遇見花蓮

营业中

休息中

太內冇食台灣菜，今次黎左呢間裝修幾有特色的台灣料理。有落地玻璃設計，感覺光猛明亮，坐得舒服。🐮私房麻辣牛三寶必食！有牛肚，牛筋，腱心，全部好入味😋牛筋超大舊，有咬口。腱心夾住小小筋腱，好軟腍！滿滿骨膠原的感覺😍🥬滷肉A菜A菜好爽脆，滷肉惹味。🐟墾丁脆魚塊幾抵食，有五塊。炸得香脆，炸粉幾薄，啖啖魚肉👍🏻🐷薑蔥滷蜜汁排骨飯估吾到台灣野都有薑蔥食😍爆多薑蔥，岩晒葱控的我👍🏻排骨大過我手掌😂厚身，但肉質幾嫩吾會老，滷得入味。🐷慢煮豬軟骨麻辣拌麵豬軟骨超腍，甜甜地有小小似豬腳薑味，一大條好有誠意😆麻辣麵質地煙韌，吾會太辣，麻麻地幾惹味。🥤鮮奶紅豆手工芋圓🥤鮮奶芋泥手工芋圓超濃厚鮮奶味😋手工芋圓好Q彈有口感，紅頭同芋泥清清甜甜，好夾👍🏻

依間台式餐廳真係令人驚喜，除咗味道好之外，佢仲有一樣特別嘅食物，就係台式臭豆腐。臭豆腐係佢嘅招牌菜之一，而且真係超級臭！如果你鍾意食超臭嘅臭豆腐，不妨嚟試吓呢間餐廳。不過對於我嚟講，臭豆腐就太刺激啦，所以我就揀咗牛肉麵、蛋餅同埋佢嘅刈包。首先，我試咗佢哋嘅牛肉麵。牛肉切得好厚，啖啖肉，配上彈牙的麵條，真係好過癮。湯底口感濃郁，充滿牛肉的香味，每一口都令人心滿意足。其次，蛋餅係台灣嘅經典小吃之一，我當然唔可以錯過。我叫咗個芝士肉鬆蛋餅，裏面有好多肉鬆，蛋香同肉鬆充滿口腔，好開胃。最後，佢嘅刈包都好出色。一個小小的包子裏面包著好多滷肉，真係十分豐富。包子外皮鬆軟，配上同埋其他的醬料，好食。

今日黎到炮台山，見到呢間台式料理就決定入去試下餐牌有好多選擇小食拼盤這份精心呈現的小食拼盤無疑是本次餐飲體驗的亮點。每一種小菜都讓人驚喜連連。鹽酥雞外酥內嫩; 牛肚和豬大腸鮮嫩爽口,帶著恰到好處的咬勁;滷蛋散發著迷人的醬香;地瓜條酥脆可口,麻辣鴨血酸辣開胃。這些食材在師傅的巧手下釀造出了多層次的豐富風味。每一種小菜都讓人欲罷不能,這絕對是台式風情的精華所在花蓮紅燒牛肉麵這碗香濃醇厚的牛肉麵實在是太令人難忘了。湯頭透亮鮮美,散發著牛肉的鮮香;麵條Q彈有勁,與滑嫩多汁的牛肉片完美契合。每一口都讓人陶醉在牛肉的濃郁鮮美之中,回味無窮古法慢煮控肉飯這道古法慢煮的控肉飯真是令人驚歎。肉質軟嫩多汁,散發著迷人的醬香，令人垂涎欲滴。這些食材無疑都是優質新鮮的,在長時間慢火熬煮的工藝下展現出了前所未有的滋味。每一口都令人難忘,體驗到了台式料理的精髓所在

