遇見小麵

营业中

休息中

無辣不歡的我經常看到各種重慶地道的小麵真的口水都要流出來，最新在黃埔開了這間遇見小麵，就是能吃到地道重慶的辣，很吸引！套餐有一碗酸菜牛肉麵，麵的份量很大，牛肉片有五六片，是我喜歡的瘦牛肉片，辣度選了中間的重慶味，入口不會死辣，下次可以挑戰更辣的。麵質是幼身爽滑的小麵。另外加了$8加軟骨丸子，口感爽脆好好味👍🏻跟餐有飲品點了白玉酸梅湯，甜度適中很解辣，白玉像平時吃到的啫喱，清爽解渴第一次吃冒菜，點了虎皮鳳爪小鍋冒菜，有熱爐一直煮著，虎皮鳳爪炆煮得很軟爛，入口脫骨，小鍋有各種配料，有豆皮、青菜、魚豆腐、薯粉，醬料湯底有麻醬和微微辣的調料，味道一絕😋😋只要$35的秘制脆皮半隻雞配著麵吃麵很不錯，入口啖啖肉，皮脆肉嫩，咬下去還有點冒油，在香港來說這個物價在餐廳很值

內地知名川渝美食品牌嚟到香港啦！今日我哋早少少嚟到食early dinner,點知原來下午2:30到5:30有下午茶，超級抵食，三個人總數都係$150埋單，已經食到好飽！我自己叫咗脆皮半隻雞再加鍋巴土豆同白玉酸梅湯，呢度啲脆皮雞真係勁好食，同埋真係要自己手撕嚟食先至食得出有幾好味，因為超級juicy! 鍋巴肚肚配埋個辣醬好惹味，外面脆卜卜，入面軟腍腍！白玉酸梅湯，用嚟解辣一流！朋友們就要咗蔥酥骨湯抄手同埋軟骨丸子，蕃茄湯麵，兩份都分別加咗$2同$4轉琥珀冰粉同白玉厚椰乳。朋友話個蕃茄湯底新鮮蕃茄味，而且麵條全部都有好好嘅口感。另外抄手都勁大粒，完全係一個正餐嘅份量，以呢個價錢真係超級無敵抵食！我都有試到朋友嘅白玉厚椰乳，好rich好creamy，超好飲！

呢區多野食就係人都知，今日有人來探Lisboy，所以去食個Tea Time☺️🍽️ 金碗酸辣粉、酥脆雞扒、白玉酸梅湯知道呢間餐廳新開，下午茶超平，重慶名物，當然要食吓佢哋嘅酸辣粉，少少辣好惹味，可以配埋酥脆雞扒，炸得好入味，最後轉左杯白玉酸梅湯，凍冰冰好解辣！🍽️ 秘製脆皮半隻雞、香酥蔥油餅、琥珀冰粉呢個脆皮半隻雞炸到好鬆脆，仲keep住啲雞油味之餘仲有啲似燒乳鴿！呢個價錢可以食到乳鴿味好正啊！蔥油餅又夠晒鬆脆，仲有少少甜味食落好有風味😋最正個琥珀冰粉，仲有少少桂花味添解暑！🍽️ 蔥油拌麵、鍋巴土豆、白玉厚椰乳呢個蔥油拌麵套餐不過不失，但就好飽肚，鍋巴土豆炸到好脆卜卜， Lisboy食到舔舔脷😋正呀呢？最後轉配一杯白玉厚椰乳🧋好滿足！🍽️ 蔥酥骨湯抄手、白玉酸梅湯Lisboy可以食到嘅咩？當然就呢個蔥蘇骨湯抄手🥟細細粒嘅小雲吞加豬骨湯，驚太濃味可以用熱水過一過冷河先俾Lisboy食😋佢食咗10粒之後個肚飽到脹晒！冰凍白玉酸梅湯酸酸甜甜好解渴！

