酥妃皇后 (侯王道)

营业中

休息中

首先認識是佢嘅蛋撻，熱辣辣酥皮撻，包住半流心狀的蛋漿，酥皮牛油味香，蛋味濃且唔太甜，是一個不錯的小食。堂食亦很貼心，有水及紙杯提供。其實也曾買過曲奇餅和蔓越莓酥條。值錢唔貴，小盒裝$100/4盒，曲奇餅亦是牛油味很香，覺得蔓越莓酥條微帶酸甜，剛好平衡了畧為油膩的酥條。吃多條都唔覺滯。

蜜桃小丸子週末又再戰九龍城，吃完下午茶在城內走走，見到此餅店在做優惠，$70有6個芝士Tart，便買來試試。店舖內亦有其他tart，相信有名的是其酥皮。芝士tart有多種味道可供選擇，原味、奶黃、咖啡、綠茶、紫薯、榴蓮等，小小的，弄得頗精緻。每一盒可裝三個，包裝漂亮，送禮也不錯。由於不是新鮮出爐，所以tart是冷的，可是蜜桃小丸子更愛吃熱的喔！下次惟有自己叮熱或焗熱來吃。蜜桃小丸子試了芝麻味，滑滑的，芝士味不太突出；綠茶味頗香，此款芝士味較出；奶黃味好像是在吃月餅的哈哈；原味的芝士最香；紫薯內真的有少少紫薯。整體來說，tart不算太甜，各種味道也不錯，都有少少酸的芝士味，外皮頗鬆化，但蜜桃小丸子覺得新鮮出爐的熱辣辣的tart可能會更美味！

今日老公提議去九龍城吃午餐，去左九龍城街市熟食中心食樂園，吃完還沒有很飽，我就想起九龍城的「酥妃皇后」第一次接觸「酥妃皇后」是一次朋友們的聚會中吃到的雜果撻，一試難忘😉所以今天再去尋找難忘的味道，我同老公試左「榴櫣芝士軟心撻」雖然不是新鮮熱烘烘出爐，但是它的酥皮真的很鬆化，撻面&底都有榴櫣肉，芝士味濃滑，兩者配合起來很夾。店內仲有好多不同口味的芝士撻、蛋撻、朱古力撻、雜果撻等下次有機會再要試下其他味道先得😆

上個星期食完原味酥皮蛋撻，心思思又喺九龍城再試吓其他款先，因為款式真係好多選擇有排諗。今次叫左個朱古力脆米酥皮撻$15，個樣都知道好重朱古力味，撻皮多層，非常香嘅牛油味，上面系朱古力脆米配合香滑朱古力，而且味道不太甜，正

再食一次蛋撻，上次食蛋白牛奶蛋撻，今次試吓個原味先，點解會再食因為會食上癮，同埋好多撻款選擇，如果每次食一個都有排試，酥皮蛋撻多層好香嘅牛油味，蛋汁濃味，哈哈😄有相有真相，原味蛋撻每個$10，值得一食

咁啱車經過九龍塘，所以入，去買個撻食下。鮮奶撻$15（好似），即場食，酥皮坦白唔夠牛汏香，但亦因為咁，佢一D都唔油膩，最驚喜反而牛奶好creamy好香好滑，好重牛奶味。仲要好窩心有水比人飲。雜果撻$28買走食，個樣都靚仔啦！雜果足料，無花果都貴啦，美x一個果撻都接近$20，生果越來越少，所以呢個物超所值嘅，只食佢酥皮都抵。美中不中佢無左牛角酥賣，唔知係咪，牛油味唔夠，始終無灣仔大店牛角酥咁吸引，不過佢個鮮奶撻只已令我再幫襯嘅。

之前都有聽過呢間舖頭啲蛋撻好出名， 聞名不如一試， 買咗件酥皮蛋撻堂食， 件蛋撻價值十蚊， 個人覺得冇咩太特別， 個撻身太軟，味道普通。但店內有供應水同埋紙巾，係細心既。

眾所皆知，蛋撻係香港民間小食，深受香港人歡迎。前幾天途經九龍城，見到一間餅店售賣「酥皮蛋撻」，聲稱蛋撻皮共有「365層」酥皮。當時心諗：「係唔係咁堅呀！有365層咁多？！」為左證實是否屬實，我就豪左10蚊，買左一個試下。點知一食落口就「中左毒」，大家唔好誤會，唔係食物中毒，而係「深深被吸引」。事情既發展就慘啦！🙈🙈🙈鬼我毫無抵抗力地買左更多酥酥既包點，包括榴槤撻、雜果酥撻、芒果鳳梨撻、宇治金時牛角酥。以上咁多類別既撻，我都鐘意食，因為都係「酥妃皇后」既365層酥皮。

今日喺九龍城做完嘢，又到下午茶時間，有啲肚餓添，知道係九龍城一間非常出名嘅蛋撻鋪頭，買咗一個原味酥皮蛋撻試試，蛋撻每個$10個，蛋撻皮有兩隻，我自己比較鍾意食酥皮因為佢夠香脆：我知道自製酥皮係一件好難嘅事，因為做法非常複雜，看似簡單，所以我非常用心品嚐，第一啖咬落去非常鬆化，極香嘅牛油皮，蛋汁焗得十分完美，非常香滑，而且甜到剛剛好，蛋黃味非常重，顏色又非常靚

