酷啡 (已改名) 查看

見出面餐牌all day breakfast個樣吸引，個名叫酷啡又好似幾得就入去試下，叫咗一個珍寶早餐，一個德國早餐…最簡單，成個擺盤一睇就出事，同港式茶餐廳快上茶等人食完快d走咁d菇好似水烚咁，白色無調味，仲好似橡筋咁，茄汁豆係凍嘅，多士燶晒邊，珍寶早餐件豬扒係港式炸豬扒咁，燶晒，仲好乾好柴，黑松露炒蛋完全無松露油味，堅好油同炒到一塊塊，蕃茄係咁易熱過最後上咖啡，其實味道好一般，一d都唔“酷”小弟不嬲唔寫食評，今次忍唔住寫希望唔好有人好似我地咁中伏，如果餐廳會睇到，亦希望認真反省食客嘅comments

杯檸茶完全冇茶味 個雞排係乾爭爭 隻蛋過熟 薯餅碎嘅 一夾散哂 魚柳冇味 最好食就係罐頭茄汁焗豆仲要收88蚊 係西貢食到呢間野我真係好失望 冇諗過個all day breakfast可以咁失敗 只能說浪費食野嘅quota 唔會再去呢間野ps 嬲到相都冇影食左2啖就走左😡😡大伏！！！

响FB見到推介，就趁今個星期六收工入西貢試下，下午茶索價42蚊，店員極力推薦墨西哥辣肉醬焗意粉，另外order咗一個芝士火腿潛艇，配凍咖啡。等咗大概五分鐘芝士潛艇送到，所謂嘅潛艇竟然係一個圓形嘅豬仔包，內附兩片青瓜，一片蕃茄，一片類似超市級別嘅火腿同芝士，墊底嘅係一堆酸蘿蔔絲，味道古怪，好難想像宜個叫潛艇。。。(其實店主可以參考Subway嘅各款6吋潛艇，用料豐富配飲品嘅套餐都唔超過40蚊)！墨西哥辣肉醬焗意粉，即係肉醬意粉，意粉軟硬度尚可，但發意粉過程調味不足，淡而無味，無法帶出麵團嘅香，辣肉醬唔辣亦無蕃茄香，有其色而無其味，焗出嚟啲芝士亦無拉絲嘅效果，個人覺得大X樂嘅肉醬意粉更好味！最失敗係杯咖啡。。。😑淡而無味，冰塊令僅有嘅咖啡味都溝淡，只係一杯奶水，我飲咗兩啖就無飲！整個休閒嘅下午茶就咁樣破壞哂！

日做夜做，星期一到星期五也在工作中渡過，難得來到星期六，當然又要出走市區，遠離鬧市，跑到郊區，享受生活啦！今個星期，又再次來到西貢，始終很喜歡西貢給人的感覺，兒時會相約朋友，20-30人book一隻遊艇，去個Boat Trip，但近年大家各有各忙，可以夾到一個時間一起出船，是比較困難的。但來到這裡，一點點的回憶，也仍然瀝瀝在目。閑逛之間，便找到了這間餐廳了。餐廳有室內，也有室外的座位，和西貢的氣氛很配合，而到訪當天，因為天氣實在太炎熱的緣故，我們選擇了在室內用餐。在門外便看到了下午茶餐的餐牌。下午茶餐不適合，也可以選擇主餐牌的其他食物，但選擇不算很多。奇異果沙冰特飲 (套餐+$15) 7/10奇異果感覺是用濃縮果汁，而並非新鮮果汁的，但沙冰打得很均勻，不會有冰塊，所以整杯飲品喝完也不會留下冰水，夏日消暑一流。L.Gasco 士多啤梨沙冰 (套餐加$15) 10/10這個飲品在其他餐廳也有見過，但價錢來說，這裡絕對是最便宜的，一般餐廳大約要$80-$100，但是這裡套餐只需要加$15，絕對超抵！L.Gasco有2種口味可以選擇，包括接骨木花，和Ginger Beer，而我便選擇了比較特別

3 點幾唔知食咩好，想搵d新餐廳試下，記得上次行過見到呢間，於是黎試一試！下午茶$42 一d都唔平，size係下午茶size但價錢係lunch set價錢！行到門口服務員落力推介，但入到去坐低左就無人理，唔問都唔攞餐牌黎，下午茶餐牌仲要用店員電話相簿睇，好怪(⊙＿⊙)叫左2個下午茶，1 個焗意粉，1 個"札"肉潛艇。潛艇係我既認知中應該用法包，但呢度係用豬仔包，裏面既肉只有1薄片，1片蕃茄同1片青瓜加小小酸蘿蔔絲，一上枱我真係有d失望，完全同我諗既2回事，呢個價錢呢個份量真係。。。。意粉就正常d, 不過都係普通貨色，去茶記食無咁嬲！！仲要咖啡極度唔好飲，作為cafe應該可以提供好飲小小既咖啡，無理由會難飲過茶記！！！我睇返食評，竟然全部,真係唔知講咩好，我對openrice都有d失望，因為寫左好多篇都冇出，而咁啱冇出既都係話唔好。其實有好多人都會透過openrice搵地方食飯，我地會專登用時間去寫食評，只係希望俾其他人有參考既空間，如果大部分都要讚既，就只係post免費試既人既post就得啦！！！最後想講。。。俾錢既時候仲要多謝都冇聲

