醉江南

营业中

休息中

因為家人介紹，便來這裏吃晚飯。自己很喜歡吃小籠包，見這間上海菜便想試試看。見裏面的人像是街坊，雖然是下雨天但是晚市也挺熱鬧。地方比較小需要搭枱吃飯。一叫小籠包幾分鐘後便上枱，見皮比較厚身，跟上海本地製作的小籠包有點相似。本人的口味比較喜歡薄皮的小籠包，但見不是買入的冷凍小籠包便試試看。皮比較厚身，裏面沒有太多湯，吃下覺得小籠包應該是放了一陣子，有客人才熱熱它上菜，所以裏面的湯也全被被吸收了。偶然有一個小籠包的皮沒有全吸收湯汁。對這個小籠包比較失望。那樟茶鴨也上菜了，口感有點像 smoked duck，不錯但味道比較淡。有些肥膏比較口的地方有點兒鴨的臭味，不大喜歡。可能其他小吃會比較好吃。但這兩碟菜沒有令我眼前一亮。

去完石垣島, 仲未回魂甘, 仍掛住石垣島的陽光與水平線的海洋。  決定唔食日本野, 想食下上海野.....搵左個舖仔細細的去醫肚了。 1) 酸辣漡麵 : 我地三個人一人一碗, 食左跺味道好夾, 辣辣地, 又唔會好搶瘧酸味, 好好食小龍包 : 包內肉汁, 唔會流哂, 皮薄, 放入口剛剛好, 食的好斯文, 唔失禮。好明顯即叩即整, 因為食落唔硬, 唔太甜粉皮 : 好好食, 配上一點都唔辛辣的醬, 一點也不, 粉皮好薄好爽口, 好喜歡食。 舖仔細細, 店員唔多, 但好有家的感覺; 靜靜地甘等食物上菜, 感覺很自由寫意, 所以坐耐左, 攪到店主要遲打洋喔!

呢排都好想食上海野，咁岩今日終於可以早D放工，所以就去左太子呢間上海菜小店試下!兩個人叫左岩岩好的份量!醉雞，味道非常濃呀，酒味非常出，D雞都好滑!酸辣湯，冇諗過係一大碗，份量可以足夠再分2-3碗!味道超正，正宗既味道，唔似出面一D大型連鎖集團得醋既酸味!排骨上海粗炒，排骨味道唔錯，夠鬆化，但粗炒味道就淡左少少，如果可以濃味返少少就好啦!鎮江排骨，初初以為係大舊D既排骨，黎到就係平時食既蒸排骨咁細粒，但味道唔錯，食落個味道好似食緊大閘蟹既醋咁我地仲有叫左菜飯同埋凍豆漿，個豆漿味道都唔錯，唔會係溝稀左既豆漿下次黎要再試下其他餸先!上海菜小店係好食過大型連鎖集團既上海菜架!

喺香港要食上海咸肉唔難，但要抵食就好難，兩個月前去試食過老雪園，2舊水，只係食到咸肉---絲而呢間小店只需要65蚊就食到大大塊仲要部位靚嘅咸肉炒年糕喇。睇相，色澤夠靚，雖然偏肥，但勝在夠大塊同入味。咸肉同清炒年糕真係perfect match黎。呢度炒功亦相當唔錯，有鑊氣得黎唔算多油，非常滿足。其實淨係一碟年糕都夠食，不過為咗多樣野寫，又叫多碗京式水餃，係白菜豬肉餡黎。白菜本身味道冇乜個性，只靠豬肉少少調味，加上碗湯亦冇乜味，食落稍嫌淡口。不過餃皮夠薄，肉汁算多42蚊碗絕對係中上水準喇。環境就唔算好坐，一個人食幾乎一定要搭檯。呢一次去，杯茶仲有極濃烈洗潔精味，食完想飲啖茶「浪」吓口都唔敢，扣咗啲分。間野晚市要收加一嘅，埋單120有找。中意食咸肉嘅朋友，絕對值得黎；但係中意食小籠包嘅話，建議你搭遠幾個站，食美孚新上海喇。

