醬缸韓國料理 (已搬遷) 新店位置

韓式炒粉絲每次必叫！海鮮豆腐湯+白飯送上枱時仲滾緊，熱騰騰。辣豆腐湯正！燒肉（左五花腩+右牛小排）上碟已經煎好俾你，個人較鐘意牛肉，好鬆軟，加埋個醬用生菜包好食，不過生菜要另加$38。芝士海鮮年糕最鐘意芝士加年糕同魚糕，要趁熱食，凍左芝士黏埋一舊。餐廳話限時個半鐘，加上好多人，未坐夠個半鐘見你食完已經塞張單趕你走。人多坐得比較迫，只可以講勝在食物味道搭夠。

呢個韓式醬油刺身蝦﹏真係不得了。加埋個紫菜飯﹏簡直殺晒。下午抵食無加一﹏兩個紫菜飯加碟醬油刺身蝦﹏$272攪掂﹏下次試埋個醬油刺身蟹﹏真係好鮮味﹏啲配菜又好食﹏

話說有位朋友他覺得這裡的醬油蟹很好味，我們便去呢間醬缸韓國料理餐廳店度試下，去到門口覺得好似好出名咁，有不少有名人的合照，我就更加期待。由於當天唔係很肚餓，便只叫了一碗友人推薦的大醬湯和叫了一個燒五花肉黎食。首先上左碗大醬湯，我覺得所謂大醬湯其實姐係味增湯，冇乜特別但$70左右的價錢就有d不值得。之後上左份五花肉，由於係店家燒嘅，所以出黎就直接食得，食嘅韓國五花肉都知要包生菜架啦，咁就叫一份生菜，點知唔係免費不突止，仲要收$38。咁可能佢係用d好靚嘅生菜呢，懷住咁樣嘅心情我地終於等到籃生菜，生菜只有6片左右，偏少。但係最誇張的是食到第二塊發覺有d類似濕左嘅紫菜，果陣冇為意，之後果塊明顯比人折斷過黎，第四塊仲有d大豆醬喺上面，睇黎呢d菜都係人地食剩的，同服務員講佢只係快快手手同你換過碟，冇任何說明與賠罪，依家d餐廳嘅食物衛生實在令人堪憂。

三號波落左，打風唔成，落雨。在這種潮濕天氣，食辣野肯定無得輸。朋友誠意推介佐敦韓式小店。橫掂出地鐵只係一鐘路程，就坐幾個站來試試啦。午餐比起其他餐國餐廳選擇多好多，價錢由$48起，不設加一。不過值得留意，午餐只收現金。自從電子支付出現後，我銀包現金唔多。好彩價錢抵，我仲夠俾錢，如果唔後要大雨下去atm都幾狼狽。食物泡菜豬肉窩好濃泡菜味，酸酸辣辣好正。好多泡菜，d豬肉好淋。呢個韓式拉麵炒年糕，味道略甜。不過我都好鍾意。隔離枱都有叫，佢地叫左小辣，顏色無咁紅。食完個人好暖，岩晒日日去冷氣好勁的office返工的我。環境：店仔細細，枱很多，好易聽到隔離的食客傾計。店舖設計充滿韓國色彩。收銀機附近貼左韓國小朋友的成長照同家庭照，令間鋪更有家的感覺。服務：全部店員都貌似阿豬媽。有少少阿媽的氣場。出菜好快，唔洗5分鐘。食食下，有個客人在店裡滑到，佢地都即時問候。阿媽始終係好識照顧人架！價錢：以食物味道來說，好經濟，又無加一。

呢間鋪頭好細，一定要book枱先食到專登黎試佢醬油蝦，好好食新鮮。佢其他小菜，鍋都好食不過質素同價錢不太合比例，食物一般但價錢中上。第一次飲韓國米酒 好難飲，哈。佢既泡菜煎餅好好食。。。

前幾日同朋友仔去食夜晚飯,去左佐敦既哩間韓國餐廳度食,之前聽朋友仔講夜晚好多人,好彩我地早去所以呂使點樣等位咋我地兩個人叫左一個部隊鍋,醬油蝦,海鮮煎餅先講個部隊鍋,味道濃郁,材料滿滿一大鍋,辣度對於我黎講算係微辣,因為本人都算食多幾辣海鮮餅我覺得一般,冇咩海鮮味醬油蝦『一級棒』,食材新解,蝦既SIZE算係中型SIZE,咸味岩岩好,醬油撈埋個紫菜飯無得彈,最好既就係佢會幫你剪埋同剥埋殼,食落十分方便。

響香港要食醬油蟹梗係要嚟醬缸啦！但成日都Bk 唔到位，walkin又未必一定食到蟹。。。今次終於bk到喇，當然留埋一份蟹啦！雖然三號風球，無損食蟹雅興，同朋友坐低極速㨂完喇嘢食落單！雖然鋪頭細細，坐得唔係太舒，但勝在味道搭夠，醬油蟹果然名不虛傳，我相信我好快又會搵腳去食喇？

真係為咗佢嘅醬油蟹同醬油蝦而嚟朋友介紹，終於有機會試到，韓國阿豬媽主理，真係無得輸連我呢個腸胃超唔好嘅人食咗都無事，證明夠乾淨啲蟹膏入口勁鮮甜，完全唔腥，擺落口啜哂啲膏同肉就已經極速放一大啖紫菜飯落口，正到唔識形容個蝦又會俾您手機食完先幫您剪開一段段，方便食用，一樣配紫菜飯送上，個蝦肉爽口夠鮮味，反而我就另類啲，我覺得個蝦頭仲正，啜啲蝦膏都唔會苦其他熟食就同一般韓國餐廳差不多，我哋嗌咗個大醬鍋配麵，味道都唔錯，開住個爐嚟食p.s：星期一至四可以訂位，其他日子就要walk-in，而且仲要齊人先可以入去坐，大約2個鐘左右就會笑笑口叫您埋單，所以唔可以坐得耐

