逸亭餐廳 (已結業)

我食自助餐最怕嘈到好似飲茶咁，講句嘢都要講到嘈交，堅辛苦！今日嚟到利景酒店，終於有啖安樂茶飯，可以同幾位ladies 好好傾計～～呢度地方唔太，但勝在五臟俱全，咩嘢食都有啲，人人都堅搵到食㗎！我最愛的是刺身區，因為有我最愛的帶子其實仲有唔同嘅壽司，不過識食梗係食刺身啦！另一最愛區域係：雪糕區Oh~my ~God! 係movenpick! 雖然得3隻味，但係必食的雲呢嗱、朱古力、士多啤梨，我已經心滿意足啦！如果有心機，仲可以整窩夫配雪糕另外，仲有好多嘢食任君選擇，例如蟹腳、凍蝦、青口.....芝士、煙三文魚、火腿、沙律......甚至自選配料麵食！推介喇唦湯底，超正！炸物、燒物當然唔少得多種熱食，推介咖哩！除咗雪糕仲有其他甜品㗎～

星期五 ｜晚上7:30 - 9:00 ｜正價 $368 + 10% per head- 食物選擇種類唔算好多，不過都叫做樣樣有D- 環境唔算超新淨同超靚，不過最緊要乾淨企理，最正係冇咩人可以慢慢傾慢慢坐- 食物方面都唔錯，特別係有movenpick雪糕- 不過可能始終人流唔多turnover唔高，某D野好似唔太新鮮 - Overall黎講咁既價錢都算抵食，可以一試沙律 前菜 ｜算係較多選擇既，而且好多人食所以fill得快D，食落都幾新鮮。特別推介一個泰式沙律，酸甜鮮美，非常開胃。另外d cold cut都有幾種選擇，擺盤精緻，特別係ham同smoke salmon片片分明唔散爛，嫩滑度和鮮味都算ok，品質唔錯。冷盤 ｜有好幾種唔同既海鮮，青口、海蝦、螺等等，最正既係長腳蟹，肉質飽滿仲有少少鹹香海水味，fill完好快俾人拎曬。熱食 ｜相對下較為遜色，種類唔多，睇落似擺左一段時間。反而麵檔幾好，自己夾完想要既食材廚師會即刻煮比你，新鮮熱辣。個人推介雲吞，大大粒新鮮蝦肉而唔係雪藏透明果d蝦，食落爽滑彈牙。湯底唔會太味精食完唔洗係咁飲水，個米線韌度與軟糯恰亦到好處，可以一試。而壽司刺身都幾鮮甜

公司飯局就當然首選酒店自助餐喇.. 環境乾淨而且食物選擇多.. 估唔到二百幾蚊海鮮都有好多款揀.. 經理親切都好健談.. 餐飲食物質素固然重要但服務都好重要.. 一坐低就先巡場睇下有咩好食.. 熟食凍食仲有甜品每一樣都擺設整齊.. 不過為食嘅我一定先留意雪糕係咩牌子.. 竟然有Movenpick 咁就要留返個肚咯.. 由於太肚餓嘅關係我就先攞左最近我又飽肚嘅熟食填填肚先.. 都不過不失.. 值得推介就係黃咖哩配薄餅.. 辣辣地夠滋味.. 之後就食返前菜沙律配扎肉, 火腿同三文魚.. 三文魚夠大塊送沙律食一流.. 而且沙律菜勝在夠新鮮一無就會refill.. 另外食完就轉戰凍食.. 有長腳蟹腳, 青口, 螺, 蜆, 蝦.. 配上檸檬汁更帶出鮮甜味.. 壽司吧刺身都係即叫即切.. 仲係厚切三文魚.. 帶子都夠晒大粒.. 夠juicy..最後再加多碗喇沙湯麵就剛剛好.. 湯底濃味得黎又夠辣.. 點少得食埋個movenpick 雪糕埋尾呀.. 食完真係飽到上心口.. 食完覺得以呢個價錢有咁樣食物質素的確不錯呀..