今日放左工又唔想咁早返屋企對住四面牆，就約左閨蜜去北角食晚餐。黎到呢間餐廳都幾有特色就入去試下啦。首先叫左個小食墾丁脆魚塊(5件），呢個炸到金黃色賣相都唔錯，外脆內軟，一啖一口，非常過癮。跟住點左個慢烤雞腿起司蛋吐司，呢個份量都幾足料，太陽蛋配烤雞，非常好味，睇見都流晒口水，食落重有驚喜，真係幾不錯既選擇。主食方面就叫左鹽酥雞滷肉飯，賣相同台灣料理一樣，係香港都可食到正宗台灣美食，真係好感恩。味道都唔錯。之後叫多個花蓮一品臭臭鍋小辣配薯粉，好大陣臭豆腐，識食一定係食佢，食起非常金香。勁大個鍋份量十足。都係唔錯既選擇。飲品方面就選左鮮奶芋泥手工芋圓，下面有好多芋泥，口感一流。最後叫多杯鮮奶紅豆手工芋圓，底層好多紅豆同芋圓，唔算好甜，容易入口。芋圓味道都唔錯，值得一試。

一向都好鍾意食台式嘢食... 呢間台式食店真係唔錯... 已經幫襯過好多次! 最鍾意係佢嘅臭臭鍋... 入面有我鍾意食嘅臭豆腐、鴨血!🤤早幾日同朋友過去食個晚餐... 兩個人總共用咗二百幾蚊... 已經一人一個主食... 加兩個小食... 加兩杯嘢飲... 仲要係食到飽飽... 認真抵呀!👍🔸花蓮一品臭臭鍋(娃娃菜、白豚肉、臭豆腐、新竹貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金菇、鳴門卷、炸支竹)材料真係十分豐富... 仲可以跟個粉麵... 我揀咗薯粉... 食完成個鍋真係好飽肚! 呢個鍋有唔同辣度... 有大、中、細、特辣... 可以按個人接受到辣嘅程度嚟落單!🔸古早滷蜜汁排骨配手工麵排骨大大塊... 炸到好香脆... 特製嘅滷蜜汁味道香濃... 手工麵非常彈牙、有咬口!🔸士林鹽酥雞呢款小食係我每次必點... 不過今次稍為炸得唔夠金黃... 但係都keep到脆口惹味!🔸淡水滷肉刈包份量唔算好大... 一個人食啱啱好! 刈包入面放咗煮到非常軟腍嘅滷肉... 仲有酸菜... 成個包食落去唔會覺得特別油膩... 都唔錯!🔸鮮奶紅豆手工芋圓 / 仙草珍珠奶茶加配嘅飲品只需

同朋友仔約咗喺砲台山放工食飯。見到有一間台灣嘢都見到幾多人食就走咗入去試下。間餐廳名叫遇見花蓮，估唔到呢間台灣嘢有得食一個迷你嘅湊湊煲。咁得意就叫咗一個試下。同埋叫咗個小食拼盤。黎到之後估唔到個小食拼盤咁鬼多嘢。有九樣野食，分別係唐心蛋，鴨血，鹵水豬肚，豬大腸，炸魚餅，醉雞件，香腸，炸雞粒同埋炸地瓜。一個人食呢個拼盤應該食唔曬🙈🤣🤣今次係我第一次食呢個台式臭臭煲，原來嗰啲臭味係嚟自於個臭豆腐。非常類似香港港式嘅臭豆腐。如果食唔到嘅人千祈唔好叫😜我自己就鍾意食臭豆腐。個湯甜甜地，入面啲料有豬肉，蘑菇，豬紅，蕃茄，鵪鶉蛋等等。兩個人食真係飽到上心口。好味道😆

平日好少經過炮台山後街今日行過見到一間價格親民餐廳主打台灣菜當然要試一試臭臭鍋係首選真係掛住果陣臭味一上檯～臭味撲鼻而來臭味來源估計係臭豆腐麻辣火鍋般非常頂癮一人份量剛剛好！朋友話想食鹽酥雞除左叫左個飯仲叫左一份芝士蛋烤雞治同我share味道不錯呢！味道絕對對得住個價錢