今晚同朋友嚟佐敦搵食，約咗喺呢間韓國菜餐廳食飯聚舊。本來朋友就諗住book枱，但原來星期五六係唔比book枱嫁。所以我地就早啲去拎位，而且要人齊先入得！坐低既時候七點都未夠，朋友就話好想試下醬油蟹。我地最後叫咗一份蟹(兩隻連一碗紫菜飯),乍醬麵，無骨牛肉，同埋一支初飲柚子味。一坐低就有人放低咗啲前菜。蟹好快就上枱，味道一流！但始終係生海鮮，腸胃唔好既記住要留意。接住牛肉同乍醬麵都陸續上枱，味道唔錯嫁，野食算大份，牛肉幾淋同入味，乍醬麵算大碗，但冇咩肉，淨係多瓜。特別想提下大家，呢到間餐廳入面特別細，但同時放唔少枱，所以唔好諗住可以坐得舒服同慢慢食。但整體上野食就幾好味既，可以試下。

想食醬油蟹好耐，聽朋友講呢一間嘅醬油蟹好食，所以去食一次睇下佢龍定係鳳👿我同男朋友兩個去，叫左一份醬油蟹（配埋紫菜飯）、一份海鮮煎餅，岩岩好飽度😋😋😋個蟹一份有兩隻，醬油好香唔算太咸，岩岩好😘😘每份蟹跟一碗紫菜飯，再有小小配菜咁，再加埋個蟹膏一齊食，真係不能以筆墨所形容😭😭😭😭😭😭好好味呀真係！真係齒頰留香～～唔是說笑！唔食走寶～個餅即叫即煎，一拎上枱熱辣辣🤤煎得好香口～出色！講多無謂，行動最實際，你地快啲去試下啦！冇收廣告費嫁😂😂😂

This Korean restaurant is located in Jordan, but also having another branch in Wanchai. Coming to the original one on the Kowloon side, we were fortunate that we came early and also made reservations as the restaurant is quite small and already full of customers.Seated at a small table, the environment cannot be called comfortable, with the space very cramped and everyone squeezing on each other. The restaurant is famous for its raw crab but since my wife didn't eat those we just went for the tr

專誠來這裡食醬油蟹，可惜朋友肚子不舒服唯有食下其他東西啦～下次一定要食醬油蟹！例牌有三碟韓國前菜，泡菜就幾乎係一定有，但為什麼有冬菇呢？有少少奇怪咁～食具和水杯都有韓國書法寫成的字早排天氣較凍，點了熱騰騰既海鮮泡菜豆腐鍋個鍋真係滾下滾下咁，暖笠笠，泡菜湯唔spicy, 非常易入口。又有韓國風味金菇同豆腐本身都冇味的，浸左泡菜湯，即刻非常yummy seafood 種類也算多芝士年糕是我食過咁多韓國菜館弄得最好味既～

難得到佐敦本來想食澳牛，點知超多人排隊，全部都係國內人⋯⋯唉，等都半個鐘，附近咁多餐廳即刻行個圈，搵到間食韓國野，重點唔洗等，放假簡單食個午餐都排死多沒趣！其實都差不多坐滿人，餐廳內大約有三十幾個坐位；食物種類唔算太多，6頁紙睇哂；但最基本既石鍋飯、參雞湯、炒年糕⋯⋯連醬油蟹都有，但要2日前先預訂叫完野食就拎左3碟泡菜，食完問侍應話唔可以添；辣泡菜味道唔錯，唔會太辣；大豆芽同薯仔就偏油$48石鍋拌飯可選 牛、豬、雞、海鮮，我就簡左雞肉，黎到唔知點解變左肉碎。。。石鍋上原個熱辣辣，大豆芽、菠菜、紅蘿蔔、紫菜加埋飯一齊撈撈撈….超開心,不過要小心石鍋真係邊好熱，旁邊有少少變左飯焦，好味😋$58炸醬麵；味道好正宗同我之前係韓國食既好似,,裡面仲有青瓜,翠肉瓜,,洋蔥;味道唔太咸，麵條都好煙韌總結黎講價錢合理，味道不錯而且食物足料，同埋真係見到好多講韓文既韓國人都黎食，所以之後都可以再黎食😋👍🏻

食過好多間韓國餐廳，呢間感覺目前俾我覺得最好食。環境都無特別，都係掛幾幅韓國畫，都算乾淨。座位比較迫，係好唔方便，坐入面出出入入都阻到人。枱面叫兩樣野食基本係滿哂整張枱，好麻煩。食物好好食，佢出名係醬油蟹同蝦。但因為第一次食，所以試左其他野先，睇下係咪伏。好彩都唔係，所以下次會再嚟試醬油蟹同蝦。價錢嚟講，唔算貴。比起尖沙咀果啲，個人覺得價錢與味道算是一致。今日去好彩唔算多人，平時都有見人排隊。所以人少先去會好好多，否則內面真係好迫好唔方便，坐得食得都好輪盡。

到韓國旅行必食，在香港的韓國料理，如menu 上有的話必定會點 - 這就是醬油蟹！🦀之前喺韓國食醬油蟹，是相對比香港便宜，但味道不是太突出。在香港的韓國料理，醬油蟹一般是比較貴，而且蟹都是細細隻，誇張講句，一啖就無了。但喺「醬缸」既醬油蟹是中size 的，還有好多膏，仲好好味道添！難怪這麼有名！👍🏽👍🏽👍🏽 另外，都有點紫菜飯，但這個只是一般般。由於這裡地方有點小，不是可以舒舒服服坐，所以很快食完很快便離開了。