酥妃皇后 (侯王道)

营业中

休息中

今日好晏先起身，趁住星期六過去九龍城覓食，原本想去食一間餐廳但門口排咗好多人，唔想餓住個肚，醒起有朋友介紹酥妃皇后嘅蛋撻，一於做早餐頂一頂個胃先。入到去花都眼亂，可能臨近農曆新年，有好多中國色彩嘅特色撻，但嚟到梗係試吓佢最經典嘅原味蛋撻啦！我哋兩個人叫咗個蛋撻，有得堂食又幾好喎，有齊紙巾同水杯提供，呢個有加分呀。食落去係幾鬆化，蛋味唔算濃郁，但就好滑口，同出面比少咗種油膩感，即使做早餐，食完都唔會覺得好heavy。店入面仲有好多款其他味道，下次再嚟九龍城都可以試吓！

酥妃皇后-🦕🦕🦕呢間位於九龍城賣撻既鋪頭裝修風格特別 亦好有情調🎼啲撻賣相吸引好似藝術品🎨🥧🥧🥧酥皮蛋撻 ($10)雖然個人對酥皮麻麻地 不過個蛋漿好滑溜比起一般蛋撻好味😋🥧🥧🥧芝士奶皇撻 ($15)奶皇味可以再濃啲略嫌個撻唔夠熱😕熱食應該再正啲

到九龍城買完晚餐，便順路來吃個蛋撻。現場食，有個盤裝，幾靚。食落好新鮮，熱騰騰有加分，酥皮做得幾好，好鬆，蛋漿夠香滑，食落似燉蛋。感覺與平時港式蛋撻有分別，值得一試。除了原味之外，亦有其他不同味道，下次路過會再試其他。

Queen sophie攞到番屋企，雖然個蛋撻係凍左，但係都幾好食既。見到蛋撻心既黃色，已經叫人流哂口水。聞落去仲有好勁的蛋香味，不得了。中間個心都好夠厚，一啖食落去就覺得十分充實,而且甜度剛剛好。而佢個酥皮，層次感豐富：外邊係脆的，中間是鬆化的。

又到星期五下午茶時間，去開九龍城梗係去會一會酥妃皇后嘅蛋撻，今次試下其他味道先！因為選擇太多，次次都會諗一論，個芝士流心綠茶撻好好好味，芝士味重，而且流心，但綠茶味唔係好出，但糸外表好靚，而撻皮就非常鬆化，重牛油味，每個$15

呢個蛋撻喺上環分店買過黎食，不過對比下九龍城個間，九龍城呢一間真係好好多。 先講下店員啦! 親切啦 (食完叫我哋飲下水啦!) 細心啦 (蛋撻出爐嗰陣，不停咁提醒我哋好熱㗎! 要小心熱呀!) 態度都幾好。 由於嗰日好好彩，等五分鐘就可以有新鮮的蛋撻食啦! 咁梗係等啦!聽講酥皮有成300幾層，係咪真係有300幾層就唔知喇! 但係都睇到酥皮層分明，比較脆，而且個蛋又係脹卜卜，不過我就覺得蛋的味道都唔夠香，有別於傳統的蛋撻。反而店入面其他撻吸引左我，有機會再試下!

如果要搵一種小食嚟代表香港, 唔計街頭小食外, 蛋撻相信會係最有代表性的平民小食! ——-之前小弟我last day都特登入左九龍城一轉買撻比同事食, 同事食完都忍唔住問係邊度買!——-今次我就同女朋友再一次嚟到九龍城嘅侯王道, 幫襯呢一間網上大獲好評的酥皮蛋撻店! ——-跟據網上嘅資料, 佢地整嘅酥皮蛋撻有成368層酥皮! 嘩, 聽落真係好有層次!——-佢地嘅酥皮撻有四款選擇, 分別係：鮮奶撻、芝士撻、榴蓮撻和普通蛋撻! ——-雖然售價較一般店舖餅店貴, 但的確有其特色，酥皮亦做得十分掂! ——-芝士蛋撻: 芝士味香濃,又唔會漏! 不過唔係流心的!原味蛋撻: ! 熱辣辣新鮮出爐! 酥皮鬆化香脆有口感,牛油香但不會太肥膩感!—————————— 食物質素：8/10 環境衛生：8/10 舒適度：N/A 服務：6/10 性價比：7.5/10 總評分：7.3/10 —————————— #foodblogger #foodlover #foodie #hkfoodie #相機食先 #九龍城

之前都知道呢間Queen Sophie食撻出名㗎啦，今日終於有機會試到喇☺️試咗個原味酥皮蛋撻，好食😋另外仲試咗個原味芝士撻同埋朱古力日式芝士撻，兩個都好味呀🤤不過仲試咗過紅絲絨洛神花芝士撻，呢個我就覺得唔好食啦🤭，冇咩味，一啲都唔特別佢仲有十幾款其他味㗎，下次可以再試吓其他味😋

在早前8月中的自助餐飯局中，食友好姊妹A 送上購自 <酥妃皇后> 的曲奇給大家！多謝她！之前，在上環開了 <酥妃皇后> 分店，我主攻酥皮蛋撻！意想不到！其出品的酥皮蛋撻出色，曲奇也是不錯！酥妃皇后雜錦曲奇以透明樽裝的雜錦曲奇，金色凸字的店名 Label，內有4款口味的曲奇，包括：原味牛油味曲奇、抹茶味曲奇、咖啡味曲奇及朱古力味曲奇！原味：滲出微微的清香，曲奇餅質鬆化！抹茶味：抹茶味清香與牛油香並存！兩者口味平衡！咖啡味：眾多款口味中最為突出，咖啡味香濃少甜！朱古力味：少甜而可可味濃郁！