我細細個嘅時候，爸爸已經成日帶我去食上海菜，而且佢對舊式嘅上海菜館特別情有獨鍾！所以趁就嚟父親節，就帶佢嚟呢間好似唔錯嘅上海菜店試一試小店差唔多晚上六點半先開門，未開門嘅時候已經有好多街坊喺度等緊。裏面嘅位置唔算多，最大嗰張枱到係緊緊夠10人坐。所以舒適度來講就一般。重頭戲當然係小籠包啦！但係呢度嘅小籠包係最令我失望嘅皮較厚，而且冇乜湯汁爸爸話呢個盤龍卷，要陪下面呢個上海小菜先夠正宗。但其實炸饅頭我都係比較覺得配煉奶好啲半隻醉雞-正鎮江排骨-好味！最後一個甜品豆沙鍋餅-個人覺得比較流總括嚟講，呢間上海菜價錢中等，舒適度一般，味道還好，但勝在老闆夠人情味鍾意舊式嘅上海菜都可以黎試下。

同朋友唔知食咩餃子 小籠包 點心..最後揀左小籠包..7點去到 唔洗等位＊無咩人一人叫左一碗麵＋小籠包＊2個share正宗酸辣湯麵 $60 －普通等左好耐先黎..送黎既時候..我個朋友都已經成碗擔擔麵食哂個麵太硬..酸辣湯淨係食到豆瓣醬味..每啖都有豆瓣醬既辣椒好普通牛展擔擔麵 － 普通好濃花生醬味..牛展好入味..小籠包 有5隻 －普通平時會用醋＋薑絲..e度用左薑蓉..小籠包入面完全無湯汁好硬..凍左少少仲硬到完全唔想食好彩無叫其他野 因為真係好普通..完全唔飽最後決定轉場去食餃子

行開呢頭, 見有上海野, 就即管試下. 入去聽到老闆娘講上海話, 就知道應該係正中上海野... (本人小時候係上海生活過)order 左碟豆苗, 但老闆娘話不如試下"草頭"啦, 上海空運黎... 既然係咁...又試下啦, 都幾特別, 平時少食, 有D硬, 未必個個喜歡, 但人就覺得OK, 因為夠晒飽足感, 又香口 =D仲有醉雞都唔錯, 算大份, 仲叫左小籠包同豆腐菜湯, 清清地岩晒我地. 2個人食已經夠飽, 不過想試埋個豆沙窩餅 hehe 掂! 滿足晒~

之前經過，已經想吃這間醉江南，這次中午來到。進店之後，坐下在看餐牌，店員告知，原來週末是沒有客飯套餐，那只好硬着頭皮散叫。結果看了幾項，就點了兩個本人最喜歡的中菜：獅子頭以及麻婆豆腐。麻婆豆腐先來，份量不少，大大碟，除了豆腐，還有點肉粒、榨菜、菇類，味道不太辣，拌飯相當惹味。獅子頭則等候多一會兒才來，和普通肉粒比較，獅子頭就是非常大顆，端來的時候還蓋在菜之下。但是原來菜絲下面，有兩大顆肉球，獅子頭的質感沒有那麼結實，外皮有點兒脆口，然後又有個汁蓋上，用來拌飯也是相當滋味。由於點了上述兩款佐飯相當好的菜式，因此本人也不慎吃了1¼碗菜飯🙄。