想吃台灣🇹🇼地道美食，好吃又划算，就要到北角的遇見花蓮，可以讓你大飽口福。遇見花蓮確實是很好的一家台灣餐廳🍴價廉味美，還有好多都是台灣地道小吃和地點鍋品，來這裡一定要吃出名的火鍋🍲，真的好吃到不要不要的。台式香濃沙茶鍋 $118 份量多多菜式也多，有菜有肉真係超級豐富，係必食既台式火鍋🍲肉鬆榨菜蛋餅 $42 呢個蛋餅都係招牌必食，仲有其他口味的古早烤台灣🇹🇼香腸 $38 我就鍾意呢款台灣香腸配蒜頭的吃法，夠地道啊滷肉菜$28 菜加滷肉也是地道啊私房麻辣牛三寶 $68 喜歡吃牛的必吃之選，還有鴨血和酸菜搭配呢飲品也是台式地道飲品：鮮奶芋泥手工芋圓 $16夜市鳳梨🍍水果茶 $28

今次再次嚟到砲台山嘅遇見花蓮，一如既往都係咁多人嚟食，員工招待都好好， 用Qr code落單快捷又方便，餐廳自成一角，大落地玻璃可以看出面街景慢烤雞腿蛋吐司呢個烤雞腿蛋吐司，雞烤得好軟熟，隻蛋仲係流心，麵包有烤過，即叫即整熱辣辣，相當好味紅燒半筋半肉麵牛筋和牛腩都煮得好淋好軟熟，又好入味，份量都好多，手工面整得好好，粗幼適中，好彈牙，湯底唔肥膩，仲有酸菜做配菜，好滿足 😚鹽酥雞滷肉飯滷肉飯好正宗，啲滷肉炆得好淋，好入味，鹽酥雞粒粒大大粒，裏面啲雞還是juicy的，飯嘅份量都好大碗，仲有半粒流心蛋和紫菜湯，好豐富 😁士林鹹蛋芋泥酥(3个)叫咗個鹹蛋芋泥酥小食，外脆內軟，裏面的芋泥好軟熟，包埋個鹹蛋一齊食有另一番風味，鹹鹹地甜甜地好得意紅豆仙草三色芋圓三色芋圓粒粒都好軟熟，有味道，唔會好似得麵粉咁，仙草份量好多好滑，仲有紅豆令到成個甜品更豐富 😋自家薏米水 & 鮮奶紅豆手工芋圓薏米水好清涼，消暑解膩鮮奶紅豆手工芋圓，唔會好甜，有紅豆和芋圓食好多口感

最近喺附近上完堂，夜晚搵吓有咩好食，主打花蓮嘅台式餐廳，透明玻璃經過見到有人食一個九宮格嘅小食拼盤，好似幾吸引，就入咗嚟試一試。原來個拼盤只係$88，啱晒我呢啲有選擇困難症嘅人，樣樣都想試，但係又揀唔到。然之後再配埋一個花蓮一品臭臭鍋，份量十足，兩個人食真係啱啱好。有齊晒臭豆腐、白沙、豬肉、貢丸、鴨血、粉絲、仲有好多好多配料。其實額外因為好耐冇去台灣，實在太掛住蛋餅同肉鬆芝士，果然係台灣嘅風味，有時喺香港食蛋餅會比較厚身，喱一個蛋餅就啱啱好。

士林鹽酥雞大大粒鹽酥雞，炸粉不厚，肉質嫩滑，不會過鹹，剛剛好夠味，最重要是不油花蓮地瓜酥純正地瓜，沒有加任何醬料，可以吃到地瓜的甜，很好吃，而且不油，很好紅燒半斤半肉麵份量十足，好多牛肉，兩大舊牛肉，還有一些小的，肉質很腍，牛筋都有很多，大的有三舊，都很腍，入口即溶的感覺。湯底濃郁，不會過鹹，麵是手工麵，唔硬唔腍剛剛好，口感彈牙古早仙草三色芋圓芋圓煙韌，帶點甜，不黏牙，很好吃，加上淡奶不會太甜，涼粉條狀方便食用珍珠奶茶（少甜少冰）茶底特別，不是普通茶，有茶香，珍珠有咬口，粒粒分明紅豆珍珠奶茶（正常甜冰）不會過甜，茶底不濃，珍珠份量都算多冷泡阿里山烏龍茶茶香，順口回甘，夠味，好飲，沒有加冰，但冷泡夠凍鋪面很大，算多座位，晚上7點去不用等就可以入座。沒有加一！

