酷廚 (已結業)

同朋友慶生~ 幾個女仔唔食得太多，而且要留肚食cake，所以只係叫左一個漢堡同兩份沙律share ...其實如果係得兩個女仔既話，share一份芝士煙肉牛肉漢堡加個沙律都一定夠。漢堡好好食，果然係呢度既招牌~下次唔駛食蛋糕有位可以試埋另外兩款Burger。煙三文魚沙律好足料，而夏日特色沙律都好fresh好靚，見到都好開心啦最後真係有驚喜！book位既時候預先講左有朋友生日，本身問可唔可以帶蛋糕比佢地雪住，後來知道呢度都有蛋糕訂就唔駛拎來拎去～　點知個蛋糕出場時係咁驚喜，糖絲鳥巢真係好出色，朋友好開心 我地都好開心呀! 因為都算係閒日，大廚有時間整個homemade cake比我地~ 

有朋之遠方來荔枝角，仲要等到夜一夜，荔枝角其實有好多食肆，不過唔少都收左，所以最後揀左間環境望落ok，地方幾大下，應該可以坐得耐既輕餐廳。野食選擇都多，朋友想食好少少就揀左個扒餐set dinner，我就揀左個燴菜雖然全部係蔬菜，不過因為有好多種類mix埋，仲有唔同菇類蕃茄粟米等等，所以食落同望落都好豐富，絕對唔怕食唔飽。提一提，飲開咖啡既朋友，呢度既熱咖啡幾ok，跟餐有杯好抵飲老闆已經同我地宣傳定之後會引入多d特色飲品，遲下都可以約朋友黎happy hour

朋友公司開響荔枝角，晚飯時間搵佢聚聚，去左D2附近搵食。地鐵站出口ＰｌａｃｅＯＮＥ/ＰｌａｃｅＴＷＯ 都有唔少選擇。日式中式西式甜品都有...下次黎搵佢唔駛驚無地方揀左間西餐廳坐底，二百蚊一個羊扒餐，個ｓｅｔ有湯有頭盤連餐飲，算係抵南瓜湯感覺好足料，飲落好似好溶咁。黑白芝麻吞拿魚配蕃茄沙沙，口感好好，有好多層咁，不過好似會定期轉主菜羊扒配黑醋燒汁配大量薯蓉+竟然有秋葵! 羊扒熟左少少，可以再煮生d ，但配菜有秋葵都幾特別，又有好多苗同薯蓉做＂伴碟＂，MIX AND MATCH到好似好健康咁，而且份量足！豐富既晚餐。傾傾下，老闆話遲下可能有happy hour等佢

呢間餐廳剛剛開業唔係好耐，地方好大好舒適，而且好新淨。最特別既係，呢度係一個KOL場X輕食西餐廳。響出面望到有間錄音房同拍野既房仔，侍應姐姐話KOL係可以去拍野同用個場地，假日亦會攪好多cross over既活動，例如小市集或者音樂會，等大家可以輕輕鬆鬆食下hea下睇下野咁。原本我係打算keep fit所以叫個沙律食點知！個三文魚凱撒沙律份量都幾大下，勁足料，而且有好多芝士，三文魚都大大片。朋友見到就哇哇聲話抵食，我話食完個沙律同食個飯一樣咁飽，要行下消食。大家唔好睇少呢度個沙律呀。朋友叫左個飯，佢就話還好，不過見到其他人叫漢堡好似好正咁，賣單時侍應姐姐話好多人會試個漢堡，招牌菜咁，咁留番下次試試👍最後贊贊侍應姐姐好nice

My ex-colleague took me to this new restaurant for lunch this week. Very spacious and comfortable! Cool 😎! They have ordered Linguine while I have chosen one of the signature burger - CHEESEBURGER WITH BACON & HOLLANDAISE SAUCE. Like this combination: Hollandaise + cheese + bacon + burger 🍔. Red onions as side dish is just best fit for this burger Saw that many people ordered burger here. Look forward to try the Classic Cheeseburger next time!

