遇見花蓮

营业中

休息中

今日嚟到北角搵野食，見到呢間店好評如潮，所以入黎試下🤣店入面環境都幾舒服，我地叫左一個午餐之後發現三點原來有下午茶🤣所以就午餐同下午茶都备叫咗一個，我哋嗌嘅嘢飲都叫咗少甜但都係超級甜，同埋都唔好飲🥶建議大家叫杯茶就算🤣🤣連台灣奶茶都唔好飲🥲同埋其實同咗店員講咗幾次係要少甜，佢好似都冇聽到🥲嘢食方面就味道十分普通，牛肉麵湯底較淡，但係都算比滷肉飯好食🤣總括嚟講真係唔需要特別黎試🤣🤣台灣菜應該有更好既選擇😌

經過砲台山見到呢間台式料理幾多人就入去試下估唔到性價比咁高。 蜜汁滷排骨滷肉飯便當 $75排骨炸得鬆脆再加上甜甜的秘製醬汁， 配飯一流。 套餐還配有貢丸湯，臭豆腐和鴨血， 一次過滿足好多種口味。花蓮紅燒牛三寶手工麵 $85麵條很彈牙，牛肉份量好足夠，有牛筋，牛展，牛肚，每一件牛都係大大件，抵食。麻辣鴨血 $28 麻辣臭豆腐 $28因為便當套餐有配鴨血同臭豆腐，食完覺得好好食就每樣叫咗一款， 兩款麻辣小食都好夠辣，鍾意食辣嘅人一定要試。古早起司芋泥肉鬆蛋餅 $46食台灣料理一定要食個蛋餅先係完美嘅句號， 呢個蛋餅好足料，芋圓肉鬆滿滿，另外芝士望上去感覺唔多，但係每一啖都食到芝士味好香，必點。套餐仲可以優惠價點飲品 ，簡單嚟講可以用午餐嘅價錢食到晚餐,我覺得呢間台灣料理性價比十分之高。

好久沒去過台灣，在炮台山發現這家“遇見花蓮”，就進去重溫一下去台灣的回憶吧，看看是否真有台味。餐廳的外觀及內部裝修都很不錯。難怪作為工業區的餐廳夜晚的客流量這麽多。✴️花蓮紅燒牛肉麵 $75傳統牛肉麵的粗麵條，Q彈爽口，牛肉燉得好軟，但不會散開，湯底不算太濃，下次我要試麻辣那款。✴️雞絲貢丸清湯新竹米粉 $68新竹米粉幼細但爽滑，湯底很清甜，貢丸好大粒，好彈牙，雞絲就還好，不過總體搭配幾好。✴️士林鹽酥雞 $38應該是即叫即炸的，熱辣辣，外皮很酥脆，雞肉還有肉汁，很香口。✴️古早烤台灣香腸 $38我真的很喜歡台灣香腸，味道甜甜的大，表皮又脆脆的，加上切得薄薄的新鮮蒜片，多了一點辛辣，好滋味。✴️冷泡烏龍茶 $8（跟餐加配會）跟餐加配的，茶香比較濃，沒有甜度的，解膩最適合不過。✴️芋香珍珠奶茶$12（跟餐加配會）芋香味好香，少甜少冰也很對味，非常香甜順口，我都忘記對上一次喝是多久前了。✴️紅豆仙草三色芋圓 $42芋丸軟糯又Q彈，仙草滑溜，紅豆香甜，加上花奶，這個甜品作為一餐的完結。總結，無論裝潢及食物都算得上滿意，地點都方便，價格也不貴，重點沒有加1，值得再回訪。

第一次去呢間餐廳，入到去環境好舒服，啲位都闊。美食方面我同朋友分別叫左藥膳花雕半筋半肉手工麵（$79），花蓮半筋半肉麻辣拌麵（$82），小食就叫左古早花雕雞卷（$42），士林咸蛋芋泥酥（$36）。我就試藥膳花雕半筋半肉手工麵（$79），望落有好多蟲草，牛筋同肉各有2大舊，份量都ok，湯底方面花雕唔出味，反而係紅燒味多，建議都係食番紅燒湯底。朋友個個麻辣拌麵就冇試到，但話麻麻。小食古早花雕雞卷（$42），士林咸蛋芋泥酥（$36）反而有驚喜。雞卷有6舊，雞肉質感算嫩，花雕味係好清香。另外士林咸蛋芋泥酥有2舊，外面脆脆，一咬有芋泥香，整到中間有咸蛋，食落都幾match，兩樣小食都推薦。甜品就係紅豆仙草三色芋圓（$42），不過不失既芋圓，不論份量，芋圓都建議食番出名既芋圓店。

