農得

营业中

休息中

店家人情味豐富，悉心回覆客戶的查詢，已經光顧過很多次，特別是每逢過年過節都買她的新鮮烏頭，既肥美又夠鮮味，親友都認為值得，另一個原因是店家可代客戶劏魚兼去鱗。日後還回再來嚐嚐店家的藍山咖啡、鮮蝦多士。

今日去開錦田，順便嚟假日市集行吓。前一晚做足功課睇吓有啲咩好食，最後揀好咗呢間農得。一入去老闆娘已經熱情招待，主食嘅menu係要問老闆娘攞嘅。最後揀咗蝦多士，文昌雞pizza同埋薯餅。因為即叫即製，所以等候時間都幾長，大慨等咗半個鐘就上咗蝦多士啦。蝦多士好靚好吸引，一咬落去，嘩！麵包好脆！調味唔算濃所以更食到蝦嘅鮮味。重口味人士覺得可以濃味少少不過呢度賣點係有機健康，所以清淡啲都明白！之後上嘅係文昌雞pizza，嘩！一上嚇親我，超大個呀！兩個人好驚食唔哂Pizza係啱啱焗好，食嘅時候要小心熱，店家都好細心咁提供手套我地。一咬落去，啲芝士拉絲拉到好長！啲芝士好似唔使錢咁！Pizza用咗番茄醬調味，調味適中，唔會太淡或太濃味。主角文昌雞好鮮甜！超級想買一隻走，$200一隻，不過因為之後唔係即刻返屋企，所以下次先。食咗3塊pizza，好滿足，最後上埋嘅薯餅，有濃濃嘅香草味同芝士味。食哂所有嘢好飽啦，甜品下次再食。老闆同老闆娘都好好會問客人啲嘢食啱唔啱食，係一間好chill好有人味嘅小店。有機會一定會再嚟！

襯母親節假日同媽咪去紅磚屋行下，好特别的一個假日市集。喜見農得Argotek, 見到有嘢食就好奇入去睇下。不得了，所有食物都係店主當日早上好早起床準備，新鲜到極，而且全手製，食材用料健康之餘，最驚喜係味道口感都非常好。地方小小只有8個座位，但食物的豐富實在令人贊嘆! 麵包小食，果汁咖啡，pizza, 鷄魚，甜品，新鲜食材，樣樣有，連寵物鲜食零食都有(我兩隻狗狗好愛食)，真佩服店主👍🏻我地食咗玉桂包，玉桂蘋果scones, 蛋白杏仁茶，咖啡，山渣蘋果汁，再打包四個scones 同一隻香草烤雞😆😆 香草烤雞好好味，非常多汁且内質鮮嫩，諗起都溜口水😋😋非常值得推荐的一家小店💯

上星期日與家人逛逛錦田市集給這小店門外的咖啡香氣吸引誰不知內有乾坤內裡優雅田園風佈置小小店內售賣各式各樣本地魚農產品還有多款每天新鮮出爐手造麵包以及適合毛小孩的小食我們點了文昌雞菜汁底手工pizza、懷舊蝦多士、蛋白杏仁茶、榴連慕絲、雪梨無花果茶，還試了三款咖啡文昌雞pizza比想像中更豐富每款配料配搭都是精心挑選連簡單如甘筍絲都有經過醃製調味即叫即製pizza 好味到大家都爭住食懷舊蝦多士一上枱就吸引大家舉起手機📱厚多士是老闆娘手造麵包加上鮮蝦本地養殖，超級新鮮無論賣相品質味道都媲美五星級酒店沒想過在這小店能嘗到咁高質素的食品最後買了幾包咖啡豆、手造Bagel、鮮芒果冰棒，都十分出色。不擅長拍照😆只影了幾張相見得人留待大家到錦田親身體驗下

復活節長假期坐屯馬線去元朗走走，買完老婆餅後，第二站去錦上路紅磚屋食下午茶。紅磚屋內小商店各式其色，很像歐洲跳蚤市場。我被香味吸引進入白色小店「農得」內，原來正在準備香草烤文昌雞。我試了文昌燒鷄pizza, 感覺真材實料，芝士滿滿👍。另外又試了番石榴芝士餅，幼滑、清新，番石榴味濃郁。店主説是用新鮮番石榴做的。其他手做甜品也很吸引，包括椰香榴連、三色香芒杯、法式焦糖燉蛋、咖啡酒木糠布甸，對於全家都是甜品發燒友，我哋當然全部試試，大滿足！吃得出是用心做的甜品。「農得」也有賣本地有機農產品、優質魚場烏頭和寶石魚。店主更親手做麵包、甜品、曲奇、蛋糕等等。