平時間唔時都會黎荔枝角添新裝~ 今日約左朋友仔香工 shopping~~~行到咁上下就諗住行埋D2走人~原來果頭已經唔再得Place ONE! 開左間叫D2PlaceTWO既新商場! 仲有好幾間餐廳。朋友經過Kool話抵食就自己貢左入去。Tea time時段唔算多人，可以自己揀位坐~成間餐廳都係比較新派自助式，而且地方好大，好free~~shopping完野來鬆一鬆抖一抖差差電岩曬。可以靜靜地嘆番個tea~~唔錯。其實tea set都有唔少選擇，但比時其他地方唔係成日有牛角包揀，所以試左個吞拿魚牛角包，配杯餐飲。吞拿魚醬做得唔錯，幾開胃~唔似有時食到d吞拿魚醬做到好油膩咁~ 感覺健康~平衡番個牛角包~食完都唔覺得特別邪惡Tea time時間黎真係舒服，慢慢食差完電又可以行埋商場~ 見到隔離枱叫左個牛油果醬包~ 下次會留個lunch hour比佢試個漢堡先得!有誠意既餐廳，撐小店呀

D2placetwo 近來積極攪好多好有新意既crossover event同市集, 行完就落左樓下餐廳醫肚。之前帶小朋友黎kool食過好幾次漢堡同意粉,都好滿意。但今次黎到多左好多新菜式, 決定要試試。小朋友發板點新菜, 見到有大蝦揀就好開心, 就試試個大蝦飯。兩隻大蝦十分足料, 個蝦頭脆卜卜,仲可以食埋tim, 而且配料算係用心, 口感營養都好均衡。讚不過小朋友見到隔離枱叫左漢堡又話要食, 最後都係要後加個牛油果醬漢堡外賣。 環境十分舒適, 地方夠大, 岩曬帶小朋友黎,夠空間比佢地活動

We ordered Truffle Risotto, Carbonara, Salmon Burger and a Scallop Risotto. Total bill was $458. The Risotto was overpriced and rice was undercooked. Fries were little. Water, plates and sauce was DIY. Would not recommend a next visit.

工作需要關係要去到荔枝角，本身唔係好熟呢頭，所以都問定朋友lunch有咩選擇。朋友介紹左幾間餐廳，原來我一直誤會左，呢幾年荔枝角已經開多左好多有質素既中上餐廳，而且價錢相對係較抵食~ 唔講唔知~ 都有幾個Shopping Mall!最後因為當刻行到D2附近，就上左去D2placeTWO既KOOL Kitchen. 上一層就見到，唔熟路都路難搵。朋友話呢度主要食漢堡同意粉，所以就叫左個煙肉芝士漢堡試下，但其實都有意大利飯同紅米飯揀，都算幾多選擇煙肉芝士漢堡配蛋黃醬～好香又大份，漢堡味道好好又有肉準～算係驚喜。不過漢堡又大，薯條又多仲要係粗薯，真係要慢慢慢慢食先食得曬。跟餐送飲品都有好多選擇，有女仔最岩飲既熱紅棗蜜！正！總括呢度食物唔錯，價錢唔貴，地方好大好舒服，可以慢慢坐慢慢食，下次同荔枝角朋友聚會會揀番呢度～可以試埋其他野食

朋友之間傾開飲飲食食就提起呢間新概念西餐廳係集 KOL場 x 輕食西餐廳於一身~ 兩樣都岩我心意~ 所以決定要先踩踩線，拎下d資料先。 呢度都唔算難搵，D2place2應該係一個新場，全部商鋪裝潢都好新淨~係一好舒服既商場~而Kool就響一樓，大大間，一上扶手電梯就到。門面望落已經好大，仲有d位響鋪出面，好寬敞，見到仲有拍攝同錄音棚比KOL用成個場好吸引。人唔多~坐低慢慢揀野食~其實唔駛點揀，因為朋友一早講左，第一次黎到一係定要試漢堡同意粉！今日一個人黎睇睇，無人share 唯有淨係叫住必試既牛油果漢堡先啦！朋友係無介紹錯，牛油果漢堡係真係必試之選，抵依食又好味道！牛肉漢堡唔太油又仲有肉汁，讚！加上其實牛油果醬同蕃茄他他都好岩我口味，勁fresh~ 不過食完個漢堡都食唔曬d薯條，都幾足份量！下次要一班人黎試多d野食先得！

