，但要等位，抵唔到肚餓過左隔離辣蟹食…點知中伏…唔忿氣點都要食返餐越華會!好好彩即刻有位，整體水準仍然唔錯，最驚訝一眾侍應阿哥竟比以往好服務

越華會係我屋企人經常去食的一間餐廳, 大大話話都去了十年, 每次去都要等位今次又去食, 等位等了差不多廿分鐘, 終於有得坐 點菜時間: 大家無異議, 首先當然係招牌的避風塘炒蟹啦, 今次隻蟹差不多成斤重, 肉質實bon bon, 好好食呀! 隻鉗又勁大隻, 鉗肉痴到個殼實一實, 哇! 好新鮮! 金沙的味道係十分之好, 將隻蟹帶到更高享受層次!我仲專登叫碗白飯用來撈金沙食, 不過好食還好食, 辣到我條脷好痛呀 家姐就鍾意用金沙撈干炒牛河食, 一樣好味油鹽水煮蜆係另一必食的菜色, 這裡的蜆沙好少, 可能浸水浸得耐, 所以唔會食到牙痛, 蜆肉都好新鮮, 真係好正! 家姐就喜歡內裡的粉絲, 索哂胡椒湯底更開胃薑汁炒芥蘭很有鑊氣, 有傳統大排檔風味, 廚師有功力

同家人吃飯、兼慶祝生日，原本想訂八點，怎知要八點半才有枱，本著餐廳寧等位，也不去無人小店，一於訂八點半。準時抵達，等了一會便入座。菜上得算快，又一證明是旺店，只有旺店才能練就此速度。蒸大蟶子略為老了一點點。野菌魚湯浸菜仔內有雜菌、白菜仔，還有少少杞子，感覺健康。椒鹽九肚魚和生炒排骨算合格。蔥油雞在雞上面鋪滿蔥，賣相特別，雞肉也嫩滑。唯一是椒絲腐乳通菜唔夠鑊氣。總體來說，家常小炒，水準合格，但性價比高，是輕鬆吃一餐的選擇。由於附近是Tony Wong餅店，所以買了生日蛋糕，要收$50切餅費。走的時候見另一枱也是慶生，同樣是Tony Wong蛋糕！

多謝兩位姊妹精心安排一早訂位，令我擦一餐豐富美食。  八點鐘準時到達等咗一陣上一輪枱埋完單即安排入坐，待應好爽手。 大家已揀好心頭好馬上點菜，轉眼新鮮熱辣嘅食物陸續送上。椒鹽豆腐： 麵醬夠薄炸得脆口椒鹽入味，裡面豆腐非常嫩滑又有豆香。辣蟹蒜豉汁蒸鱔：原以為會較濃味，原來整體豆豉、蒜都唔算重無蓋過鱔味。鱔都新鮮不過略嫌細條唔夠肥美 。豉椒炒聖子：當點菜時待應解釋來貨屬中size, 所以原先$48/隻變為$38/隻。雖然無聖子皇咁大隻但肉質爽滑鮮甜，而豉汁調較得惹味。避風塘辣蟹: 呢個餸係我指定要叫，因為想食剌激啲嘅味道，叫咗小辣。蟹有大、中、細三個價錢，細為$580一隻足夠三-四人份量。賣相吸引炸蒜堆成小山蟹蓋放上面，精粹係裡面青綠色嘅葱段索滿炸蒜味。蟹肉雪白鮮味，蟹蓋內有軟身蟹膏，蟹鉗巨大肉飽滿。炸蒜好味不停夾嚟食，選小辣又見唔到辣椒點知越食越覺辣口，應該加咗大量黑椒。埋單時待應提醒可打包辣蟹炸返屋企作炒餸調味或晒上食物面，果然夠細心。酥炸生蠔：蠔中型大小非常肥美爆汁唔會過漏，單睇外面炸醬好似好厚但咬落極其鬆化好輕身，連埋蠔一齊食口感豐富，一碟有五隻上枱連埋一瓶椒鹽自己加。整體食物美道

本來是一次歡樂的聚餐，被這家餐館都給破壞了!首先把新鮮的瀨尿蝦拿給我們看，$280/隻，貴唔係問題，但是煮出來的是很咸和蝦肉粘殼難吃的。我們亦叫了避風塘炒蟹，大大隻新鮮的給我們看，炒出來的又是蟹肉粘殼的！ 新鲜的海鮮它们的肉是不會在煮熟後還粘殼的，很難再去食This was suppose to be a happy gathering dinner, however it's totally ruin by this restaurant !First the bring out some fresh " pee pee shrimp" to show us in a bucket, $280 each shrimp, price is not the issue if it taste good right? But they turn out really salty and the shrimp meat is sticking on to the shellWe also order the stir-fride crabs, they play the same tric