去紅磚屋經過，見到小店裝飾十分可愛清新，食物亦相當吸引，就決定入去試下！佢有好多唔同種類嘅鬆餅，焗熱咗之後超好食！仲好香！有咸有甜，滿足到大家唔同口味❤️ 今日咁啱師傅喺度，食到一個即焗文昌雞pizza，勁多芝士，雞又勁滑，配埋d菜勁好食！超級推薦大家去試！支持小店👍

剛搬到錦上路，當然要四處發掘生活亮點。今日行吓紅磚屋（原來只在週末和公眾假期營業），見到一間小店除了提供手做小食甜品麵包外。還有售賣本地優質魚場飼養的烏頭和寶石魚。最開心的事莫過於有本地新鮮有機蔬菜賣，現在疫情嚴重，買了防疫潤肺湯包，內有不同藥材和粟米、紅蘿蔔、合掌瓜，方便！食了一杯椰香榴槤mousse, 不甜且食到很多果肉，真材實料。在店內看到其他客人寫的食評，似乎這店的食物不錯。店主在門外清楚表列所有店內食物不含味精及防腐劑，並即叫即做。店主推介文昌香草烤雞，一於週末和老公再來試吓

聽朋友講元朗有一個地點非常受愛動物的主人在週末常到今日 和 狗狗 到錦上路紅磚屋感受吓，很開心見到不同的毛孩，包括貓和鸚鵡！其中一間小店「農得」提供無添加吞那魚蕃薯鷄蛋麥片小食給毛孩，我的胃食寶貝狗狗 非常開心吃。這店也有賣本地有機農產品，當日見到有大大粒士多啤梨，非常新鮮和吸引喜歡咖啡的我免費試飲「藍山一號」咖啡，味道香醇濃郁，當然要encall多一杯。肚子餓也試試其他食物，芝士菠蘿一口酥餅比傳統的鳳梨酥更香口，用新鮮菠蘿做餡口感非常不同。另外再試其他兩款自創手做英式scone,黑毛豬火腿蛋黃鬆餅和特濃芝士鬆餅，感覺很滿足。這小店服務很親切，下次會約其他毛孩friend一齊過去試吓香草烤文昌鷄、懷舊蝦多士、生磨蛋白杏仁茶

疫情反覆，慶祝情人節不一定要去酒店。星期日和老公坐西鐵屯馬線到錦上路站親親大自然兼打卡最後一站到紅磚屋，感覺去了歐洲小鎮。喜歡食的我當然要試試特色小吃和甜點，我被其中一間白色小店的宣傳易拉架所寫「農得 - 看到的是你們胃口的選擇」所吸引，二話不說就入去看看是否有駕喜首先試吓有機士多啤梨芝士餅，果味很濃郁，不錯的選擇。另外手做芝士菠蘿一口酥餅和傳統的鳳梨酥味道不一樣，店主説是因為有芝士粉加在麵糰和餅皮上，值得推介。仍感覺不滿足，最後試了一碗生磨蛋白杏仁茶，果然香滑，正!這小店環境乾淨，配上輕音樂，是下午茶不錯的選擇。聽老板娘說，椰香榴蓮、法式香芒杯和焦糖燉蛋都是客人熱棒，下次一定要試吓

喜歡吃鷄的我常到不同的店尋找各種鷄類菜餚，煎、炸、烚、焗、炆、蒸、燉 都愛試，百吃不厭。之前在大陸試過海南文昌鷄，這鷄品種好，肉鮮美細嫩，無什麼脂肪。住元朗的親戚推介我去錦上路紅磚屋試香草文昌烤鷄。星期六特登去紅磚屋32號舖「農得」試試外賣走地文昌白切鷄$200和香草烤鷄$250各一隻回家和家人試試白切鷄皮很薄，色凙偏黃白，肉質緊實，骨很硬，用較剪剪不到！食一口相當有筋度，很有鷄味（此店提供薑茸給客人）之後趁熱再吃香草烤鷄，醬汁都幾特別，鷄皮脆肉嫩多汁，好味之餘都好有雞味。（此店聲明所有食物不含味精和防腐劑）價錢合理，值得推介比喜歡食鷄的同路人（備註：店主告訴我因為只是在星期六日及公眾假期開店，最好預訂）