太子有間上海菜館，門面普通樸素，但在7點已經要在門口排隊。所以我和男友都好有興趣知道他究竟有那麼好吃，就一起排了~小店座位不多，所以很理解要在門外排隊呢。食物種類好多，全是散叫的。叫一杯豆漿飲是基本的吧。他們的豆漿豆味頗重又不太甜，不錯。冬天當然要吃豆苗。他炒得不太油膩，香香的，沒草青味，入口順滑是典型的味道。想吃點小食就就叫了個三式拼盤，用鎮江排骨配拍青瓜和素鵝。 拍青瓜是凍食，有麻油香味，點旁邊的醋食更加醒胃。素鵝即腐皮， 層層分明又有豆香。最喜歡鎮江排骨的醬汁既甜又酸，緊緊包裹 排骨肉，非常惹味有小籠包的地方我就一定會叫，看看質素如何。這裏的小籠包的皮可能有一點兒厚，也沒什麼湯汁，不過餡料的肉好香又軟身，挽回不少分數。主食方面我們選了擔擔麵配雲吞，湯底非常濃郁，充滿著花生和鹹香的味道。麵的份量多又爽口，雲吞大大粒，皮又滑又薄，裏面是菜肉餡料。吃上海菜又怎能不叫甜品呢，豆沙鍋餅是必叫的。即叫即做，上菜是熱騰騰的。鍋餅皮相當香脆，豆沙餡料沙沙的又不會太甜，大滿足這裏果然是街坊小店，價錢實惠，食物質素也不錯，難怪整晚都有不少客人在門外排隊！

裝飾簡撲，但食物就別有一番風味。清炒草頭店員推仲既清炒草頭，第一次遇到草頭依種菜，店員講解話草頭係上海個帶獨有既植物，所以每日係上海運草頭到香港。草頭味道偏甜，係植物獨有個種清甜味 ，有一種特殊既香氣，而且好有咬口，質素不錯。松子黃魚係電視上就見得多松子黃魚，今日終於有機會試下啦。黃魚起骨再炸到香脆，依度比較特別係將黃魚切做塊狀，就咁成塊夾起就食到啦。一條魚骨都冇，食起好方便。炸得好香脆，特別係魚皮部分好香脆，但魚肉保持嫩滑。個醬汁酸酸甜甜，有少少似咕嚕肉既醬汁，但酸汁冇咁重，唔會搶走魚既鮮味，配埋松子食好正。

喺太子地鐵站附近上完瑜伽堂，順便喺周圍搵食，地鐵站出口近太子道果頭有2間食過唔錯，其中有1間家庭式小菜好好味，不過今次想試下唔同既野，喺同一條街搵到呢度有上海家庭式菜館，入面得2張中型圓檯及幾張4人檯，店面細細，有老店既感覺，不過圓檯都大概夠坐7-8個人，晚餐時段去都保持有食客！入面既餐牌大大張貼喺牆上，有合埋眼都知道既小籠包、鱔糊、炒年糕、回鍋肉、酸辣湯等等，呢度仲有真係正統上海菜館酒樓先有既雪菜毛豆百頁，家鄉燻魚，樟茶鴨，冬笋雪菜黃魚呢D又懷舊又考技巧時間既菜式，國內會叫呢D係上海本幫菜。另外見到砂鍋類有一個叫做砂鍋腌篤鮮，呢個本身唔識係咩黎，原來係冬笋、百頁結配合豬腩肉，加上金華火腿及老火雞湯熬煮而成既湯品，應該係鹹香之餘更有鮮甜味！難得有家庭式小館肯做呢D餸，以後都可以喺香港食到！女服務員非常友善，應該係太子女，推介左清炒草頭比我地，話每年秋冬季節先有得食，3月後就無喇，仲專登從上海運過黎新鮮供應，的確我喺一般上海小館甚至連鎖上海餐廳都未見過未食過，黎到香氣撲鼻，食落味道似豆苗，口感又同豆苗唔同，感覺多D菜葉，的確獨特值得一食！我到而家隔住螢幕都回味緊呢個味道！最緊要既係呢個清

上海菜整得好食就吾會油淋淋，今日呢間醉江南雖然舖頭細細，兼要搭枱，但係菜式多之餘，上菜更是非常快手。上海酸辣湯：材料都是一般上海酸辣湯的材料，都幾正宗，不會太酸或太辣，而且濃度亦適中，不會太「結」。花雕醉雞：雞肉充滿酒香味，雞皮很彈牙，雞肉則很嫩滑，最重要是皮下不會有很多肥油或肥膏，很好味。清炒豆苗：豆苗很新鮮、翠綠，不會很油膩，食落爽口鮮嫩。三色拼盤：主要有勲魚、涼拌三絲和烤夫，勲魚整得很香脆，完全沒有腥味，也不會有太多魚骨，很出色！涼拌三絲有芽菜、紅蘿蔔絲、萵筍絲和黑木耳，感覺清淡; 烤夫則很入味；雖然這是一種涼拌前菜，但份量也不少。離坐時，菜館已充滿人流，證明這間菜館的食物質素應該是相當不錯的！

