醬缸韓國料理 (已搬遷) 新店位置

飯饌有泡菜, 薯仔絲和海帶絲。泡菜不辣, 薯仔絲和海帶絲味道偏淡。之後refill了一次, 依舊是泡菜跟海帶絲, 而薯仔絲則變了豆乾。生米酒 $90店員奉上生米酒, 當面開瓶並倒進小壺。生米酒冰涼易入口, 小酌怡情。海鮮葱餅 $128海鮮葱餅煎得邊脆, 中間軟綿, 材料有魷魚, 蝦和韭菜, 但量不多。炒粉絲 (牛肉) $98炒粉絲有很多椰菜, 但牛肉相對很少。粉絲味淡但香。人蔘雞湯 $148店員放下人蔘雞湯後, 特意放下一瓶調味粉, 一嚐之下, 原來是鹽！人蔘雞湯味淡且稀, 怪不得要提供調味鹽予食客調味。雞肉量多, 已斬件, 大件且肉質偏實, 唔滑唔嚡, 人蔘頗幼只有數條, 本身味重, 但未能滲於湯內。整體來說, 訂價進取, 食物味淡, 質素一般, 始終與在韓國吃的質素有一定差距。另一扣分位是當我們用餐途中, 店員經常問係咪差唔多, 後來更遞上賬單要求埋單。我們明白生意艱難, 門口有人等位, 總想食客快快食完結賬離開。但我們還有很多食物還未食完, 甚是趕客, 真心想說"今時今日咁嘅服務態度係唔得架"！

唔洗book 直接walk in 個醬油蟹真心唔特別 首先我覺得唔夠入味個醬油淡左d 蟹膏唔多 食落overall感覺係淡而無味 大家一直話加紫菜飯好食 其實我想講個紫菜飯本身就好惹味 咁你撈咩落去都好食架啦 😂吹到天上有地下無咁 我見咁多好評包冇死 點知好失望 之後叫左個辣海鮮豆腐湯 又係相當平融 得兩隻蝦咁大把 死辣又冇鮮味 比我預期差好多坐又逼 成日比侍應撞到 差點跌左碟蟹落地下.....廁所又成地都水又污Jo...總之就冇下次P.s: 呢間野既菜式唔多 選擇有點少

情人節女朋友一早講好想吃醬油蟹，於是早一星期已經book好位，員工雖然講唔正廣東話，有少少韓音，但都非常有禮同耐心聽我講野同介紹我食醬油蟹，幫我留定一份，十分窩心當日一去到，門口仲有好多人等位，員工會比預先book好既人入去食先，坐低就立即上個醬油蟹，每份都跟個紫菜飯，個蟹正到同韓國食既冇分別，個醬汁好味到癲，可能係全香港最好食既醬油蟹，價錢二百幾蚊，足2個人食，合理。另外，仲叫左個海鮮豆腐湯，勁辣一定要叫飲品。整體來說，會再來吃，適合叫多d朋友一齊來分享好味既蟹。

剛好於這條街附近等朋友剪髮，結果睇下openrice有咩好食，結果見到呢間韓國餐廳是入圍食店，就好想試一下！見佢有醬油蟹食。可惜只有我2個人，所以就無試！但見門口貼左好多報導有關醬油蟹！入到舖內，餐廳唔大，裝修感覺都好似韓國既地道餐廳！店員都似乎講韓文！一黎到就俾左3碟前菜，泡菜、薯仔絲、海帶絲！超好內食，薯仔絲帶少少似麻油既醃料；薯仔絲同海帶絲一樣咁爽口！食完一碟都忍唔住問佢拎到一碟添加！開頭一睇就忍唔住炸醬麵，見佢既外貌好似濟洲既地道炸醬麵！麵條好彈牙，醬料帶豬肉塊、洋蔥、脆肉瓜為主，大量洋蔥，開頭食頭幾啖麵覺得好好，之後就覺得好膩！醬料有點油！不過都算ok!海鮮薄餅都好味，不過海鮮唔算多。但剪得好脆。厚薄度剛好！有好特別既醬料，有醬油加洋蔥！餃子年糕湯餃子是韓國餃子，類似平時超市都有得買那一種！個湯好有胡椒味，再加左紫菜，真係幾好味！仲有年糕，可以好有韓國風的感覺！每一個餸都做到韓國既地道餐廳既感覺！而且好大份！👍🏻👍🏻😋

