車厘哥夫餅店

营业中

休息中

向太子港鐵站B2出口一出就搵到既餅店, 我幫襯左數唔到咁多年, 每次經過旺角太子去聯合廣場,花園街,旺角中心或者朗豪坊都會專登行去買佢既曲奇餅, 餅店舖頭細細, 包羅萬有, 有麵包蛋糕了結糖, 我都食過黎食, 不過令我無限次再去買都系佢既曲奇餅, 由$50/磅到宜家$110/磅. 但系佢曲奇非常鬆化, 牛油味香而沒有蘇味, 唔太甜, 買1/4磅, 行完條花園街已經食晒.佢有好多味, 但我獨愛牛油味, 呢個系我個人喜好, 鍾意食原味. 

黎開太子每次都會買反一、兩袋曲奇返屋企嘆，今次都唔例外。呢啲算係舊式餅店、非連鎖經營嘅真係好有價值。🔷咖啡味曲奇鍾意飲咖啡嘅一定不能錯過呢個口味，除左咖啡味非常明顯外，佢嘅牛油味都不被掩蓋。口感上入口即化，非常鬆脆，相信唔係好多地方都會搵到。甜度上本身食開少甜，但都唔覺呢到嘅餅好甜。🔷牛油曲奇/ 莓曲奇/腰果曲奇除左咖啡味外仲買左普通原味、莓味係中間，同埋腰果味，真係各有各風味。呢到嘅腰果仲係大大粒添。

黎到太子，路過呢間麵包店都會聞到一陣好香既曲奇味，就係呢間麵包鋪既香味吸引左d人行入去，不過佢d曲奇款式都真係好多，而且牛油味好重同鬆化，半磅就可以揀三款曲奇，個人比較鐘意朱古力醬曲奇同埋合桃曲奇。仲買多左條提子包。不過你唔好諗住職員既服務會好好，可能因為長龍多人排隊買曲奇，所以個收銀會好快甘問你要乜，買完就好快甘叫下一個嫁啦。

個公仔面頭女人收銀態度真係世界級，非常差，完全唔會放過任何一個機會鬧人。第一次買曲奇唔知邊個號碼係咩味，好有禮貌問佢結果比佢鬧，排我後面嗰啲都嚇親，唔知下一個會唔會到佢地。第二次我想買朱古力曲奇，但講錯第二種味道號碼，佢知道我買錯都唔同我講。但第三次去買個包，語氣勁差叫我拍八達通 雖然曲奇係好好食，好鬆化但一定唔會再去，而家又貴到離譜，同朋友講，佢都話d曲奇好貴，早餐面包亦選擇非常少，面包硬，似隔夜。

呢間餅店算是一間老店，係我讀中學時期已經存在，每次行經聯合廣場，都會聞到一陣陣好香的曲奇味。在若干年前吃下第一口的朱古力曲奇，便深深愛上了。今日行經太子，突然想起這店，心大心細想買曲奇餅食，但又怕曲奇的反式脂肪高，始終今時唔同往日！但最後魔鬼還是戰勝天使，所以就過去買左半磅，盛惠$55。曲奇味道依舊，牛油味濃郁，餅身鬆化，中間的朱古力更是畫龍點睛，令曲奇味道更佳。難怪此店屹立不倒，時至今日仍然客似雲來！

 靠太子地鐵站 聯合廣場地下有一間曾經風光一時的麵包店(GOOGLE資料)我就好似第一次幫襯經過無數次,都沒有幫襯過今次附近都早收工了,沒選擇下走入去買有些老朋友說,這店以前好出名牛油蛋糕好抵食,成底都只賣$35牛油味特濃特濃,仲有西米焗布甸比起一般小店有唔同選擇 仲有而家一街叫古早味蛋糕既清旦糕賣古早味蛋糕,即原汁原味不花巧即係清旦蛋,就係雞蛋糖麵粉焗香呢度一底只賣$17而已！老闆你焗高佢可以學人賣７０蚊底呢！沒有影射任何人，只係講真話牛油曲奇係另一個既招牌一磅賣＄１１０，可自選款式用料重本，拿上手食到濃濃既牛油香味放了2天仍然好脆口,款式有十種~ 除左曲奇外,仲有蛋糕,瑞士卷賣買了一條瑞士卷試試 仲有鳥結糖,有花生,合桃味62蚊一包瑞士卷$18一條朱古力味夠鬆軟,夠濃香,忌廉太少,如果多些忌廉更好吃旺角彌敦道760號聯合廣場地下G29號舖Shop 29, G/f., United Plaza, 760 Nathan Road, Mong Kok

又到生日時間，屋企人在太子的車厘哥夫買了一個蛋糕過來，平時食開這間的曲奇都覺得好味道而麵包就覺得一般，但蛋糕都叫第一次食，因家中不多人只有五人就買了一個粟子蛋糕細價錢七十元，仲有一個舊式的生日牌。食完飯拿出來到見到都覺得幾漂亮，邊位很多忌簾，而且整得好漂亮，上面有不少粟子和一粒大士多啤梨，切出來看到中間有一層粟子，士多啤梨味幾濃又甜不錯，粟子和其他的有不同好原汁原味又不太甜好味，海棉蛋糕都軟熟，忌簾味道不錯但不夠滑身，七十元有咁大個夠五人分少少來食的確十分抵食，會之後再買。