今日嚟到北角呢頭一向都知呢度有好多好嘢食朋友話想食啲有特色啲嘅嘢所以我哋就揀咗呢間台灣餐廳門面好光猛坐入去樓底夠高所以都唔會覺得侷促餐牌選擇好多選擇困難症人士都要揀咗一陣先揀好😂最後我哋兩個都揀咗食麵😛分別係紅燒牛肉手工麵同埋牛三寶麵食麵識食一定係飲湯先🤣個湯底清甜但唔會太假仲有少少藥材味飲落嘅鹹度適中實測飲完當晚都冇口渴🤪下次去食飲多兩啖都唔驚牛肉份量超級多而且煮到好腍特別係個牛筋非常出色!可以一戰之後上枱嘅係兩杯嘢飲叫咗少冰真係有少冰做到嘢😂👍🏾我哋仲叫咗3款小食分別係麻辣鴨血 ，鹽酥雞同埋蟹蓋鴨血都幾滑不過重口味人士就略嫌淡口咗少少🙈鹽酥雞好食！啲雞肉炸完都係好嫰🤤好入味至於個蟹蓋真係好足料😂食嘅時候需要比較粗暴地先至可以潷到啲蟹肉出嚟建議行優雅路線嘅女士最好叫同行朋友幫手🤣食咗咁多嘢都唔洗$300🤭最緊要係晚市都冇加一抵讚！

朋友話我知北角呢間遇見花蓮很.不.錯.😙試完就知道佢冇講錯～餐廳環境走木系風格坐得都幾舒服食物種類又多選擇，湯麵，手工拌麵，滷肉飯，臭臭鍋等～🔅滷肉A菜A菜應該就係油麥菜，食落有陣陣香味～夠甜夠爽口！ A 菜上的滷肉碎亦煮得好入味🔅麻辣臭豆腐夠辣～但如果花椒油嘅麻味更多就好🔅花蓮半筋半肉麻辣拌麵可能叫咗小辣👀 整體唔算麻辣，反而醬油偏甜，但值得一讚係手工麵條～粗幼適中有口感，而且每一條麵條都沾滿醬汁😍 最正係佢嘅半筋半肉牛肉，用料十足，食起來滿滿膠原感😋 讚🫶珍珠奶茶正常發揮🧋 我點咗少甜，茶味都算夠濃，珍珠Q彈有口感

餐廳：遇見花蓮地點：北角炮台山電氣道菜式：台灣野餐牌：花蓮小鍋，花蓮地道小食，花蓮手工麵，麻辣手工拌麵，古早味薑蔥，家傳滷肉飯，花蓮捲餅，花蓮吐司，甜點，飲品。無加一。落單掃QR code。私房麻辣牛三寶 $78私房麻辣牛三寶有牛腱心兩件，牛肚兩件，牛筋兩件。薄身鴨血兩片，好脆口。麻辣味可以接受。仲有糖心蛋一開二同鹹菜，面頭撒上葱花。麻辣鴨血 $28麻辣鴨血一客5件，唔算太辣，都好脆口，面頭灑上蔥花。花雕藥膳雞翅 $36花雕藥膳雞翅一客6件單骨雞翼，酒香適中，味道甜甜地。紅燒牛三寶手工麵 $85紅燒牛三寶手工麵超大碗，熱辣辣上枱。有牛三寶各兩件，質素同私房麻辣牛三寶一樣好！麵條係煙韌有咬口既白色麵，粗幼度適中。個湯唔油，味道唔錯。配兩條小棠菜，鹹菜同蔥花。慢烤雞腿起司蛋吐司 $56慢烤雞腿起司蛋吐司一客兩份，用紙包好，烘底吐司包住爆餡雞腿肉，蛋同黃色熱熔芝士，好邪惡。隨吐司附上濕紙巾，好貼心。愛文芒果起司奶蓋 加$16愛文芒果起司奶蓋用玻璃杯上，大大杯。叫左少甜，芒果味都可以，酸酸甜甜，配面頭多多芝士奶蓋好夾，口感厚身。呢度食物質素唔錯，最緊要係價錢非常街坊價，而且無加一。