放假同朋友去試新嘢，紅磡黃埔天地奇妙坊開咗間遇見小麵 ，餐廳品牌創立於2014年，以口味獨特的重慶小面切入市場，現在港開立分店，主打重慶小麵、抄手、燒烤、小吃等。餐廳提供不同套餐，價錢都係大眾化，好抵食！蔥油拌麵、雞排、飲品：充滿蔥油醬香的醬汁配上爽滑的麵條，非常惹味，加添一點花生和榨菜絲，可以增加口感。雞排即叫即炸，酥脆香嫩，一口難忘。凍檸檬茶口感清新，冰涼解喝。脆皮半隻雞、鍋巴土豆、飲品：脆皮雞皮脆，肉鮮，骨香，口味鹹鮮，色澤紅亮，皮酥肉嫩，味道鮮美。鍋巴土豆：外面是金黃焦脆的鍋巴，裡面是粉嘟嘟熱呼的土豆，外焦里嫩令人食不停口！白玉厚椰乳：椰奶味香濃，配搭白玉，令口感層次更豐富。脆皮大餃子：餃子即叫即炸，外皮呈金黃色澤，饀料飽滿，香脆可口。蔥酥骨湯抄手加鹵蛋：抄手以絞肉（三肥七瘦前腿肉）香蔥為原料的鮮肉餛飩，皮滑饀鮮，湯底濃郁鮮甜，清爽而不膩。鹵蛋都好入味。

之前經過見到排晒隊放棄左，今次係黃埔睇完戲經過見到無人排即刻入去食，主打食重慶麻辣野，最緊要係一d都唔貴，一個餐先$5x！超級碗（多拼澆頭面）有4隻辣度揀，雖然有食開麻辣火鍋，但果刻我太懦夫叫咗微辣，有啲後悔，下次嚟要叫重慶辣。一上枱就聞到好香，麵底軟硬適中，配料都好夠味！虎皮鳳爪小鍋冒菜都幾大份，有個小火興住食，好多配料，有魚丸片、金菇、豆乾、薯粉、滷水蛋，菜，鳳爪好夠淋同豆乾朔晒啲湯好惹味。呢個鍋我另外加咗豬大腸，大腸一啲都唔肥，幾好👍🏻白玉酸梅湯出面咁熱叫呢杯好解暑白玉厚椰乳如果覺得太辣叫呢杯野飲一定2秒止辣，有淡淡椰汁味又唔會好漏

今日同事推介左一間川菜食中午飯話好抵食 就黎試左 食完又真係覺得好抵😍之後又多間食lunch既飯堂我叫左鴨血冒菜 $46，成個感覺好似打邊爐咁 有好多唔同配料 有唔少得嘅鴨血 ，鴨血亦都比得好足 ，有菜 芫荽 金菇 丸 等等。有唔食既配料都可以備注。湯底有少少辣，麻麻辣辣咁 ，好惹味，仲會配埋薯粉，十分飽。之後叫咗個冰粉黎解下辣$10 ，係愛玉黎落左花奶，面頭有d菊花之類既碎碎 ，甜得黎又冰冰涼涼，好解辣佢自助區仲有免費嘅水同埋2款開胃配料 比食客自行去拎.都幾好 👍🏻

遇見小麵兒家香港都有得食啦☺️ 呢間主打重慶小菜同湯麵，價錢平民實惠，推介大家試試下面幾款招牌菜🙂‍↕️【金碗酸辣粉】粉條彈牙有嚼勁，食到酸辣湯底嘅陳醋香味，酸度同辣度都幾適中。配料有花生、榨菜，每啖酸辣粉再撈埋啖啖自家製肉醬好豐富☺️【鍋巴土豆】較為重口嘅一道小菜，層次感較多，外層比較鬆脆，帶啲焦脆嘅口感，而薯仔嘅內層就係軟綿綿嘅口感【蕃茄湯麵】個人覺得湯麵嘅重點係麵條嘅咬口，即使佢係湯麵但口感唔會溶溶爛爛。呢個蕃茄湯麵唔算係濃郁，不過面嘅質感好爽，撈埋啲蕃茄、牛肉、菜仲有大啖湯一齊食好有滿足感

晚市到訪，好多食客，仲要排隊先可以入座啲野吾貴，40幾一碗麵好大碗，不過啲肉醬吾係自家製，而係打開就食得既即食肉醬，扣分太忙碌既關係後生店員做到無停手，講野態度吾太好，所以係0服務