有時真係唔知食咩好想問啲特別嘅地方食嘢、本身約咗幾個朋友食嘢、咁啱搵到呢間餐廳試吓係荔枝角D2呢間新工廈重建商場、入邊開咗不少餐廳、嚟到試吓呢間餐廳、間餐廳好設計好型格、工業風今次試咗依幾款菜、師傅仲係酒店出嚟、所以水準前菜三文魚沙律味道有濃烈嘅芝士味、菜比較新鮮、煙三文魚又唔係太鹹、味道啱啱好紫菜脆皮雞呢個配搭非常特別、一口嘅脆皮雞蘆筍鰻魚汁牛脷、牛脷超贊、牛脷整得入味好琳、個醬汁都好特別主菜英式早餐個蛋仲有黑松露好香、裏面嘅多士好食可以試吓傳統牛肉漢堡薯條都炸得好香又脆、牛肉漢堡有濃烈芝士味大蝦南瓜意大利飯大蝦都好新鮮搭南瓜啱啱好、意大利飯都好口感燒豬肋骨好好味豬肋骨、食落去感覺又唔會好肥膩肉與骨之間有口感鱸魚紫薯意大利飯呢度用咗好特別嘅紫薯配搭意大利飯、原來非常之配搭得好、鱸魚同紫薯原來都好夾、個鱸魚整出嚟都好滑今晚一餐好豐富嘅晚餐、最開心就係一班人一齊食飯、下次都要再來試一試

今日又要去荔枝角做野～以前呢度既食肆都係比較平民化，以茶記同工廠大廈既快餐為主。但呢兩三年開始慢慢多左好多選擇，有好多中價或中上價位既餐廳都進駐荔枝角！好事！心諗要搵個食得飽又坐得耐可以慢慢做野既餐廳，經過連鎖咖啡店爆曬人，自然就行多兩步去左D2Place2。Kool主打漢堡意粉，之前試過係比較出色～但今日真係想有飯落肚，好彩都有番幾個飯揀，仲要係紅米飯，健康d ：）平時少食羊，所以就揀左個孜然羊肉串紅米飯孜然粉本身就係好香，配羊肉一向係最佳拍檔，味道唔錯而且大大串，不過就唔係太欣賞個桃汁～慣左都係咸汁配飯...下次要回味番個招牌漢堡先得！但係加分位係，食飽可以開電腦坐低慢慢做野，飲埋杯餐飲再慢慢坐下都仲得。今次知道仲可以有位差電👍🏻 下次要坐低食飯做野識再黎！

已經第二次來，第一次嚟到都已經覺得環境好舒服，餐廳完全唔會有趕你走嘅感覺。六點鐘到達，本身以為冇人，點知原來已經坐咗兩台客人係入邊。餐廳店內燈光昏暗，枱上又有小蠟燭，好有情調。前菜有凱撒雞肉沙律同紫菜脆皮雞，我認為個沙律汁好新鮮同係其他餐廳出邊食到嘅好唔一樣。主菜我哋叫咗傳統漢堡，燒豬肋骨，南瓜大蝦意大利飯。上次黎到都已經試過意大利飯，今次是新嘅傳統漢堡，都係不負眾望。賣相同味道都好好。我同朋友都覺得可以來第三次。

好耐未試過真真正正坐低同朋友食餐飯，有日咁岩經過D2 two，一搭電梯上一樓就見到間餐廳。見佢裝修幾好同環境清靜，所以決定同朋友一齊試吓新餐廳。一坐低服務生就行過嚟同我地講自己出去點餐，佢哋會送餐上嚟，唔使10分鐘我哋叫嘅嘢食都已經到齊晒。我哋叫咗個英式早餐，黑松露炒蛋好香同好好食。佢哋仲新出咗個竹筍鰻魚汁牛脷，偷來好新鮮同鰻魚汁好夾。我哋仲叫咗個意大利飯，食得出佢嘅意大利飯係正宗酒店嘅煮法，唔似普通街出邊食到嘅。餐廳仲俾我哋慢慢坐，同一班朋友傾計最適合。

前排做到無曬energy同事就介紹左呢間輕食餐廳食晚餐鋸扒，等我可以同自己打打氣之餘又唔太傷荷包~ 今日情況唔同~ 同事過probation請食飯我拿拿臨反介紹番佢再encore呢度，反正我又未試過呢度午餐。不過今日係Go Green Monday所以要食Green d。本身打算叫個沙律，後來見到有個紅米菜飯，就緊係即刻叫！可以有飯落肚。其實話就話食素飯，聽落以為唔會好飽，但呢個【蛋白雜菜紅米飯】份量一d都唔少，而且用料多元，真係食菜食菇食粟米都可以食到好滿足，而且視覺都有份享受。不過全部係菜都要$82，仲貴過同事個豬扒飯XDD。好彩跟餐有杯即磨咖啡唔駛出去再買，當慳番$25蚊！同事就話個豬扒飯好入味，正，不過佢話下次佢要叫加飯先夠。建議想唔駛排隊就早少少12點頭好黎啦