昨天在紅磚屋發現這間小店，入面賣的食物好細緻。老闆夫婦好好人，把小店的美食介紹比我哋。我哋點了一個即磨杏仁茶、一個酒味提子scone,一客3件的新鮮菠蘿酥、一個足料的果仁muffin 。熱情的咖啡師手調了一杯甘醇的藍山+花魁咖啡給我們。走的時候當然要再買一些手信給家人品嘗。超級鍾意這間小店，他們星期六、日及公眾假期才開門的，去紅磚屋一定要試😋😋。店舖雖小但食物質素很好，自家製的飲品、麵包、蛋糕，還有很多新鮮有機菜等等。有空一定會再去👍👍

蛋白杏仁茶：真材實料，用心制作。低糖，適合注重健康人士。鬆餅有幾款特別口味：香蔥煙肉、咸蛋黑毛豬、雙重芝士，外脆內軟，香味濃鬱。冇激素走地鷄： 肉質嫩滑、有鷄味，共有兩種煑口味：分別有白切鷄及烤鷄。

西鐵屯馬缐開通後，住在港島區的我去元朗也很方便。先到元朗看紅葉，之後順便去行壁畫村，途經紅磚屋，覺得自己好似去了外國的假日市集，感覺不錯當然少不了試吓地道小食，被一間「農得」小店吸引入內，原來店內食品全是店主手做。試了鮮水果茶，內有多種新鮮水果及果汁，熱情果味很特出，價錢合理，值得推介。喜歡英式鬆餅的我絕不會手下留情，老闆娘做了七款鹹甜味道，包括酒香提子、原味、紅莓乳酪芝士、香蔥芝士煙肉、西班牙火腿咸蛋、蕷果玉桂、特濃芝士等，非常吸引。我先試了西班牙火腿咸蛋鬆餅，翻焗後味道非常香口，之後又試另一款甜味蕷果玉桂，絕對滿足。難得去元朗一次，所以要打包其他味道給家人分享。喜歡咖啡的朋友有免費藍山一號咖啡試飲，香濃咖啡配鬆餅，絕配！聞到其他客人訂的鮮蝦多士、香草文昌烤鷄，香味撲鼻，下一次會帶家人到來品嚐….

幾個星期前經過紅磚屋，見到呢間餐廳，一眼望入去，覺得環境好舒服，鋪面內裡有個小小的用餐區，放咗2張檯，當時我就諗，如果喺度食嘢應該好cozy。問過店員話可以帶埋狗狗一齊食嘢，於是今日就行動喇！嚟到農得大約下晝2點，外面有個男士派發免費咖啡試飲，佢話要等老闆返嚟先有人煮嘢食，而等緊都可以食住製作好的甜品又或飲下嘢先。於是，我、狗狗爸爸同狗狗就一齊等老闆返嚟喇。等咗冇耐，老闆娘同老闆前後腳返到，而負責煮嘢食的係老闆。聽到老闆娘同客人推介話無糖黑豆漿好飲（因為佢今朝落多咗芝麻），於是我就拎咗枝。黑豆漿係即日手工製，好有誠意。豆漿有純天然豆味，係原味用心之作。另外，我哋亦要咗個紅苺忌廉鬆餅，食住等。不過唔知係咪翻熱時過咗火喉，鬆餅表面有啲硬，但用料好豐富，裡面有紅苺乾同另一啲乾果，鐘意食甜味鬆餅的人應該會喜歡。我哋同老闆order咗和風漢堡同有機沙律。老闆問我食唔食得辣，然後特登喺沙律入面加咗隻醃辣椒俾我。沙律菜配黑醋+合桃油的醬汁。菜始終味淡，如果加啲粟米、乾果、牛油果、雞蛋或果仁之類，應該可以令口感和味道提升，複雜啲、吸引啲。和風漢堡個醬汁真係好和風，麵包烘得脆軟。狗狗爸爸話漢堡表面有少少

喜歡吃麵包但又不懂自己做，吃到新鮮「無添加」好吃麵包很不容易。星期日參加本地一天遊，行程包括到元朗錦田紅磚屋，幸運的我遇上一間小店「農得」，賣自家手作麵包、鬆餅等。味道很不錯，麵包鬆軟及很有質感。店主重申店內食物不含防腐劑，絕對吃得放心。，鬆餅有多款口味，包括酒香提子、紅莓奶油忌廉、蜂蜜蕷果肉桂，並有鹹味鬆餅包括香蔥芝士煙肉、黑毛豬火腿蛋黃及胡椒文昌鷄。我和家人選了三款鬆餅，喜見牛油味濃及鬆化，配上一杯自家製鮮水果特飲，絕對是下午茶首選。有heart營運的小店絕對值得支持！加油