今次係第二次到利景酒店食buffet，不過對上一次已經係起碼五年以前，已經冇乜印象今次係星期五lunch時間，大概有八成入座率，估唔到都幾多人中西湯都有，個人比喜歡中湯，當日係青紅蘿白湯，湯底都算足料刺身有三款提供雪糕係movenpick，侍應仲會幫手裝雪糕👍🏻另外仲有蛋糕甜品，但賣相唔係太吸引，所以無拎到利景酒店fb優惠有六五折，折左$15x，咁抵食難怪星期五lunch都咁多人啦，選擇都算多，下次會再黎👍🏻

朋友生日相約在這裡，環境寧靜，可能附近的選擇都較多，故星期五晚上亦不會有很多客人。沙律吧，沒有最愛的薯仔，但蔬果都很新鮮。日式小吃，煙肉，冷盤，味道不錯，亦新鮮。因為客人不多，感覺上較整齊。自助飲品選擇不多，但都有COFFEE, TEA 同汽水刺身是有專人負責的，份量也給很多，大大件不少心先影了甜點... 這裡只是一部份，每次甜品都是最重要的環節，貌相味道並存，有小甜點，蛋糕，西瓜水果，布甸，基本上每樣吃一款都飽了湯清淡了一點點　有中西選擇喇沙湯底非常出色，可以自選配料，份量也是自助的，非常方便熱盤味道不錯，有魚，雜菜，炆鴨，烤肉，蠔，很有家的味道。整體服務態度非常好，員工都很熱心，有求必應。另外最值得拍拍有ＭＯＶＥＮＰＩＣＫ雪糕。

未夠鐘返工同老豆食個lunch buffet 先 $250 兩位（因為有買一送一😬😬）想知邊到搵就留comment啦^ _ ^場地唔係大，好懷舊既感覺❇️熟食都唔稀場，有最愛既麻辣🐔雞煲，清蒸龍脷柳🐟，炒青口❇️冷盤既有🦐、蜆、藍青口，蜆好飽滿新鮮、仲有沙拉.❇️仲有烤牛肉同即碌粉麵❇️❇️❇️甜品好有驚喜呀呀呀：燉鮮奶唔會太甜，我食左半打，班蘭蛋糕好濕潤，芒果慕絲好滑好creamy又足料，紐約芝士蛋糕夠滑又唔會過實，豆腐花都好有豆味,好過好多大牌酒店❇️老火湯都係推介，淡口冇味精,正✌🏻✌🏻

爸爸、媽媽說很久沒吃過自助餐，於是今晚我和弟弟請他們吃自助餐。吃熱盤前，當然要大吃特吃冷盤。我不等家人，直接走去我最愛的海鮮區，懂吃的當然要吃長腳蟹。長腳蟹腳比筷子還要長，飽滿結實的蟹腳，看到讓人口水流下來。超級肥美鮮甜的蟹肉，只要吃過，保證上癮。青口，蜆肉 整體不俗，雖然小小的，但勝在口感嫩滑細緻，也頗新鮮的。反而不少人所推介的煙三文魚，我不太喜歡，吃起來過於死鹹。火雞有少許腥味，可能因為與煙三文魚一齊擺放的關係，如果分開放置就未必有這個問題發生? 芝麻八爪魚與螺肉推介大家吃，顆顆都很大顆，而且相當入味，不論小孩還是大人都會吃不停。熱盤主要以中式為主，這可是爸爸與弟弟的菜。每天都吃蒸魚的爸爸也非常驚呼自助餐居然有蒸魚吃，那實在太好了。蒸魚蒸得恰到好處，魚肉鮮嫩，口口也是魚香。這裡安排挺細心的，總會有些食客想吃素食，不過不是每一個人都愛吃沙律，這裡提供羅漢齋與燴茄子，可以照顧到各食客的口味，很少餐廳會提供中菜素食。熱盤我最喜歡吃甚麼? 那當然是海鮮與咖哩牛腩。咖哩牛腩煮得軟腍，筋肉部份帶有嚼勁，咖哩惹味不會太辛辣，咖哩汁拌炒飯吃最適合不過。芝士煙肉焗蠔不是最肥美的，但是非常嫩彈，加上鹹