We went in for lunch on a weekday, having already ordered when queueing outside. Into just over 20 minutes of dining, the staff suddenly told us using an extremely disrespectful and impolite tone “let me tell you, do you know there are a lot of people queueing outside”. I was like ok I would try to eat faster (even though we weren’t deliberately eating slowly at all, I had been eating using natural speed all along, the kind of speed that even works for Australian Dairy Milk) and I became very d

朋友去完韓國好掛住醬油蟹味道 一搵就搵到呢間舖頭！ 見到部分人都book左位預留埋蟹同蝦 我地都預訂埋 避免無得食🤫book左星期四730 門口已經有好多人walkin/reserved 但係我地未齊人 就要等到齊人先入得😭 職員會confirm你預約左既食物同份量 入到去已經815左右 地方淺窄 人手不足 所以可能職員忙到無時間理你太肚餓同掛住食醬油蟹關係 有部分既食物無影到相5個人嗌左以下既野 一千六蚊左右 飽到上心口🤭😂預訂左關係 一坐底放好左小菜之後主角醬油蟹已經上菜！ $348/2隻 （配紫菜飯）勁多勁多勁多蟹膏！ 急不及待一人拎住一隻食！ 一啲都唔腥！ 蟹鉗既位置 本身已經開左少少 食得好方便！醬油蝦（配紫菜飯）$258蝦身已經無左蝦殼同切開左 方便食！ 兩個朋友都嘗左蝦頭 話一啲都唔腥！ 係香港食生蝦仲要唔腥已經好幸運！不過我覺得有少少過咸 蓋過左海鮮味道蒸排骨（配白飯） $158除左醬油蟹蝦 呢個我覺得係必需要嗌！ 排骨勁入味勁淋！ 仲有白蘿蔔同紅蘿蔔都入晒味！ 韓式豬手 $248不太建議點豬手 雖然大大份 但因為太乾太凍 唔係特別好食同有味道水冷面 $98不過不失 份

I got here at 1:45pm and don’t have to wait! They gave me 3 side dishes: kimchi, potato, and algae. Tbh, I was hoping for more side dishes 😅 I ordered the beef stone rice pot and when it came out, it was steaming hot 😮 I mixed it up and had to wait for a bit for the dish to cool down cuz when I tried eating it at first, I burned my tongue 😅 There was spinach, carrots, potato, seaweed, beef, and egg in the bowl. The stone pot rice was really good, but it would've been better if there was more bee

呢間韓國小店比較細，座位唔多，晚上黎都要等位同埋醬蟹有機會賣哂，建議先打去預約同留定醬蟹。•🦀生醬海蟹 （$258/2隻）已經食過幾次，醬油蟹都係好多蟹膏😍蟹肉超鮮甜，醬油腌得岩岩好夠味唔會過鹹，配上🍚紫菜飯係絕配👑拍得住係韓國食既質素👍🏻CP值超高————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️💫味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️

平日夜晚，坐埋最後一台，之後既要等位了。坐位不多，台與台之間亦十分迫。店員要遞食物到最入張台，坐出邊既2台要企身讓位。點左拉麵炒年糕年糕份量好少，最多10條咋拉麵煮得比較淋亦唔夠熱，味道唔算辣。仲有原隻雞蛋同椰菜。泡菜餅都係唔夠熱，餅邊都脆，唔算好粉亦唔會好油。都大份不會有下次了

朋友介紹我去食，真係冇介紹錯👍醬油蟹一定必點🤤鮮甜冇腥味醬油不太鹹，重點係好多蟹膏，送飯一流，好好味😋另外叫左海鮮芝士炒年糕也有驚喜，好多芝士😍年糕好有口感五會好腍。

鐵板辣豬肉，正！上一次同朋友一齊食拌飯，見隔離張枱有２個人都叫左《鐵板辣豬肉》，已經心思思想試，今日突然出開佐敦就自己走入去試下啦！雖然午市時間，但因為１個人食，唔駛等～１個人依舊送上３碟泡菜，叫左個鐵板辣豬肉，一送上黎熱辣辣既感覺好正！我見隔離枱加$10有碗大碗紫菜飯，雖然好吸引，不過好大碗，我都係決定食返白飯。依度既白飯就咁食都好好食！粒粒都好飽滿！然後就咁望住個紅噹噹既辣豬肉，未食已經好吸睛！！本身睇佢個樣以為會乾身，但點知，唔乾呀！味道同肉質都一流…而且個份量係岩岩好送哂碗白飯…講真…佐敦區$50食到依個份量同依個質素…個人覺得好抵！而且依個味道…係當我回想既時候，會有衝動出佐敦再食一次架！！

