酥妃皇后 (侯王道)

营业中

休息中

見到網友都讚這裏的蛋撻，我今日便專程去試試。午飯時候已經人流不絕，不過也只是等了幾分鐘。這裏熱賣的是蛋撻和牛角酥，兩種都有甚多口味選擇，還有各款果撻，賣相很美。加上蛋撻的香味飄溢，路過的人都會停步看看。我買了一個原味蛋撻試試，每個$10，店內一旁有立食位。要讚的是店方十分細心，堂食的話會將蛋撻放在一個木碟上，立食位擺放了紙巾、紙杯和一瓶開水，供客人使用。蛋撻的體積比一般的稍大，只是稍熱，因太熱的話根本無法進食，這是另一個細心位。未吃已聞到蛋香，吃進口只覺酥軟香滑，蛋餡少少甜，有點椰香。店方的重點宣傳是：每個蛋撻有368層酥皮，我相信沒有人真的會去點算，好好味才是最重要！下次肥彭來港，也許要去試一試！

行過九龍城，當然要試下九龍城美食，在九龍城街市對面見到呢間餅店都有人流等候的。我和愛人點了原味蛋撻啦！由於是新鮮出爐當然味道不錯啦！我們決定買多2件酥返家做早餐，慢慢品嚐。九龍城街坊真有口福。

九龍城區真是個美食天堂，每走幾步便會遇上一家食店，燕瘦環肥爭妍鬥麗任君挑選，老公笑言住在這區不會吃胖才怪。朝着目標菜館進發，卻被一酥批櫥窗吸引了我倆的視線，一望無際的蛋撻海，還有各款的酥批、牛角酥，令人不由自主地凑到櫥窗跟前。再仔細一看，還有榴槤口味的蛋撻、抹茶口味的牛角酥、紫薯囗味的酥批......除了賣相吸引外，口味也切合潮流元素，整體感覺就是不一樣的店，以炫目掛帥的。及後得知這「酥妃皇后」的幕後老闆是前歌手黃寶欣，腦海中即時浮現那首「酒杯敲鋼琴」：酒杯敲鋼琴，你心悶透......是的，那是遠去了的80年代了。以前的歌手即使沒有大紅大紫，現今甚或是不知身在何方，卻總會有一首代表作讓人想起他／她的名字的。我倆還是後來才知道這當中因緣，自然也就不是因「她」而光顧了，純粹就是被蛋撻和酥批的魅力吸引而來的，僅此而已。 對過路人來說，熱辣辣的金黃色的酥皮蛋撻最是吸引，而酥批、牛角包的魅力同樣難以抗拒，至於鮮果撻入夜後會做特價，不過因為要吃晚飯的關係，還是只買酥皮蛋撻和酥批好了。店員在包裝前把長長的丹麥酥切半，再以牛油紙細細包裹好。而蛋撻則用透氣膠盒盛着，再以紙兜盛載避免酥皮被弄碎，還配了美美

鮮奶撻 $12 早排去九龍城參觀，終於可以試到呢間鋪頭，係主打368層既酥皮蛋撻呀係蛋撻同鮮奶撻之間，我揀左鮮奶撻！可惜我影完相隔左成個鐘先食🙈，底部開始泛油，可幸酥皮依然好鬆化，層次分明，中間既牛奶餡仲幾滑，如果趁熱食，一定會更好味！😋真係好油>_<但冇辦法吧，因為酥皮係用好多牛油而整～～仲有好多唔同既酥皮撻，可惜我太飽了，只能遠觀吧！最平就係蛋撻$10~除左蛋撻，鮮奶撻，仲有榴槤撻呀，榴槤愛好者可以試下呢～～

由於住在附近，很愛吃酥皮牛奶達，外層酥脆牛奶味十足，非常喜歡老闆娘及員工的有善態度，但近期其中一名大約三十歲的店員非常負氣，實在難免影響招牌，希望老闆加強留意，不要因為一個員工影響做好的食物和生意。

平時我鍾意食餅皮多過酥皮，見到呢度酥皮10蚊個原來都覺得貴貴地，但都試下啦。食落同平時嘅蛋撻比唔係講笑，真係滑!好!多!酥皮亦真係鬆軟又唔會好乾好硬，想食有質素嘅蛋撻可以嚟試下呀。

今日其中一位老闆心情好，下午突然請食蛋撻，蛋撻是購自酥妃皇后，我自己就未食過，老闆說很好吃著我們試試。他買了鮮奶撻和普通蛋撻，鮮奶撻是白色的，但自己本身不喜歡鮮奶，所以就選了普通蛋撻。蛋撻是酥皮，比一般港式茶餐廳賣的蛋撻大個。蛋撻上有蛋汁流轉，當我食時，都有一點蛋汁流到手上。蛋撻蛋香味十足，酥皮亦鬆化，只是因為外賣凍了影響了味道，新鮮出爐應該非常好吃。總結，雖然蛋撻要$10/個有點小貴，但絕對交足貨，偶爾一次半次都值得試。