話說剛食完一客唔好食窩夫個經過見到呢間啲蛋撻幾靚仔，於是就入去買過蛋撻堂食，比我想像呢個無咁重蛋香味個餡好實同啲酥皮有啲油，九龍城來講我都係鍾意豪華餅店啲蛋撻多啲，下次都係食返豪華蛋撻算喇。

第一次食嘅時候係同事送嘅散水餅本身對撻都冇咩太大感覺但係呢個酥皮真係令我一試便愛上！！！仲要其實唔貴！第一次食嘅時候揀左個帶點藍莓味嘅撻(之後check返網上Menu應該係藍莓雲撻）我一直以為上面果舊係mousse黎直至一咬落去先發現係棉花糖嘅質地！唔係普通bbq果d棉花糖播冇咁sticky 係有d氣泡喺入面嘅至於個撻皮先不得了個酥皮好鬆脆但又唔會好油喺舊雲下面嘅係一大舊朱古力我仲R同事比多左個奶撻我食都係咁好味！

九龍城有間幾出店嘅餅店，連平日嘅下午都見唔少人幫襯。依間係食完先知原來係7,80年代嘅女歌手黃寶欣開，係九龍城嘅第一間分店。雖然🍔唔係好識依個人的說🙊，但蛋撻嘅味道同款式絕對係會再去食嘅原因！-依到最出名嘅就係原味酥皮蛋撻 ($10) 標榜擁有368層，而每個都係直徑8 cm，重100g！仲要店鋪出明寫住”香港至強蛋撻”🌟 有咁嘅信心，都有返咁上下嘅質素！酥皮咬落睇得出層次分明，而且好鬆脆，啖啖都充滿牛油香🤤蛋心不會過甜，食落都幾滑同香蛋味，值得一試👍🏽蘋果金寶撻 ($15)嘅造型真係好吸引😍 上面一粒粒好似曲奇咁，上面撒滿糖霜。入面嘅蘋果尚有咬口，充滿住淡淡嘅肉桂味！🍔建議肉桂粉嘅份量可以多少少，而依個撻真係好適合聖誕食🎄💕-蛋撻嘅款式真係好多，仲有大熱嘅榴槤酥皮撻，不同口果嘅芝士撻同果撻等🍓要揀食邊款都需要啲時間😂好好嘅係店鋪內有企位比食客即場食，唔怕等到凍哂，仲有水提供，又真係幾貼心❤️

近排好鍾意食依一間蛋撻舖，因為佢酥皮做得特別鬆化，多層嘅酥皮非常吸引，每次入到九龍城e間蛋撻店，都會俾佢嘅酥皮果撻或者蛋撻等吸引，因為顏色奪目非常吸引，如果有選擇困難症真係好難揀，本身想試牛角酥但係次次黎到都冇得買，今次下午茶，我哋試咗拖肥香蕉酥皮撻，每個$15細細個幾吸引，酥皮外層保持水準，但係原來酥皮撻裏面係香蕉蛋糕餡，真係估佢唔到，非常飽肚，香蕉蛋糕質感比較濕潤，做得幾好，但是配合酥皮撻有少少怪怪極地，香蕉蛋糕配酥皮，但係就夠晒創新

路經呢間店，裝潢好高雅，見到啲撻得幾靚，買咗一隻酥皮蛋撻試下，入而有堂食企位，立食個種，有杯同水可以用，我即刻襯熱食，甜道剛剛好，酥皮很脆，但蛋味不是很濃，咬落口冇碎到一地都係，但10蚊一隻有啲貴，上網查吓，原來呢間都出名賣croissant,但可惜已經停賣了。其間有唔少人買蛋撻外賣。

其實酥妃皇后除了撻和pastry外還有不少小食，上次經過九龍城總店就發現了有手工曲奇出售🍪正如某些撻款不是間間分店有供應，同樣地 曲奇我亦暫時只在九龍城本店見過。我是個曲奇控，加上based on撻品的質素估計曲奇應該不會太差，所以入手了小罐裝試試。圖中👇🏻👇🏻👇🏻手工曲奇小罐裝（$28）四款口味 分別是牛油、抺茶、咖啡和朱古力，合共大約10片左右，蠻貴的。曲奇十分鬆化，我什至會說鬆化過頭，因為有好幾片一拿上手已經有幾個角散了。我不是不喜歡鬆化的曲奇，但問題是個片曲奇也黏附了其他味道的碎屑，結果吃起來味道就有點複雜了😓味道方面個人preference依次是 抺茶>咖啡>朱古力>牛油抺茶味最出色，茶香濃郁亦有甘澀感🍵和牛油味的balancing做得很好✨咖啡味亦是香中帶微苦，味道自然☕️但我覺得咖啡味與脆身的曲奇比較夾，所以稍稍輸給抺茶味。朱古力味不過不失，不太甜🍫但竟然只有一片，這個比例真是...牛油味就最失望了，入口味道很淡，神奇之處是在沒牛油香的情況下居然是最膩😵質感上也是最鬆散的，簡直是double loss此外曲奇的膩感很重，吃一片膩的程度已等如我吃1/3