Honey同我對西貢都情有獨鍾! 今日原本入去找歐洲芝士買的, 我哋他他條條、無憂無慮地行了一個圈, 發現這家Cafe. 幾大入去嘆一嘆餐牌如下:大熱天時, Honey 立刻叫了杯L.Gasco 沙冰特飲, 杯內支裝有氣特飲是歐洲入口的, 成品酸酸甜甜, 沙冰滑溜透心涼, 超爽黑松露雜菌菠菜意粉, 雜菌冬菇等味道比較濃郁, 大大塊青瓜紫洋蔥、 紅椒、菠菜、 冬菇、 雞髀菇及雜菌… 滲出微微的黑松露味道, 意粉軟硬度適中正合我意雜菌意大利飯配燒汁鰻魚, 大大片的鰻魚是Honey的至愛, 西蘭花、青瓜、蕃茄、雜菌…配上大大片的鰻魚, 濃郁的燒汁。 主角 肥嘟嘟、大大粒的意大利飯出來了, 味道鹹淡適宜, 因此, 近年香港人多了吃意大利飯, 這是無可口非的香草牛油焗田螺, 這個是我從小到大都非常喜愛食西餐時叫的一味前菜, 這兒弄得非常之美味, 牛油甘香, 田螺軟熟, 下次再來這兒 必定會再叫的嘆過酷啡我們又要繼續去尋找芝士了

高溫持續了整個星期，人都被熱得快溶掉。今天下午突如其來一場傾盆大雨，以為今晚一定出海不成了。幸運地，大雨在傍晚前停止。大雨過後，還為大地帶來了一陣清涼，洗去了悶熱。今晚參加了團體活動，從西貢出海釣墨魚。出海前，在西貢海傍走走逛逛，順道吃點東西。海旁廣場這一條小街，座落著不少Cafe，這間酷啡便是其中一份子。這家小店的室內及室內座位各佔一半，共有約40個座位。 在愉快的假日，走進遠離繁囂西貢的小店，輕鬆地吃個下午茶，實是賞心樂事。老闆和老闆娘都非常友善好客，熱情地給我介紹餐廳的食物。餐廳的大廚曾經從法國學藝，食物有一定水準，甜品更是他的信心傑作。先點了一個黑松露炸薯條下午茶餐，脆卜卜的炸薯條被混入黑松露醬中，滋味十足! 最適合在悠閒的下午中，跟朋友邊吃邊聊天。接著點的韓式龍蝦意粉，龍蝦肉的份量盡顯餐廳的大方。龍蝦肉量十足，肉質鮮味彈牙。韓式醬汁味道不會調配得過濃，而掩蓋了龍蝦的鮮味。醬汁少少辣，味道跟龍蝦甚為匹配!老闆誠意推介甜品，當然不能錯過。他特別推介的法式焦糖燉蛋，做得果真特別出色。燉蛋上那脆脆的焦糖厚薄度適中，以甜品匙穿破脆脆的焦糖，挖上一匙燉蛋同吃，一暖一冷，一脆一嫩滑，食感一

西貢絶對係假日既好去處, 通常放平日既我, 又唔洗同人逼, 輕輕鬆鬆揾間CAFE坐低食D野飲杯野, 真係人生一大樂也!! 近海旁位置比我無意中揾到間新既CAFE, 見個門面都唔錯, 今次就食呢間啦!!HEHE~~室外位置放了數張木枱凳, 勁有田園FEEL, 而兩邊就掛上印有CAFE名既大BANNER~~室內跟室外空間大小差不多, 整體可容納約三十人, 室內則掛有富歐陸色彩既掛畫, 近廚房那邊就掛上不同顏色既電燈膽, 既可以照明又可作裝飾之用~~CAFE既食物選擇也不少, 有D仲係其他CAFE無既TIM!! 等我叫點黎試下先~~~泰式炸雞翼 HK$58一份有5隻雞翼, 以泰式方法製作, 肉質尚算鮮嫩, 配以泰式醬食就更加惹味, 如若可以再辣多小小就更好了~~雜菌意大利飯配燒汁鰻魚   HK$88意大利飯炒得夠乾身, 幾好嚼口! 而鰻魚焗致皮脆內軟, 入面仍保存到鰻魚既鮮味, 正~~韓式龍蝦意粉  HK$98第一次食用韓式黎炒意粉, 出奇地又OK好食喎!! 龍蝦肉又夠份量, 肉質又鮮又彈牙, 還配以三色椒去炒, 口感夠豐富, 大滿足~~白汁忌廉青口 HK$78青口一直係我既致愛之一, 配以