夜晚9點去到依然系滿座就可以睇得出醬江有幾受歡迎!!!唔記得左影前菜TIM, 前菜有三碟, 薯仔條、泡菜和豆芽....薯仔條超級好味，甜甜地爽口好開胃雞肉石鍋拌飯 <$68>嗌左個雞肉石鍋拌飯，味道偏淡，不錯吃。雞肉系碎粒上，方便食客撈埋D飯食，攪完之後啖啖飯都食到菜同肉，好好味 年糕餃子湯 年糕餃子湯 個湯底幾清幾好飲，餃子有五至六粒，吾算好大粒，年榚分量都唔算好多食完唔系太飽，相比起雞肉石鍋拌飯，呢個餃子湯性價比相對低><overall，想食正宗又唔太貴的韓國野，醬江系個唔錯的選擇

呢間聞名好耐了, 以前係附近讀韓文, 韓國miss阿sir都話呢間好正宗,成日推薦我地去食~但係本人唔食生既醬油蟹, 就試下佢其他野食啦~同朋友嗌左海鮮煎餅同埋人參雞, 海鮮煎餅煎得好香脆, 唔會覺得食到成口粉既感覺,仲有魷魚, 蝦, 大量香蔥, 都食得出幾新鮮, 之後再點埋餐廳特製既汁, 酸酸地幾開胃, 隻味我記得同韓國差不多~果然夠正宗啊^_^ 因為佢唔會好粉食完一塊再食多幾塊都唔怕好濟~ 跟住就上人參雞, 好香好清甜, 人參味都幾夠,之前食過好多餐廳, 一係無味一係就好多味精, 呢隻就唔會, 飲落都幾舒服~至於雞真係超大隻, 岩哂我地兩個大食妹食~ 仲要一D都唔鞋口, 非常唔錯^_^原本仲想嗌多碟野食, 不過隻雞真係大隻到, 已經飽哂喇~

去過幾次 今次終於「的」起心肝寫食評😋😆一入去9秒9 已經會有頭盤 有泡菜 薯仔條 海帶 唔食辣嘅朋友 可以叫佢泡菜換 薯仔條或者海帶 我個人覺得海帶好食啲🥬第一次叫鐵板牛肉 佢有跟一碗飯 個人認為佢個牛肉非常好 有少少甜味 唔算好肥得來 又唔會太韌 再加埋甜甜嘅洋蔥 粒粒分明嘅白飯 真係好正！😍第二次叫炒粉絲飯 個炒粉絲唔錯 唔算油膩 白飯都好多 有一碗嘅份量 個人就認為 兩個唔係太配 如果可以only一碟粉絲咁樣上 就會更好😆第三次去叫石頭鍋飯 個人覺得佢個石頭鍋飯太熱 擺好耐都熱 熱到食唔到 然後好熱嘅感覺 令到食唔出味道 🥵第四次叫牛肉拌飯 拌飯都唔錯 比起石頭鍋飯佢係唔太熱 好食得出每種食材嘅味道 有一種淡淡的鹹味 令我食得出味道 但係又唔會蓋過其他材料的味👍🏻👍🏻👍🏻個老闆娘係韓國人 佢態度唔算太好 餐廳有少少迫 食得唔太舒服 不過最緊要都係食物嘅味道😋 而我覺得呢間餐廳既食物做得非常好😆

去完韓國旅行返黎，好想重尋旅行當中既味道😂就諗起醬缸！同朋友一人叫左一個拌飯，我食雞肉，佢食牛肉。其實肉既份量唔多，係得d肉碎，不過我地唔係志在d肉，而係佢韓國既風味😂一坐低店員就會送上三小碟泡菜！薯仔絲好好味！個飯一黎到，正！加左d韓式辣醬落去一齊撈！喜愛韓食偏辣既我..加左辣醬之後更得我心😂份量好大！好耐無食過咁多飯，不過因為太好味所以忍唔住食哂😂題外話係飯市時間要齊人先入得！不過又講真，店仔細細你唔齊人入去先等又真係阻人做生意！$50一大碗飯加泡菜，又抵又好食！誠意推薦❤️