同事散水餅，專登係九龍城一間製作酥皮的食物非常出名嘅鋪頭，買咗一打北海道360鮮奶酥皮蛋撻，蛋撻每個$12個，仲要行咗半個鐘頭先返到公司，返到嚟啲蛋撻已經唔係熱辣辣，對於蛋撻有啲人會比較鍾意食酥皮因為佢夠香脆：有啲人就鍾意食曲奇皮嘅質感！但係對於我來講，e兩隻皮我都鍾意，因為我最着重係蛋撻裏面嘅內涵，尤其蛋既味道及蛋液嘅質感，依間酥妃皇后開張頭一個月買蛋撻要排半小時，十分誇張，自製酥皮係一件好難嘅事，因為做法非常複雜，看似簡單，然後反覆對摺方法先可以做出多層外皮，第一啖咬落去非常鬆化及極香嘅牛油皮，蛋汁焗得十分完美，非常香滑，而且甜到剛剛好，非常香嘅牛奶味，正下次再試吓其他撻及牛角包🥐

每次見到新鮮出爐的蛋撻都會令我垂涎三尺。新鮮烘焙出來的牛油和蛋香味真是非筆墨能形容。對於蛋撻有些人會覺得酥皮比較香脆，也有些人會喜歡曲奇皮的質感。對我來說兩者皆可，關鍵只在於蛋溶液中。酥妃皇后以他們的酥皮蛋撻聞名。自製酥皮是一件艱難的事，其做法複雜，基本上要把牛油和粉糰利用特別的方法包著，然後反覆對摺方可做出多個分層。蛋撻的酥皮十分香脆，稍微有點咬口，牛油香味極重。蛋汁焗得十分完美，非常香滑，而且甜度剛剛好。順便都試試他們的半熟紫薯芝士撻和綠茶芝士撻。紫薯撻的味道不錯，和芝士配合得相當好，反而綠茶撻就有點過甜。而且我發覺芝士撻的餡料內有點空氣泡，可能拌勻的時候動作太猛烈，導致把空氣打進了。他們的芝士撻比較一般，蛋撻都算令人滿意。

九龍城一直是隱世美食集中地，泰菜甜品中式西式應有盡有。早年嚐過附近有名的蛋撻，略嫌油膩不是我杯茶，至這店出現後不時有人將兩間的出品做比較，能和傳統老店相提並論相信也不是省油的燈，看得我心癢癢，放在口袋名單內找天試試。 店家裝潢新穎摩登，走西方開放式風格，櫥窗內盡是琳琅滿目的酥皮點心，甜的鹹的，金黃色看得人垂涎慾滴，十分吸引。 鮮奶撻 $12碰不上出爐時間，拿上手時撻是室溫；酥皮一咬即碎，極鬆化且帶牛油香，沒有港式加入豬油的膩感；內餡滿滿滑溜，奶味濃郁，上品。 欣賞店家間了少許地方供人立食，貼心的提供水和紙巾，而食品更用木製器皿盛載，漂亮又環保。聞說它在太子開了新分店，往後想食就更方便了！

酥妃皇后超級差，旺角分店員工態度差劣！挑選顧客俾蛋撻！因為我係外賣就俾d差既我，另外一對情侶企係度食就俾個靚既！咁樣做生意態度非常差！酥皮放置完全凍晒！一攞上手已經見到蛋與皮係分開既！

雖然聽過「酥妃皇后」呢個品牌，亦知道佢哋嘅368層古法製酥皮蛋撻頗有名氣，但就未品嚐過佢哋嘅出品。其實，小弟對368層抱有少少疑問，純粹喺數學問題，無論第一層喺兩摺還是三摺，因為每疊一層都喺倍數遞增，點乘都計唔到368層。姑勿論對錯，今次收到嘅小禮物，喺好友送贈「酥妃皇后」嘅手工曲奇。一小膠罐，睇到喺什錦口味，而包裝幾精緻，仲以膠紙封口，若有開封過一望就知；而且，扭開面蓋，仲有一層密封招紙，感覺衛生度高。罐內共有10塊曲奇，包括原味3塊、咖啡味2塊、朱古力味2塊及抹茶味3塊。原味曲奇所謂原味即喺牛油味，外觀喺傳統嘅唧花造型，唧得都尚算工整，入口鬆化，不過，牛油香味就唔算濃郁。咖啡曲奇睇外觀就知，都喺跟原味嘅差唔多，只喺換上咖啡口味啫。咖啡味普普通通，少甜，但缺少份芳香感。抹茶曲奇色澤碧綠，幾款當中比較搶鏡嘅一款，而味道亦比較濃烈，抹茶味極之突出。朱古力曲奇見佢啲朱古力味曲奇都幾深色，估計味道都夠濃郁，所以，留嚟最後食。的確，朱古力味夠出，而帶微微甘苦。依家啲曲奇五花八門，質感有脆身、鬆化、軟腍之分，味道方面唔止有唔同味道，更加入不同餡料，如朱古力粒、開心果、杏仁碎、腰果粒、提子……等等

上網見呢間甜點店都已經被吸引住，難得路過九龍城分店當然要買返個牛角包試下，味道有好幾款，當時唔餓只係揀左唔想太甜既咖啡味，入口好香咖啡味，中間咖啡味吉士醬好夾，唔係好苦澀的咖啡味又唔係好甜，整體都好出色而且價錢唔貴。店內仲有好出名既蛋撻同榴槤味蛋撻，而且仲有好多水果撻同其他甜品，下次一定會留個肚再試多幾款。一件小窩心嘅事，店內有企位提供堂食，而家有水供應，覺得好岩趕時間的人同特登前黎既人。