越蘆越南牛肉粉

营业中

休息中

這夜探完病由東華走過來，因她說想吃越南菜。店，裝修得光猛闊落，樓底又高，幾舒服。叫左兩碗生牛肉河粉一份春卷。個湯好濃牛骨和洋蔥等鮮甜，撕碎些羅勒，入口時味道更豐富。生牛肉片粉粉嫩嫩，頭幾片清甜無渣。只可惜一夾起河粉就知唔得，河粉好厚身，唔滑，個質素我覺得同標記、雲吞成等等同級，真係浪費左成碗越南生牛肉河！其他如招呼、衛生都幾好

上環，一個離中環不遠處，要找下午茶，認真不易！因堅怕中伏，要選的美食何其多！行下行下，發現一間位於上環接近街尾暗角的越蘆越南牛肉粉，裝修門面極像越南的一些小店，藍色小店，格仔窗口，令人置身於芽莊的街頭般。下午茶set，叫了一份豬排撈檬，豬排有7塊，拼合有我手掌一樣大，也發現它是厚切及帶些肥膏的豬排，本人十分喜歡吃豬排，高峯期一天吃三個豬排包，一塊靚豬排重要是鬆化，有彈性，有骨連肥，但不覺肥膩，這間小店完全做到，一流水準！旁邊不同醬料任君配搭，令人食指大動，有隱世feel的越南小店令人份外驚喜！環境佈置也見其心思，用越南尖顶帽做燈罩，更有閒暇渡假feel!

前日去上環同班朋友食晏，見到呢間越南餐廳好新兼光猛，入到試試，叫左幾個set lunch ⋯⋯越盧牛肉粉，有生牛肉、牛腩片、牛丸、牛柏葉，牛肉及牛腩都Ok，牛丸爽但牛味唔重，牛柏葉係無漂過，切左絲唔洗食到似食香口膠咁，有心思；香茅豬扒湯粉，餐牌專登括住寫明鮮雞湯，我相信佢唔會呃我，但我真係唔太飲得出雞湯味，而豬扒就嫌甜左DD，但整體唔差；胡椒豬肉飯，胡椒豬肉做成肉棒，味道普通，唔重胡椒味，但欣賞個煎蛋餅，好香，食到有魚乾仔味，個白飯有飯香，唔鬆散，好飯；檬要，鮮茄蟹粉蝦丸湯檬，好重蕃茄味，香濃開胃；餐飲我加12蚊要左會安香茅蜜，賣相好睇，可惜飲落無香茅味，同一杯菜蜜無分別；食開咖啡嘅朋友，同樣加12蚊要左滴漏咖啡，佢一句唔好味，就句號左。

追加！嘔左成晚！仲要休克！成個人仆左係地下！去左睇醫生！話我食物中毒！大家要去食嘅話，不防睇一睇我尼個受害者！再諗諗係咪值得去試尼間野！我咁大個人，都冇試過咁辛苦尼間野真係害死人！我唔會再番去食囉

本身諗住去番尼間嘅上手食晚飯，點知轉左手！啲侍應態度又呆呆地....個扎肉雞絲湯河，雞絲油到一個點！扎肉又好似唔多新鮮！食得嘅野得洋蔥同河粉！番到屋企冇耐，個人已經唔多舒服坐坐下就去左廁所嘔！將晚上食過嘅野，全部嘔番哂出尼！辛苦到一個點！仲要請病假！

今日自己來左食呢間野, 叫了2樣野, 叫了生牛肉湯河和鮮蝦韭菜米紙卷....好似9吾搭8既配搭,但我就係想食呢2樣甘首先食左個鮮蝦韭菜米紙卷先.....個薄河味幾重...幾特別...吾識容形的味道..但值得一試!跟住食生牛肉湯河啦~~呢個河好滑好滑身, 但又吾會煮到爛哦~d湯係屬於比較濃既味...整體來講..成碗河都ok嫁! 不過我下次會叫多d人來食,因為自己一個真係食吾到幾多野,所以無吾叫得好多野食

今日係第一次食呢間, 見到menu好選擇, 但呢排減緊肥,好多野吾食得....所以今次只係叫左個碟 炒椰菜苗就算啦....大家平時食得多椰菜啦....但椰菜苗又有無食過呢? 不怕老實講, 我甘大個人,都係第一次食椰菜苗咋!!個外觀真係好得意!得意到吾忍心食用左d彩椒來炒椰菜苗...個味道好特別....第一啖食落係有d苦澀味.....但又吾似苦瓜甘苦...個苦既程度接受到....跟住d苦澀味又好快變甘香.....仲有好重好重既醬味....甘樣搭配真係幾好.....食到停吾到口...減肥好選擇下次不妨來試下

今晚ot, 自已一個人吃晚飯, 見到有間越南野有賣烤魚,所以就來試一試.自己本身好喜歡吃魚,所以一心為了青檸檬香草烤魚而來. $188 魚送來的時就有好大的味道, 令人流口水開胃的味道.上面有d香茅和香草，可以令到味道更鮮美鮮甜魚肉好嫩好鮮甜,還有一陣陣的烤味~~~好香口...至於骨吾算多,所以可以放心享用.不過最好吃魚時,還是不要說話比較好.其寊用來點醬汁就更加滋味開胃. 不過本人不喜歡點汁,因為認為吃魚最原始的方法還是不加任何醬汁.才能吃出鮮.有機會還會來的.