七一回歸，很多地方封路，所以貪方便，就決定去近近地位於灣仔道利景酒店開餐。，平時路經多次，今次就專誠去酒店一樓的逸亭餐廳食自助晚餐。餐廳面積並不算大，而自助晚餐價錢比較大衆化，成人星期一至四每位收費$338，星期五至日每位收費$378，小童每位收費$258/288,當然附加10%服務費。我最喜歡飲湯，但中式蓮藕瘦肉湯味道畧淡，還是覺得粟米忌廉湯濃濃的香忌廉味道。熱盤當然少不了魚，雜菜，炆鴨，烤肉，可能七一假期外遊人士衆多，吃自助餐的人不算太多。熱盤看上去有少許冷冰感覺，雖然大熱天時，但是熱盤還是熱的比較好吃。前菜當然就是沙律菜，車厘茄和蕃茄。冷盤有藍瓜大蝦，八爪魚，三文魚，火腿片，煙鴨胸，薯溶片，原隻龍蝦，當然少不了日式食品例如各款不同的壽司或剌身。但令我驚喜的反而是一碗自選湯麵，湯麵就有油麵，幼麵，烏冬加上自選配搭食材例如燒鴨，魚蛋，牛丸，紅腸，秀珍菇，油麥菜，生菜，牙菜仔配濃味清湯或喇沙湯底，自選湯麵最值得一讚是湯底的味道，我喜歡清湯底的牛骨味，最重要是沒有味精的感覺。而厨師一邊幫我煑麵，我就一邊四週張望，看見很多食客也在享用自選配搭湯麵，我相信不論清湯底或喇沙湯底的自選湯麵都是這

女朋友想食自動餐 大吃一番！上網搵到呢間咁岩有優惠 仲有movenpick!!!麻雀雖小 五臟俱全野食種類都幾多前菜沙律吧有幾款凍食長腳蟹青口蜆仔 不過不失啦驚喜既係三文魚刺身每片都厚切 夠冰凍 夠肥美魚味亦唔會淡某某 即煎雞肉串燒廚師即場煎熟 非常新鮮雞肉嫩滑帶有香茅味 一啲雪味都無 一岀就被搶哂隔離既天婦羅都係即整的炸蝦菇菇茄子大蝦粉漿不太厚 香脆可口 但略嫌天婦羅汁太咸不太正宗甜品方面，款式唔太多但係質素都幾好架自制窩夫新鮮自己整 好玩又好食窩夫有蛋香 唔係齋食麵粉既感覺我就加左3球Movenpick士多啤梨雪糕一冷一熱勁正 酒店自撞豆腐花誠意之作 經理介紹話係酒店自己做既豆花豆味比較濃郁 質感都非常滑溜有唔同配料比你mix and match 岩哂為食既女友最值得一讚既係經理同員工既服務非常好收碟好快 同時就重視食客既意見見到佢地會同客人交流 問問用餐意見仲會好熱心咁介紹菜式既特色有人情味同有誠意既餐廳

地方細，款式少，所有野都唔好味，打電話去book又話有花膠燉湯，海鮮仲話有龍蝦。。。最後所謂海鮮只得凍蝦，螺，蜆，極少蟹腳。。。從未食過咁難食壽司，熱食竟然係豉油王炒麵。。叫做ok係自家制窩夫。。。。😖😖..總之嚴重中伏

無意中發現呢間灣仔酒店自助餐，平時食一個自助餐都差唔多$500一個人，呢一間餐廳只不過係一半既價錢，計埋折扣，星期一就最抵食，而且係公司附近，就約左朋友一齊去食晚餐餐廳環境不是太大，比較古色古香，食物都是集中係同一區，大概可分為熟食區、海鮮區、粉麵區和甜品區，而當中既甜品區就最吸引我！先分享熟食區： 有各式各樣的熱食，蒸魚、烤餅、咖哩牛腩、炒菜.. 有炒粉麵、煮青口、茄汁蝦等…我最喜歡就係焗蠔呀～仲有D蠔汁，唔會太乾 還有一個沙律吧，當中的配料亦很豐富！有煙三文魚、亦有鴨胸肉等… 刺身、海鮮區放係門口位置，我同朋友先食沙律，第二round先開始食海鮮~~ 海鮮唔係太吸引，只有螺、蝦、麵包蟹和青口等等…個人認為青口同螺比較出色，麵包蟹都幾多膏，但長腳蟹過為瘦削。不過想想這餐飯的價錢，自然不能要求太多。 旁邊有一些天婦羅，吉列蝦唔錯！ 也有一些壽司和刺身，刺身要了三文魚、吞拿魚和八爪魚，但三文魚色澤一般。 有牛肉食呢，呢個牛味濃，幾好～ 有一個粉麵檔，有幾款麵同餸揀～ 有即煎羊架，羊羶味唔算太強烈，食左一口都幾嫩，但我依然接受唔到呀～～睇住朋友食得幾滋味！ 終於介紹我