香港不可小的餅店，店內裝修舊式，但就因曲奇餅的出色，就名響全城，今次我就試試佢既蛋糕仔，價錢唔平！但都試試先 估唔到出奇地好味，鬆軟到一流，有唔太甜，味道適中 下次會試試蛋糕，期待感好重

由小到大，都很喜歡吃車厘哥夫曲奇餅，尤其是朱古力款。長大後，又要怕肥，可是每次經過太子站，都忍不住去買半磅曲奇餅，$55。朱古力，有加糖，甜甜的。曲奇餅，一口一個，餅碎掉到四周。

今日食完午飯，打算搭地鐵返屋企，行經呢間店，心想自從出黎做野後，都沒冇機會幫襯它了，以前兒時爸媽好多時都會去尖咀店買入面的花生朱古力，佢地既花生朱古力真係好好食。今次黎到就睇下有咩好野食先。我入到去見到佢有曲奇餅，就打算買一磅曲奇，原來曲奇唔包花生朱古力，但我要求底下，個店員都放左幾粒花生朱古力俾我，真係好！好耐冇食的朱古力花生味道依然咁好食，花生又香脆，朱古力香甜，真係十年如一日咁好食！反之曲奇就冇咩特別，佢款式唔算多，都有杏仁同一些生果响面頭，但曲奇本質似乎一式一樣，只係鬆化，沒有脆口的。有些深啡色的曲奇都唔知佢係朱古力定咖啡，因為完全食唔到，都只係牛油曲奇味，我覺得佢真係要落返啲功夫先得，比起我在美孚的某餅店，呢度啲曲奇真係一啲都唔凸出，仲要貴過人十蚊，但味道係好食的，只係款式單一而已。

在太子B出口附近，呢間麵包店已經屹立已久。剛好有家人生日，於是就第一次嘅幫襯買個蛋糕。蛋糕款式都OK最緊要係價錢唔貴，100幾十蚊，就已經買到一個一磅嘅蛋糕。我見其他包點都好吸引，例如個西米布甸，只是賣$14。我見有好多人都買佢啲曲奇餅，唔知係咪好食呢？

車厘哥夫以鳥結糖和曲奇聞名，今早剛好路過，便入內買早餐。當然我不會以鳥結糖或曲奇作早餐，所以我買了一個麵包。這自助式的港式麵包店裝潢樸素，簡潔整齊。店內一邊陳列著各式麵包，另一邊出售曲奇。麵包都是較傳統的款式，老實說，選擇不太多，結果我選了一個熱狗。這熱狗除了香腸，還有蕃茄、青瓜和沙拉醬，只售$8.5。雖然味道不很突出，但性價比不可說不高了。有時經過此店，剛好是曲奇的出爐時間，會聞到濃濃的曲奇香味，有機會真的要試試它的曲奇。

車厘哥夫係一間歷史悠久嘅老牌餅店，我喺學生時代經常幫襯，當年分店有好幾間，依稀記得那些年，尖沙咀彌敦道個間重附有餐廳……如今少年時代已成過去，餐廳已經執咗，分店亦無埋，得番太子呢一間。當年最愛有三樣：牛油曲奇、花生朱古力同手工鳥結糖，而車輪包，就係我嘅懷舊情意結😋呢度嘅曲奇做得特別出色好多款選擇，分別有原味，咖啡，果仁和朱古力等等，食落有香濃牛油味，新鮮，入口鬆化，果仁香脆，個人鍾愛果仁和咖啡佢哋將各款曲奇款式放在玻璃櫃入面，$110有1磅，可以揀各種款，$55有半磅，只可揀3款。每次行過附近，遇啱曲奇餅新鮮出爐，都會被果陣香氣撲鼻嘅味道吸引，順著香氣來到，自自然會買佢哋嘅曲奇餅來解饞而家，賣花生朱古力嘅餅店巳經買少見少，幾乎絕賣，所以我想食就祇能來呢度買雖然，呢幾樣小食價錢愈來愈貴，不過祇要行過呢頭，我都會去幫襯，因為車厘哥夫是我少年時代嘅美好回憶

Honestly, bread of this bakery does not taste good🤪, except for this - Egg Salad Bun💛 Soft and spongy bun filled with egg salad, I can taste the egg salad on each bite. The salad dressing and egg portions right. Will come for this again for sure😉

I used to live in Prince Edward and this is one of the signature shops that stands over decades. It is famous for its buttery cookies😋😋😋. The smell is sooooooo evilly tempting whenever passing!!!🤤🤤This time i chose its raisin scone. It looked kinda dry and stuffed but it was surprisingly soft and spongy!!!! Its not large but just right in size. though this is not bad, i prefer the egg salad bread next time😉😉😉 and its kinda chaotic at the cashier....