游完船河，太多人排隊坐車了，食埋野先搭車走啦！門口有個冰涼自家製雪糕櫃，好像好吸引，所以走左入去坐下炎炎夏日，整返杯巨杯冰凍飲料是必須的，透心涼也～日式骨付腸 ＄48名字非常搞鬼，來到原來是這模樣，比起普通的腸仔野味，而且焗得表皮脆卜卜，非常爽口，骨頭似扶手用手拿起來吃也非常方便的！泰式炸雞亦 ＄58熱辣辣端上，表層一陣薄粉，是有味道的泰式粉味道非常趣怪野味，內裏雞肉非常嫩滑，不用點醬也很夠味，而點上付上的泰式酸甜醬口感就變得濕潤點，兩種口味。韓式龍蝦意粉 ＄98驚喜之選！！意粉爽口彈牙，炒得乾身，小龍蝦鮮味有咬口非當新鮮，重點是，以韓式辣醬來炒，非常夾味又不會搶了意粉的鮮，很特別的口感和味道！！推介！！*龍蝦仔肉很多，很底吃！！門面的凍櫃內都是法式甜品，听聞廚師是在法國學廚的呢！不過都很夠飽了，留待下次再來光顧！！

I can't quite understand why this place is called Cool Fee Café and Dessert because no one likes a fee or maybe it has something to do with the Chinese pronounciation.I only had the gelato which is processed with that weird softserve device which makes a funny noise when it is operated.I had the durian gelato which was quite sweet with bits of durian in it.

去左西貢行下放下假，去左海鮮街旁嘅一間小店，見店員都幾nice ，吾想咁多人就入去小店食下野，靜下。入到去得我地食客，因為食左下午茶嘅關係，我地今次主打食dessert la，店員講到廚師係法國學過煮野食，dessert 都做得好好woo。食左cheesecake，都幾好食，有三隻味道可以自己加，分別係藍莓，士多啤梨，同菠蘿，入面有果肉嫁。另外食左奶凍，係熱辣辣天時食奶凍好正，爽，好香奶味。最後食埋蕉塘燉蛋，凍食嚟講我比較少食，反而覺得最好食，texture 較creamy 嘅，芝士味濃，香滑好食。

西貢唔一定食海鮮既，都有好多cafe仔都唔錯！韓式龍蝦意粉（$98）雖然係韓式，但意粉調味唔會太辣，反而好惹味，加埋小龍蝦仔，龍蝦份量都算多，好味！但整體份量比較少，大食既朋友好大機會唔夠！什菌意大利飯配燒汁鰻魚（$88）因為當日意大利飯賣晒所以轉左意粉，意粉好彈牙，唔會話過淋。鰻魚焗/燒過，乾身而個皮好脆身，同意粉都幾夾。但都係個句，份量有點不夠！香草牛油焗田螺（下午茶$68包飲品）估唔到有六隻，仲要都幾大隻！熱辣辣上枱，加埋炒香既蒜蓉，唔錯！法式焦糖燉蛋（$38）先唔講味道，真係好似未食過一個38蚊既焦糖燉蛋咁平，本來都唔太大期待之制，但呢個性價好高！燉蛋同忌廉份量調教得岩岩好（蛋太多會好似食緊蒸水蛋/cream太多會好似食緊mousse cake咁)，好滑而且無泡，水準真係幾高！強烈推介！總括黎講，因為本人比較大食，所以建議不要餓住去食。甜品比較驚喜又平，推介！

夏天又是chok墨魚的季節，一場來到好日都不來的西貢當然要睇下有乜好嘢食。走進大街小巷，見到都有好多不同有特色的小店，有的已經街知巷聞排長龍，反而在轉角有一家裝璜幾特別，好年青的小cafe！價錢都算抵，最啱我地呢班後生仔啦！韓式龍蝦意粉 ($98)這個是有驚喜的一個意粉，龍蝦肉拆左切粒，同意粉都好彈牙，淡淡的蒜味，再加上香辣，令人有一食再食的感覺！芝士焗西蘭花 ($48)即焗呢個點已經見到心機，絕不欺場，份量中等吧始終都係小食。不過西蘭花出左好多水，個人覺得不夠濃味，如果再creamy D就好了。牛油藍青口 ($68)牛油加蒜蓉一直都是最佳拍擋，少量海水咸香，再加入新鮮的藍青口，啖啖肉簡直無得輸。菠蘿芝士蛋糕 ($32)自家製的菠蘿果醬十分鮮甜，好有食緊真菠蘿的感覺！小店自家製的還有藍梅果醬，味道也很天然，加上芝士蛋糕十分rich又不會太甜，正！而價錢仲十分親民！牛油焗田螺 ($68)想不到在小小的cafe吃到高質的田螺，加上炒香的蒜蓉同檻欖油真係一流的配搭，每份新鮮焗起，好食，拍得住大餐廳！和朋友消磨了一個休閒的下午，吃飽飽去chok墨魚嚕！可以同朋友嘆個高質的下午茶係一流嘅！