去食自助餐最好係好多選擇，中意食咩都可以任拎，啱晒多心如草根嘅人仕平日好多時去食Buffet閒閒地都要$500-600蚊埋單，真係唔可以成日食，今次就等草根去試一試呢間以平價做招徠嘅自助餐餐廳係酒店1樓，環境都幾好，人唔算多，可以靜靜地食餐飯，唔洗同人爭~而家Mon toThu 成人 HK $338, 小童/長者$258, Fri to Sun 成人 HK $368, 小童/長者$288可以由6:30食到9:30價錢真係幾吸引，味道係點真係要食下先知~首先去睇下有咩海鮮食先!海鮮選擇唔太多，只有青口、蜆、蝦、長腳蟹、麵包蟹同翡翠螺✅青口：好新鮮！仲有🌊海水鮮同鹹味，肉質實肉，要讚！✅蜆：蜆肉都算新鮮。❎長腳蟹：好大隻，但缺乏鮮味，一個字淡！刺身最值得食係甜蝦同三文魚✅甜蝦：大大隻蝦，又鮮又甜！蝦肉彈牙同黏口，透白嘅蝦肉，正！相當有質素👏雖然要自己落手剝殼，但係好值得。✅三文魚：肥美，肉質柔軟，不錯喔！❎呑拿魚：比較腥，加上魚脂偏少，肉質好硬🔼其他魚生都唔係好出色🙈熱盤 - 炸物、羊架、牛扒、咖喱,中式熱盤同中,西湯✅天婦羅：🍤炸蝦質素好高炸醬調得不錯，炸皮實左d，但係唔會好厚，蝦好大隻

Happy Friday 想約一下我的閨蜜食飯，無意中發現左原來利景酒店做緊自助餐promotion ! 逸亭餐廳只需要$240就食到一個晚餐嘅自助餐！一入到去，好有懷舊風，so vintage，環境算是寧靜，係同朋友敘舊傾談的好地方本身對這個價錢的食物水準不抱太大期望，怎知道原來都有唔少選擇！主要分開海鮮，中西式熱食，日本菜及甜品部。不得不大讚的是當日的凍龍蝦和凍蟹腳！都是非常新鮮和鮮甜，完全沒有雪味；甚至連三文魚刺身也後肥美，令我同閨蜜大跌眼鏡。甜品選擇眾多，有數款蛋糕、movenpick 雪糕、自製窩夫、豆腐花、中式湯水等等令我們驚嘆的是他們的macaroons不但外表美觀，就連味道也跟知名macaron 店舖的水準差不多呢！特別推薦焦糖、咖啡、檸檬和紅桑子，蛋白皮脆，中間則入口即溶，而且有拖肥或者果醬，口感層次豐富。我諗我地食左10粒都有😂順便一讚，侍應收碟速度迅速，而且態度有禮，若以性價比來說呢間餐廳絕對值得一試

就來父親節了, 為了慶祝這個節日, 我帶了爸爸來這間酒店吃自助晚餐。它的自助晚餐是從六點半開始的, 餐廳的環境不算太大, 很多食物也集中在一區, 所以不必走來走去。而且, 其實一眼已經可以看到所有食物。食物種類也算多, 有冷盤、燒味、粉麵、刺身壽司、熟食例如有飯、河粉、炒菜、蒸魚等等。另外, 甜品方面, 我認為餐廳的款式和選擇非常多。昨晚的甜品有綠茶蛋糕、芝士蛋糕、馬卡龍、班蘭蛋糕、豆腐花等等, 還有雪糕。重點的是雪糕是採用movenpick雪糕, 可以任吃, 我也吃了三球士多啤梨味的movenpick雪糕呢！刺身選擇有幾款, 我選擇了八爪魚、吞拿魚和三文魚。我認為三文魚非常鮮甜肥美, 但吞拿魚刺身則有點兒硬和有雪櫃的味道。肉類方面, 燒牛舌和羊架也很好吃。羊架挺多汁, 肉質也算鮮嫩。厚切牛脷爽口, 而且醬汁很惹味。到了甜品方面, 我差不多試了餐廳所有的甜品。我最喜歡的是班蘭蛋糕、馬卡龍和movenpick雪糕。馬卡龍有不同的顏色, 我喜歡吃粉紅色, 那粒應該是紅桑莓的味道, 帶點酸酸甜甜的。班蘭蛋糕的斑蘭味很香, 蛋糕鬆軟。這裏的服務效率也算高, 每一次吃完碟子上的食物，店員也很快地