連粵日粵饌居酒屋 (已結業)

早前和朋友約食飯，原本想來這裡的，不過太遲打來訂位所以錯過了。是日又有機會再一起吃飯，所以早一日打來訂位了，結果很順利的訂到，大概是因為不是假期吧。訂了七點，來到附近的時候不太知道怎樣上來，結果打回去店子問路，最後原來就是在美聯物業樓上呢。上到去時我們是晚上第一批客人呢，一個人也沒有，安排了我們坐最最最角落的位置，剛好我們旁邊的檯整晚也沒有人坐，結果我們樂得悠閒。這裡位置檯數只有數張，不是容納到很多人，不過我們卻覺得店的坐位很舒服! 夠寬闊又有得挨，成張大班椅咁，坐到不捨得走。不過是日很東西都沒得吃，見menu刪除了頗多東西，兩三頁中還有一些東西是沒有的，例如花甲和蕃茄，原本想叫麻醬蕃茄的，不過店家說買不到靚蕃茄，所以就沒得吃了。但其實店員有提供一些menu沒有的選擇的，例如田雞脾，軟殼蟹和蝦多士，不過朋友熱氣，所以這三樣都給我們放棄了。叫了一支Asahi，有枝豆做前菜送酒，不過味道一般，唔算特別大粒，而且無咩枝豆既味道喎，不過要黎送下酒ok的。由於我很飽，所以只叫了少量食物。沒了胡麻蕃茄，叫了煎帶子刺身伴沙律(大概名字)，其實都不便宜，$68 來到只有兩隻帶子，不過又真係幾好食。帶子

Food is just so so and kind of MSG food.Service is totally not good at - not attentive. Though I am supposed to drink wine in this small restaurant, while I didnt use to drink wine and thus i became very thirsty given the tea cup is so small that i have to wait for long time to get it refill. As the waitress/owner is so busy to keep calculating sth instead of being attentive.I won't recommend to go there given food is not that special and we can easily find elsewhere with special food and good

26-6-2010睇了 KC 關於呢度的鵝肝蛋飯及清湯腩食評, 勁有興趣, 是日 dinner 捉了朋友上嚟試試. 見呢度係「居酒屋」食物細細份, 2 人試了 5 款食物, 滿意之餘仲十分回味 :-Welcoming 前菜先嚟一碗鹽水 (?) 枝豆, 果然「居酒屋」 一向喜歡食枝豆, 呢度的雖然一般肥大 / 清香, 不過夠粉腍, ok 的.醉溏心蛋: 一客得一隻, 所以叫了兩客 蛋白軟滑細緻, 蛋黃就係睇得見的溏心, 食落勁黏喉, 帶幾濃的花雕香, 少少甜, 正! 黑魚籽就純粹作「扮靚」之用, 食咗都唔覺, 不過既然主角係隻蛋, 是但啦. 燒豬頸肉: 屬薄切, 食落爽口, 油香豐盛, 亦竟然有點「炭燒」feel , 唔知佢用乜嘢爐燒的?柚子酒煮花甲: 清酒煮蜆食得多, 用柚子酒都係第一次食... 花甲體積好大, 殼厚肉更厚, 但煮得火喉剛好, 食落鮮嫩無沙, 加埋少少柚子的酸香, 正! 食晒 d 花甲後, 湯底我哋亦不斷「畢」嚟飲, 最後只飲剩幾滴. 鵝肝蛋珍珠飯: 珍珠米本身已黏黏韌韌, 店員 (老闆娘?) 幫我哋撈勻鵝肝及流心蛋黃一齊食, 多一份濕潤及黏滑,

睇見此店第一篇食評既出現，見到個鵝肝蛋撈飯，就已經好想試下，今個星期飯局就訂枱黎呢到試下。不多講，餐牌有冷小碟、熱小碟、澱粉質同埋甜品，款式選擇不多的餐牌，要了好幾款試下。話梅涼瓜，簡單清新，一小碟既涼瓜都帶有好香既話梅味，好味。溏芯蛋，溏芯蛋帶有少少酒香，蛋黃也香，是必食的一款。泡菜白肉，開頭以為白肉會撈埋泡菜，原來係分開的，泡菜味道不錯的，白肉係配乳豬醬食，唔點乳豬醬食都好味，白肉切得較為厚身，切薄一點會更好。 柚子番茄，這個要多謝店家啦，凍既番茄配上柚子汁，簡單又好味。梅子雞翼，外脆，食落帶有濃濃既梅味，有驚喜的一款。陳皮香酥骨，上枱已經聞到好香既陳皮味，熱辣辣，肉夠嫩滑，很不錯的。椒鹽鴨舌，鴨舌夠香口，送酒佳品。另外兩款熱選係柚子花甲同埋清湯腩，柚子花甲，花甲鮮嫩爽甜，夠大隻，帶有柚子汁一齊食，味道更佳。清湯腩夠腍，夠鬆化，好味道，係好有水準既清湯腩，想不到係清湯腩店以外食到咁水準既清湯腩，蘿白算得上入味，不過可以更好的，黎呢到，呢兩款都值得一試。澱粉質有三款，一於三款都試哂。鵝肝蛋撈飯，鵝肝、蛋跟飯撈埋一齊，唔洗多講，真的好味到不得了。麻辣一丁，很四川風味的一款，配上出前一丁