在紅磡黃埔遇上了「遇見小麵」，這間在內地擁有超過200家分店非常人氣，招牌紅碗豌雜麵及酸辣粉月銷逾20萬碗，遇見小麵主打重慶小麵外，冒菜、伴麵、酸辣粉、烤雞同為餐廳招牌菜，另外仲有抄手、燒烤、小吃、特式飲品等，超級喜歡食麻辣小麵嘅我，今日就嚟到朝聖，估唔到價錢非常親民，性價比超高👍🌟脆皮半隻雞麻辣小麵套餐 $ 56🍜麻辣小麵正宗老重慶味道，最喜愛紅油的顏色，小面麵條爽口又彈牙，換上重慶辣口味的湯汁，香辣惹味，小面中的芫荽、豌豆、花生、榨菜、芝麻等配料更是這碗麵中的靈魂，真心推薦非常美味，喜歡食辣嘅朋友千祈唔可以錯過🍗脆皮半隻雞這個也是每台必點，雞的大小適中，半隻最啱一個人食，雞皮好香脆，肉質嫩滑得來又咬口，味道鹹香鹹香夠晒入味🥤凍檸檬茶有點像港式檸檬茶，但味道更重檸檬茶香，而且太甜，食完辣嘢飲就最啱🥔鍋巴土豆$ 18這個更是驚喜的味道，薯仔外酥內軟，換上店舖自家製嘅香辣醬汁，好食得完全停唔到口

Weekend去左紅磡行下街，行到好攰又餓就諗住搵間餐廳坐低食個下午茶，發現呢間遇見小麵超級多人排隊，而且下午茶睇落好抵食就試下最後叫左個蔥油拌麵加炸餃子下午茶，只係$39！好貼近大陸食嘅價錢👍🏽呢度唔係淨係食辣野，有兼顧唔食辣嘅朋友，呢個拌麵好香。但更推薦炸韭菜餃子，熱辣辣好香口！套餐仲送一杯飲品，我地叫左熱八寶茶養下生😂跟住仲加左碗招牌紅碗豌雜麵，我食開譚仔中辣。今次叫重慶味覺得唔夠過癮，下次要試魔鬼辣😆 另外小食推薦豆腐串，好香孜然味，要叫！鍋巴土豆係必叫！外脆內軟好惹味！佢搶左麵嘅風頭🤫最後呢杯白玉厚椰乳都好香濃，不過麵好大份，飲埋呢杯太飽滯，建議叫番啲清爽嘅嘢飲😂

平時都好鐘意食酸辣粉，內地人氣麵店「遇見小麵」日前登陸香港黃埔，餐廳主打重慶小麵，亦有多款重慶地道美食，紅碗豌雜麵、小鍋冒菜、金碗酸辣粉、烤豬蹄等等，用餐環境闊落，Menu 選擇多，價錢相宜，值得一試🌶️天府鴨血小鍋冒菜上枱既時候有個蠟燭保溫，熱辣辣大滿足，入面都有好多配料，鴨血、金菇、青菜、豆皮等等，索曬湯汁好滋味金碗酸辣粉＋鹽酥雞＋飲品(三件套)佢地仲有幾款好抵食既下午茶套餐，必食酸辣粉，夠酸夠辣，粉條滑溜溜，配上花生粒同酸菜好惹味!鹽酥雞細細粒外皮香脆，肉質都好嫩滑，飲品叫左檸檬茶，酸甜有助解膩另外仲加左隻滷蛋同海草，食既時候味道更加豐富鍋巴土豆值得一試😀土豆上面加左調味辣辣地好香口，外皮香脆口感幾特別琥珀冰粉最岩用來解辣，同一般冰粉有少少唔同，呢個係茉莉花茶味道的冰粉，另外加左淡奶夠清新