呢度裝修企理落地玻璃夠晒開陽，店員都非常親切有有笑容，落咗單之後，好快就熱辣辣送上枱，效率超高👍👍🌟士林鹽酥雞🌟炸起有六大件，外表酥脆，脆漿鎖住香氣與水分。咬落夠Juicy ，椒鹽的味道和香酥的口感，加上裏面嘅雞肉嫩口😋🌟花蓮半筋半肉麻辣拌麵，花蓮紅燒牛肉麵🌟叫咗2碗牛肉麵，麻辣拌麵食落甜甜哋帶一點點香辣麻味，比起傳統湯麵較為醒胃。牛肉湯麵湯底夠濃。佢哋嘅牛筋晶凝通透，充滿膠原蛋白，軟Q有嚼勁，牛肉條筋肉分明，脂香滿口，層次十足，簡直係招牌菜式。🌟炭培烏龍起司奶蓋& 鮮柳橙四季春🌟芝士味奶蓋夠濃，啱晒芝士熱愛者。橙汁四季春茶就夠晒清涼解渴。

炮台山呢條食街有好多選擇好耐冇食過台灣菜 呢晚黎左呢間遇見花蓮食晚餐😙.🌟沙茶牛肉鍋 $126一人一鍋非常方便 配料一早已經放齊晒喺鍋裏面牛肉鍋有牛肉片、牛筋等等牛肉配料🐮仲有各式各樣嘅台式肉丸、臭豆腐同埋蔬菜 非常豐富食完啲餸再淥粉絲 吸晒香濃嘅沙茶湯底超滿足🍲.🌟藥膳花雕雞手工麵 $68蟲草花湯有好香花雕酒味🍶雞肉卷煮得軟腍 而且完全冇骨好易食闊身嘅手工麵唔易浸腍 咁大碗慢慢食都冇問題🍜😝.🌟起司培根蛋餅 $42經典嘅台式小食🥚🥓🧀蛋餅外層微脆 中間嘅芝士火腿少少溶嘅狀態好好食！.🌟淡水滷肉刈包 $26好有特式嘅台式包刈包煙煙韌韌 配上濃郁嘅滷肉榨菜食呢個包好易食到成手都係汁 餐廳仲好貼心附上埋濕紙巾😁.🌟炭培烏龍起司奶蓋 +$16烏龍茶同芝士奶蓋好夾☕️🧀.🌟愛文芒果起司奶蓋 +$16好香甜嘅芒果味 加上芝士奶蓋啱啱好唔會太甜🥭.餐廳空間十足 座位亦都好舒適 無論係多人數或者少人數都安排到坐位

對我來說，蔥油手撕雞髀肉飯與鮮奶芋泥手工芋圓飲料無疑是最受歡迎的組合。首先，蔥油手撕雞髀肉飯的香氣撲鼻而來。雞髀肉經過精心醃製，肉質鮮嫩多汁，內裡卻保留了豐富的肉汁。每一口都能感受到雞肉的鮮美，搭配上香氣四溢的蔥油，讓整道菜變得更加美味。米飯則是精選的台灣米飯，粒粒分明，吸附著濃郁的醬汁，讓人忍不住多添幾口。接著是鮮奶芋泥手工芋圓，這飲料同樣令人驚豔。手工製作的芋圓外表光滑，咬下去有著彈牙的口感，內裡的芋泥則是用新鮮的芋頭製作，香氣四溢。搭配上濃郁的鮮奶，整體口感滑順，甜而不膩，讓人感受到自然的甜味。這份甜品不僅滿足了味蕾，也讓人感受到一種純粹的幸福感。整體而言，這頓午餐不僅美味，還充滿了家的味道，讓人陶醉在這份簡單卻無比美好的享受中。

別以為炮台山5係主要商業區就冇乜好野食，係電氣道就有間好味嘅台灣料理《遇見花連》。食物質素不錯，仲有好多款式。《士林夜市蟹蓋》台灣嘅《羅東夜市》、《寧夏夜市》我都去，偏偏《士林夜市》我就未去過。所以呢《士林夜市蟹蓋》很吸引我，覺得難得遇到佢，點都要點下佢。蟹蓋煎到脆香，蓋內嘅魚肉有蟹味，一啖就愛上。《花鵰雞卷魯肉飯》花鵰味香濃，雞肉超滑溜。魯肉肥瘦相間，其醬汁又惹味，餸飯一流。《鹽酥雞魯肉飯》鹽酥雞炸至金黃色，上面灑滿了鹽，非常滋味。《紫菜貢丸湯》入面好多紫菜，貢丸切粒，仲有葱調味，十分清香，又不會太咸