今日嚟到遇見花蓮食台灣菜，本身都好鐘意台灣料理，今次呢間台式店有驚喜，好有台灣風味，價錢亦合理，值得推介花蓮小食拼盤 $88（鹽酥雞、牛肚、豬大腸、雞卷、滷蛋、香腸、地瓜酥、炸魚塊、麻辣鴨血）花蓮小食拼盤賣相精華，款款都是台灣特色小食，味道好有台灣風味，一次過可以試曬9款，確實是滿足，絕對值得推介肉鬆榨菜捲餅(逢甲名物) $42好鐘意呢款肉鬆榨菜捲餅，餡料配搭非常夾，非常推介滷肉A菜 $28次次食台灣菜都會叫A菜，濃郁滷肉醬汁配上爽口A菜，非常不錯整體來講，環境闊落，坐得好舒服，味道水準也不錯

Hualien Dating specializes in Taiwanese cuisine in North Point 🥢 serves lunch sets in great value 💫 wood-style interior with turquoise green tones 🪵 elegant and cozy ambiance 🌺遇見花蓮 位於北角 主打台灣菜 🥢 午市套餐 性價比高 💫 木系色調 湖水綠色調 🪵 環境清雅舒適 🌺🍜 花蓮川味紅燒半筋半肉麵 HKD$79hualien braised beef and tendon noodle soup in sichuan style 麵條扁粗 口感彈牙 🥢 湯底微辣濃郁 🌶️牛腩鬆軟 🐄 牛筋軟腍🍯 蜜汁滷排骨麻辣拌麵 HKD$72 honey glazed ribs with mala dry noodles麵條扁粗 彈牙掛汁 🥢 麻辣惹味 🌶️滷排骨 有兩大塊 🐖 酥脆厚肉 醬油濃郁🥪 慢烤雞腿蛋吐司 HKD$48slow grilled chicken steak and egg 麵包軟熟 🍞 雞腿肉厚嫩滑

餐廳：遇見花蓮地點：北角炮台山電氣道菜式：台灣野餐牌：花蓮小鍋，花蓮地道小食，花蓮手工麵，麻辣手工拌麵，古早味薑蔥，家傳滷肉飯，花蓮捲餅，花蓮吐司，甜點，飲品。無加一。落單掃QR code。私房麻辣牛三寶 $68私房麻辣牛三寶好大份，有牛腱心兩大件，食落非常淋，又帶筋，好正。牛肚兩件，口感都唔錯。牛筋兩件，好有彈性！薄身鴨血兩片，好脆口。麻辣味其實唔算太辣，絕對可以接受。仲有糖心蛋一開二同鹹菜，面頭撒上葱花。紅燒牛三寶手工麵 $84紅燒牛三寶手工麵超大碗，熱辣辣上枱。有牛三寶各兩件，質素同私房麻辣牛三寶一樣好！麵條係煙韌有咬口既白色麵，粗幼度適中。個湯唔油，味道唔錯。配兩條小棠菜，鹹菜同蔥花。薑蔥慢煮豬軟骨飯 $66慢煮豬軟骨滷肉飯有三大件慢煮豬軟骨，整得好淋，而味道甜甜地，好開胃。配有糖心蛋半隻，辣辣地既薑蓉，鹹菜同蔥花。跟有一碗紫菜蔥花湯，味道唔錯，好健康。慢烤雞腿起司蛋吐司 $56慢烤雞腿起司蛋吐司一客兩份，用紙包好，烘底吐司包住爆餡雞腿肉，蛋同黃色熱熔芝士，好邪惡。隨吐司附上濕紙巾，好貼心。鮮奶紅豆手工芋圓 加$16鮮奶紅豆手工芋圓用玻璃杯上，大大杯。鮮奶好滑，配香甜紅豆好夾。

講真雖然午市但係服務態度真係麻麻，個夥計唔知點解好似躁狂症咁 趕住換枱都可以有禮貌啲㗎 價錢70幾蚊都唔係話好抵食 食物，又唔係話好高質 純粹醫肚咁囉 下次盡量都揀其他嘢食算數