成日心思思想北上食「遇見小麵」🥹，而加終於係黃埔天地奇妙坊開咗香港首店‼️唔洗北上都有得食，真係勁happy❣️😍「遇見小麵」主打川渝風味🌶️，係內地真係好受歡迎，全國有成近三百間分店，遍佈北京、上海、廣州、深圳等等…一聽到麻辣鮮香就以為只係啱食得辣嘅人？NO🙅🏻‍♀️~ Menu 有唔辣嘅套餐選擇🥰，食得辣嘅又有四種辣度🌶️－微辣、重慶辣、霸道辣及魔鬼辣。完全滿足晒我哋唔同人嘅口味，細心程度💯分！🟡🟢🔵🟣🔴🟠係香港都食到「遇見小麵」，實在太開心，我哋唔小心叫多咗少少🤏🏻嘢食嚟滿足北上癮🐒。1️⃣ 紅碗豌雜麵 （微辣） $42嚟到一定要試招牌嘅 「紅碗豌雜麵」，配料絕對係精髓，有入口即溶嘅耙豌豆，花生同炒五勁香嘅五花肉😋，將成碗麵同配料攪拌，加上微辣，食完真超滿足！2️⃣ 軟骨丸子小鍋冒菜（麻醬香辣） $48小鍋冒菜有幾款餸可以揀：虎皮鳳爪、天府鴨血、醬香滷牛肉、軟骨丸子！🤩今次一於試下軟骨丸子，配料有金針菇、魚丸片、蘭花豆乾、薯粉、豆腐皮。成個冒菜超足料，軟骨丸子口感軟熟，😍啲軟骨唔難咬，呢個菜仲一路熱住，唔怕會凍晒！🥰3️⃣ 脆皮半隻雞蕃茄湯麵（不辣） $52另外揀咗個唔辣嘅蕃茄湯麵，因為都好鍾意食

新開沒多久，本來沒想過這麼快要去吃，但路過門口見到價錢挺便宜，而且看到裏面人也很多，所以就被吸引了。鍋巴土豆小食當中，這個最好吃了！外層脆脆的，內裏薯仔都溶化了，超好吃。炭烤腿肉串叫了照燒味，甜甜的，啖啖肉。琥珀冰粉用來解辣很不錯，而且價錢亦很便宜。醬香滷牛肉小鍋冒菜很貼心地有不辣的選擇，即使不能吃辣的人也能吃。裏面配料很多，而且有薯粉，即使不另外加飯也夠飽。金碗酸辣粉+鹽酥雞這是一個下午茶套餐，飲品才30多元，真的超划算！這家的微辣也不會太辣，適合喜歡淺嘗辣的人。鹽酥雞有點像台式口味炸得也很香脆。叫了一大枱美食才一百幾元，而且吃得超飽，難怪附近座位都坐滿了人。

黃埔最近開咗嚟自內地嘅遇見小麵呢間餐廳喺全國有近300間分店本身鍾意食辣嘢嘅我當然要去試試😍菜式主要分為重慶小麵,小鍋冒菜,不辣推薦食物嘅辣度仲可以自己選擇分別係微辣,重慶辣,霸道辣,魔鬼辣真係夠哂貼心我地下午茶時段嚟到發現原來有好抵食嘅下午茶餐🤑先揀咗1+1自由搭點咗招牌紅碗豌雜麵配酥飲品另一個餐就點咗酸辣粉3件套酸辣粉+蔥油餅+飲品仲可以用優惠價加配小食我地就加埋炭烤腿肉串,酥脆雞排紅碗豌雜麵用上18種佐料綿密嘅豌豆加上五花肉碎真係好惹味酸辣粉都係必食之選食落又夠酸又夠辣🌶薯粉細滑,加上香脆黃金豆同榨菜口感好豐富小食腿串肉,蔥油餅同雞排都好高質😋飲品方面就點咗白玉厚椰乳,凍檸檬茶個人十分推介白玉厚椰乳🥥飲落椰香十足,而且解辣一流😚

內地人氣品牌殺到紅磡！主打多款地道重慶小麵，採用當地常見嘅食材，製作出最正宗嘅美食。主食可因應客人口味選擇，有辣有唔辣，老少咸宜，價錢親民，地點方便，值得到訪。主食要咗蔥油拌麵，份量十足，麵條軟硬度適中，調味啱啱好，另可加配料，有青菜、滷蛋、擂椒、軟骨丸子、鴨血等款色，落埋出面自助區嘅黃金脆脆豆令到整體口感昇華！蔥酥骨湯抄手同樣出色，一口一粒，皮薄餡靚，唔食得辣嘅可以叫。小食款色眾多，脆皮半隻雞外脆內嫩、雞排炸至酥脆可口、餃子又大又脆身、蔥油餅食落唔油膩。鍋巴土豆都唔錯，外層夠薄，內裏軟糯可口，真材實料。最後試埋呢度嘅飲品同甜點，有白玉厚椰乳同白玉酸梅湯，前者可解辣，後者可解膩，兩款都有冰粉，口感十足，性價比高。