太子－雖然不及旺角的車水馬龍，但勝在有小街的寧靜，今日專程由旺角行來，只為來醉江南吃頓平實的上海菜午飯時間店內人頭湧湧，座無虛席，好在人人都很自覺，吃完便馬上埋單炸豬排麵，用蛋漿包著豬排來炸，香脆鬆化，上海麵爽滑美味菜膽獅子頭菜飯，獅子頭燉得香酥軟滑，不油膩，很正宗的煮法，配上菜飯，齒頰留香，百吃不厭午市套餐選擇多，可配例湯或豆漿將平實的食材，轉化為美味的佳餚－高手，有機會再來試試其他的菜式果真是夢醉江南烟雨中．上海佳餚在此間

這間館子鄰近太子地鐵站，很方便。而且名字太有詩意，便進去了。一坐下，就聽到好親切的上海話，讓我想起朋友的媽媽。她只會說上海話，我們每次談天都是她說上海話，我說廣東話，不知怎的又竟然溝通得到。不過放心，這裏的店員是會說廣東話的。滿牆都貼滿食物和圖片，不用看餐牌都可。鎮江排骨，$88。真的很好吃。酸酸甜甜，肉質又鬆脆，很開胃。份量很多，兩個人會吃不完。清炒草頭，$68。被它的名字吸引，原來是上海運來的，香港沒得買，而且還有季節性，冬天才有，大約三月過後就沒了。老闆娘說只灑點酒就可以炒。吃起來像豆苗，但這個更爽脆更鮮，好喜歡。鱔糊飯，$72。芽菜很鮮爽，鱔糊好新鮮，而且醬汁很惹味，拌飯吃一流！上湯小龍包，$35。這個不似出面吃的那麼多湯汁，而且皮也不算薄，不過餡料很鮮嫩。醮著醋熱騰騰吃依然很好味。吃這一頓飯，又食又打包。其實很抵食。而且格局看著很地道，我和家姐都決定下次和朋友媽來試，相信她們一定會很歡喜。

好一排沒遇到值得打食評的餐廳今晚在太子胡亂闖入的 醉江南 卻令我再有機會打食評醉江南，或許就是這浪漫的名字 和 懷舊家庭色彩的店面吸引我進去吧上海佳餚在此間午市的餐牌看起來好超值阿...可惜晚市唯有散叫了Menu 滿是各式各樣的上海菜可惜二人吃不了太多我們點了一個小吃拼盤、一客雞絲粉皮、上海豬扒炒年糕，當然少不了一客小籠包小吃拼盤有多種配塔可以自由選擇我酷愛勳魚的滋味，再拼上三絲和麵筋勳魚入味而炸得蘇香，點上少少上海醋吃最夾了麵筋夠林整個拼盤份量不少呢二杯凍豆漿 - 豆漿是上海菜不可缺的東西雞絲粉皮 - 一送到第一印像是：花生醬太多了吧囧囧但原來粉皮都堆得幾高，把醬拌到下面後就才剛好每條粉皮都沾滿花生醬的味道畢竟花生醬就是雞絲粉皮的靈魂阿粉皮夠粗，入口彈牙，重點係咁大份量都只係$5X!上海豬扒炒年糕 - 勁多豬扒雖然擺盤不如一些精緻上海菜的美，但卻是地地道道的上海味道年糕好煙- un呢如果午餐都是這份量就爽YY 了小籠包即叫即蒸，上枱時還冒著煙皮不算薄，但卻能減低夾起時穿皮的風險XD每次夾小籠包都覺得好好玩用筷子夾住小籠包的頂（因為是最厚皮的部份）放在匙羹上、加醋輕輕咬開再吸入面的汁冇