假日到九龍城逛逛吃吃，看到這家用昔日70年代的手工做法的食店，便進去一試。他們號稱擁有368層的港式酥皮蛋撻。酥皮蛋撻 $10/個蛋撻出爐就馬上試了一個！酥皮以本地麵粉和法國牛油製作，號稱有368層!酥皮盞層次分明，吃下去的確酥鬆，加上滑溜香甜的蛋心。水準什高，十元價錢不算貴！榴槤蛋撻 $18/個榴槤迷必食！鮮奶蛋白和新鮮泰國榴槤肉，榴槤肉份量多，甜滑味濃。這裡還有其他酥皮點心，如果肚子還有位置不妨試試。

友人極力推薦呢間餅店, 但由於食咗 lunch 太飽, 所以只係試咗酥皮蛋撻, 味道真係超掂, 至於服務態度感覺不太差, 下次再去, 一定要試下佢地D 牛角飽, 感覺牛角飽都係超正,

雖然我的農曆生日是中秋節，但是我一向都對月餅沒有什麼興趣，唯一討我歡心的月餅就是奶黃月餅。好友一直都知道我特別喜歡吃奶黃月餅，於是一口氣送了兩款奶黃月餅給我，酥妃皇后的奶黃月餅就是其中一款。不得不提收到這奶黃月餅時，我真的是滿心歡喜，我大概都被它那漂亮的包裝吸引了，看得出餅店設計這包裝的那份心思。欣賞完它的包裝後，我便立刻打開它的盒子，打開了盒子後，一陣陣奶黃香味便隨即湧出，未吃已令我食指大動。輕輕一切奶黃月餅後，外層的餅皮輕微的掉了一點，可見餅皮鬆化的程度也不錯，而內層饀料富有濃郁奶黃中的奶香，但是鹹蛋黃的鹹香有點不足。外層餡料口感方面不會太過乾澀，有一定的油潤感，但吃上去又不會太過heavy，整體口感跟味道也不錯。

今日行過，諗住試下佢啲酥皮，點知中伏！買左幾分別幾樣既產品，蛋撻、方酥、紐紋酥，幾樣野，得個蛋撻叫做新鮮，見得下人。其他真係難食到爆！講下啲酥皮先！買完即食淋既，又淋又(銀)，點食啊大佬？ 完全都唔新鮮，好似放左成個星期咁，晒錢！ 啲吉士完全一啲味都無！一啲香味都冇，仲要亂咁放入袋，一打開炒埋一碟！另外就係服務員態度差到呢！pack 入袋又唔錯，買幾樣，就比咁多個袋我，點拎啊大佬？又冇手抽，就咁幾個紙袋。真係麥當勞都pack得好過你

今日同屋企人行九龍城，佢話有間「酒杯敲鋼琴」主唱黃寶欣開嘅餅店主攻酥皮蛋撻，好奇心驅使下即管一試。店內裝修幾有性格，有位比人企係到即場食，同埋有紙杯同水，比人飲，真係有得好細心，值得一讚。食物方面，大部分食物都同酥皮有關，主打嘅酥皮蛋撻，菠蘿皮面嘅牛角包，有d似Urban Bakery...不過個疍撻，雖然話係酥皮，一般酥皮好油，不過今次絕對唔油，而且食落口味有d似曲奇餅皮，完全係香脆。個蛋亦好香又甜度適中，而且唔會似一般連鎖店嘅蛋撻個蛋又乾，而且放一兩個鐘就塌晒同裂開，呢個即使放咗4個鐘先食，但絕對無呢個問題，真係超超超超高水準嘅蛋撻，雖然$10一個都值，讚！附帶一提：店內有月餅供試食，不過就無乜特別

位於九龍塘的酥妃皇后，是九龍城一間出名包餅店。為何酥妃能殺出一條血路？因為酥妃主打368層酥皮蛋撻，酥化美味，成為港人大愛面包店。奶皇傳奇禮盒套裝/榴蓮歳月禮盒$298月餅一盒八個，每個月餅大小適中，定價不貴吃。奶皇和榴蓮價錢一樣，我和好友一人一盒，各分一半，分享美味哦。由於媽媽和朋友愛榴蓮，二話不說選擇榴蓮月餅。現埸烤製的手工月餅，月餅外皮烤得金黃，賣相吸引，打開盒子已聞到濃濃的榴蓮味。榴蓮餡軟熟綿密，整體配合得宜。雖沒有酥脆的蛋撻皮，絶有軟滑的內餡，別有風味呢。

第一次去酥妃皇后的 ♥368 層酥皮鮮奶蛋撻 ♥ 真係冇得彈不太甜，而且口感一流 。榴連蛋撻就聞都聞到好香，不過不是我食的..但聽講幾好食酥妃皇后的酥皮蛋撻，比我之前去開的傳統餐廳食的口感更好，希望KEEP住D水準而 藍莓酥撻就...我想應該不是剛出爐，所以...食落口已經淋晒，但味道都OK

去開九龍城食晚飯 就緊係一定要食埋個蛋撻先得啦 由於酥妃皇后8點就收 所以要係食晚飯之前食左去 平時一向都有睇ig知道呢間蛋撻係岀名 今日終於有機會可以試一試***例牌一定要叫個原味蛋撻 見佢有鮮奶撻就緊係食埋啦 據說有368層酥皮 雖然食落去唔覺但真係有好多層 鬆化香脆 蛋槳夠哂嫩滑 唔會太膩 甜度適中 店鋪仲有其他甜點賣 有牛角飽 見個樣都唔差 下次可以當下午茶食 不過個人認為價錢算偏高 雖然好中意食 但間唔中食一次就好啦😂😂