Although the food is decent , but the manager and staff r the worst I ever seen! they all held an emoji angry face like I owe them a money. I raise my hands asked for an extra bowl and spoon for my 2yrs old son, but the staff and manager pretend not seeing it.I have to walk to the cashier to ask for it.For the worst experience, after I paid the bill and walked out the door and put my son in the stroller. I walked back inside for the washroom, and one of the staff gave me a hatred face, I immedi

今日LUUCH係呢到買左個外賣反公司食...廢事同人迫~~~呢到D粉面好似好出名,因為見到好多人都食呢個下, 不過我今日吾試住,,,試下咖喱牛腩飯先!甘呢個咖喱牛腩飯外賣係分開裝既, 好多都會擺咪一齊裝,我吾係甘鍾意,因為有時吾想食甘多汁.D汁好邪惡的..所以今次個賣相同包裝都OK啊!岩晒我心水~~~食落D咖喱真係好有咖喱味..幾有香味....D汁用來送飯好味啊...連平時吾會落晒汁既我...今日都破介食晒它.....D牛腩炆得淋,食落都有口勁.....總括來講...呢個外賣OK啊!! 下次再試下新野先~~~

吾怕老實講,甘大個人,我都係第一次食越南野, 甘今次就決定試下呢間越南牛肉粉啦!甘就叫左個生牛肉湯河試下啦,,點知又好surprise哦~~生牛肉湯河首先見到碗河一來到,個份量都幾足料下smile 食落去, 想講個生牛肉真係好有牛味,又滑身~跟住D河又係滑lulu.....重點係個湯,真係好濃既味道,好正啊! 最後我差吾多飲左成半碗湯,哈哈呢個生牛肉湯河真係值得一試啊!! 下次仲會再來試咪其他野,嘿嘿

放工係上環探完朋友，要搵野食，本身好少黎依區唔知有咩好食，今日好似有啲病病地無咩胃口就想搵啲粉麵食。咁諗住見到咩就食咩啦，見到有間食米線既，價錢平但門面麻麻，再四圍望下之際就見到依間店面光鮮既越南野，門面用咗湖水藍所以好搶眼，望望餐牌又覺得唔算太貴就入去試下喇。佢啲粉麵就5至70蚊左右，都算合理，咁本來想叫個撈檬，點知佢居然話無檬粉做唔到，真係有啲失望，咁咁岩就見到隔離枱黎咗兩碟炒金邊粉，好似幾正咁就叫咗依個喇，原來一碟要$118，咁唔正都唔得喇。炒野要等耐啲，好似等咗都3個字，黎到見到個賣相都幾好，味道適中又唔油膩，唔咸唔淡，金邊粉有彈性，配料多得黎又夾，有雞肉同札肉條，夾埋食就最好味喇，旁邊有辣椒粉同花生，鍾意可以撈埋入去食，我就無喇，因為啲辣椒粉真係好辣下。總括就係味道幾好，但都係有啲貴。

今日午飯時,同事提議來食呢間, 話幾好味. 於是就拉攏大隊去食,好好彩我地吾洗隊,因為早走左落來,哈哈.其實個環境幾好嫁,俾人感覺幾舒服.我自己叫左生牛肉湯粉,改轉河粉. 生牛肉湯河d牛又滑又嫩, 無咩腥味,幾好幾好.d河吸晒d湯既味, 食落去好好味啊, 因為d湯都係精華來,好濃郁mad呢個牛油雞翼都好味, 食落都好有牛油味, 重點係吾算太油,整得幾好!  2 呢間野俾個Like它smilelike

今日食飯得自己一個人,原本吾知食咩好...不過見呢間鋪頭都好多人食下,甘就諗住試下啦!一個人,吾洗叫太多野,叫個河已經夠,哈哈未食過,又吾知食咩好..甘我見格離台斬係叫左呢個生牛肉湯河..我就跟風啦! 哈哈,你懂的點知食落去,真係停吾到口咯! 因為D湯好好味,又濃又正,令人胃口大開!!雖然D牛肉係生既,我都吾係好夠膽食,,,,因為自己吾係太接受到生牛肉,甘諗住試下啦!但又好滑同好鮮味!! OK嫁!下次搵多D人來食先得!

和朋友路過見到此店 ，見裝修精緻，價錢合理，又有食客，便和朋友入內。 自由揀選坐卡位，感覺寬敞舒適。 正在坐位隔鄰的飲品櫃 ，目測有多款式的啤酒和特色飲品。 侍應服務態度好，向我們介紹幾度出名的食物。 其中蕃茄蝦醬檬粉湯麵， 味到異常配合， 令人食指大動 。哈多士新鮮出爐， 喜歡炸物的朋友一口氣吃了三塊。椰青夠冰凍，夠清甜，一讚! 炒椰菜仔，高纖又有益，唔食很可惜。最後炒貴刁，辣道適中，很是惹味，辣得過癮，要encore多一個椰青止辣。 食物分量很足夠，二人食到捧腹而回。