嚟開北角搵朋友想係附近搵間坐得舒服之餘又多款式嘅可以傾下食下嘅餐廳係近AIA附近見到有間食地道台灣菜款式選擇都幾多重點係餐廳夠光鮮乾淨就揀咗佢喇食物款式都好多有套餐飯類麵類仲有埋飲品小食選擇都勁多最吸引係個九格嘅小食拼盤好啱我呢啲咩都想試嘅人有溏心蛋、台式香腸、醉雞卷、牛肚、蛋餃、鴨、豬大腸、鹽酥雞同地瓜酥又精緻味道又唔錯另一樣我最愛嘅台灣小食蛋餅我當然都要叫肉鬆份量都超多蛋皮唔會好實都唔錯主食揀左個南投蛋黃肉便當有湯有鴨血同臭豆腐超豐富價錢款式同份量都成正比味道都唔錯去開個頭都值得試試

今日黎到炮台山搵食，黎到呢間星加波特色，就入去試下啦。裝修都好光猛，都算坐得舒服。首先我地點左個麻辣臭豆腐，我個人好食得辣，所以我覺得都唔算辣，容易入口，味道都唔錯。再叫多個小食慢烤雞腿起司蛋吐司，呢個好足料，烤雞味又香，真係好好味，世界級值得一試。主食方面就選左藥膳花雕半筋半肉手工麵，呢個湯底都算清，花雕味好出，非常好飲，筋腩非常林，入口即溶。，份量十足。最值得食既係呢款蒲燒鯛魚腹滷肉飯便堂，呢個真係抵食到爆，有好多碟唔同既配菜，可滿足多樣口味，絕對物超所值，呢個強烈推介必食之選。跟餐加12蚊可轉特飲，今次選左珍珠奶茶同芋香珍珠奶茶，呢兩款都唔錯，我個人鐘意芋香多啲。有啲珍珠非常有口感。

今日喺炮台山食台灣料理 ~《遇見花蓮》。今次嚟叫左個《沙茶牛肉鍋》牛類方面，內有牛筋、牛肚、牛丸、牛板腱。牛味香濃，配合沙茶湯底，味道非常夾。蔬菜方面，有津白，冬菇，金菇，樣樣都十分新鮮。其他配菜有蜂巢豆腐、甜不辣、鵪鶉蛋、福州魚丸、芋頭貢丸、蛋餃。我最鐘意係蛋餃，外皮蛋黃味重；內餡豬肉味香，非常美味。《滷肉飯》滷肉肥瘦相間，滷水汁味香濃，餸飯一流。《粒粒藍莓起司奶蓋》只有一粒完整藍莓在杯中，其他藍莓已經打碎溶在飲料中。起司奶蓋成寸厚，很滑溜，好好飲。📍炮台山 電氣道183号友邦廣場地下14-15号鋪

♡◌ ◍ ◯ ⊙ ◌✐ 𝙍𝙚𝙫𝙞𝙚𝙬.📍Hualien Dating 遇見花蓮𝕃𝕠𝕔𝕒𝕥𝕚𝕠𝕟: #breadaholic_northpoint𝕋𝕪𝕡𝕖: #breadaholic_restaurant.❅ 𝐁𝐫𝐚𝐢𝐬𝐞𝐝 𝐏𝐨𝐫𝐤 𝐆𝐮𝐚 𝐁𝐚𝐨 滷肉刈包($26 1pcs) ❅ 𝐄𝐠𝐠 𝐏𝐚𝐧𝐜𝐚𝐤𝐞 𝐑𝐨𝐥𝐥 𝐰/ 𝐁𝐚𝐜𝐨𝐧 & 𝐂𝐡𝐞𝐞𝐬𝐞 起司培根蛋餅($42) ❅ 𝐒𝐥𝐨𝐰 𝐂𝐨𝐨𝐤𝐞𝐝 𝐁𝐞𝐞𝐟 𝐓𝐞𝐧𝐝𝐨𝐧 𝐰/ 𝐌𝐚𝐥𝐚 𝐃𝐫𝐲 𝐍𝐨𝐨𝐝𝐥𝐞 慢煮牛筋麻辣拌麵($78) ❅ 𝐁𝐫𝐚𝐢𝐬𝐞𝐝 𝐁𝐞𝐞𝐟 𝐍𝐨𝐨𝐝𝐥𝐞 𝐢𝐧 𝐒𝐨𝐮𝐩 紅燒牛肉手工麵 ($75) ❅ 𝐓𝐡𝐫𝐞𝐞 𝐂𝐨𝐥𝐨𝐮𝐫 𝐓𝐚𝐫𝐨 𝐁𝐚𝐥𝐥𝐬 𝐰/ 𝐓𝐚𝐫𝐨 𝐌𝐚𝐬𝐡 古早芋泥三色芋圓($45) .//Despite having a lot of Taiwanese restaurants in the city, it has always been a challenge to hunt for a good Gua Bao in Hong Kong…randomly came across w