早前看到KC兄介紹這間食店、雖然自已唔食牛、所以選擇比較少、但其它食物也一樣出色、作為下午茶或飯後小吃、相信會比較晚飯更適合！選擇比相像中少、我們四個人、除了沒有叫牛外、差不多已叫了大部份食物。柚子蕃茄 - 很香柚子味、蕃茄味也很濃而且新鮮、很出色，作為餐前小吃、實在美味。柚子酒煮花甲 - 酒味很香濃、可惜花甲比較煮得有點過時、雖然新鮮但比較韌了點。梅子脆雞翼 - 梅子味很濃、很開胃、雞翼外皮炸得好脆、雞肉嫩滑、也是值得一試的食物。燒豬頸肉 - 外皮煎得好香、味道配合得很好、肉質有口感。醉溏芯 - 溏芯蛋控制得很好、溜黃的香口加上酒的香味、比很多食店也出色。九制陳皮香酥肉 - 陳皮粉灑在食物表面上、外皮新鮮炸起、酥肉嫩滑。鵝肝蛋珍珠飯 - 很香鵝肝味、加上香濃的蛋味、實在不用再說什麼、真係一個人都可以食完一個、但想起膽固醇、又有點怕怕、但每人少少、還是值得一試的。麻辣一丁 - 本來都打算試少少、但朋友試食了少許、辣到眼水流出、但辣椒女就話完全唔辣、真係相差很遠；她們說很好味、但因自已沒有試食、也不願多寫。飽肚的食物唔係好多、主要係小吃多、但食物水準出色、值得一試！

一向十分抗拒酒精,因不喜歡喝後的感覺!只要幾口啤酒已足夠全身發熱,面紅耳赤,呆呆滯滯...最大影響的是胃口,會吃不下東西.所以只會出席一些熟朋友的喜慶場合,因不會被迫飲酒.討厭一些拿著酒杯走過來說什麽"唔飲即係唔俾面"的人,連我不飲酒也不知道即是熟極有限,甚至朋友也談不上!憑什麼要"俾面"?但這次又為什麽會來居酒屋?說穿了還不是為了吃!因聽聞這裡的食物做得非常出色,當然想來一試,這夜就由友人來負責飲,我來負責食!十人佔據了一角,仗著人多就來一次掃餐牌行動.先點了一瓶是日推介的1公升裝醉心,各人一致讚同----好飲!自己唯有以茶代酒,齊齊舉杯!不消一會食物源源不絕送上話梅醉涼瓜----入口不感到有酒味的苦澀只嚐到梅的香味.涼瓜爽脆帶甘和梅味極配.柚子蕃茄----冰涼蕃茄配上帶甜味的柚子,化學作用有如話梅粉加西瓜!酸酸甜甜在口腔交戰.白肉拌泡菜----一片泡菜一片白肉蘸點海鮮醬同吃,感覺很"韓國"!如果加上生菜包著來吃效果更好.醉溏芯----溏芯的效果一流,不過吃起來鴨蛋黃的味道略淡,下幾粒鹽來吊味的話可能令蛋黃的味道會更突出.涼拌皮蛋豆腐----肉鬆份量下得大方,皮蛋質素高,豆腐夠凍,好

三月下旬‧晴粵菜跟居酒屋，大纜都扯唔埋，不過這裡的食物，是有水準的。最近有不少的試菜局，中菜、多國菜、西班牙菜、沙律簡餐等等等等，但最有印象的，反而是這裡。主理人Jareth，是朋友的朋友（即是不認識的，哈哈！），據悉本身不是廚房出身，開這間店子，純粹只為喜歡煮，而又有信心客人喜歡吃。有時開店子，就這麼簡單。趁熱鬧的來試吃，店子就開在黃泥涌道口，3C會對面的唐樓。幾個朋友坐下，談了一會，食物就一碟又一碟的送上來了。前菜是香草蕃茄及話梅醉涼瓜，俱好吃又簡單，也很清新。小吃是烤帶子，大大粒的刺身用帶子兩邊煎香，表面呈焦糖化，而內裡是溏心的，火侯剛好。另外醉溏心蛋是錯不了的前菜，這裡做得酒味剛好，剛好帶出蛋黃的甘腴。還有一味焗牛舌，聞起來是香氣撲鼻的，不過個人覺得是太大件了，我反而覺得份量適可而止更可取。到主菜了，捧出來的是一大碗清酒煮蜆，肉質鮮嫩爽甜，真的好吃。接下來的主菜更精彩，就是蘿蔔清湯牛腩，一大煲熱辣滾燙的牛腩，全是坑腩的部份，肉質鬆化，非常好吃。我是周圍去找好的清湯腩吃的人，這夜吃得的牛腩，是坊間吃到的頭幾位的好。另一味是烤豬頸肉，爽口豐腴，絕對是下酒良品。蒜片蘆筍炒牛柳粒是家常